بغيت محل متخصص لتنظيف الثريات الكبيره

[PGR]

السلام عليكم ,,, اخواني بغيت محل متخصص لتنظيف الثريات الكبيره واللي على ارتفاع عالي ,, اللي عنده اسم شركة يفيدني ارحم الله والديكم ومشكورين مقدما

[ميلاف]

عندي لك فكره

الدريول او الخدامه تعطيه فوطه مطبخ ملطخه بماي عرفتها

وجيب لها سقاله او سقالتين على حسب على الارتفاع وشغله اغنيه هنديه

[PGR]

عندي لك فكره

الدريول او الخدامه تعطيه فوطه مطبخ ملطخه بماي عرفتها

وجيب لها سقاله او سقالتين على حسب على الارتفاع وشغله اغنيه هنديه

هههه ماينفع الثرية كبيره ةعلى ارتفاع 9 امتار

[KSK Logistic]

واللة الصراحة محتاجة سلم خاص

[معماري قطري]

هههه ماينفع الثرية كبيره ةعلى ارتفاع 9 امتار

اتوقع شركات التنظيفات تسوي هالشغله بس شوف شركة زينه .. جرب حظك مع المناعي واشترط لو بيشتغلون يجيبون المنصة الكهربائية وتجرب شغلهم في ثرية وحده قبل.

غير عندك شركات تركيب الثريات المفروض ينظفون بعد.

وبالتوفيق لك.

[PGR]

يعطيكم العافيه بس في شركات متخصصه لهالتنظيفات وانا مب عارف وينها , عشان جذي طرحت الموضوع لعل وعسى حد عنده تجربه

[Bently]

اخوي في محل عند دوار الجنون سابقا اعتقد اسمه الشعله او الي جنبه في شخص خبير ومختص في الترميم وتلميع ثريات القصور وهذا الشخص جلست معاه من اربع سنوات تقريبا وكان يشرحلي عن كيف اعادة الثرياة على حالتها واصلاحها عاد مدري هو موجود ولا لا واعتقد جنسيته اردني او فلسطيني

[PGR]

يعطيكم العافيه وحصلت المطلوب ,, جزاكم الله خير