زحمة قطر

[حبتور]

من يشاهدالزحمة والإختناق المروري في جميع مناطق قطر يعتقد أنه يعيش في عام 2030م وبالرقم من إمكانية إيجاد حلول سريعة إلا أن الأمر لم يصل إلى المستوى المطلوب للمبادرة بإتخاذ القرار المناسب لهذه الإشكالية

[الخزرجي قطر]

زيادة عدد السكان حيث وصلنا حاليا الى 1.8 مليون
وكل يوم يزيد عدد الذين يحصلون على رخص سواقه
الله يسهل الامور ويتم معالجة مشكله زحمة السير

[حميداني]

أكل العنب حبه حبه , للحين ما خلصت انفاقنا .. اصبرو عليهم شوي
مع انه ودي اشوف مترو , لو كان عندنا مثل هالتقنيه كانو كثار من نفسهم استغنو عن السياير

[sahrleel]

الزحمة صارت شي لا يحتمل
وكل مكان زحمة يا خي ولو قلنا ان زيادة عدد السكان وصلنا حاليا الى 1.8 مليون
في دول ثانية عدد سكانا اكثر من 80 مليون و100 مليون بس ما عندهم زحمة بهذا الشكل
ولازم في حلول جذرية ومتطورة والله المستعان

[ميلاف]

الزحمة صارت شي لا يحتمل
وكل مكان زحمة يا خي ولو قلنا ان زيادة عدد السكان وصلنا حاليا الى 1.8 مليون
في دول ثانية عدد سكانا اكثر من 80 مليون و100 مليون بس ما عندهم زحمة بهذا الشكل
ولازم في حلول جذرية ومتطورة والله المستعان


هذا كلام المنطق الى بيسوي زحمه لو انه بروحه بيسوي زحمه ولو 100 مليون نسمه نفس الموضوع

العشوائيات والتخبط فالبلديات واشغال والتخطيط العمراني مع وجود العقليات القديمه والخوف من اتخاذ القرار !

[MAZEN37]

السنه هذه زحمه واضحه غير عن كل سنه
وين اداره التخطيط والاستراتجيات

[Mr. H]

مدينة نيويورك 13 مليون نسمة , و زحمتها تقريبا نفس زحمة الدوحة شلون ؟

نبي نظام مواصلات متطور و مرن و سريع خصوصا 1- الباصات العمومية الرخيصة 2- شبكة مترو حديثة 3- غرامات او رسوم على الهاي واي مثل الي صاير بدبي و كثير من مدن العالم الكبرى 4- بناء محطات باركنج كبيرة بادوار , مثل عماير كاملة لكنها فقط باركنج على مختلف مناطق الدوحة 5- توزيع اماكن العمل و الوزارات و الاماكن السياحية على مساحة الدوحة , جمع كل المرافق الحيوية في مساحة صغيرة يشكل ضغط فالكل راح يتجه لها للعمل و السياحة الخ الخ الخ


وبكذا انحلت المشكلة و صلى اللهم وبارك

[المستقل]

روحوا مدارس السواقه وتعرفون السبب!!

كل من هب ودب يخلونه يأخذ ليسن مزارع هاوس كيبنق عامل نظافه اي مهنه ماعندهم مشكله المفروض على حسب الوظيفه الشيئ الثاني تم الغاء موافقه الكفيل لاخذ الرخصه سواء شركه او كفاله شخصيه يعني عندك مقهوي في البيت الصبح وانت في الدوام اهو في المدرسه وعقب ياخذ ليسن ودريييل في راسك عشان يقلب الكفاله وعقب سياره عراوي بعشر ألاف ويتكس يعني اهم شيء عندهم الربح الشوارع تستحمل العدد الفلاني من السيارات وهم في اليوم يخرجون 500 وكل واحد بعد شهر عنده سياره وهااك زحمه!!! تخبببببط مافي تخطيط مافي دراسه لسعه الشوارع الاسيعابيه!!


في اليابان اذا حاب تشتري سياره لازم ورقه من البلديه تثبت ان عندك موقف لسياره وحنا نعطي ليسن حتى لحفار القبور وعامل الصرف الصحي!!! مش امتهان لهم بس لازم في تحديد فئات الي تحتاج سياره.

[Mr. H]

المستقل , أنت قلت

1- يعطون رخصة سياقة لـ أي شخص مهما كانت مهنته
2- إلغاء شرط موافقة الكفيل لإي مقيم قبل التقدم لمدرسة سياقة

معليش بس بإي حق تقدر تمنع الناس من إنهم يسوقون ؟ ما اعتقد كلامك منطقي

ممكن أوافق معك اذا قدمنا حلول أولية مثل المترو و شبكة الباصات و ترتيب الطرق الخ الخ , و اذا بقى زحمة بعد كل هالحلول .. ممكن نطبق الي تقولة و النموذج الياباني !

معروف أن طوكيو أكثر مدينة كثافة سكان في العالم , لكن ما اعتقد سنو القانون الي تقول عنه قبل ما يوفرون لهم كل المطلوب من شبكات قطارات و باصات و نقل و توسيع للطرق الخ الخ ..

يعني حلك المفروض يكون الـ last option

[جلمود]

في خطة مرسومة لي فتح مخارج جديدة لي الشوارع المزحومه

لفات فرعية

[يوسف0]

الميترو مابيحل او حتى يخفف من الزحمه بل بيزيدها لان ربعنا بيسوون افظل ميترو فالعالم كعادتهم فاكييد بتكون تسعيرة المواصلات رخيصة!

الحل انهم يحولون مدن غير الدوحة ويوفرون فرص وظيفية وسكن ويتم توزيع اراضي بخطط مدروسه عملية سريعه وتوفير كل الاحتياجات الرفاهيات والحدائق بمثيلها فالدوحه سواء كان مواطن او اجنبي ترا قطر كبيرة والارااضي فاضية والسكان عددهم قليل وخاصة القطريين.

وهذه العملية بتخفف الزحمة من الدوحة بشكل ملحوظ

وبتترك المجال لربعنا انهم يظبطون الدوحة على راحتهم

وفالاخير المسؤوولين في سبات لانها امور ماتهمهم :tease:

[Ali A]

كنت قبل اسبوع في دبي وشفت العجب

1- شوارع ذات 6 مسارات على الاقل

2- استغلال جوانب الطرق في عمل - جسور - انفاق

للالتفات والدوران

3- الغاء الدوارات والعمل على الجسور والكباري والاشارات

4- عمل اختصارات بين الطرق لفك الازدحام

5- شغل على مدار السنه لحل مشكله الازدحام

حتى انه مستحيل توقف عند اشاره اكثر من 5 دقائق

6- صاحب التكسي يقولي كل سنه الزحمه تقل لان حكومه دبي كل

همها انها تقضي عالزحمه وربعنا شغالييين في باريس وفي لندن

اعتقد ان الدوحه تحتاج الى عمل كبير جدا للقضاء على الزحمه

والطرق الغلط واعاده هيكله للخطوط وخاصه نفايات اشغال وتخطيطهم الفاشل

لاد من عمل عاصمه جديده واعاده هيكله للدوحه وضواحيها

[مونتانا]

اسباب الزحمة في الدوحة:
اولا اشغال لاتملك الكفاءة لادارة الشاريع والتخطيط للمستقبل.
ثانيا لايوجد شفافية لمعرفة حقيقة الامور فيما يخص البنية التحتية والمشاريع المستقبلية.
ثالثا طريقة ترسية المناقصات على المقاولين تكون بأسلوب الارخص وليس الاكفأ.
رابعا لا يوجد محاسبة للمقاولين الغير اكفاء والاسباب طبعا معروفة.

باختصار ياهل قطر جايتكم زحمة لايعلم بها الا الله اذا كانت الحكومة تتعامل مع الزيادة العمرانية والسكانية بهذا الاسلوب البطيئ والعقيم.

[زهرة بنفسجية]

زحمممممه لا تطااااااق

من حياة بلازا لمحطة ابوهامور مثلا يبيلك اكثر من نص ساعه
تكدس السيارات عند الدوار
و توقف ربع ساعه على الاشارة
شي مو طبيعي ولله

صرنا نكره طلعة البيت لاجل الزحمه

[حبتور]

البعض يقول أخرج من بيتي وأدخل في الطابور

[Ahmed25]

انا اشوف انه من الاسباب الرئيسيه للزحمه ، يوم توقف على الاشاره عزيزي السائق (خصوصا الهندي) مب لازم تترك قدامك 9 كيلومتر و الله مب لازم !!! بعضهم يترك بينه و بين اللي قدامه مساافه كبيييره جدا ، و اللي ورا يتأزمون اذا يبون يدخلون طريق الخدمه على اليمين او يلفون يسار !

ما اقولك الصق في اللي قدامك ! بس القانون يقولك خل بينك و بينه مسافه بحيث انك تشوف تواير موتره ! مب تشوف الافق اللي بينك و بينه !

[Ahmed25]

الميترو مابيحل او حتى يخفف من الزحمه بل بيزيدها لان ربعنا بيسوون افظل ميترو فالعالم كعادتهم فاكييد بتكون تسعيرة المواصلات رخيصة!

الحل انهم يحولون مدن غير الدوحة ويوفرون فرص وظيفية وسكن ويتم توزيع اراضي بخطط مدروسه عملية سريعه وتوفير كل الاحتياجات الرفاهيات والحدائق بمثيلها فالدوحه سواء كان مواطن او اجنبي ترا قطر كبيرة والارااضي فاضية والسكان عددهم قليل وخاصة القطريين.

وهذه العملية بتخفف الزحمة من الدوحة بشكل ملحوظ

وبتترك المجال لربعنا انهم يظبطون الدوحة على راحتهم

وفالاخير المسؤوولين في سبات لانها امور ماتهمهم :tease:


المشكله ياخوي الكل يبي الدوحه ، لأنها فيها كل الأماكن الخاصه بالترفيه،، و اقول الترفيه الصجي مب جمعيه و مكتب بريد

[Me&OnLy]

اتوقع الخطاء يكمن في الانشاء القديم لبعض المدن والطرق الخارجيه والداخليه ... ولابد من وجود حلول بأسرع وقت ممكن .. فالزحمه في الوقت الحالي لاتطاق بالنسبه لعدد سكان الدوله من مواطنين واجانب فما بالك لو كنا اقل شيء 3 مليون

[al wafi]

وعقب يقولون ليش تتجاوزون وليش تركبون رصيف

[R 7 A L]

خلهم يرجعون رتم الحياة مثل أول وبتنتهي الزحمة

خلهم يخلون ساعات الدوام مثل قبل
وخلهم يقللون من العماله مثل قبــل
وخل العوايل تركب اطفالها الي رايحين للمدرسة على باصات الحكوميــة
بدال مانحصل في البيت الواحد ثلاث سيارات للمدارس

[al_maystro]

الزحمه الاكبر صارت من بعد المغرب لين 9 بالليل

[ضوى]

بجد من فترة وانا اشوف الدنيا زحمة من قلب وبكل الاوقات تقريبا شي غريب والله ،مشوارنا ماياخذ ساعة وناخذ فيه فوق الثلاث ساعات ، عن نفسي صرت استثقل الطلعة كلماتذكرت الزحمة

الله المستعان

[S A A D]

التخطيط غلط

هذي مشكلتنا في كل شي لا شوارع ولا ابراج كلها بدون تخطيط بس يبون يخلصون وليتهم يخلصون بسرعة

من اشارات المناصير لين اشارات اسباير نص ساعة :anger1: ليش التخطيط السئ

شارع سلوى صار ما يندخل من الزحمه وخط 22 فبراير لو تمشى على رجلك توصل اسرع

و الذكاء اللي ماله حل يوم يسون شارع بثلاث حارات :rolleyes2: سنه 1990 يمكن يمشى الحال بس احنا 2012 يعني حتى اربع حارات ما تخدمك

ومن زود الذكاء يحطون المجمعات كلها جنب بعض

حياة بلازا وفيلاجيو جنب بعض
اللاند وبيفتحون جنبه مجمع والاشارة زحمتها الى مادري وين

وبلفيت مسوين خط سريع واهو زحمته صايره مسلسل

[يوسف0]

المشكله ياخوي الكل يبي الدوحه ، لأنها فيها كل الأماكن الخاصه بالترفيه،، و اقول الترفيه الصجي مب جمعيه و مكتب بريد

هههههه اي والله جمعيه ومكتب بريد وماكدونالد

بس تخيل ايوفرون مستشفى متكامل،مجمع تجاري،صناعية،مدارس،فنادق،مطار،عمارات سكنية،زحمه اقل،شوارع بتخطيط،كروة باسم المدينه،وكالات السيارات،بنوك،وزارات خاصة بالمدينة،نادي الدوحه سابقا،حدائق,كورنيش محترم.....الخ

اعتقد ان الناس بيسكنونها وهم مرتاحين وكل شئ قريب والميزانية اعتقد انها تساعد على اكثر:) ولا شرايك؟

[حبتور]

اليابان تحتفل بالقضاء والتخلص من آخر إشارة مرور بطوكيو عام 2000م والفال لنا بس أي عام آي دونت أندر ستند؟

[المستقل]

المستقل , أنت قلت

1- يعطون رخصة سياقة لـ أي شخص مهما كانت مهنته
2- إلغاء شرط موافقة الكفيل لإي مقيم قبل التقدم لمدرسة سياقة

معليش بس بإي حق تقدر تمنع الناس من إنهم يسوقون ؟ ما اعتقد كلامك منطقي

ممكن أوافق معك اذا قدمنا حلول أولية مثل المترو و شبكة الباصات و ترتيب الطرق الخ الخ , و اذا بقى زحمة بعد كل هالحلول .. ممكن نطبق الي تقولة و النموذج الياباني !

معروف أن طوكيو أكثر مدينة كثافة سكان في العالم , لكن ما اعتقد سنو القانون الي تقول عنه قبل ما يوفرون لهم كل المطلوب من شبكات قطارات و باصات و نقل و توسيع للطرق الخ الخ ..

يعني حلك المفروض يكون الـ last option

أنت الأن أمام مشكله والمشكله تكبر يوم بعد يوم والشوارع قامت تستقبل اعداد من السائقين أكبر من سعتها الاستيعابيه ومدارس السواقه تخرج في اليوم مئات السائقين وكلهم بكره بيستخدمون الطرق..... الحل المنطقي والبديهي تحط ايدك على منبع المشكله وتحاول تحط شروط وضوابط خصوصاً ان دفه تطوير وأنشاء الطرق بطيئه جداً

وبخصوص ان من حق اي شخص يطلع رخصه قياده ، بكره بيلغون الكفاله الشخصيه وبيطلع كل خادمه تبي تشتري سياره وليسن وتسوق يسمحون لها؟ في ظل الأزمه الخانقه الي نعيشها الان شلون بعد كم سنه ؟!!

دور الجهات تسن القوانين لحد من اي زياده تؤثر سلباً حتى لو كان تخصص في الجامعه

[بـارود]

الحل الأمثل يكمن في طرد العقليات المتحجرة

[خيالة قطر]

اي والله فكل مكان
انا طلعت من البيت ساعه 6 ونص رايحه جامعه قطر
وماوصلت الا 8 !!
مب حاله خل يجوفون لنا حل تمللنا كل مكان زحمه
ومانوصل الا متاخرين يعني متى نطلع الفجر من البيت ؟

[king fish]

:nice::nice::nice::nice::nice:
الميترو مابيحل او حتى يخفف من الزحمه بل بيزيدها لان ربعنا بيسوون افظل ميترو فالعالم كعادتهم فاكييد بتكون تسعيرة المواصلات رخيصة!

الحل انهم يحولون مدن غير الدوحة ويوفرون فرص وظيفية وسكن ويتم توزيع اراضي بخطط مدروسه عملية سريعه وتوفير كل الاحتياجات الرفاهيات والحدائق بمثيلها فالدوحه سواء كان مواطن او اجنبي ترا قطر كبيرة والارااضي فاضية والسكان عددهم قليل وخاصة القطريين.

وهذه العملية بتخفف الزحمة من الدوحة بشكل ملحوظ

وبتترك المجال لربعنا انهم يظبطون الدوحة على راحتهم

وفالاخير المسؤوولين في سبات لانها امور ماتهمهم :tease:

[meandme]

أنا بعد أصبحت أكره الخروج من المنزل بسبب الزحمه....وتدرون اللي اكتشفته الأسبوع اللي راح...نزلت سيارتي عل سيرفس في محطة أبو هامور...كان المفروض رفيجي ياخذني من هناك...لكن للأسف عالق في زحمه بعيده...وقلتله خلاص لا تيجي بشوفلي تاكسي...لقيت حذاي بعد المحطة موقف للباصات..اعتبرتها تجربه أولى مسلية قلت روح يا ولد اكتشف ...اشوف الخريطه وارقام الباصات قلت بجربها دام المشوار سيدا وقريب للوعب...وفي ناس وايد تنتظر قاعده...45 دقيقة لم يأتي باص للأسف...والله اني شفقت على المساكين اللي قاعدين ومنهم حريم بعد...عقب كل هل انتظار جا هندي عطاني هرن طلعت معاه هههههههههههه....تكاسي غير قانونية واااااايد مكدسة في الشوارع ....يعني 10 بالمية من السيارات الخصوصية شغالة تكاسي...مسوية أزمة صحيح ...لكن البلد بحاجة ماسة للتكاسي...لانه قابلت أجانب وايد يشتكون من هل شي...يعني حتى نظام كروه والباصات طلع فاشل...وماله أمان...عشان جي الهنود وبو فلبن مايستخدمونه لانهم مابيلحقون شغلهم لو طلعو بالباص....الله يعين الناس

[حسن]

فعلا الوضع صار مخيف جدا وتحس احنا ماندري وين رايحين وكله تمام يافندم

زحمه غير طبيعيه تخطيط شوارع سيئه جدا فوضي مروريه غير طبيعيه اهم شي ثقافه المخالفات وجني الارباح
للاسف وافدين من كل الاجنسيات وخصوصا الاسيويه سواقتهم زباله وهم مسببين الزحمه والحوادث
لو كنت مسئول وصاحب قرار لاستعنت بضاحي ليشوف الوضع وش الحل معاه

[qatara]

برايي ان الزحمه والاختناقات.
بسببت نقطتين اساسيات وهم بسب اغلاق التحويلات والمخارج
والاسباب الباقيه هي. بسب كثر السيارات وضيق الشوارع وعدم تناسقها

1 - يتم فتح اللفات التي ترجع السائق على
الطرق الداخليه للعوده بدلا من التزاحم
على الاشارات او الجسور.

وعمل مدخلين على الاقل للعوده على
الشارع الواحد والتي اغلقت بحجه انها
تسبب حوادث وراينا بحكم الواقع ان نسبة
كثرةالحوادث لم تكن هذه المخارج سببها
والتي تعيد السائق للشارع الثاني بلعكس
كانت مخففه للزحمه حتى اغلقت وزادت الزحمه

2- عمل مخارج من الشوارع الرئيسيه سوا
خط الشمال او غيره من الخطوط تودي
مباشره للمناطق التي هي يمين ويسار الخط
اي تودي للدخول مباشره وليس الوصول
للجسور التي مالها من الجسور الا الاسم
ويكون الخروج من المنطقه للشارع
الرئيسي. خروج هادي يتم عن طريق شارع
الخدمات لكي يتم تفادي الخروج المفاجي
امام سالكي الشوارع الطويله

وبنفس الوقت عمل لفات ترجع للشارع
الثاني عند رغبه قائد المركبه بالعوده بدلا

من ضرب خط من جسر لاخر او من اشاره ضوئيه لاخرى والتزاحم عندهم
والله الموفق

[حسن]

المشكله مايقولون اشغال ولا التخبط يفكون عدد قطر نفس الشي وهناك خطه لوصل العدد الى 4 ملايين
فا مايقولون وش بيسون شوارعنا حولها بر والمسارات كله خطين حسبي الله عليكم كرهتونا في بلادنا

[R 7 A L]

من هب ودب يسوق

باصات كروه الى مثل القطارات تارسه الشوارع والقهر مافيها الا طفل أو أثنين والباقين أهلهم يوصلونهم للمدارس

كل بيت فيه 2 او 3 على الأقل من السواقين والدريوليـــه

الشوارع ضيقه ( مساحة الانترلوك الى محسسيني ان جونا ومناخنا لندني بالفيت للمشي أكبر من مساحة الشارع )

الغشم بكثيرة ومنتشرين وتحصلهم متوقفين عند الدوارات ينتظرون الشوارع تفضى لين يحرك أو تضر عليه هرن تصحيه من النوم


التريلات مخالفة لقانون المرور ويعرفون ان فيها مخالفة بس ( التريب ) الشحنة ماتتفوت


أقترح كل موظف يداوم الفترة الصباحية يصلي في جهه عملة لين ربي يزينـــها

[حسن]

من هب ودب يسوق

باصات كروه الى مثل القطارات تارسه الشوارع والقهر مافيها الا طفل أو أثنين والباقين أهلهم يوصلونهم للمدارس

كل بيت فيه 2 او 3 على الأقل من السواقين والدريوليـــه

الشوارع ضيقه ( مساحة الانترلوك الى محسسيني ان جونا ومناخنا لندني بالفيت للمشي أكبر من مساحة الشارع )

الغشم بكثيرة ومنتشرين وتحصلهم متوقفين عند الدوارات ينتظرون الشوارع تفضى لين يحرك أو تضر عليه هرن تصحيه من النوم


التريلات مخالفة لقانون المرور ويعرفون ان فيها مخالفة بس ( التريب ) الشحنة ماتتفوت


أقترح كل موظف يداوم الفترة الصباحية يصلي في جهه عملة لين ربي يزينـــها



كلامك كله صحيح يارحال تعال شوف التخطيط عندنا والله حرام بعثره هل الملايين
والنتر لوك شب مش طبيعي تصدق جدام بيتي انتر لك من السور للرصيف 22متر
اتصدق وتم تضييق الشوارع تحس بعطونه تكتك الظاهر وفي نفس الوقت شوارع
بني هاجر كبيره ووسعوها تخيل المشروعين نفس المده صج تناقض
وروح دبي وشوف شلون دبي كانت تعاني وين الاحين فرق السماء والاض
دام احنا كله الاول في العالم كان سوا شوارع 8حارات علشان انكون الاول
في العالم في الشوارع

اخ لو كنت مسؤلاول شي ابرز المشانق وعقب انظم الشوارع

[R 7 A L]

كلامك كله صحيح يارحال تعال شوف التخطيط عندنا والله حرام بعثره هل الملايين
والنتر لوك شب مش طبيعي تصدق جدام بيتي انتر لك من السور للرصيف 22متر
اتصدق وتم تضييق الشوارع تحس بعطونه تكتك الظاهر وفي نفس الوقت شوارع
بني هاجر كبيره ووسعوها تخيل المشروعين نفس المده صج تناقض
وروح دبي وشوف شلون دبي كانت تعاني وين الاحين فرق السماء والاض
دام احنا كله الاول في العالم كان سوا شوارع 8حارات علشان انكون الاول
في العالم في الشوارع

اخ لو كنت مسؤلاول شي ابرز المشانق وعقب انظم الشوارع

22 متر :omg:
وكلها أنتر لوك ؟
المفروض يابوعلي تستغل المساحة
ركب مضلات
او حط كراسي خشب ( ديزاين )
شبكة كورة طائرة :secret:

،

أكثر شي يقهر
مشروع تقاطع الصناعية
خساير بالملايين
و وقت طويل

ومازلت الزحمه موجودة !!

[برويقن]

الحل

بناء مدينة جديدة مستقلة بعيدة عن الدوحة

فيها كل الخدمات وفروع من الجهات الحكومية والوزرات ومراكز الشرطة والدفاع المدني والمرور

بالاضافة إلى مدارس و مستشفيات واسواق ومجمعات وفنادق ومنتجعات وفلل وبيوت وشقق وعمارات

[داااايم السيف]

فعلا الزحمة اصبحت امر لايطاق
اكيد فيه حل عند اصحاب القرار ولو جزئي

[عس عس]

للاسف ولا حد درى عنكم

[يحفظك ربي]

اي والله الكل ملاحظ الزحمة هالسنة واااايد زايده عن حدها وصايره شي لايطاق الصراحة
لين متى ؟ لاتفكير ولاتخطيط ولاترتيب ولا شي
بس زياده في هالوافدين .. يابوهم وقطوهم علينا

[أخت الكل]

وبالصيف كنت اقطع الطريق من بيتنا لمنطقة الابراج في نص ساعة وأنا امشي بروقان

وهالحين اركب السيارة وأقول دعاء السفر (الشكوى لله) وما أوصل شغلي الا بعد ساعة

[Dark_QTR]

مشروع الميترو راح يبدأ تنفيذه 2013 (حفر وبناء وتوصيل شبكات) وراح يتم تفعيله 2020 او 2019
على حسب توقعات مدير شركة الديار

[يوسف0]

مشروع الميترو راح يبدأ تنفيذه 2013 (حفر وبناء وتوصيل شبكات) وراح يتم تفعيله 2020 او 2019
على حسب توقعات مدير شركة الديار

وراح يتم تفعيله 3020 او 3019 حسب توقعاتي:)

[حبتور]

على فكرة دوار الجوازات أو دوار سوق العلي كما كان يسمى من قبل صار أكثر من أربعين سنة والناس تشتكي من خلال الإذاعة والصحف ووسائل الإعلام وماتزال المشكلة قائمة وجميع الحلول لم تساهم في حل المشكلة والحل بسيط وهو إزالة الدوار

[alsoq]

انا اللي افكر فيه كاس العالم يعني بيجون اقل شي 2 مليون شخص كاحد ادني
ايش بيصير اجل مذبحه :)

[asadfg]

في الفتره الحاليا انا ابدا ماثق في ربعنا لانه ثبتو فشلهم اكثر من مره

ابرك يمسكون ناس فاهمه لو اجانب انشالله مايهم اهم شي يحلون لنا الامور بطرق مبتكره مب ذيلا زمن الديناصورات قاعدين يبون يتعلمون على حساب الشعب خلنا نجيب اجانب ويحلون لنا الامور وخل ربعنا يتعلمون منهم بدال لا يقعدون يطبقون تجاربهم الفاشله علينا واحنا الي نبلعها

[لمعة الالماس]

الزحمه في كل الاوقات صبح وظهر ومغرب وعشاء

الحلول اللي اقترحها

:: الدوامات :: دوام المدارس والموظفين يكون الفرق بينهم ساعة مب الكل لازم يداوم الساعه 7 يعني ممكن المدارس 6ونص او 7 والموظفين دوامهم 7 ونص او 8

لان الصراع مب طبيعي هالوقت الكل يبي يلحق بس لو نخلينا فرق ساعة بين المدارس والموظفين بتخف الزحمه

وفي نفس الوقت ممكن نقلل السيارات لان كل اب او ام ممكن يوصلون عيالهم وعقب يروحون الداوم ويكون في وقت

واقترح ان كل جهة او وزارة او شركة توفر باص نقل للموظفين او ممكن يكون باص مشترك لكل اللي يشتغلون في منطقة الابراج مثلا وباص ثاني للي يشتغلون في السد وهكذا

وجهة العمل تتكفل بدفع تكلفة التوصيل ومنها نخفف الضغط بالشوارع ونقلل عدد السيارات

سيارات المازدا للنقل ياليت يخالفونهم الصبح ويعتبرونهم مثل الشاحنات لانها تعطل حركة السير وتمشي بطيء :( ياليت يسمحون لهم الظهور بالشوارع مع الشاحنات

وفي وايد شاحنات او هذي السيارة مالت الاسمنت تمشي في الشوارع وقت الذروة الصبح والظهر ليش ما يخافونهم !!

باصات العمال الكبيرررررة بصراحه السواق يسوق بوعوره المفروض يطلعون قبلنا والا بعدنا

الشوارع لازم يكثرون من المخارج خاصة للشوارع اللي باليمين عشان اللي يبي يروح يمين يروح ويقلل الضغط بالشوارع

في برودكاست وصلني يقول قطر الصبح عبارة عن سيارات فيها شوارع

[حبتور]

المطلوب للحل شركة أجنبية مالها علاقة بأي شركة محلية والتعاقد معهاعن طريق المكتب الهندسي الخاص للمراقبة والمحاسبة والإبتعاد عن التلاعب واللف والدوران

[جمال اليافعي]

انا اللي افكر فيه كاس العالم يعني بيجون اقل شي 2 مليون شخص كاحد ادني
ايش بيصير اجل مذبحه :)

زيد عليهم مليون عامل اللي للمشروع ههههههه

[cavok]

واللة تعذبنا من الزحمة
أتقول قاعدين في مصر وإلا في الهند