وش سويت هالسنه !

[حميداني]

بمعنى اخر , ماذا أنجزت ؟
تدرون ان فيه كثار تستحي وما تعرف تجاوب على هالسؤال ...

هل انت منهم , ولا انت عارف وش أنجزت هالسنه ومستعد تبوح به على العلن من غير ما تخجل
ننتظر نشوف الشباب القادر يجاوب على هالسؤال انه يشاركنا ويبوح بانجازاته

وفي رأيه ليش يخجل البعض من انه يبوح باللي سواه
هل هذا لانه مستنقص ما سواه هالسنه ولا لانه يحس انه ما أنجز شي أصلاً ولا لأنه ما يحب يشارك انجازاته لاسبابه الخاصه مثل ( عين , حسد .. والخ )

السؤال هذا هل ممكن يكون حافز للبعض للانتاج ولا هو مجرد سؤال بودقيقتين وخلص ؟

[chillis]

اول شي سويته هالسنه رتبت حياتي وللافضل الحمدلله وفعلا الواحد يخجل يتكلم ويبوح اذا مايكون انجز شي في السنوات الماضيه لم انجز اي شي لكن هالسنه غير عبى الصعيد الشخصي والعملي الحمدلله

[ريتويت]

سويت كيكه من شوي .. ادعو لي اتوفق

[حميداني]

اول شي سويته هالسنه رتبت حياتي وللافضل الحمدلله وفعلا الواحد يخجل يتكلم ويبوح اذا مايكون انجز شي في السنوات الماضيه لم انجز اي شي لكن هالسنه غير عبى الصعيد الشخصي والعملي الحمدلله

الحمدالله تشليز .. وعاساج الى الامام دوم
من صوبي بعد انا نفس الشي لو جاني واحد قبل هالسنتين يقولي وش سويت , ما كنت بعرف اجاوب
اما الحين الحمدالله متوفق والفضل لربي وقربت على التخرج وقاعد افكر الحين بهوايه حلوه
مخطط عليها علشان لما اسأل نفسي هالسؤال .. اجاوب ايه صح هالسنه كانت مميزه وسويت كذا وكذا

العمر مره ويمشي فلت تشيليز

ربي يوفقنا وياج

[نتفـه]

حلو الموضوع ..
السنه في شي جديد بمجهودي بيصير ولله الحمد والمنه وانا وايد مستانسه عليه الحمدلله..
وبعد في تأمل ان يصير حدث حلو في حياتي اذا الله اراد .. شي تمنيته واتمنى انه يتحقق واشوف بوادره بس اتمنى دعواتكم انه يتحقق ان شاء الله ^_^
ربي يجازي كل شخص على قد نيته ((سبحان الله)) ,,
للاسف ما اقدر اذكر كل شي بالتفصيل لكن عطيتكم رؤوس اقلام :)
الحمدلله ..

شكرا على الموضوع ,,

[حميداني]

سويت كيكه من شوي .. ادعو لي اتوفق

كفو عليج الشيف سكر :nice: بالتوفيق

[حفيد الأنصار]

مش حسد مثل ماوضحتي
لكن ماتذكر اني سويت شي هالسنة
والاقرب اني ماسويت شي يستحق الفخر :weeping:
الامور مستقرة والحياة حلوة ( الحمد لله )

[نتفـه]

اي صح ودخلت مشروع الحمدلله كنت ابعثر الفلوس بلا هدف والحمدلله دخلت مشروع اتمنى اني القى فيه النجاح .. عموما المشروع مع حد من الاهل بس ما شفت خيره من شره للحين لكن متفائله خير .. :)

[حميداني]

حلو الموضوع ..
السنه في شي جديد بمجهودي بيصير ولله الحمد والمنه وانا وايد مستانسه عليه الحمدلله..
وبعد في تأمل ان يصير حدث حلو في حياتي اذا الله اراد .. شي تمنيته واتمنى انه يتحقق واشوف بوادره بس اتمنى دعواتكم انه يتحقق ان شاء الله ^_^
ربي يجازي كل شخص على قد نيته ((سبحان الله)) ,,
للاسف ما اقدر اذكر كل شي بالتفصيل لكن عطيتكم رؤوس اقلام :)
الحمدلله ..

شكرا على الموضوع ,,

روعه يا نتفه , شي يونس اللي قاعد اسمعه منج وأروع انج مستانسه على ما سويتي
والتخطيط المستقبلي للتكمله اللي بتسويها أحلى واحلى .. هذي هي الايجابيه اللي تعجبني

ربي يوفقج لمبتغاج ان فيه خير لج
وعلى الله فليتوكل المتوكلون

[حميداني]

مش حسد مثل ماوضحتي
لكن ماتذكر اني سويت شي هالسنة
والاقرب اني ماسويت شي يستحق الفخر :weeping:
الامور مستقرة والحياة حلوة ( الحمد لله )

علشان جذي عندك هالسنه ... للحين انتي عايش لله الحمدال والمنه والسنه ما اخلصت
سوي شي , اشترك في مركز سوي مشروع ساافر برى ..احفظ جزء
شي يذكرك انه هالسنه كانت موجوده مش مجرد هامش

ربي يحفظك ويوفقك اخوي الحربي

[نتفـه]

روعه يا نتفه , شي يونس اللي قاعد اسمعه منج وأروع انج مستانسه على ما سويتي
والتخطيط المستقبلي للتكمله اللي بتسويها أحلى واحلى .. هذي هي الايجابيه اللي تعجبني

ربي يوفقج لمبتغاج ان فيه خير لج
وعلى الله فليتوكل المتوكلون

رحم الله والديك اخوي :)
واخيرا على كثر النكبات اللي شفتها قدرت اخطط صح :rolleyes2:

[حميداني]

اي صح ودخلت مشروع الحمدلله كنت ابعثر الفلوس بلا هدف والحمدلله دخلت مشروع اتمنى اني القى فيه النجاح .. عموما المشروع مع حد من الاهل بس ما شفت خيره من شره للحين لكن متفائله خير .. :)

هالكلام السنع :nice: ... حتى انا في بالي مشروع ودي ابتدي فيه قريب
الله يبارك لج فيه انتي والمشتركه معاه ويخليه يكبر يوصل على مدى طموحج

خطوه حلوه يا سيدة الاعمال

[حسن]

الحمدلله شريت فله واجرتها والحمدلله ادينه الزكاه والحمدلله دخلت مضاربه الحمدلله ربحنا والحمد لله على كل حال
ويالله بالعفو والعافيه والصحه والستر

[نوار قطر]

ماسويت شي مافي شي تغير في حياتي لا على الصعيد الشخصي ولا العائلي الحمدلله اموري مستقره كنت اتمنى واطمح اني ادخل مشروع بس محد مساعفني والحمدلله الامور ماشيه لا جديد :)

[حميداني]

الحمدلله شريت فله واجرتها والحمدلله ادينه الزكاه والحمدلله دخلت مضاربه الحمدلله ربحنا والحمد لله على كل حال
ويالله بالعفو والعافيه والصحه والستر

الحمدالله يا حسن , ربي يعمرها بناسها وأهلها وتشوفون الخير كله منها وتبقى تدر عليك الخير طول ما انت مراعيها فحقها وحق الزكاه

انجاز كبير يا حسن وتثبية قدم للمستقبل
ربي يحفظك ويبارك فيك

[حمد 2002]

ولا شي للاسف

[حميداني]

ماسويت شي مافي شي تغير في حياتي لا على الصعيد الشخصي ولا العائلي الحمدلله اموري مستقره كنت اتمنى واطمح اني ادخل مشروع بس محد مساعفني والحمدلله الامور ماشيه لا جديد :)

معليه يا نوار , اللي يبي الدح ما يقول أح
شدي حيلج وحاولي وان الله ما كتب فخيره لج ان ابعده عنج , هذا مو معناته ان لين اهني خلاص وقفنا

عندج الف شي وشي ممكن تملين مكان هالمشروع , ترى الهوايه بحد ذاتها مشروع مربح للمستقبل

ربي يوفقج نوار للي تطمحين فيه وان شاءالله تحصدين ثمارها هالسنه او اقريب منها

[حميداني]

ولا شي للاسف

الحمدالله على كل حال .. انت للحين عايش وبكرا باذن الله ان ربنا احيانا .. الصبح
يوم جديد وتجربه جديده , شد حيلك يا بوجاسم ترانا ما خلصنا

[نوار قطر]

معليه يا نوار , اللي يبي الدح ما يقول أح
شدي حيلج وحاولي وان الله ما كتب فخيره لج ان ابعده عنج , هذا مو معناته ان لين اهني خلاص وقفنا

عندج الف شي وشي ممكن تملين مكان هالمشروع , ترى الهوايه بحد ذاتها مشروع مربح للمستقبل

ربي يوفقج نوار للي تطمحين فيه وان شاءالله تحصدين ثمارها هالسنه او اقريب منها



اجمعين ان شالله امين ياااارب ربي يسمع منك تسلم اخووووي :)

[حميداني]

اّمين نوار

[حسن]

ولا شي للاسف

الارزاق بيد الله يوم كنت في الكليه العسكريه مسلف نصف الدفعه

وعقب هم وصلو وانا ماقدر لي الله ان اوصل لاكن الله فرجها علي اخيرا

والحمدلله صرت من اصحاب :secret: اذا الله كتب لك الرزق لن يستطيع احد رده عنك

شوف وجمع واعمل لك ميزانيه للصرف وفكر بشراء عقار لو ارض ولا شراء اسهم

والبنوك تعطي تسهيلات وبتساعدك هناك فرص كثيره

بالتوفيق ان شاء الله

[الزعفراني]

ودي أقول بس أخاف من عيون ربعي عيونهم حرّاقه برّاقه :)

[حميداني]

ودي أقول بس أخاف من عيون ربعي عيونهم حرّاقه برّاقه :)

هههههههههه .. :)

[mr.hamouda]

1- تخرجت من المدرسه :nice:
2- دخلت الجامعه :)
3- اختصرت قسم التأسيسي في مادة الرياضيات ( بفضل لله )
4- اختصرت مرحلتين من التاسيسي شغال في المرحله الثالثه (موب مميز لهناك )
5- خذيت الليسن :nice::omen2::victory:

[نتفـه]

هالكلام السنع :nice: ... حتى انا في بالي مشروع ودي ابتدي فيه قريب
الله يبارك لج فيه انتي والمشتركه معاه ويخليه يكبر يوصل على مدى طموحج

خطوه حلوه يا سيدة الاعمال

الله يسهل عليك امورك ويوفقك ف مشروعك
اما انا وسيدة اعمال صعبه :secret: .. انا حلاتي قاعده وحد يمشي الشغل عني :nice: ما افهم في المشاريع ولا التجاره :shy:

[حميداني]

1- تخرجت من المدرسه :nice:
2- دخلت الجامعه :)
3- اختصرت قسم التأسيسي في مادة الرياضيات ( بفضل لله )
4- اختصرت مرحلتين من التاسيسي شغال في المرحله الثالثه (موب مميز لهناك )
5- خذيت الليسن :nice::omen2::victory:

:victory: كبيييير يا مستر حموده
انجازات قويه لمستقبل عملاق ان شاءالله

[حميداني]

الله يسهل عليك امورك ويوفقك ف مشروعك
اما انا وسيدة اعمال صعبه :secret: .. انا حلاتي قاعده وحد يمشي الشغل عني :nice: ما افهم في المشاريع ولا التجاره :shy:

لا تقولين جذي الله يهديج , من كان يفهم من أول مره
الياهل ما يتعلم المشي الا بعد ما يطيح كم من مره والغلط اللي يعلمك مو عيب الا هو دعم وخبره للمستقبل .. امسكي شغلج بنفسج ودخلي نفسج وداريه اول باول مع شريكج
سبحان الله هاللي عطيتيه سافر ولا انشغل ولا راح , مو حرام يموت الشغل وياه وانتي موجوده ؟

أنا اقول نتفه ان شاءالله بتصيرين اكبر سيدة اعمال في قطر وليش بس قطر , في العالم ان شاءالله
بس الله الله بالطموح والصبر

اتعلمي ولا تتكلين

[mr.hamouda]

:victory: كبيييير يا مستر حموده
انجازات قويه لمستقبل عملاق ان شاءالله

:shy: تسلم اخوي

ترقبني ايها المستقبل فها انا قادم :tease: كأني اغتريت :P

[حميداني]

ونحن في الانتظار :nice: اغتر يا رجل ترى اغترارك في مكانه

[خليفـة]

موضوع جميل اخوي
احييك على طرحه
عن نفسي .. لله الحمد هذا العام
قدرت اخلص كل الشروط المطلوبة لترقيتي
ولم يتبقى لي سوى الفترة الزمنية

بالاضافة لبعض الأمور الي انجزتها في مجال حياتي الأقتصادية
والي قدرت من خلالها احسن من وضعي بشكل أفضل من الأول

يعطيك العافية مرة اخرى اخوي
:)

خليفـــة

[حميداني]

موضوع جميل اخوي
احييك على طرحه
عن نفسي .. لله الحمد هذا العام
قدرت اخلص كل الشروط المطلوبة لترقيتي
ولم يتبقى لي سوى الفترة الزمنية

بالاضافة لبعض الأمور الي انجزتها في مجال حياتي الأقتصادية
والي قدرت من خلالها احسن من وضعي بشكل أفضل من الأول

يعطيك العافية مرة اخرى اخوي
:)

خليفـــة

الحمدالله يا خليفه , ربي يسهل عليك وييسر دربك للترقيه وتكون بيوم فوقها بعشر مرات
الله يبارك فيك

[غموضي محيرهم]

سويت مشروووع mobile application مشروع يورب ف استراليا كان جداااا متعب :weeping::weeping: وخذا من وقتي واجد ,, بس صدق كان انجاز واشترته شركة مايكروسوفت : )


وعطوني فلوس عليه خخخخ :nice: :shy:

حبيت موضوعك اخوي : )

[غايه الطواش]

علي صعيد العمل انجزت مشاريع كبيره على مستوي الدوله
والحمدالله بس بعد ما انسى جهود الي معاي


اما على الصعيد الشخصي. ماحب حد يعرف

[حميداني]

سويت مشروووع mobile application مشروع يورب ف استراليا كان جداااا متعب :weeping::weeping: وخذا من وقتي واجد ,, بس صدق كان انجاز واشترته شركة مايكروسوفت : )


وعطوني فلوس عليه خخخخ :nice: :shy:

حبيت موضوعك اخوي : )

ما شااءالله عليج , حلو والله غموضي شهالانجاز المتميز
وشدي الحيل ببرامج التلفونات تراهي تجاره مربحه حيل .. لو انا منج الحين اروح اسجل نفسي كمبرمج في ابل واندرويد واحط لي كم برنامج باسعار حلوه
:nice: واعيش باقي عمري ملك

:) ربي يحفظج ويسر دربج

[حميداني]

علي صعيد العمل انجزت مشاريع كبيره على مستوي الدوله
والحمدالله بس بعد ما انسى جهود الي معاي


اما على الصعيد الشخصي. ماحب حد يعرف

الحمدالله , المهم انج مكتفيه ذاتياً واتعرفين انه ما مر عليج له قيمه ووزن
لقدام يا غاية الطواش

[حفيد الأنصار]

علشان جذي عندك هالسنه ... للحين انتي عايش لله الحمدال والمنه والسنه ما اخلصت
سوي شي , اشترك في مركز سوي مشروع ساافر برى ..احفظ جزء
شي يذكرك انه هالسنه كانت موجوده مش مجرد هامش

ربي يحفظك ويوفقك اخوي الحربي


لا ي أخوي سافرت اكثر من مرة
وحفظت قران ولو انه قليل
واخذت عمرة ولله الحمد
اشياء كثيرة ولكنها تصير كل سنة تقريبا
انا توقعت سؤالك يكون شي مميز مايتكرر قريب
تحياتي لك ..

[غموضي محيرهم]

:
ما شااءالله عليج , حلو والله غموضي شهالانجاز المتميز
وشدي الحيل ببرامج التلفونات تراهي تجاره مربحه حيل .. لو انا منج الحين اروح اسجل نفسي كمبرمج في ابل واندرويد واحط لي كم برنامج باسعار حلوه
:nice: واعيش باقي عمري ملك

:) ربي يحفظج ويسر دربج

,,,,,,,,,,,,,,,
هههههههههه وبعد بخلي اعضااء المنتدى ملوووك
:shy:

والله مشاريع علوم حاسب صارت صعبه وضخمه وكلها متعلقه بالايفون

مشكور ع الرد :victory:

[Locale]

افضل شي سويته في عمري كله اني حجيت ( ماقصد هالسنه)
لان اعتبر الحج اهم شي سويته في عمري كله
خصوصا اني خايفه من الموت ودايما افكر بالقبر
اسأل ربي انه يتقبل مني ويبلغني حجه وعمره كل عام

[khalid525]

اخ حميداني مواضيعك مميزة كالعادة ، انا ما احب استخدام المقياس السنوي لقياس انجازات الافراد ، يعني كل نهاية سنه يقون السخص بعمل كشف حساب لأنجازاته ، هالشي خذوه مدربي التنمية الذاتية من الشركات وطبقوه على الافراد ، باستخدام هالطريقة الانسان راح يحس بضغط و قلق وكأنه داخل مسابقة ،
افضل شي ان الانسان يخطط لنفسه ويضع اهداف ويستمر في تنفيذ هذه الاهداف حسب الوقت المخصص لكل هدف ، وفقط الاهداف المهمه هو اللي ممكن يحاول يحققها باقصر وقت ،

[Bin Hood]

ولا شي للاسف

عادي اخوي بمعنى اصح طبيعي

انا اشتغلت 3 سنوات ونص دون ترقية او تطور في مجال عملي

لكن بعدها ولله الحمد انتقلت لوظيفية افضل

[hamzaata]

الحمد لله هذة السنة كانت ممتاة بالنسبة لي, حصلت على شهاد الماجستير في المالية من الاردن, وسافرت كندا لاكمل دراسة الدكتوراة, وحاليا بعمل دراسة جدوى لمشروع بين هون بكندا وبلدي الاردن, وقاعد بدور على عروس - اللي حواليه يدلني -!!!

[نتفـه]

لا تقولين جذي الله يهديج , من كان يفهم من أول مره
الياهل ما يتعلم المشي الا بعد ما يطيح كم من مره والغلط اللي يعلمك مو عيب الا هو دعم وخبره للمستقبل .. امسكي شغلج بنفسج ودخلي نفسج وداريه اول باول مع شريكج
سبحان الله هاللي عطيتيه سافر ولا انشغل ولا راح , مو حرام يموت الشغل وياه وانتي موجوده ؟

أنا اقول نتفه ان شاءالله بتصيرين اكبر سيدة اعمال في قطر وليش بس قطر , في العالم ان شاءالله
بس الله الله بالطموح والصبر

اتعلمي ولا تتكلين

الله كريم ان شاء الله .. واذا عن التجاره ان شاء الله يتحقق اللي ف بالي وعقب اصير تاجره :victory:
الله يرزقنا كلنا ان شاء الله ,,