مرت الولد وزوج البنت ............. !!!!

[ريتويت]

السلام عليكم والرحمه
شلونكم وشلون دنياكم
مشتاق لكم
يا عسا ربي يسعدكم ويوفقكم يا رواد هذا القسم
موضوعي اليوم عباره عن سالفة بقولها لكم
اليوم كنت أتجول في عالم النت وإلا أطيح على موضوع
أثار استغرابي ودهشتي << متعوب عليها ترا
موضوع غرييييييييييييييب بجد
ندخل في السالفة الرجال يقول عن نفسه إنه جد
وعنده ولد متزوج إلى هنا تمام
المهم ذا الرجال مستغرب من غيرة زوجته الي يشوفها في غير محلها
لأنه مرت الولد تتلطف معاه بهدايا واحترامها وكذا
الي قهرني وزاد الطينه بله إنه يقول لها يا حبي لك !!!!! ومن ذا الكلام
ما أدري مو عدله في حقه وبالله لو سمعه ولده ايش بيقول له وهو يسمع كذا
المهم هذا كله وهو مستغرب من سبب غيره الحماه من مرت ولدها
طيب معاي أنتوا ألحين !
المهم أكمل يقول في موضوعه أحد قريباته ومحارمه قالت له يا فلان
تخيل عندك بنت ومتزوجه وزوجها يقول لحماته الي هي زوجتك يا فلان
يقول لها زي كذا ويا حبي لك هنا استنكر واسترجع وعرف حجم الخطأ الي هو فيه
ومن ضمن الردود في الموضوع
كتب واحد وقال يا جماعه أنا أعرف أب خلع بنته من زوجها بسبب إنه زوج البنت الوقح
كل ما جا البيت سأل عن خالته وين خالتي بسلم عليها
ويروح لها المطبخ ويضحك وياها هنا عصب الأب والحل إنه خالته صارت تتغطى عنه
ناس غريبة وأشياء غريبة وتجاوز للحدود الله يكافينا الشر
ما أدري ايش أعلق وربي لأني مصدوم من قراءتي للموضوع من الظهر
أترك التعليق لكم
في أمان الرحمن

منقووووووووووووووووووووووووووووووووووووووووووووووو ل:nice:

[@north_star@]

مرض نفسي وضعف في الوازع الديني للبعض مما يؤدي الى تلك التصرفات الغريبة والشاذة في بعض الاحيان ....

[بوحمد111]

قله الحياء والوازع الديني وراء هذه الاسباب

الله يهدي الجميع

[chillis]

اذا النيه صافيه مافيها شي اني اقول لابو زوجي فديتك ولا اني احبه كاب لي حسب النيه ومافيها شي اني اهدي ابو زوجي هدايا تقديرا له محبتي لهم من محبتي للزوج بنرد ونقول حسب نيه ابو الزوج او زوج البنت

[Dana’1]

ان كان الاهل قاسين...قالوا فيهم كلام جارح وطيروا الدنيا
وإن كان حليون ..وكلامهم معسول ...قالو مب زين !
شلون يعني

ابوي ...يمدح مرت اخوي ويناديها بأسمها الدلع..ومرات يسأل امي اذا فقد طلتها ..يوم كانوا معهم بالبيت وسيرت عند اهلها يقول أجل وين ... مثل ما ينادينا احنا يا بناته بإسم الدلع ..وامي ترد عادي ...ولا تفكر بشي سلبي
يحبها حب احترام ...لانها تستاهل وجة بشوش وسوالف وعلوم سنعة..عسى الله يتم عليها اخلاقها ويحفظها ويسخرقلبها لأخوي ويسخر قلب اخوي لها...آمين يارب العالمين

يعني الواحد ما يشك من مجرد الكلام او انه يحب يسولف مع احدهم..يمكن سوالفة تجيب العافية وتونس وعيارة
وبنفس الوقت مافيها قلة ادب وابتذال!

وعلى فكرة..كلمة ياحبي لك...هذي تنقال ياكثر ما اسمعها تنقال بالمدرسة وبغيرة دارجة كثير عندنا بالسعودية
حتى لو مافية ذيك العلاقة القوية...بس لان في ناس من اخلاقهم تفرض عليك حبهم وما تتحسف تقول ياحبي لها او ياحبني لك!
عادي جدا جدا جدا


الا اذا كان االي حاصل بينهم فعلا خارج هالنطاق
كعلاقة مثل هو بين الزوجين
و وووهذا الامر فعلا هو المرضي...الله يكفينا واياكم شر هذة النفوس،،آمين يارب العالمين
وصلي اللهم وسلم على نبينا محمد وعلى آله الطيبين الطاهرين وصحابته الغر الميامين
والحمدلله رب العالمين

[همسه]

عادي جدا اب و ام الزوج ينعدون اب و ام لزوجة الابن و العكس صحيح

مافيها شي ابد ان ابو الزوج يحب زوجة ولده مثل بنته او حتى اكثر اذا هي تبره اكثر من بناته و يدلعها و يكرمها و يحن عليها و يسأل عنها وما اعتقد نهائيا انه في نيته شي مب زين و نفس الشي زوج البنت مافيها شي اذا حب ام زوجته و اهتم فيها و برها حالها حال امه

يا ربي ليش نوايا الناس صارت سيئه

:(

[الامل القديم]

ان كان الاهل قاسين...قالوا فيهم كلام جارح وطيروا الدنيا
وإن كان حليون ..وكلامهم معسول ...قالو مب زين !
شلون يعني

ابوي ...يمدح مرت اخوي ويناديها بأسمها الدلع..ومرات يسأل امي اذا فقد طلتها ..يوم كانوا معهم بالبيت وسيرت عند اهلها يقول أجل وين ... مثل ما ينادينا احنا يا بناته بإسم الدلع ..وامي ترد عادي ...ولا تفكر بشي سلبي
يحبها حب احترام ...لانها تستاهل وجة بشوش وسوالف وعلوم سنعة..عسى الله يتم عليها اخلاقها ويحفظها ويسخرقلبها لأخوي ويسخر قلب اخوي لها...آمين يارب العالمين

يعني الواحد ما يشك من مجرد الكلام او انه يحب يسولف مع احدهم..يمكن سوالفة تجيب العافية وتونس وعيارة
وبنفس الوقت مافيها قلة ادب وابتذال!

وعلى فكرة..كلمة ياحبي لك...هذي تنقال ياكثر ما اسمعها تنقال بالمدرسة وبغيرة دارجة كثير عندنا بالسعودية
حتى لو مافية ذيك العلاقة القوية...بس لان في ناس من اخلاقهم تفرض عليك حبهم وما تتحسف تقول ياحبي لها او ياحبني لك!
عادي جدا جدا جدا


الا اذا كان االي حاصل بينهم فعلا خارج هالنطاق
كعلاقة مثل هو بين الزوجين
و وووهذا الامر فعلا هو المرضي...الله يكفينا واياكم شر هذة النفوس،،آمين يارب العالمين
وصلي اللهم وسلم على نبينا محمد وعلى آله الطيبين الطاهرين وصحابته الغر الميامين
والحمدلله رب العالمين


لي نفس الراي

[مهرة]

ويه يحليلهم كلن على سجيته بعد اتصير شغلات فيها مبالغات في هالناحية بالذات وخصوصا اذا البنت ماعليعا قصور ومريحة زوجها ودووم ابوه يمدح فيها وفي امن جابتها عاد اهنية ام الزوج بتقوووم قايمتها وبتقوول مو كفاية خذت وليدي وفوقها رجلي يحبها ويحترمها تقديراً لها على انها مثل بنته اكيد يتحتر وبتعصب ..!

مرة سويت معكروونه بالشاميل عمتي عمرها ماسوتها يومن انه البيت كلهم كلوووها وتموو يشعروون ويكتبوون فيها لين رمضان الي وراه وهي من يومها محرمه علي دشة المطبخ ؟؟؟ وكله اتقوول خاصتي ماجلة البيت وماتعرفين طبخات الحريم مالات قبل .. كلها كبسة وصالونه .. ويش يعني!

[ريم 28]

عادي جدا ليش التركيز والتدقيق

اذا الامور بينهم مثل اب وبنته

وهي تحبه عادي جدا


الغيره ما لها داعي

اما الحركات المريبه غير تنعرف لاي عاقل

بالنسبه لي ابو زوجي كان ابو الله يرحمه يحبني وكل يوم مدح فيني ويزف اولده علشاني لو اولده امرني قدامه يقول له بنت فلان ما تامرها هههههههه من باب انه يحبني ويقدرني


عااااادي جدا حتئ ولده ما كان يتجرا يقول له شي


توفئ من 5 سنوات في حادث الله يرحمه ويغفر له
كان ابو بمعنئ الكلمه

[ضوى]

ويه يحليلهم كلن على سجيته بعد اتصير شغلات فيها مبالغات في هالناحية بالذات وخصوصا اذا البنت ماعليعا قصور ومريحة زوجها ودووم ابوه يمدح فيها وفي امن جابتها عاد اهنية ام الزوج بتقوووم قايمتها وبتقوول مو كفاية خذت وليدي وفوقها رجلي يحبها ويحترمها تقديراً لها على انها مثل بنته اكيد يتحتر وبتعصب ..!

مرة سويت معكروونه بالشاميل عمتي عمرها ماسوتها يومن انه البيت كلهم كلوووها وتموو يشعروون ويكتبوون فيها لين رمضان الي وراه وهي من يومها محرمه علي دشة المطبخ ؟؟؟ وكله اتقوول خاصتي ماجلة البيت وماتعرفين طبخات الحريم مالات قبل .. كلها كبسة وصالونه .. ويش يعني!


يحليلها عمتج يامهرة تذكرني بحريم اول :)

[مهرة]

يحليلها عمتج يامهرة تذكرني بحريم اول :)



اشبنسوي بعد العقل فينا وانا اختج ..! :victory:

[ريم 28]

ويه يحليلهم كلن على سجيته بعد اتصير شغلات فيها مبالغات في هالناحية بالذات وخصوصا اذا البنت ماعليعا قصور ومريحة زوجها ودووم ابوه يمدح فيها وفي امن جابتها عاد اهنية ام الزوج بتقوووم قايمتها وبتقوول مو كفاية خذت وليدي وفوقها رجلي يحبها ويحترمها تقديراً لها على انها مثل بنته اكيد يتحتر وبتعصب ..!

مرة سويت معكروونه بالشاميل عمتي عمرها ماسوتها يومن انه البيت كلهم كلوووها وتموو يشعروون ويكتبوون فيها لين رمضان الي وراه وهي من يومها محرمه علي دشة المطبخ ؟؟؟ وكله اتقوول خاصتي ماجلة البيت وماتعرفين طبخات الحريم مالات قبل .. كلها كبسة وصالونه .. ويش يعني!


هههههه مهره عادي مشي ترا اغلب الكبار في السن تغار من زوجة ولدها خاصه لو نافستها في الطباخ

تبي اعيالها وزوجها يمدحون اكلها بس

ذكرتيني مره سويت مشخول ربيان لاهل زوجي كلهم
وام زوجي ما قالت شي ههه والكل يمدح بس اخت زوجي الشيطونه اسالت زوجي ايش رايك وش يعجبك اكثر

طباخ زوجتك والا امي يعني امه هو


توقعون ايش قال وعلئ طول من غير تفكير هههههه


امي طبعا

وانا قعدت اضحك لان ادري لو قال شي ثاني بيروح فيها وانا عادي طبعا :weeping: ما تاثرت سوالف امهات الله يخليهم لنا يارب

[وطن]

بل شدعوه
ترى حب أبوّي

وحتى لو هم يبي يسلم على ام زوجته
أكيد يحبها ويعدها حسبة أمه

الواحد يصفي نيته أحسن في بعض المواقف

مب كل الناس مرضى نفسيين و نيتهم شينه

[مهرة]

بل شدعوه
ترى حب أبوّي

وحتى لو هم يبي يسلم على ام زوجته
أكيد يحبها ويعدها حسبة أمه

الواحد يصفي نيته أحسن في بعض المواقف

مب كل الناس مرضى نفسيين و نيتهم شينه



امبلا مرااات ام الزوجة تعتب على زوج بنتها اذا ماسأل او سلم على عمته وتتشره بعد لازم يبين لها الحب والأحترام لأنه هذا من حبه واحترامه لمرته ..

[&بوشهد&]

سبحاان الله اول مرة اسمع بمثل هذا
فعلا البيوت اسرار

[ضوى]

زوجي الله يحفظه كان يبوس راس امي الله يرحمها ويتغشمر معاها ، وكان دايما يتصل فيها يسال عنها واذا محتاجة شي والا لا ، ومن غير علمي اتفاجا اذا اكلمها تقولي طلبت من بو فلان شي وجابه لي ، الله يرحمها كان يحبها حبه لامه والمفروض نصفي النية

[intesar]

وين المشكلة إذا اعتبرها بنته ودلعها بكلمات لطيفة.. أو حب يلاطفها حتى يزيل الخجل عنها..
أنا أشوفها عادي..
المشكلة في عقلية الرجل الخليجي.. اللي الحلال له والعيب والحرام للمرأة.. شفتوا يوم قالوا له لو مزتك وجيه زوج البنت ودلعها.. شافها كبيرة وعدم تربية.. والثاني اللي خلع بنته من زوجها..
على فكرة هذي عادات وتقاليد طغت على مجتمعنا الخليجي.. وما هي من الدين.. فرقوا ما بين الدين وأحكامها والعادات والتقاليد..

ودمتم بحفظ الرحمن..

ودمتم بحفظ الرحمن..

[ريم 28]

وين المشكلة إذا اعتبرها بنته ودلعها بكلمات لطيفة.. أو حب يلاطفها حتى يزيل الخجل عنها..
أنا أشوفها عادي..
المشكلة في عقلية الرجل الخليجي.. اللي الحلال له والعيب والحرام للمرأة.. شفتوا يوم قالوا له لو مزتك وجيه زوج البنت ودلعها.. شافها كبيرة وعدم تربية.. والثاني اللي خلع بنته من زوجها..
على فكرة هذي عادات وتقاليد طغت على مجتمعنا الخليجي.. وما هي من الدين.. فرقوا ما بين الدين وأحكامها والعادات والتقاليد..

ودمتم بحفظ الرحمن..

ودمتم بحفظ الرحمن..

وفي اضافه بعضهم يسولف عادي مع مرت اخوه ويتغشمر علئ الاخر

ويقول لزوجته لا اتغشمرين ما اخوي او لا تسلمين عليه اذا سلم بس ردي السلام


طيب هو حريص علئ زوجته

اشمعنئ انت يالشيخ مطيح الميانه :anger1:

[تاسيتوس]

ليش قمنا نقدم النية الشينة وفي مواضيع الاولى نقدم فيها حسن النية.

[بصمة قطرية]

من صجكم ...!!!
أبو الزوج خلاص بمثابة الأب ..
و أم الزوج بمثابة الأم ..

وين الغلط لما الأب يمدح بنته
ليش الزعل لما الأم تسمع المدح لبنتها ..

الحمدلله
المدح يجينا من الصوبين و لا عمرنا سمعنا كلمة ثغنا
سوري
بس هاي عقولهم على قدهم ...!!!

البنت من تتزوج و تدخل عند أهل زوجها
الأب أبوها
و الأم آمها

عمري ما ناديتهم يغير يمه و يبه ..

[khaldoon]

يا جماعة ما سمعتوا بالحديث الشريف في الصحيحين وغيرهما عن عقبة بن عامر أن رسول الله صلى الله عليه وسلم قال: إياكم والدخول على النساء. فقال رجل من الأنصار يا رسول الله أفرأيت الحمو؟ قال: الحمو الموت.


ليش مستغربين من هذه القصه

[بصمة قطرية]

يا جماعة ما سمعتوا بالحديث الشريف في الصحيحين وغيرهما عن عقبة بن عامر أن رسول الله صلى الله عليه وسلم قال: إياكم والدخول على النساء. فقال رجل من الأنصار يا رسول الله أفرأيت الحمو؟ قال: الحمو الموت.


ليش مستغربين من هذه القصه

الحمو ..
أخو الزوج ...!!!!

[khaldoon]

الحمو ..
أخو الزوج ...!!!!

لا اب الزوج .... شوفي هذا الرابط لانه يشمل اكثر من اب الزوج

http://www.islamweb.net/fatwa/index.php?page=showfatwa&Option=FatwaId&Id=123255

[intesar]

نعم الحمو عند ناس أبو الزوج وعندنا حنا أخو الزوج

[ريم 28]

الحمو عندنا اخو الزوج