برى البيت الله الله ....وداخل البيت يعلم الله !

[فرهود]

الي يشوفه قدام المنظره قبل لايطلع وهو يلبس الثوب الجديد والغتره الكشخه والساعه الماركه ولزرار اللماع ويحط بختين من العطر الرومنسي عشان يقولون عنه العالم كشيخ وولد عز.

مايشوفه وهو قاعد في بيته بصروال وفنيله اشعث اغبر رايح جاي طالع نازل قدام زوجته وعياله والخدم.بذمتك هلك وعيالك مايستاهلون يشوفونك مرتب وكاشخ قدامهم بجلبيه مرتبه او روب مزركش مرتب نفسك ومظهرك عن خاطرهم ولو يوم ويوم ترك :rolleyes2:


الي يشوفه ويا ربعه في القهوه او المجالس وضحكته واصله الشارع وكلامه مافي احلى ولا اضرف منه وبتسامته تتوزع على الرايح والجاي .او في العمل وكلامه المثقف وعباراته المنمقه مع زميلات العمل

مايشوفه في بيته اول مايدخل ينفخ نفخة يسمعونها كل من في البيت ويبداء بالصراخ اول مايدش على لعيال انت ليش سهران لهالحزه وانتي مامليتي من الابتوب وليش صوت التلفزيون مرتفع ومن بطل الدريشه وليش مخلين الباب مبطل . طبعا يقط هالكلام بدون انتظار اجابه او نتيجه عاد انه يثبت وجوده ومسؤليته وعلى طول اما ينخمد او على النت .:weeping:



اللي يشوفه ويا ربعه في الرحلات والسفرات يطبخ ويرتب ويحلف الا اليوم يطبخ لهم احلى برياني او مجبوس وبيسويلهم ذاك الكرك .

مايشوفه في بيته الي عمره ماشاف المطبخ ولا يمكن مايصب لنفسه قلاص ماي :anger1:.


ليش ياهذا ما تحاول على الاقل يكون سلكوكك مع زوجتك وعيالك نفس سلوكك خارج البيت مع الغريب سواء رجل او امرأه .كشخه ذوق في التعامل ضحك ابتسامات كلام جميل ايثار طبخ وكرك :nice:

[حسن]

بل يادفع البلا هذا ماله الى ااحمد عكاشه

[خليفـة]

جميل ان يكون الانسان في كل مكان بأجمل صورة
سواء في بيته
او خارج بيته

يعطيك العافية اخوي

خليفـــة

[تاسيتوس]

اهم شي الروب المزركش مال رشدي إباظة.

[chillis]

موضوع على جميل الله يعينك على الردود بس بالبيت بيقول لمن البس وابي اخذ راحتي لكن لين طلع العالم كلها تطالعه جنه المره مالها حق مثل ماهو يبي زوجه كاشخه هي بعد تبي رجال مرتب

[ريم 28]

موضوع في الصميم

في البيت جاف وقاسي ويمكن ما يبتسم ولا يفتح مواضيع

واذا اتكلمه زوجته سكتها يبيها بس تخدمه وتطيعه ما لها حق في شي بس يصرف


والناس مب امقصر معاهم شوفوني اخلاق وذوق وكشخه ووو


البعض طبعا ياليت لو ينتبه لنفسه هالزوج

وما يتصنع قدام الناس ويجاملهم

وهله طايح فيهم

الله يهديهم بس الاقربون اولئ

[حسن]

موضوعك في تطابق نفس النسوان لي راحوالشغل ولا السوق الضحكه شاقه الحلج وذاك البس اللي تقول رايحه حفله تنكريه
والمكياج وغيره وفي البيت حالتها حاله مع شعرها تقول عسو عماني ولا الويه كان من جدور الهنديه ماركه ام تاج

الله يعين موضوعك جاي في وقته


escape

[chillis]

موضوعك في تطابق نفس النسوان لي راحوالشغل ولا السوق الضحكه شاقه الحلج وذاك البس اللي تقول رايحه حفله تنكريه
والمكياج وغيره وفي البيت حالتها حاله مع شعرها تقول عسو عماني ولا الويه كان من جدور الهنديه ماركه ام تاج

الله يعين موضوعك جاي في وقته


escape

انت ليش لين موضوع يخص الرجل تقلبه على المراه الموضوع عن الرجل خلك بصلبه لا تولعها احسك تستانس

[مدرسة]

يطرش أحلى برودكاست عن الأم و الجنة تحت أقدام الأمهات

و هو ما يدري عن هوى دارها

[مضارب دوسري]

ههههههههههههههههه موضوع جميل
ولكن خلنا نكون واقعيين
هل الزوجه تتعدل في بيتها وتكشخ لزوجها مثل ماتكشخ لما تروح حفله او جمعة حريم او عزيمه ؟
كل الكلام اللي قلتيه صحيح
ولكن لو بدلتي كل كلمه هو وتحطين هي
بعد بيكون صحيح
يعني العيب فالجنسين
مب فالرجل فقط
لازم واحد منهم يبادر وبيلقى الثاني يسوي مثله
ولا انا غلطان ؟

[مضارب دوسري]

موضوعك في تطابق نفس النسوان لي راحوالشغل ولا السوق الضحكه شاقه الحلج وذاك البس اللي تقول رايحه حفله تنكريه
والمكياج وغيره وفي البيت حالتها حاله مع شعرها تقول عسو عماني ولا الويه كان من جدور الهنديه ماركه ام تاج

الله يعين موضوعك جاي في وقته


escape

ههههههههههههههههههههههه
تتوقع لما تحط لها صوره فالبيت و في السوق
بيكون فيه فروق سبعه ؟

[ريتويت]

حريه شخصيه... دامهم مبسوطين مع بعض حتي لو ........!!!!! عادي وربي يهنيهم

[لاجل QT]

اهم شي الروب المزركش مال رشدي إباظة.

ياربي ههههههههههههههههههه:eek2:

الحين عقب هالرد اشلون تبونهم يكشخون بالروب المركش مال رشدي ابازة:p



الواقع نادر مانشوف زوج يكشخ في البيت حق زوجتة...ونفس الكلام للزوجة بعد حق اكون حقانية..نادر ماتكشخ لزوجها داخل البيت

وهذا على فكرة غلط كبير يفعلة الطرفين :(
نفسيا كل طرف يحب ماتقع عينة الا على ماهو جميل وباهر ومتجدد من الطرف الاخر

[بوخالد911]

جاء في الحديث الشريف : خيركم خيركم لأهله

[alsoq]

انا كل سبوع اخصص لي يوم اطبخ لهلي من 25 سنه احصل متعه بها الشي الحمدلله
نعم الواحد لازم يكون ودود في بيته ولا يبخل عليهم بكلمه الطيبه والوجه المبتسم دايمآ
اذا كان متضايق يصارح زوجته حتى يكون لديها علم وتمهد له وتحاول ان الاولاد ما يزعجونه
الذي ليس له خير في اهله ليس له خير في الناس

[al wafi]

ذبحتونا كل يوم موضوع عن الرجال وسلبياتهم
الرجال اخوكم ابوكم عمكم خالكم

مافي موضوع عن الحريم ههههههههههههههههههه :tease:




بس الصراحه معك حق يا صاحب الموضوع احييييك :nice:

[طبيب قطري]

موضوع حلو واستغرب من الحريم الي ببيتها مهمله وماتشوف عيالها اشلون طريقة اكلهم والاغلب تكون راميتهم عالخدامه ووقت الطلعه مافي أرتب منها تأكل بالشوكه والسكين ونتفه نتفه ولما احد من عيالها يوصخ تتنرفز وتنحرج وتبين أنها مستغربه من تصرفه !!

[كحيلآن]

والله عن نفسي ماحب الروب المزركش والجلابيه الي مادري شنو سروآل وفآنيله وكان الله غفوراً رحيما .. الواحد يبي يآخذ راحته تبونه مرسم وهو طالع من البيت ومرسم وهو داخل البيت أهم شي الاخلاق وحب الوطن بسطها يآ فرهود ما تستصعبهآش :)

[حميداني]

شي حلو تكشخ في البيت مثل ما تكشخ برى , بس انكون واقعيين شوي
هذا شي يعتمد على شخصية الشاب .. ان كان من النوع الكشيخ اللي يحب نفسه ما راح يقصر في نفسه
ويا وييل مرته ويلاه ان ما كانت قد كشخته , عادي يكشخ ياخذ له وحده ثانيه
هالنوعيه انعرفها

وفيه نوعيه برى حق الناس وفي البيت لي , وان طلع ويا مرته كشخ خاصه في السفرات والرحلات
وفيه اللي ما همه الناس ولا همه حد حتى نفسه والاغلب ان هذا الشخص عنده مشاكل نفسيه فالله يفرج كربته ويعينه

ابصراحه اشوف ما فيها شي
وفيه مشاكل طلاق كان هاي سببها بعد , البنت فيها كشيخه والشاب مهمل والعكس ..

فالله الله كل واحد ياخذ من يناسبه

[حفيد الأنصار]

كلامك صحيح ولكن ايضا العكس صحيح

[مشاكل]

اعطيكم اياها من الاخر
الزوجة مايهمها روب مزركش او صروال وفنيله
الزوجه تبي حنان اهتمام ومشاعر فياضة وحب
الزوجه تبي رجال قول وفعل ,,, على قولة السوريين ابضاي :)

[حراير قطر]

اعطيكم اياها من الاخر
الزوجة مايهمها روب مزركش او صروال وفنيله
الزوجه تبي حنان اهتمام ومشاعر فياضة وحب
الزوجه تبي رجال قول وفعل ,,, على قولة السوريين ابضاي :)

آحييك على هذا الرد وهذا المطلوب من الرجال

بس بعد ما يمنع بالبس المحتشم ويكون لابس الجلابية قدام الخدم

لانه الملابس الداخلية تكون شفافه :rolleyes2:

والله جميل يحب الجمال ...

[الأصيلة]

ذبحتونا كل يوم موضوع عن الرجال وسلبياتهم
الرجال اخوكم ابوكم عمكم خالكم

مافي موضوع عن الحريم ههههههههههههههههههه :tease:




بس الصراحه معك حق يا صاحب الموضوع احييييك :nice:

لا أبد مافيه موضوع عن الحريــم
كله رجال ...
:anger1:

[الأصيلة]

كل هذا مب مهم
المهم بس يحفظ لسانه قدام عياله والخدم
ومايفشل زوجته قدام العيال ويعايرها بكل صغيرة وكبيرة
المشكلة الولد يكبر ويقلد أبوه ...وهكذا...

[الدمعه]

كلام سليم. الأفضل انه يلبس جلابية قدام العيال والخدم مب

عدله يقعد قدامهم جيه. مثل ماهو مايرضى أن مرته تلبس الملابس (...)

قدامهم هي بعد تغار عليه ... وشي طبيعي أنها ماراح تكون كاشخه

كشخة عرس وتقعد في البيت مقيده ما تقدر تسوي شئ. في مناسبات

تقدر المره تعوضه فيها. ممكن مره بالأسبوع .. :victory:

وفي بعض الرجاجيل ماوده الواحد يخليهم يشبرون المطبخ.

لان المطبخ من عقبهم ما يندش :rolleyes2:

وبعد الرجال مرتاح بدون مكياج ومناكير . حط وامسح حق كل صلاة :)

[للصبر اخر]

انت ليش لين موضوع يخص الرجل تقلبه على المراه الموضوع عن الرجل خلك بصلبه لا تولعها احسك تستانس

صدققققققققققتي والله
انا بعد لاحضضت

نرجع للموضوع
صحييح الموضوع جا بوقته
في شباب الله يهديهم برا البيت قمة الادب والكشخه وبالبيت على قولتك حتى قلاص ماي مايصب حق نفسه
الله المستعاان

[اوف ليميت]

خل عنكم النفاق
وبكل امانه

انا فالخارج
اذا مناسبات وزيارات ومجالس .. ف طبعا تحاول ان تظهر في اجمل حله

اذا عمل..ما اهتم وايد اني اكون ذاك الزود بالكشخه..اكون فقط طبيعي وشي نظيف وصحيح..لاني لانبي ابي اغري حد ولا في شي..(بخصوص مناسبات عمل او مواعيد .. فنكون عارفين من اول)

اذا ليست مناسبات وانما فقط تنفيس عن النفس مع ربع مقربين جدا ولايتواجد معهم من لا اعرفه .. ف هنا البس ما اريد لبسه ولا يهمني المنظر
وخصوصا رياضه بس طويل

حاله استثنائيه .. اذا المرأه تريد الذهاب لمكان فقط تمر عليه تشتري شي ولاحاجه لي بالنزول..مثلا مكان نسائي او خياطه وهكذا .. أيضا اضطر انا من نفسي البس شي حلو واظهر بشكل مرتب قدر الاستطاعه

لاني متأكد الزوجه تريدني ان اكون معها وشكلي مرتب حتى لو بالسياره..(فاهمين قصدي) فقط ك ارضاء لها..وبصراحه..من حقها..ولا اعتراض

بس بأمانه لو جينا للبيت .. صروال وفنيييييييييييله..ليش اكذب؟
لكن في حالة اني اطالع فيلم (اذا طالعت) .. البس بيجاما..مرات تييني النوده وارقد وقبلها اكون متعايز اقوم البس شي عشان البرد
ولاتنسون..الجسم يلعب دور ههههههه
اذا جسم مرتب وحلو..لو تلبس بس صروال..يبين حلو ;p
بس عاد مش قدام عيالك

ملاحظه: ماحب شي اسمه ملابس قصيره
شورت وبرمودا وغيرها من خرابيط
بالنسبه لي لوعت جبد
ولا احب لبس الجينز فالخارج

:]

[ضوى]

ياشين الريال بروب رشدي اباظة ووع ، ياشين شي ماشابه اهله

وياشين الريال بصروال وفانيلة شنو هذا ليش وين قاعدين مب شي كلش ، ولدي يقعد لي بهالمنظر العن شكله ابي اخليه يرز روحه بجلابية مب عارفة ماطلع على ابوه ولا اخوه العود جنني

[chillis]

ياشين الريال بروب رشدي اباظة ووع ، ياشين شي ماشابه اهله

وياشين الريال بصروال وفانيلة شنو هذا ليش وين قاعدين مب شي كلش ، ولدي يقعد لي بهالمنظر العن شكله ابي اخليه يرز روحه بجلابية مب عارفة ماطلع على ابوه ولا اخوه العود جنني

ههههه الله يعينج ماحب الرجال بسروال وفانيله بالذات بوجود الخادمات شكله غلط :secret:

[بصمة قطرية]

سؤال ...!!!!
الحين لبس البيت نفس لبس المناسبات :rolleyes2:
منطق غريب ..!!
أهم شي الواحد يكون بهيئة حلوة
الحمدلله من وعينا على الدنيا و لا عمرنا شفنا أخواننا
في البيت بغير الجلابية و الثوب
و هالشي في بيتي مع زوجي و عيالي الحمدلله ..
مستحيل دقيقة يقعد بسروال و فانيلة ..!!
لبس البيت حلو يكون بسيط
و اهم شي الزوجة تتعدل لزوجها
ما يكون في فرق كبير بين البيت والمناسبات
الزوج بعد له حق
أحلى شي اذا الزوج ما يحب المكياج :nice:

[alawi23]

على قوله واحد من الربع


شكلك ما جربت تقوم الصبح والجو مغيم وحلو والشمس توها تنور الغرفه وتلتفت على زوجتك وتقولها

صباح الخير حياتي يا حلو هاليوم دامي مصبح عليج

وتلتفت عليك والشعر متلكوت والويه منفخ و وتفرك في ها العين والكحل سايح يومين ما شلته وتقولك


(( متى بتوديني السوق ))

هههههههههههههههههههههههههههههههههههههههههههههههه


اخوي مثل مافي رياييل يسون الاشيا اللي ذكرتها في حريم يسون اخس من هالسوالف

هاي فئه من الناس والله لا يبلينا في حد منهم اسال الله العفو والعافيه

وتسلم على الطرح الحلو

[النهار]

موضوع على جميل الله يعينك على الردود بس بالبيت بيقول لمن البس وابي اخذ راحتي لكن لين طلع العالم كلها تطالعه جنه المره مالها حق مثل ماهو يبي زوجه كاشخه هي بعد تبي رجال مرتب


ليش الله يعينه كلامه صحيح 100% هذا هو الواقع لنسبه كبيره مافرقت قبل ابوي الله يرحمه بوزار وفانيله واحنا تتطورنا صروال وفانيله :nice:

[محب قطر 64]

كثير من الرجال برة البيت مرح و لمن يدخل بيته يكشر و يشخط و ينفر ..... شيء نفسي ضعف شخصية و جهل بالدين.

[بصمة قطرية]

الحين الموضوع عن ايش بالضبط :waiting::waiting:
لبس الرجل داخل و برع البيت ..؟
ولا أخلاقه مع هله ..!!!

[chillis]

الحين الموضوع عن ايش بالضبط :waiting::waiting:
لبس الرجل داخل و برع البيت ..؟
ولا أخلاقه مع هله ..!!!

الاثنين هو عن الرجل :)

[بصمة قطرية]

الاثنين هو عن الرجل :)

المهم انه عن الرجل صح شيليز :p

[اوف ليميت]

سؤال ...!!!!
الحين لبس البيت نفس لبس المناسبات :rolleyes2:
منطق غريب ..!!
أهم شي الواحد يكون بهيئة حلوة
الحمدلله من وعينا على الدنيا و لا عمرنا شفنا أخواننا
في البيت بغير الجلابية و الثوب
و هالشي في بيتي مع زوجي و عيالي الحمدلله ..
مستحيل دقيقة يقعد بسروال و فانيلة ..!!
لبس البيت حلو يكون بسيط
و اهم شي الزوجة تتعدل لزوجها
ما يكون في فرق كبير بين البيت والمناسبات
الزوج بعد له حق
أحلى شي اذا الزوج ما يحب المكياج :nice:

في شبهه
مش معناته لمن الرجل لايجوز يلبس او مايلبس فالبيت اي لبس يبيه يعني غلط او صح
لانه عرف ودين الاثنين لا اعتراض به
واذا لبس هذا او ذاك ف مايعارض لا طبيعته ولا غريزته
وتبقى اذا الامور فاللبس مجرد منطق لأُناس او مظاهر ورأي
فالرجل ليس كحكم المرأه .. المرأه مهما لبست ف قد يبدي مالا يجوز
الرجل هي اشياء محدوده تلبس..والاغلبيه تستر ما لابد منه
بغض النظر اصلا ان صراويل الرجال فضفاضه وليس كما تقوم به النساء

بعس مايكون على المرأه
ف مواضع كثيره بالدين تحث المرأه على ان لا تُقصر حتى في لبسها فالبيت او تلبس ماقد يظهر انوثتها الا في حالتين فقط لا ثالث لهما

1- اذا كانت زوجه وهي مع زوجها فقط لوحدهما وليس امامم ابناءهما
2- اذا كانت بنت غير متزوجه ولكن بالغ..ف لايجب ان تفعل ذلك ايضا لا امام اخوانها ولا حتى والديها..وتلتزم بلبس ماتشاء في غرفتها فقط لوحدها مغلقه عليها الباب إلا ان تسترت فتذهب الى اهلها

بعكس مايحصل فالبيوت الان
ف قمنا نرى ماهو أعظم
التكشف على الاخوه والوالدين..هذا يخدش الحياء غير انه بعارض ماجاء من خلق ديننا
والتكشف اصبح اكبر من ذلك فاصبحوا يظهرون امام الجيران ام امام عمومتهم وابناءهم وبناتهم واقرباءهم..ويدعون انه شئ عادي بسبب القرابه
لا نستغرب ذلك من تصرف بعدما رأيناهم هؤلاء النوعيه تسرح تمرح في المجمعات بمجون وعري .. وبعدما اختلط عليهم الحابل بالنابل بين احكام الشرع مع المحارم ام مع من هم ليسوا بمحارم ك أقارب وخدم

[ريم 28]

الحين الموضوع عن ايش بالضبط :waiting::waiting:
لبس الرجل داخل و برع البيت ..؟
ولا أخلاقه مع هله ..!!!

الاثنين معا

كثير منهم قمة في الاخلاق والذوق في الخارج وبالداخل اتكالي ويزف اللي رايح وجاي وتتحول ابتسامته العريضه الئ وجه معصب وشديد وجاف

احيانا يكون تعامل مع موظفه بابتسامه واحترام وتساهل ويتحمل ويجامل

ومع الزوجه فقط اوامر
ويبدا بالنقد الهدام
وكلام الحب والغزل والاسلوب الطيب بالنسبه له دلع وماله حاجه

او منسي


وحتئ من ناحية الكرم بعضهم برا كريم ويدفع وشوفوني وعند هله ماسك ومقتصد وليش وماله داعي


طبعا البعض

والاغلب رجال وخيره في هله حتئ يهتم في شكله ولبسه علشان زوجته وياخذ رايها بالسوق ايش اتحب يلبس من بدلات او تيشرتات رياضيه او غيرها


ويهتم في رايها ويتغزل بها كل مره ولطيف وحنون ومتسامح ومحترم وذوق معاها اغلب الاوقات

اما اللبس غير مهم للكثيرات كثر ما سبق اهم هههه اشبقئ

[نورهان88]

الي يشوفه قدام المنظره قبل لايطلع وهو يلبس الثوب الجديد والغتره الكشخه والساعه الماركه ولزرار اللماع ويحط بختين من العطر الرومنسي عشان يقولون عنه العالم كشيخ وولد عز.

مايشوفه وهو قاعد في بيته بصروال وفنيله اشعث اغبر رايح جاي طالع نازل قدام زوجته وعياله والخدم.بذمتك هلك وعيالك مايستاهلون يشوفونك مرتب وكاشخ قدامهم بجلبيه مرتبه او روب مزركش مرتب نفسك ومظهرك عن خاطرهم ولو يوم ويوم ترك :rolleyes2:


الي يشوفه ويا ربعه في القهوه او المجالس وضحكته واصله الشارع وكلامه مافي احلى ولا اضرف منه وبتسامته تتوزع على الرايح والجاي .او في العمل وكلامه المثقف وعباراته المنمقه مع زميلات العمل

مايشوفه في بيته اول مايدخل ينفخ نفخة يسمعونها كل من في البيت ويبداء بالصراخ اول مايدش على لعيال انت ليش سهران لهالحزه وانتي مامليتي من الابتوب وليش صوت التلفزيون مرتفع ومن بطل الدريشه وليش مخلين الباب مبطل . طبعا يقط هالكلام بدون انتظار اجابه او نتيجه عاد انه يثبت وجوده ومسؤليته وعلى طول اما ينخمد او على النت .:weeping:



اللي يشوفه ويا ربعه في الرحلات والسفرات يطبخ ويرتب ويحلف الا اليوم يطبخ لهم احلى برياني او مجبوس وبيسويلهم ذاك الكرك .

مايشوفه في بيته الي عمره ماشاف المطبخ ولا يمكن مايصب لنفسه قلاص ماي :anger1:.


ليش ياهذا ما تحاول على الاقل يكون سلكوكك مع زوجتك وعيالك نفس سلوكك خارج البيت مع الغريب سواء رجل او امرأه .كشخه ذوق في التعامل ضحك ابتسامات كلام جميل ايثار طبخ وكرك :nice:







كلام سليم 100%


:anger1::omen2::anger1:

[اوف ليميت]

الرجاء الاخوه الاعضاء عدم اقحام عنصر المرأه في هذا الموضوع لو لمره واحده

الموضوع عن الرجل
لبسه (داخل وخارج البيت)
مواضع اللبس والكيفيه
البعض ايضا يناقش اذا لبس مبالغ فيه وللا لا .. ع قولتهم over
وعن خلقه فالتعامل مع اهل بيته خصوصا الزوجه..وخلقه مع تعامله مع ربعه فالخارج
واهم شي..التقديم (حق للزوجه ام للربع) وتحت اي شروط ؟

طبعا البعض ربما سيقول لاحياه للرجل من غير المرأه
فانتم تتحدثون عن تعامل الرجل مع زوجته
وزوجته هي امرأه..فكيف ننسى المرأه هنا؟ لربما لها دور
كلام منطقي
ولكن ننسى ذلك ونستطيع فقط حصر رد من الردود عن المرأه ب (قيامها باراحة الزوج نفسيته مما يؤهله لفعل ذلك من ردة فعل معامله صحيحه او لبس جميل لاراحة ناظر زوجته اسعادا منه لها وارضاءاً لما قد فعلته)
فقط

ف ننسى هالنقطه وندلي بدلاءنا عالرجل ك رجل فقط وماقرنت مايفعل مع ربعه بما يفعل مع بيته
كما اسلفنا بالردود السابقه

:]

[ريم 28]

الرجاء الاخوه الاعضاء عدم اقحام عنصر المرأه في هذا الموضوع لو لمره واحده

الموضوع عن الرجل
لبسه (داخل وخارج البيت)
مواضع اللبس والكيفيه
البعض ايضا يناقش اذا لبس مبالغ فيه وللا لا .. ع قولتهم over
وعن خلقه فالتعامل مع اهل بيته خصوصا الزوجه..وخلقه مع تعامله مع ربعه فالخارج
واهم شي..التقديم (حق للزوجه ام للربع) وتحت اي شروط ؟

طبعا البعض ربما سيقول لاحياه للرجل من غير المرأه
فانتم تتحدثون عن تعامل الرجل مع زوجته
وزوجته هي امرأه..فكيف ننسى المرأه هنا؟ لربما لها دور
كلام منطقي
ولكن ننسى ذلك ونستطيع فقط حصر رد من الردود عن المرأه ب (قيامها باراحة الزوج نفسيته مما يؤهله لفعل ذلك من ردة فعل معامله صحيحه او لبس جميل لاراحة ناظر زوجته اسعادا منه لها وارضاءاً لما قد فعلته)
فقط

ف ننسى هالنقطه وندلي بدلاءنا عالرجل ك رجل فقط وماقرنت مايفعل مع ربعه بما يفعل مع بيته
كما اسلفنا بالردود السابقه

:]

اخي الكريم الموضوع واضح عن لبسه ومعاملته وذوقه يختلف بالخارج

اللبس وكلامك صحيح زوجته لها حق

لكن المعامله انت تقول هل الزوجه تستحق ذلك ام لا تريحه نفسيا

هل الذين بالخارج يستحقون كل ذاك الكرم والذوق والابتسامه

ام الزوجه التي امرني الله ان اعاشرها بالمعروف

الافضل ان لا يلتفت لهذه الامور فقط يعامل زوجته وهله باللين واللطف بالطبع ستريح نفسيا ومن جميع النواحي

ما دخل اللين في شي الا زانه

يمكن بهالروح والبشاشه والاسلوب الطيب تنحل جميع مشاكله

يمكن سببها معاملته وجفائه وقسوته

المراه عاطفيه فجرب معاهها فقط بضع كلمات حب ولين وانظر بعدها

وحتئ الاطفال بحاجه للحب والحنان واللين والتحمل والصبر

[بصمة قطرية]

في شبهه
مش معناته لمن الرجل لايجوز يلبس او مايلبس فالبيت اي لبس يبيه يعني غلط او صح
لانه عرف ودين الاثنين لا اعتراض به
واذا لبس هذا او ذاك ف مايعارض لا طبيعته ولا غريزته
وتبقى اذا الامور فاللبس مجرد منطق لأُناس او مظاهر ورأي
فالرجل ليس كحكم المرأه .. المرأه مهما لبست ف قد يبدي مالا يجوز
الرجل هي اشياء محدوده تلبس..والاغلبيه تستر ما لابد منه
بغض النظر اصلا ان صراويل الرجال فضفاضه وليس كما تقوم به النساء

بعس مايكون على المرأه
ف مواضع كثيره بالدين تحث المرأه على ان لا تُقصر حتى في لبسها فالبيت او تلبس ماقد يظهر انوثتها الا في حالتين فقط لا ثالث لهما

1- اذا كانت زوجه وهي مع زوجها فقط لوحدهما وليس امامم ابناءهما
2- اذا كانت بنت غير متزوجه ولكن بالغ..ف لايجب ان تفعل ذلك ايضا لا امام اخوانها ولا حتى والديها..وتلتزم بلبس ماتشاء في غرفتها فقط لوحدها مغلقه عليها الباب إلا ان تسترت فتذهب الى اهلها

بعكس مايحصل فالبيوت الان
ف قمنا نرى ماهو أعظم
التكشف على الاخوه والوالدين..هذا يخدش الحياء غير انه بعارض ماجاء من خلق ديننا
والتكشف اصبح اكبر من ذلك فاصبحوا يظهرون امام الجيران ام امام عمومتهم وابناءهم وبناتهم واقرباءهم..ويدعون انه شئ عادي بسبب القرابه
لا نستغرب ذلك من تصرف بعدما رأيناهم هؤلاء النوعيه تسرح تمرح في المجمعات بمجون وعري .. وبعدما اختلط عليهم الحابل بالنابل بين احكام الشرع مع المحارم ام مع من هم ليسوا بمحارم ك أقارب وخدم

شبهة ....!!!!
كل اللي ذكرته أخوي معروف و لا جدال فيه
مادري اش سبب اقتباسك لردي
و قولك شبهة ...!!!
ما اعتقد اني ذكرت شي غلط أو مخالف للدين ..
و انا ما تعمقت في كلامي و وصلت لمرحلة وصف لبس المرأة
نعرف حدود المرأة في اللبس
سواء أمام محارمها
او خارج البيت ..!!!
الحمدلله نعرف الحلال والحرام
و نعرف حدود اللبس ..

[حسن]

انا ماشوف فيها شي لو الواحد في بيته بلس سروال وفالينه

[محب قطر 64]

انا عادي في لبسي خارج البيت لكن داخل البيت مثل كل الناس , لكن احيانا احن للطبيعة و البيئة الطبيعية بلبسي و خاصة عندما أعمل او اصلح شيئا او ازرع فألبس ملابس قطنية و ما يهم رثة و الا اي شي ان ببيتي حر

[qtr qtr]

ما يصير البس فالينه ووزار ؟؟

[عاهد بن علي]

هل معقول في ازواج بهذه الحاله ؟؟؟؟؟؟؟؟؟؟؟؟؟؟؟؟؟؟؟

[عاهد بن علي]

انا ماشوف فيها شي لو الواحد في بيته بلس سروال وفالينه

افا افا افا افا يا ( حسن ) اتدور قدام خدامتك بفانيله وصروال ؟؟؟؟؟؟؟؟؟؟

[حسن]

افا افا افا افا يا ( حسن ) اتدور قدام خدامتك بفانيله وصروال ؟؟؟؟؟؟؟؟؟؟

اولا نقولك السلامه

وبعدين نا عندي نظام الخدم مهب متواجدبن داخل البيت على طول بعد ماودي اليهال الصبح ينظفون البيت وبعدين خلاص برع والظر يقيلون لين 4 العصر ومن الساعه 7الى 8 مساء مالهم دخول في البيت انا انسان منظم
مانكرف الخدامات 24 ساعه

شوف بالنسبه لي انا بيتي الدور الارضي لامي الله يرحمها وخواتي الكبار اخوي الكبير والعاده هني اكون بالثوب ولا الجلابيه

الدور الثاني حق عيالي واكون بسروال وفانيله والدور الاخير المخصص لي اكون بوازار وفانيله

وفيه غرفه النوم اكونبلبس العيد بالزي الرسمي يعني عقال وغتره وثوب وبشت نجفي

تراهن بكره مطر على استكانه شاي

وش دراني عنكم وششتلبسون ولا ماتلبسون تسئلون عن الحوه وعروقها

:anger1::anger1::anger1:

[بوعلي2]

انا داخل البيت بثوب وخارج البيت بثوب

مراااات البس رياضه

يمقن مش طبيعي ويمقن طبيعي انا :telephone:

[حسن]

انا داخل البيت بثوب وخارج البيت بثوب

مراااات البس رياضه

يمقن مش طبيعي ويمقن طبيعي انا :telephone:

البس على كيفك وتهنا ماباقي يعلمونه وش نلبس ومانلبس

بس ماجربت لبس البتان تراه عجيب:victory:

[عاهد بن علي]

اولا نقولك السلامه

وبعدين نا عندي نظام الخدم مهب متواجدبن داخل البيت على طول بعد ماودي اليهال الصبح ينظفون البيت وبعدين خلاص برع والظر يقيلون لين 4 العصر ومن الساعه 7الى 8 مساء مالهم دخول في البيت انا انسان منظم
مانكرف الخدامات 24 ساعه

شوف بالنسبه لي انا بيتي الدور الارضي لامي الله يرحمها وخواتي الكبار اخوي الكبير والعاده هني اكون بالثوب ولا الجلابيه

الدور الثاني حق عيالي واكون بسروال وفانيله والدور الاخير المخصص لي اكون بوازار وفانيله

وفيه غرفه النوم اكونبلبس العيد بالزي الرسمي يعني عقال وغتره وثوب وبشت نجفي

تراهن بكره مطر على استكانه شاي

وش دراني عنكم وششتلبسون ولا ماتلبسون تسئلون عن الحوه وعروقها

:anger1::anger1::anger1:

هههههههههههههههههههههههههههههههههههههههههههههههههه هه

[النهار]

البس على كيفك وتهنا ماباقي يعلمونه وش نلبس ومانلبس

بس ماجربت لبس البتان تراه عجيب:victory:


راحات بس تعال انشره عاى حبل الغسيل يوصل لين بيت الجيران :nice: