ترشيح مقاول جيد لهدم و إعادة بناء منزل بالدفنة

[مــاي ورد]

صباح الخيررر


ارجوا إفادتي بمقاول جيد لهدم وإعادة بناء منزل الوالد من تجاربكم وخبراتكم على ان يكون السعر مناسب وفي حدود المليون

حجم البناء 775

حجم الارض 870

بتشطيب او بدون تشطيب


هذي بعض الشركات اللي شفتها على اللوحات لبعض البيوت اللي مازالت تحت طور البناء

شركة دامسة للتجارة و المقاولات

شركة القادسية الهندسية

انشاءات الايمان الخليجية

الفتح العالمية للمقاولات

الاتحاد القطري للمقاولات

شركة التحالف الخليجي للعقارات

الافغاني للتجارة

والجزيرة للمقاولات

[شموخ دائم]

,

,


مرحبا

موفقين يارب

لو حددتوا اسم المنطقه الي فيها المشروع
راح تسهلون على المقاولين التقدم للمشروع او لا
لان كل منطقه تكون قريبه من مشاريع للمقاول او قريبه من معداته او سكن عماله
راح يفضلها او بعيد عن منطقته ما راح يتقدم
وياريت التركيز على سمعه الشركه
ومدى التزامه قبل السعر
واذا حصل السمعه الطيبه والسعر المنخفض
يكون خير وبركه

اتوقع هذه المساحه ما بيقل السعر عن مليون و200
هذا توقع بس والخرائط هي تحكم بحجم الكميات الي فيها والديكور


بالتوفيق لك

,

,

اخوك


شموخ دائم

[الواافي]

عندك شركه
جولدين سكوير للمقاولات

لافغاني للمقاولات

فيرست كلاس للتجاره والمقاولات

شعاع للمقاولات

[مــاي ورد]

اي وحده منهم الآفضل وعن تجربة

شعاع اكثر شي تصميم خرايط ما شفت شغلهم في البناء

[باتريوتP]

سلام عليكم ورحمة الله وبركاته
من باب النصح
مساحة البناء لايمكن تحدد سعر البناء
لابد من الخرائط عشان كميات الحديد ونوعه والخرسانات والديكورات الخراسانيه وكميات الطابوق ومساحة البلاستر لان الغرف الكثيرة تزيد من مساحة البلاستر والصبغ وغيره
للحساب الدقيق لابد من الخرائط ودراستها ومن ثم توقيع العقد
ولكن تحديد السعر بمليون بدون خرائط هذا جدا صعب لان المبلغ يجوز اكثر ويمكن اقل
بس اعتقد بيكون اكثر لان حاليا على الي موجود وارتفاع اسعار الايدي العامله بالذات صعب بمليوم بمساحه 775
ولكن هذا ما يمنع انه قد يكون بالفعل البناء يكلف مليون او 950 الف ولكن بعد دراسة الخرائط
تحياتي لك

[طيف عابر]

مرحبا اخوي شخبارك وموضوعك جدا طيب لعدة نقاط اولها اسلوب الشركات المحلية والعربية بالتعامل من تاخير وقت وغيرها
انا ارشح شركة اسمها ID Qatar مصداقية بالتعامل والتزام بالمواعيد
من اعمالهم
بناء فندق W
فندق اخر تحت التشيد ما عرف اسمه
فلل ومجمعات بالغرافة صوب نادي الاتحاد

[رذاذ]

ربي يوفقك بالبيت وعن تجربة عندك شركة الابدال للتجارة والمقاولات التزام وسعر جيد وبخوصوص الخرايط المقاول بيخلص لك كل شي وسعر منافس للسوق بالبناء ..
بطرش لك رقم صاحب الشركة والمقاول . وعسى اتوفق معهم

[ولد العرب]

شركة بن براك مقاول ممتاز ((قطري))شغال في بيت الورثه بالدفنه ماقصر معنا

[عازف]

صباح الخيررر


ارجوا إفادتي بمقاول جيد لهدم وإعادة بناء منزل الوالد من تجاربكم وخبراتكم على ان يكون السعر مناسب وفي حدود المليون

حجم البناء 775

حجم الارض 870

بتشطيب او بدون تشطيب


هذي بعض الشركات اللي شفتها على اللوحات لبعض البيوت اللي مازالت تحت طور البناء

شركة دامسة للتجارة و المقاولات

شركة القادسية الهندسية

انشاءات الايمان الخليجية

الفتح العالمية للمقاولات

الاتحاد القطري للمقاولات

شركة التحالف الخليجي للعقارات

الافغاني للتجارة

والجزيرة للمقاولات

شركة صقر استاليون للتجارة والمقاولات شغلهم ممتاز،،بنو بيت الوالد في الدفنة قرب دوار القوس وشوف البيت بعد الدوار وانت رايح صوب الاشارة

[عازف]

شركة صقر استاليون للتجارة والمقاولات شغلهم ممتاز،،بنو بيت الوالد في الدفنة قرب دوار القوس وشوف البيت بعد الدوار وانت رايح صوب الاشارة
ورقمه طرشته عالخاص

[kayed]

ارشح لك شركة عبدالله الناصر للتجاره و المقاولات

شركه منافسه للشركات الموجوده و شغلهم بامانه و صدق مافي لف ودوران

و انا و اخوي و الوالد بيوتنا جنب بعض و لله الحمد سلمنا البيوت قبل انتهاء المده ب 6 شهور

و الشركه عندها مشاريع في مناطق في الدوحه منها ام عبيريه و الوكير و عين خالد و السيليه

و ماشاالله عندهم مجمع سكني و بصراحه صاحب الشركه ما يقصر حتى لو تم الانتهاء من اي

مرحله ما يوقف الشغل لغاية الدفعه ما تنزل يواصل الشغل و ماشاالله عليه امين و اهم شي

عنده سمعته قبل كل شي و الرجال قطري برسل رقمه و رقم المهندس و اعتقد ان راعي

الشركه بيروح الحج ف مادري ان كانه موجود و الا سافر

[yesno]

هذا رقم واحد مهندس لبناني اسعاره حلوه رقمه 55767480 اسمه علي شفت بنيانه في الذخيره شغله حلو

طبعا اذا ماحصلت للحين

[حياتي]

انا تعاملت مع شركة بعد بحث عنها مطول حتى لدرجة سألت عن الشركة في المحكمة اذا عندها مشاكل والحمدلله مافيها ولا شي وانا اتفقت معاهم لان شفته شغال في كم بيت حق الربع وشغله عال العال وجنسيته باكستاني وبدى في بيتي شهر 5 الي طاف والحين انشاءلله بيصب الدور الثاني مع المجالس والملاحق الي برع وصراحه حتى لو انا تأخرت بالدفعه والله انه شغال عادي ومقاول امين وممتاز وسعره ممتاز بعد عطاني على مساحة البناء 890 متر بمبلغ 800 الف ريال للعظم
شيك الخاص لو تبي رقمه وبعد لو تبي اتشوف بيتي انا بيتي في نفس المنطقه في عين خالد