النجاح الآلي

[latof]

اليوم اكتب عن موضوع وأتمنا من الاخوه والأخوات الاعضاء التفاعل مع الموضوع لانه أنا احترم آراء الجميع .لقد اصبح التعليم متخلخل في قطر وخاصه الدارسين في المسائي والمنازل والله لدي صديقه تقول بانه زوجها ملتحق بالمنازل وتحلف انه لم يدرس ولكن اعتمد على الغش ونجح بمجموع 85
وهي الى الان لم تصدق . كذلك أنا معي في العمل بعض الأخوات من خريجات المسائي والله لا يعرفون الكتابه وهناك مدرسه مسائيه مشهوره الكل يسجل فيها لانه الغش وفتح الكتب غير ممنوع فيه ,اين الخوف من الله هل اصبح النجاح الي في دولتنا الحبيبه يعتمد الكم وليس الكيف الله يرحم ايام زمان كان عين الواحد تطلع حتى يحصل على الشهادة الثانويه , والله احبك يا قطر

[Bo jassim 33]

وانا بعد اعرف واحد كان يحط سماعة الجوال وزوجته تنقله كل الاجابات في المسائي


وهي بعد حاليا : معلمه

[حمد 2002]

من غشنا فليس منا ،، للاسف التعليم اخترب بشكل كبير ومخيف بالسنوات الاخيره بقطر ، وليس بالمدارس فقط حتى بالجامعات . مره تاسيسي وتوفل ومره يلقونه ومشاكل المدارس المستقله الي ماتخلص وو الى اخره ، الموضوع يطول في هالجانب ، مب بس التعليم المسائي الي عليه علامه تعجب ، التعليم بشكل عام بقطر عليه علامه تعجب كبيره ، والله المستعان ويصلح الاحوال

[حميداني]

هه اي والله الثانويه صج كانت عقده قبل
الله يصلحهم وقولي حق ارفيجتج اتقول حق زوجها .. ما يهم تنجح ولا ترسب
المهم التوفيق , ان نجحت بالغشر البركه ما بتنزل على من ما استحقها
ممكن تستانس فعماره يوصل راسها للسحاب وفي يوم واحد قلة بركه اتطيح من فوق لين تحت .. شف الصدمه
اللي يطيح من تحت ما ينكسر ان الله راد لكن العاده اللي الله يكتب له يطيح من فوق يطيح طيحه قاسيه

خوفيهم بالله وان اعين الناس مسغفلتهم فالله يشوف
شخصياً ومن اللي اشوفه من كلام ربعي الثانويه صار خروجها كأنه سهالات مش مثل قبل
لكن الله يعلم , هل هذا افضل ام اسوأ خاصه والثانويه هي سنين تحتوي فيها المعلومات العامه
لكن لما اتدش المجال اهني يبتدي الجد فعادي اتحصله غصبن عنه ينجبر يشد حيله علشان يقدر يواصل مع مستويات ربعه ... فيمين يسار بتتعب بتتعب

ويعني اللي عنده ثانويه ويكتفي فيها صعبه انشوفه يمسك مناصب حساسه الا من اثبت نفسه وفعلاص تمكن من مجهوده وخبرته

والشي اللي يجي بسهوله يروح بعد بسهوله

الله يوفقهم جميع