وي وي ويه ريال ؟؟||

[ماجد البدر]

بسم الله الرحمن الرحيم
الصلاة و السلام على اشرف المرسلين

السلام عليكم و رحمة الله و بركاته

اما بعد اعذروني على العنوان الذي يبدوا انه غريب ولكن من يعرف لهجة اهل قطر يعرف المقصود
هو الحياء من الرجال وتلقائية الحريم في مشاهدة رجل فجاءة مع مجموعة الحريم سيما وسط متحجبات
ولا باس في ذلك بل هو شئ مطلوب شرعا و عرفا .

ما حدث ايها الاخوة و الاخوات هو انني ذهبت لتسجيل ابني في مدرسة عمر بن الخطاب الابتدائية بنين الاولى على ما اعتقد التي بين الدفنه و المرخية وبحكم قربي من المنطقة يحق لي تسجيل ابني هناك
الموضوع قديم يعني وقت التسجيل حيث ان التسجيل مع بداية العام ولكن الموضوع احببت ان تطلعوا عليه ونرى كيف هي الوسيله المثلى لتخاطب بين الادارة و اولياء الامور و التواصل مع المدرسة و المسؤولين عليها
في ذلك الصباح الباكر ذهبت الى مدرسة عمر بن الخطاب وشاهدتها وقد سبقتني اليها سمعتها الطيبه ورقي تدريسهم وفي مخيلتي انها بنين ابتدائية يدرسونهم رجال او ان هيئة التدريس نساء و الادارة منفصلة عنهم تكون رجال

الواقع انهم كل من في المدرسة نساء ادارة و مدرسيين
وهذا شي طيب و الحمد لله.

طيب انا ولي امر اريد تسجيل ابني في المدرسة واسلمهم اوراق الولد زوجتي لديها ظروف او اي كان انا من يريد تسجيله كيف هو السبيل وسط مجتمع نسائي .

باب المدرسة مفتوح دخلت لتسليم اوراقي وفيهم و كل ما يثبت ان لي احقيه التسجيل في المدرسة حتى رقم الكهرب و الماي لاثبات تواجد في نفس المنطقة
وصلت الى باب المدرسة الداخلي اطرق الباب ولا من مجيب :discuss:
فتحت الباب واذا بجمع من النساء وي وي ويي
(وبعدين يعني )
طيب ياعيال الناس ايش اسوي وين( البروسيجر ) وين الاسلوب الامثل لتسجيل ولي ماعنده حريم يودون الاوراق اجيب خدامتهم مثلا ... تدخل الاوراق عليكم .

لحضة انتظار بما انهم شعروا بوجودي
بن عمك اصمخ

انتظرت قليلا ثم طريق ثانيه
ولا من مجيب فتحت الباب .

نفس الاجابه ويويويو :rolleyes2:

ترى والله انا عندي احساس و دم بعد ولي حاجة اردي تقضونها لي وانا في قمة الاحراج :shy:
بس مب حاله انا مادخلت بيتكم انا داخل مدرسة بنين وادارة لتسجيل ولدي والله مب فرجه .
يعني اكلمكم من ورى الباب واحط الاوراق وبعدين بتتصلون لي ولا يعني الكلام اخذ وعطا
ثم خرجت لي مدرسة او من الادارة واعذرت لها ثم اغلقت الباب ثم بعثوا لي الفراشة (عالمه )
مافيه تسجيل كلاص رووح
:omen2:
بس باقي تقولي على الله
الله يعطيك
ماعندنا خردة
:waiting: بعدها جريت اذايال الخيبه و الندم فكرت اني اروح المجلس الاعلى وفي لحضة قررت ان اختكِ مثلكِ فسجلته مدرسة خاصة علما ان المدرسةة الخاصة تتكفل بها جهت العمل لدي ولكني وددت لو كان في مدرسة عمر التي سبقت سمعتها مشاهدتها
ولكن لم ارى ذلك على ارض الواقع ما شاهدته هو ابسط الامور التي يجب ان تكون وهو التسجيل بشكل مريح و منظم او حتى التحدث في اي امر يتعلق بطالب ادخل في مثل هذه الاحراجات
في رائيي ان الجميع موظفين ويجب ان يكونوا في الواجهه مع اولياء الامور بغظ النظر عن اي اعتبار ان لم يكن الجميع فالاداريين يجب ان يتكلموا مع الرجال في حدود العمل وواجبات العمل واولياء الامور ولا تكون الامور مغلقة بهذه الطريقة .
هذا و السلام عليكم و رحمة الله و بركاته
ماجد البدر بوعبد الله

[مشاكل]

كان المفروض تربط الملف بحبل وتقطه من فوق الطوفه وتقولهم بصوت عالي علشان يسمعونك: (((((((( ابي اسجل ولدي عندكم )))))) ههههه
اتغشمر معاك

يفضل وضع مكتب خاص بهالحالات لأولياء الأمور من الذكور ويكون مكانه قريب من بوابة المدرسه الرئيسية

[اوف ليميت]

ههههه
موضوعك حلو بارك الله فيك
وطريقة السرد جميله وعفويه

خلال وصفك لماحدث من طرق للباب
تذكرت قفص الدجاج..بس تفتحه .. الدجاج كله يركض ويعتفس وينق
"بق بق بق بقييييييق"
بس ترد تبنده..يرد يسكت ولا كأنه حد فتح الباب من شوي

تدري دجاج..

:]

[chillis]

المفروض ان كان ممنوع لدخول الرجال تنحط ورقه كبيره ممنوع الدخول للرجال حتى الواحد يكون عنده علم

[PGR]

المفروض ان كان ممنوع لدخول الرجال تنحط ورقه كبيره ممنوع الدخول للرجال حتى الواحد يكون عنده علم

ماله خص اختي الريال يقول انا ابي اسجل ولدي والمدرسة ماعندها اي عمليه حق تسجيل ولده وكل ما دخل يقول وي وي وي يعني شيسوي المفروض وحده من المدرسات تقوم وتاخذ الاوراق وتسجله وانتهى الموضوع :rolleyes2:

[alawi23]

نا لو منك اعطي الملف ولدي واخليه يدرعم عليهم

واقوله ما ابي اشوف ويهك الا مع المديره ههههههه

الصراحه ما ينعرف لهم

اذا ممنوع دخول الرجال خطو اي شي يوضح

واذا مش ممنوع ماله داعي الوي وي وي وي هههههههههههههه

الله يعوضك خير اخوي وما تدري يمكن خيره لعيالك

[khalid525]

العادة يطرشون فراشة تاخذ الاوراق وبعض المدارس تحط تلفون برا يمكن التواصل عن طريقه ، انا مش مؤيد ان الرجال يدخلون مدارس البنات او اذا المدرسة كل موظفينهم حريم ، يعني ما بقى غير المدارس ما فيها اختلاط .

[لولو2022]

ههههه
موضوعك حلو بارك الله فيك
وطريقة السرد جميله وعفويه

خلال وصفك لماحدث من طرق للباب
تذكرت قفص الدجاج..بس تفتحه .. الدجاج كله يركض ويعتفس وينق
"بق بق بق بقييييييق"
بس ترد تبنده..يرد يسكت ولا كأنه حد فتح الباب من شوي

تدري دجاج..

:]


هههههههههههههههه:victory:

[حسن]

لو انه منك ادرعم عليهم هذه مدرسه اولاد ولافي قرأر يمنع ذاللك

[لولو2022]

لو انه منك ادرعم عليهم هذه مدرسه اولاد ولافي قرأر يمنع ذاللك


واذا قالتلك .. وي وي ريال .. شبتسوي :shy:

[intesar]

بصراحة دايما أفكر لو الرجل ما عنده حرمه.. وهو المضطر يسجل بناته.. شنهو الحل..
لازم يسوون اميرجينسي روم ولا غرفة عمليات.. حشى مستشفى مو مدرسة.. في كل مدرسة لهذه الحالات..

متطوعه تقابل الرجال.. اللي هم أولياء الأمور.. تقابله بحشمتها.. هذي مدرسة وأحيانا الظروف تستدعي تدخل الرجل فيها..

ودمتم بحفظ الرحمن..

[العلم]

هههههههههههه حلوه وي وي وي 



يا أخي مفروض تقابلك المديرة ،،،، هي ماوضعت في هذا المكان ألا مع علمها بإمكانية حدوث مثل هذا الشيء


ملاحظة :
أنا معارض وبشدة فكرة تدريس النساء للبنين أو تدخلهم في مدارس البنين

[حسن]

واذا قالتلك .. وي وي ريال .. شبتسوي :shy:

الحين وشفيه الريال بس علينا هذ هم مافي هندي بنغالي سيرلنكي ماطل في وجوهم بس علينا
احنا ياخي صج عندنا تناقض في كل شي انه قلت له درعم في الرسبشن وقولها ابي المديره
سو مثل ماسويت في مدرسه ولدي مع اولياء الامور بس تصدق المديره بلغت الشرطه وهددتنا
بوزير الداخليه كان احطر رجلي واقول لها كان فيك خير جيبي الوزير

[بوحمد111]

كفيت ووفيت اخوي ولد البدر وفعلا هذا الي حاصل في مدارس الاولاد وامنية ان تعود ايامنا الأوليه ايام مدرسة ابوبكر الصديق وطارق بن زياد الابتدائية للبنين في السبعينات والثمانينات وفعلا ابهاتنا يدشون على المدير ويسجلونا في المدرسة بكل سهوله ويسر وازيدك من الشعر بيت ويقولون حق المدير اخذ الولد لحم ورجعة لنا عظم والقصد منها التدريس على اصولة والتربيه المحترمه

تحياتي

[ريتويت]

المفروض ان كان ممنوع لدخول الرجال تنحط ورقه كبيره ممنوع الدخول للرجال حتى الواحد يكون عنده علم

اي نعم نفس الصالونات قصدك:nice: .. لكن المفروض دامهن شافو ان في رجال عند الباب من الادب وحده منهن تتحشم وتلبس عبايه حشمه وتطلع له تفهم من الرجال وش عنده..دايما تفكير الحريم ( اكيد يغازل ) واكيد عقب ماصار ذا الموقف وياك اخي الفاضل قالو ( شدعوااااااا مايشووووف حنا بنات:eek5::rolleyes2:

[حسن]

اي نعم نفس الصالوالين..

هذه مدرسه اولاد بعد بسونها مثل الصوالين لاحول ولا قوه الا بالله الحين لين سافرو اخلعو الحيا
وومافي خايس وايطللطل في ويوهم وهني وي وي وي ريال عجبي من التناقض

[ريتويت]

هذه مدرسه اولاد بعد بسونها مثل الصوالين لاحول ولا قوه الا بالله الحين لين سافرو اخلعو الحيا
وومافي خايس وايطللطل في ويوهم وهني وي وي وي ريال عجبي من التناقض


اي عادي كيلو مكياج على كيلو عطر على كيلوين فطاير .. صارت قاعه اعراس مب مدرسه

[حسن]

اي عادي كيلو مكياج على كيلو عطر على كيلوين فطاير .. صارت قاعه اعراس مب مدرسه

ايه الله يرحم ايام مدرسه امنه محمود الحين بيقولون صج مغبر

[كازانوفا]

ههههه
موضوعك حلو بارك الله فيك
وطريقة السرد جميله وعفويه

خلال وصفك لماحدث من طرق للباب
تذكرت قفص الدجاج..بس تفتحه .. الدجاج كله يركض ويعتفس وينق
"بق بق بق بقييييييق"
بس ترد تبنده..يرد يسكت ولا كأنه حد فتح الباب من شوي

تدري دجاج..

:]


هههههههههههه
الله لا يبارك في اليهود :nice:

[ماجد البدر]

كان المفروض تربط الملف بحبل وتقطه من فوق الطوفه وتقولهم بصوت عالي علشان يسمعونك: (((((((( ابي اسجل ولدي عندكم )))))) ههههه
اتغشمر معاك


راحت عن بالي هذي الفكره :nice:



يفضل وضع مكتب خاص بهالحالات لأولياء الأمور من الذكور ويكون مكانه قريب من بوابة المدرسه الرئيسية
انا مع الفكره تقريبا
ولكن السؤال الحريم الي يشتغلون في الوزارات الحكومية اقل حشمة منهم ووقار
كل الحريم يشتغلون في دواير الحكومية ويخلصون معاملات الناس وجه لوجه و الواحد يوصل وجهت نظره بشكل مباشر

[ماجد البدر]

ههههه
موضوعك حلو بارك الله فيك
وطريقة السرد جميله وعفويه

خلال وصفك لماحدث من طرق للباب
تذكرت قفص الدجاج..بس تفتحه .. الدجاج كله يركض ويعتفس وينق
"بق بق بق بقييييييق"
بس ترد تبنده..يرد يسكت ولا كأنه حد فتح الباب من شوي

تدري دجاج..

:]

فعلا قفص الدجاج يتناسب مع الحاله خاصة بعد ما تغلق الباب لاتجد اي ردة فعل

يعطيك العافيه

[ماجد البدر]

المفروض ان كان ممنوع لدخول الرجال تنحط ورقه كبيره ممنوع الدخول للرجال حتى الواحد يكون عنده علم

كلام صحيح ولكن ايضا سوف نضع مشكله في التواصل نعم هناك وسائل لتواصل كثيره هذه االايام خاصة بين اولياء الامور و المدرسة مثل المسجات وعبر المواقع المدرسة الاكترونية
ولكن التسجيل لابد من تواجد وتفهم خاصة ان الوقت في حينه قرب تقفل وقت التسجيل

[العنيده]

انا مع ان المفروض يتم وضع قسم للرجال اذا كانت الاداره نساء للتسهيل والعكس ..

لان ممكن الواحد يمر بظرف والطرف الثاني يكمل ..

[ماجد البدر]

نا لو منك اعطي الملف ولدي واخليه يدرعم عليهم

واقوله ما ابي اشوف ويهك الا مع المديره ههههههه

الصراحه ما ينعرف لهم

اذا ممنوع دخول الرجال خطو اي شي يوضح

واذا مش ممنوع ماله داعي الوي وي وي وي هههههههههههههه

الله يعوضك خير اخوي وما تدري يمكن خيره لعيالك

اكيد انصراف ولدي خير له بإذن الله
بس الحين انا انتقد الطريقة في التواصل بين المدرسة و الوولي امر الطالب او اي شخص له حاجة معينة

حياك الله

[ماجد البدر]

العادة يطرشون فراشة تاخذ الاوراق وبعض المدارس تحط تلفون برا يمكن التواصل عن طريقه ، انا مش مؤيد ان الرجال يدخلون مدارس البنات او اذا المدرسة كل موظفينهم حريم ، يعني ما بقى غير المدارس ما فيها اختلاط .

الله يحفظك وانا مش مؤيد بعد ان يدخلون الرجال
و لكن الرجل يدخل لحاجة ضرورية و المواجهه لكلام ابي اوصله للمديرة بضرورة التسجيل بحكم اولية التسجيل لاهل المنطقة وهذا الكلام مايصير من ورى الباب وبتلفون واذا كل واحد محترم نفسه ماعتقد فيه مشكله تسليم الملف وكم كلمة
و المدرسات لهم احترامهم
اذا عن الاختلاط حتى احنا مانبي الحريم يدخلو ن العيادات عندنا
في عيادة الجلد مثلا دش صوب الحريم حتى لو توصل جدتك مثلا غير ما ياكلونك اكل

وفي المقابل شوفهم وسط عيادة الرجال في الطرف الثاني مافيه مشكله تدخل الحرمة
بعد احنا مانبي حد يدخل عندنا خاصة لو كانوا مراجعين مالهم حاجه فيه عيادة خاصة للحريم

[ماجد البدر]

هههههههههههههههه:victory:

:victory:

[ماجد البدر]

لو انه منك ادرعم عليهم هذه مدرسه اولاد ولافي قرأر يمنع ذاللك

والله قمة الاحراج وبادخل معاهم في جدال انا في غنى عنه واحفظ كرامتي احسن لو دخلت كلامك صح قانونيا ولكن في العرف بيكون غلط وبيزيد المشكله ولا يحلها
انا ابي اسجل ولدي مش افتح قضيه
وفيه ناس تحب القضايا

[ماجد البدر]

بصراحة دايما أفكر لو الرجل ما عنده حرمه.. وهو المضطر يسجل بناته.. شنهو الحل..
لازم يسوون اميرجينسي روم ولا غرفة عمليات.. حشى مستشفى مو مدرسة.. في كل مدرسة لهذه الحالات..

متطوعه تقابل الرجال.. اللي هم أولياء الأمور.. تقابله بحشمتها.. هذي مدرسة وأحيانا الظروف تستدعي تدخل الرجل فيها..

ودمتم بحفظ الرحمن..

فعلا نحتاج الى وحده نقابلها بحشمتها وبنقابها بعد لان الموضوع هو يخص الطالب في المدرسة او يريد الانتساب لهذه المدرسة
وين الطريقة المثاليه
مادري ؟؟

[ضوى]

تدرون شنهي مشكلتنا بهالمنتدى.؟؟

انا نرضى على بنات ونساء الناس ومانرضى على حريمنا

الحين ابي واحد من اي رجل متزوج من مدرسة او إدارية وتكون عنده الشجاعة ويرد على سؤالي

ترضى زوجتك تدخل رجل المدرسة وتستلم منه اوراق ولدك ؟؟؟؟ ترضى تاخذ وتعطي مع ولي الامر ويصير ومايصير ؟؟؟؟

اتمنى كل واحد يحط الله بين عيونه ويجاوب بصدق وبعيد عن اي عصبية وتنرفز

[ماجد البدر]

هههههههههههه حلوه وي وي وي 



يا أخي مفروض تقابلك المديرة ،،،، هي ماوضعت في هذا المكان ألا مع علمها بإمكانية حدوث مثل هذا الشيء


ملاحظة :
أنا معارض وبشدة فكرة تدريس النساء للبنين أو تدخلهم في مدارس البنين


والله وبالله
اني محرج على الاخر ولكن في نفس الوقت ابي اتدارك الوقت واعرف وين اسجل ولدي
اصلا تفاجاءت ان المدرسيين و الادارة حريم بما انها بنين خبري على الاول (خبرك شيبه ):shy:

[ماجد البدر]

الحين وشفيه الريال بس علينا هذ هم مافي هندي بنغالي سيرلنكي ماطل في وجوهم بس علينا
احنا ياخي صج عندنا تناقض في كل شي انه قلت له درعم في الرسبشن وقولها ابي المديره
سو مثل ماسويت في مدرسه ولدي مع اولياء الامور بس تصدق المديره بلغت الشرطه وهددتنا
بوزير الداخليه كان احطر رجلي واقول لها كان فيك خير جيبي الوزير

قانونا مالهم حق يسوون شي

[ماجد البدر]

كفيت ووفيت اخوي ولد البدر وفعلا هذا الي حاصل في مدارس الاولاد وامنية ان تعود ايامنا الأوليه ايام مدرسة ابوبكر الصديق وطارق بن زياد الابتدائية للبنين في السبعينات والثمانينات وفعلا ابهاتنا يدشون على المدير ويسجلونا في المدرسة بكل سهوله ويسر وازيدك من الشعر بيت ويقولون حق المدير اخذ الولد لحم ورجعة لنا عظم والقصد منها التدريس على اصولة والتربيه المحترمه

تحياتي

الله يحفظك يالغالي

زيد عليهم مدرسة الخليج وكلمة لك اللحم ولنا العظم بهدلت بيوت
وشردت ناس
طلاب مثل الورد وعباقره من الضرب و البهدله ماكملوا الاعدادية ضرب بلا معنى غير ان ابهاتنا قايلين لهم خذوا راحتكم

[intesar]

تدرون شنهي مشكلتنا بهالمنتدى.؟؟

انا نرضى على بنات ونساء الناس ومانرضى على حريمنا

الحين ابي واحد من اي رجل متزوج من مدرسة او إدارية وتكون عنده الشجاعة ويرد على سؤالي

ترضى زوجتك تدخل رجل المدرسة وتستلم منه اوراق ولدك ؟؟؟؟ ترضى تاخذ وتعطي مع ولي الامر ويصير ومايصير ؟؟؟؟

اتمنى كل واحد يحط الله بين عيونه ويجاوب بصدق وبعيد عن اي عصبية وتنرفز


وين المشكلة ضوى.. هذي ضرورة..
والضرورات تبيح المحظورات..

[ماجد البدر]

اي نعم نفس الصالونات قصدك:nice: .. لكن المفروض دامهن شافو ان في رجال عند الباب من الادب وحده منهن تتحشم وتلبس عبايه حشمه وتطلع له تفهم من الرجال وش عنده..دايما تفكير الحريم ( اكيد يغازل ) واكيد عقب ماصار ذا الموقف وياك اخي الفاضل قالو ( شدعوااااااا مايشووووف حنا بنات:eek5::rolleyes2:


لكن المفروض دامهن شافو ان في رجال عند الباب من الادب وحده منهن تتحشم وتلبس عبايه حشمه وتطلع له تفهم من الرجال وش عنده.
فعلا هذا الي كنت انتظره للمرة الثانيه يوم طرقت الباب من جديد وانتظرت وهم في بالهم خلاص هذه مملكة النساء طقيت الباب و لا ماطقيت مالي حق اكلم ولا شوف حد

[توشيبا]

طول عمرنا نعرف ان المدارس الابتدائيه يدرسونهم حريم من ايام وزاره التربيه والتعليم

ماعتقد فيه حاجه يحطون لوحه ممنوع دخول الرجال

ومثل مقالت اختنا ضوي محد يرضي علي وحده من اهله تشتغل في مدرسه وتستلم الاوراق من اوليا الامور

استغرب من المديره منادت لك السكيورتي او تحاسب السكيورتي لي انك دخلت ولا قال لك اي شي

تقدر تروح المجلس الاعلي تشرح لهم الوضع وتجيب معك كل اوراقك واهم مايقصرون بيسجلون ولدك في المدرسه

[ماجد البدر]

هذه مدرسه اولاد بعد بسونها مثل الصوالين لاحول ولا قوه الا بالله الحين لين سافرو اخلعو الحيا
وومافي خايس وايطللطل في ويوهم وهني وي وي وي ريال عجبي من التناقض

البعض

من حقهم يحتشمون و من حقهم يتسترون
الله يستر عليهم دنا و اخره بس هذي مدرسة
وفيها ادارة لابد ان تكون مستعده لكثير من الاحتمالات ومنها مخالطه الرجال من اجل الامور الادارية الضرورية

[توشيبا]

وين المشكلة ضوى.. هذي ضرورة..
والضرورات تبيح المحظورات..

اي ضروف تخلي الرجال يدخل المدرسه

عند الباب تلفون يقدر يتواصل مع مديره المدرسه

واذا احتاج الامر اوراق تشوفها المديره ترسل له الفراشه

[ضوى]

اي ضروف تخلي الرجال يدخل المدرسه

عند الباب تلفون يقدر يتواصل مع مديره المدرسه

واذا احتاج الامر اوراق تشوفها المديره ترسل له الفراشه

كلام سليم


بس مانتقد انهم رفضوا دخوله

[ماجد البدر]

اي عادي كيلو مكياج على كيلو عطر على كيلوين فطاير .. صارت قاعه اعراس مب مدرسه

والله الانضباط مطلوب

كلنا عيال قريه وكلن يعرف خيه

الحريم الي في المرور في المخالفات و الرادار قبل ايش كانوا يسوون يوم كانت كونتراتهم مسكرة بس فتحه تحط فيها معاملتك ماتردي سلمتها حق من و الموظفات داخل ضرب اكل وقوه و شاي وهذا الحال ينطبق على المراكز الصحيه
وكثيرمن اماكن العمل في قطر بس يوم شالوا الحواجز ونظموا الامور فيه ناس وايد احتجوا عفويا ومنهم احتجوا لان راحت عليهم الطبخات و الاكلات
وصار الموضوا انباط اكثر
روحوا الحين المرور شوفو معاملاتكم تمشي ولا لا
ماتاخذ دقايق كل امورك مخلصة و الحريم محتشمين و في حالهم و الي يبي يلعب او يخربط وفي باله هذا الشي ما تمنعه حواجز مثل هذي
المقصد ان الانسان له معامله يبي يخلصها اي كان من البشر

[ضوى]

اخوي ماجد البدر

والله ماقصدك انت شخصيا ، ولا الومك بس المنطق يقول جذي ، محد يرضى على شوفاته انها تتعامل مع رياييل خاصة المدارس ، اصلا ماوافقوا على شغلهم بالمدارس الا لانه المكان الوحيد اللي مافيه اختلاط

[asad100]

الله يهداك اخوي مكبر الموضوع
ترى مافي شي يمنع انك دش وتكمل الاجراءات يقولون وي وي وي لين الصبح

المدرسة مدرسة اولاد

واعتقد شرعا ما في شي يمنع

يارجال في ايام الرسول علىه الصلاة والسلام كانت النساء تخرج في الحروب لتضميد الجرحى وسقيهم الماء

واللحين وي يويوي يووي

[intesar]

أحيانا هناك أمور ما تنفع بالتلفون..

ولا الرجل لما قابل المديرة أو المسؤولة وجها لوجه بياكلها..
ليش الهندي أو الغير قطري حلال.. والقطري لا..

أعتقد أن الهنود اللي أحيانا تستيهينون فيهم أخطر.. بالأخص أنهم تاركين أهلهم وعزوبية بالسنوات والسنوات..

يعني لو قابل إحداهن سلم فيها أوراق ولده ولا بنته كانت كارثه..
يعني الهندي أو الحارس عادي تكلمينه وإذا دخل لشغله عادي..

[توشيبا]

أحيانا هناك أمور ما تنفع بالتلفون..

ولا الرجل لما قابل المديرة أو المسؤولة وجها لوجه بياكلها..
ليش الهندي أو الغير قطري حلال.. والقطري لا..

أعتقد أن الهنود اللي أحيانا تستيهينون فيهم أخطر.. بالأخص أنهم تاركين أهلهم وعزوبية بالسنوات والسنوات..

يعني لو قابل إحداهن سلم فيها أوراق ولده ولا بنته كانت كارثه..
يعني الهندي أو الحارس عادي تكلمينه وإذا دخل لشغله عادي..

الهندي او اي رجل يخص الاشغال او الصيانه للمدرسه يدخل والكل يعرف وين تواجده

ولا يدرعم رجال الا اهو فاتح باب المكتب والحريم ماعندهم خبر خير ان رجل بيدخل عليهم

بالاخص ان الاداره مب بس فيها المديره او مدرسه رايح يكون فيها امهات

[intesar]

ولا القطري بيدرعم وبينعرف وين يكون تواجده
ولا هو باختلاط إذا دخل وخلص أموره

ولا كل رجل عنده إمرأة تخلص أموره بمدرسة بنات
ولا كل موضوع ممكن تخلصه عبر الهاتف

[ماجد البدر]

[b]تدرون شنهي مشكلتنا بهالمنتدى.؟؟

b]

شنهي :)



انا نرضى على بنات ونساء الناس ومانرضى على حريمنا

غلطانه اخي

الحين ابي واحد من اي رجل متزوج من مدرسة او إدارية وتكون عنده الشجاعة ويرد على سؤالي


ترضى زوجتك تدخل رجل المدرسة وتستلم منه اوراق ولدك ؟؟؟؟

نعم ارضى ويمكن تقولين ماعندك غيره او فيك و فيك
ولكن زوجتي على اعتبار انها مديرة مدرسة مدخله الريال لغرض معين وموضوع يخص المدرسة مب طايحه معاه مغازل ولا مطيحة الميانه
ومدخلته وزارة في الدولة مش مدخلته البيت الله يسلمج

بسم الله الرحمن الرحيم
لَّيْسَ عَلَيْكُمْ جُنَاحٌ أَن تَدْخُلُوا بُيُوتًا غَيْرَ مَسْكُونَةٍ فِيهَا مَتَاعٌ لَّكُمْ وَاللَّهُ يَعْلَمُ مَا تُبْدُونَ وَمَا تَكْتُمُونَ (29) من سورة النور
بيوت غير مسكونه فسرها بعض العلماء انها الوزارات و مباني الحكومية والاماكن العامة التي بها تنقضي بها الحاجات والله اعلم
وانا مادخلت مدرسة بنات ثانويه ولا اعداديه ولا ابتدائيه انا دخلت مدرسة بنين لابد من تنسيق واذا المديرة مش قد هذا الشي تنحط وحده تقدر تتكلم وتقابل الناس



ترضى تاخذ وتعطي مع ولي الامر
نعم ارضى تاخذ وتعطي معاه تقنه او يقنعها بالموضوع الي جاء من اجله تارك كل مشاغله علشان يسجل ولده لااكثر


ويصير ومايصير ؟؟؟؟

ويصير مايصير هذه في مخيلتكم انتوا بس


اتمنى كل واحد يحط الله بين عيونه ويجاوب بصدق وبعيد عن اي عصبية وتنرفز

صحيح

[ماجد البدر]

طول عمرنا نعرف ان المدارس الابتدائيه يدرسونهم حريم من ايام وزاره التربيه والتعليم

ماعتقد فيه حاجه يحطون لوحه ممنوع دخول الرجال

ومثل مقالت اختنا ضوي محد يرضي علي وحده من اهله تشتغل في مدرسه وتستلم الاوراق من اوليا الامور

استغرب من المديره منادت لك السكيورتي او تحاسب السكيورتي لي انك دخلت ولا قال لك اي شي

تقدر تروح المجلس الاعلي تشرح لهم الوضع وتجيب معك كل اوراقك واهم مايقصرون بيسجلون ولدك في المدرسه

صح كلامج بعد نسوا مانادولي الشرطة وكلبشوني

والله مصيبه توبه ماعيدها مرة ثانيه

[ضوى]

اخوي اللي قصدته من يصير ومايصير هو التسجيل ولا شي اخر ، انا مادخل في النوايا ، ولا قصدتك كشخص اخوي الكريم ، وللعلم انا ماشوف اي حرج اني اخلص معاملة لرجل ، واصلا انا في مكان مختلط ، ولكن اخوي انا اتكلم عن اللي وضوفوا زوجاتهم في اماكن مغلقة في مدارس تعتقد ليش ، ناس رافضة حريمها تختلط باي رجل صح والا انا غلطانة ؟

[ماجد البدر]

اخوي ماجد البدر

والله ماقصدك انت شخصيا ، ولا الومك بس المنطق يقول جذي ، محد يرضى على شوفاته انها تتعامل مع رياييل خاصة المدارس ، اصلا ماوافقوا على شغلهم بالمدارس الا لانه المكان الوحيد اللي مافيه اختلاط

لا ابدا ماعندي مشكله في النقاش دام فيه احترام متبادل

بالمره

مافيه اختلاط ماقلنا شي وهذا امر طيب

طرشو لي الفراشه وقالت مافيه كلاص

طيب وين الكلام الي انا مجهزه وين توصيل وجهت نظري في الموضوع
لا والله اختلف معاج
واقولج ايضا بدون تعصب اني اطلع غلطان او انتي غلطانه
لكن الحق احق ان يتبع

[ريتويت]

لا ابدا ماعندي مشكله في النقاش دام فيه احترام متبادل

بالمره

مافيه اختلاط ماقلنا شي وهذا امر طيب

طرشو لي الفراشه وقالت مافيه كلاص

طيب وين الكلام الي انا مجهزه وين توصيل وجهت نظري في الموضوع
لا والله اختلف معاج
واقولج ايضا بدون تعصب اني اطلع غلطان او انتي غلطانه
لكن الحق احق ان يتبع

لا انت غلطان ولا شي .. ومكان العمل يعني عمل مافي شي اسمه مكان حريم ولا تدخل عليهن .. هن عارفين ومتفهمين ان في حالات ان الازواج عندهم ظروف وماعنده مره تؤدي المهمه بتقديم طلب او تسجيل هو بيروح يقدم الاوراق بنفسه لانه اب وهذا ولده .. والرجال مب في نيته يطلطل عالحريم

[المهاجر]

طالما المرأه قبلت بالعمل في أماكن يحق للرجل الدخول اليها

لإنهاء معاملاته ورضى زوجها بذلك فليس من حقها ان تعترض

على دخوله عليها بمكان العمل وبما انك طرقت الباب واتخذت الطريق

الصحيح فليس من حقها الإعتراض

وكان من الواجب ان ينهوا معاملتك

اما المرأه تشتغل في مكان مختلط او مكان يكون للرجال امور فيه

وتجي تقول ليش يدخل علينا وماله حق وما نقبل

فهذي تقعد في بيتها ابرك لها

المدارس المستقله التي تدرس الأولاد عليهم ان يراعوا هذه الأمور

إما بتخصيص مكتب يكون فيه موظف لإستقبال الرجال

او إن المديره تستقبلهم بنفسها

[مضارب دوسري]

المشكله ممنوع على الرجال القطريين فقط

اما الرجال الهنود والسيكيورتيه هذولي عادي مب مشكله يدشون ويطلعون ويسولفون ويجيبون اكل وشرب لهم ولا كانهم رجاجيل بس القطري يقولون ويويويويوي ريال

[captin]

طول يومهم
يتعاملون مع الرياييل في الأماكن العامة والمطاعم
والوزارات والمصالح الحكومية وغيرها.

ويوم دخلت عليهم قالوا ويه ويه ويه ريال

وين عايشين هذولا

يوم انهم ما يبون الريال يدخل عليهم
يسون لهم نظام الكتروني متطور للتسجيل بالانترنت
ترفع الاوراق المطلوبة على الموقع وتعبي النموذج
وترسله لهم .

[ريتويت]

طول يومهم
يتعاملون مع الرياييل في الأماكن العامة والمطاعم
والوزارات والمصالح الحكومية وغيرها.

ويوم دخلت عليهم قالوا ويه ويه ويه ريال

وين عايشين هذولا

يوم انهم ما يبون الريال يدخل عليهم
يسون لهم نظام الكتروني متطور للتسجيل بالانترنت
ترفع الاوراق المطلوبة على الموقع وتعبي النموذج
وترسله لهم .

وان شاء الله يردون عليك ...:tease:

[بصمة قطرية]

هاي عمر الثانية مش الاولى
الاولى في مريخ مقابل سباير
و السنه انتقلوا لمبنى جديد بجانب مركز موزه بنت محمد لتحفيظ القرآن ..
اسلوبهم غريب ..!!
سنين و عيالي في عمر الاولى
كم مرة اشوف اولياء امور يدخلون المدرسة
طبعاً يرتبون و يبلغون كل المدرسة
بوجود ولي امر طالب في الادارة .!!
حتى في التسجيل او اي شي ثاني تطلع عاملة
او الناطور يسلم الاوراق للمدرسة ..!!!

[حراير قطر]

مثل ما سمعت عنها اكيد سمعت عن الادارة :) ...

[ماجد البدر]

طالما المرأه قبلت بالعمل في أماكن يحق للرجل الدخول اليها

لإنهاء معاملاته ورضى زوجها بذلك فليس من حقها ان تعترض

على دخوله عليها بمكان العمل وبما انك طرقت الباب واتخذت الطريق

الصحيح فليس من حقها الإعتراض

وكان من الواجب ان ينهوا معاملتك

اما المرأه تشتغل في مكان مختلط او مكان يكون للرجال امور فيه

وتجي تقول ليش يدخل علينا وماله حق وما نقبل

فهذي تقعد في بيتها ابرك لها

المدارس المستقله التي تدرس الأولاد عليهم ان يراعوا هذه الأمور

إما بتخصيص مكتب يكون فيه موظف لإستقبال الرجال

او إن المديره تستقبلهم بنفسها

تسلم وتسلم يدك هذ الي اقصده ولابد من وجود اليه للتفاهم عن اي شي يخص الطلاب مباشرة مع الرجال طبعا في حدود الموضوع و العمل و الحشمة
ويجب ان يكون ان نحسن الظن في الناس فنحن كبار واولياء امور يجب ان نكون قدوه

[ماجد البدر]

المشكله ممنوع على الرجال القطريين فقط

اما الرجال الهنود والسيكيورتيه هذولي عادي مب مشكله يدشون ويطلعون ويسولفون ويجيبون اكل وشرب لهم ولا كانهم رجاجيل بس القطري يقولون ويويويويوي ريال

البــــعض نعم للاسف كذلك ماخذين راحتهم مع الهنود واذا جا قطري تغشوا وارتبكوا
ورد القول البعض

ولا اريد ان اكون في موقف من يشجع على الاختلاط بقدر ان يحصر الموضوع في النقطة التي من اجلها كتبت

[ماجد البدر]

طول يومهم
يتعاملون مع الرياييل في الأماكن العامة والمطاعم
والوزارات والمصالح الحكومية وغيرها.

ويوم دخلت عليهم قالوا ويه ويه ويه ريال

وين عايشين هذولا

يوم انهم ما يبون الريال يدخل عليهم
يسون لهم نظام الكتروني متطور للتسجيل بالانترنت
ترفع الاوراق المطلوبة على الموقع وتعبي النموذج
وترسله لهم .


كلامك صحيح وفي محله نحن في مجتمع مفتوح واكيد الوحده تتكلم مع البايع وتتجادل معاه في كثير من الامور ويم تجي على الشغل ماتكلم رياييل
منطق عجيب

[ماجد البدر]

هاي عمر الثانية مش الاولى
الاولى في مريخ مقابل سباير
و السنه انتقلوا لمبنى جديد بجانب مركز موزه بنت محمد لتحفيظ القرآن ..
..!!!

ممكن كلامج صحيح لذلك انا نوهت بكلمة اعتقد ووضحت الي اقصدها بشرح الموقع




اسلوبهم غريب ..!!
سنين و عيالي في عمر الاولى
كم مرة اشوف اولياء امور يدخلون المدرسة
طبعاً يرتبون و يبلغون كل المدرسة
بوجود ولي امر طالب في الادارة .!!
هذا هو المطلوب



حتى في التسجيل او اي شي ثاني تطلع عاملة
او الناطور يسلم الاوراق للمدرسة
طلعت لي قالت مافيه كلاس كلاس :rolleyes2:

[ماجد البدر]

مثل ما سمعت عنها اكيد سمعت عن الادارة :) ...

لا والله الي قال لي ماوصل لي هذي المعلومة بس مدحهم وحثني على التسجيل هناك
وتفاجاءت

تراني اشتغل في مسعيد شغلي يخلص العصر يادوب اوصل وريح شوي واشوف الاهل
ولا ادري بالحاصل في الدوحة و التغييرات ولا شي
دائما استعين بصديق علشان ادل شي في الدوحة
مالي في امور التعديلات في المدارس وغيرها من الامور

[الإكسير]

كان المفروض تربط الملف بحبل وتقطه من فوق الطوفه وتقولهم بصوت عالي علشان يسمعونك: (((((((( ابي اسجل ولدي عندكم )))))) ههههه
اتغشمر معاك

يفضل وضع مكتب خاص بهالحالات لأولياء الأمور من الذكور ويكون مكانه قريب من بوابة المدرسه الرئيسية

ههههههههههاي

[mr.hamouda]

ادخل عليهم وقول وي وي ويه حرييييييييييييييييم

[ولد شرق]

عفوا يالاخوان

انا ماشوف في الموضوع اي شي غلط
هالمدرسه معروف عنها ان طاقم التدريس نساء
والاخ الفاضل وصل المدرسه وشاف ان المدرسة ادارتها نسائيه
ماظن ان المفروض مطراش يطرشون مسجات ويقولون ترا هالمدرسه ادارتها نسائيه
والاخ الفاضل يقول سامع عن المدرسه كل خير وسمعتها طيبه والكل يتكلم عنها يعني كل هالمعلومات عنده ماشاء والله و ماعنده علم ان المدرسه ادارتها نسائيه؟؟؟؟؟

وبعدين اللي يطنز ويقول يقط حبل وماله داعي هالحركات من الحريم بكلمه وي وي وي
بس اسألك اخوي... انت ترضى ان الرجال يدخلون على شوفاتك في مدرسه معروف عنها انها نسائيه؟؟؟
وبعدين وين الغلط لما يقولون لك ان التسجيل انتهى والمدرسة تعبّت خلاص؟
انا عن نفسي كنت على قائمة الانتظار ولا تأففت ولا قلت لا دبروني و بدخل غصب بالعكس انتظرت دوري و هالنسنه اتصلت ادارة المدرسه و تم التسجيل بكل سلاسه..

بعدين ياخوي مهب عذر ان زوجتك مشغوله و ماتقدر اتسجل الولد
يعني لو الواحد زوجته مشغوله يحق له يدرعم على الحريم؟؟؟

سبحان الله... اذا اردت ان تطاع فأمر بما هو مستطاع... ووسع صدرك و انا اخوك...

[المسك1969]

:)

الله المستعان ... أنا عيالي في الفرقان وأنا بطبيعتي لا أريد الدخول للمدرسة ولكن يستدعي الأمر أحيانا ذلك لتسليم أوراق أو لتسجيل الابناء.

فمرة ضربت هرن للناطور لين ما تعبت وعقب نزلت أدخل المدرسة إلا ويرجعني الناطور من باب الأدارة ... لا ما يصحش يا أم فلان (يعرف ولدي العود لأنه عندهم من سنوات) ممنوع ممنوع
واستحيت وطلعت وعطيته الأوراق إلا وحرمتين طالعين من عندهم:eek5: وأنا لا شوله؟

بس بالعقل وإن كانوا ملتزين ونحسبهم على خير نحن كذلك إن شاء الله ولا أعتقد أن في امرأة ترغب بدخول مدرسة بنين والعكس صحيح لا رجل يحبذ دخول مدرسة نساء إلا من أجل الضرورة كما تفضلت.

وقلت في نفسي يعني ما يشوفون حريم برع المدرسة مثلا؟ وخل يمنعون وحدة مب لابسة عدل بس وحدة ما يبان الا عيونها ليش تمنع؟ عموما هو أمر طيب في النهاية تفاديا للفتن سواء لهم أو لنا ولكن الضرورة تضطرنا كما تفضلت للذهاب.

جزاكم الله خيرا

[مضارب دوسري]

طالما المرأه قبلت بالعمل في أماكن يحق للرجل الدخول اليها

لإنهاء معاملاته ورضى زوجها بذلك فليس من حقها ان تعترض

على دخوله عليها بمكان العمل وبما انك طرقت الباب واتخذت الطريق

الصحيح فليس من حقها الإعتراض

وكان من الواجب ان ينهوا معاملتك

اما المرأه تشتغل في مكان مختلط او مكان يكون للرجال امور فيه

وتجي تقول ليش يدخل علينا وماله حق وما نقبل

فهذي تقعد في بيتها ابرك لها

المدارس المستقله التي تدرس الأولاد عليهم ان يراعوا هذه الأمور

إما بتخصيص مكتب يكون فيه موظف لإستقبال الرجال

او إن المديره تستقبلهم بنفسها


عفوا يالاخوان

انا ماشوف في الموضوع اي شي غلط
هالمدرسه معروف عنها ان طاقم التدريس نساء
والاخ الفاضل وصل المدرسه وشاف ان المدرسة ادارتها نسائيه
ماظن ان المفروض مطراش يطرشون مسجات ويقولون ترا هالمدرسه ادارتها نسائيه
والاخ الفاضل يقول سامع عن المدرسه كل خير وسمعتها طيبه والكل يتكلم عنها يعني كل هالمعلومات عنده ماشاء والله و ماعنده علم ان المدرسه ادارتها نسائيه؟؟؟؟؟

وبعدين اللي يطنز ويقول يقط حبل وماله داعي هالحركات من الحريم بكلمه وي وي وي
بس اسألك اخوي... انت ترضى ان الرجال يدخلون على شوفاتك في مدرسه معروف عنها انها نسائيه؟؟؟
وبعدين وين الغلط لما يقولون لك ان التسجيل انتهى والمدرسة تعبّت خلاص؟
انا عن نفسي كنت على قائمة الانتظار ولا تأففت ولا قلت لا دبروني و بدخل غصب بالعكس انتظرت دوري و هالنسنه اتصلت ادارة المدرسه و تم التسجيل بكل سلاسه..

بعدين ياخوي مهب عذر ان زوجتك مشغوله و ماتقدر اتسجل الولد
يعني لو الواحد زوجته مشغوله يحق له يدرعم على الحريم؟؟؟

سبحان الله... اذا اردت ان تطاع فأمر بما هو مستطاع... ووسع صدرك و انا اخوك...

رد الاخ المهاجر مناسب لما كتبته في مشاركتك
واذا في زوج او اخ مايرضى احد يدش على شوفاته فالمدرسه عيل من الافضل ان يقول لاهله درسوا في مدرسة بنات مب بنين

[حسن]

تدرون شنهي مشكلتنا بهالمنتدى.؟؟

انا نرضى على بنات ونساء الناس ومانرضى على حريمنا

الحين ابي واحد من اي رجل متزوج من مدرسة او إدارية وتكون عنده الشجاعة ويرد على سؤالي

ترضى زوجتك تدخل رجل المدرسة وتستلم منه اوراق ولدك ؟؟؟؟ ترضى تاخذ وتعطي مع ولي الامر ويصير ومايصير ؟؟؟؟

اتمنى كل واحد يحط الله بين عيونه ويجاوب بصدق وبعيد عن اي عصبية وتنرفز

اي نعم ارضي دام اني رضيت زوجتي تشتغل او احد من اهلي يشتغل نعم ارضي وايش المانع ياضوى 90% حاليا

يقابلون رجال ويجتمعون معاهم

لاكن هل ترضين انتي تجلسين في البيت وتربين عيالك ويصرف عليك زوجك تقبلين اتمنى اسمع منك الرد

[ماجد البدر]

ههههههههههاي

:rolleyes2:

[ماجد البدر]

ادخل عليهم وقول وي وي ويه حرييييييييييييييييم

:rolleyes2:

[بصمة قطرية]

ممكن كلامج صحيح لذلك انا نوهت بكلمة اعتقد ووضحت الي اقصدها بشرح الموقع




هذا هو المطلوب



طلعت لي قالت مافيه كلاس كلاس :rolleyes2:
أخوي ماجد
اذا كانت اقرب مدرسة للبيت
يعني تتبعكم
بس ورقة من المجلس الاعلى و يتم التسجيل :victory:

[بصمة قطرية]

عفوا يالاخوان

انا ماشوف في الموضوع اي شي غلط
هالمدرسه معروف عنها ان طاقم التدريس نساء
والاخ الفاضل وصل المدرسه وشاف ان المدرسة ادارتها نسائيه
ماظن ان المفروض مطراش يطرشون مسجات ويقولون ترا هالمدرسه ادارتها نسائيه
والاخ الفاضل يقول سامع عن المدرسه كل خير وسمعتها طيبه والكل يتكلم عنها يعني كل هالمعلومات عنده ماشاء والله و ماعنده علم ان المدرسه ادارتها نسائيه؟؟؟؟؟

وبعدين اللي يطنز ويقول يقط حبل وماله داعي هالحركات من الحريم بكلمه وي وي وي
بس اسألك اخوي... انت ترضى ان الرجال يدخلون على شوفاتك في مدرسه معروف عنها انها نسائيه؟؟؟
وبعدين وين الغلط لما يقولون لك ان التسجيل انتهى والمدرسة تعبّت خلاص؟
انا عن نفسي كنت على قائمة الانتظار ولا تأففت ولا قلت لا دبروني و بدخل غصب بالعكس انتظرت دوري و هالنسنه اتصلت ادارة المدرسه و تم التسجيل بكل سلاسه..

بعدين ياخوي مهب عذر ان زوجتك مشغوله و ماتقدر اتسجل الولد
يعني لو الواحد زوجته مشغوله يحق له يدرعم على الحريم؟؟؟

سبحان الله... اذا اردت ان تطاع فأمر بما هو مستطاع... ووسع صدرك و انا اخوك...

اخوي
كل المدارس النموذجية المدرسات والاداريات نساء
كل مدارس الدوحة
و يقدر ولي الامر يتواصل
و يدخل المدرسة
هالشي مسموح .!!
وين الغلط
طول ما المدرسات عارفين
و بيبلغونهم ما اعتقد في شي غلط في الموضوع
لنفرض الام في المستشفى او مسافرة او اي سبب ثاني يمنعها
تتواصل مع المدرسة
هل معناه امنع ولي الامر ..!!!

[ضوى]

اي نعم ارضي دام اني رضيت زوجتي تشتغل او احد من اهلي يشتغل نعم ارضي وايش المانع ياضوى 90% حاليا

يقابلون رجال ويجتمعون معاهم

لاكن هل ترضين انتي تجلسين في البيت وتربين عيالك ويصرف عليك زوجك تقبلين اتمنى اسمع منك الرد


لا ماقبل ، ماخذت الشهادة عشان اقعد في البيت ، عيالي ربيتهم الحمد لله ومب ناقصهم شي لا وكلتهم لخدم ولا وكلت ريلي للشغالة تغسل ملابسه وتسوي له غداه الحمد لله انا اعترف اني عصامية بنيت نفسي وبنيت عيالي وبنيت بيتي الحمد لله من غير اي تقصير وهذا بفضل زوج متفهم الحمد لله لك ياارب

[ضوى]

واخ حسن اذا بغيت تتناقش في موضوع خارج الموضوع الخاص بالاخ ماجد حتى مايتحور موضوعه افتح موضوع وبنتناقش فيه

[لاجل QT]

ههههههههه

الله يكون في عونك

مع ان الباب زجاج يبين ان في حد واقف برة او في جرس في بعض المدارس..المفروض تلقائيا المسؤلة تلبس العباة وتروح تخلص امور ولي الامر

[حسن]

واخ حسن اذا بغيت تتناقش في موضوع خارج الموضوع الخاص بالاخ ماجد حتى مايتحور موضوعه افتح موضوع وبنتناقش فيه

اخت ضوي اليوم انتو النسوان كلكم صايرين عصبين مادري الشهر ذي مسبب لكم عصبيه هدو اعصابكم
اشربو عصير ليمون مع النعناع ترا يبرد على الاعصاب وخصوصا المراهءه العامله من ضعط العمل
يكون مالها بارض لبيتها وزوجها وعيالها

على العموم اانتي خرجتي من الموضوع وطرحتي السؤال هل ترضون واتمني اي رجل يرد وانا بحكم اني
رجل رديت لى سوالك وقلت دام اني سمحت لزوجتي تعمل نعم وما المانع هل الرجل القطري لهذه الدرجه
منبوذ لديكي ياسيدتي وهل هو وحش وهل هو ذئب بشري في تصورك

هو انسان وما المانع مادام المراءه ذهبت للعمل واختلطت بالرجال وهذا نراه في جميع الوزارات
هل هم سيين كلهم في نظرك او اخوانهم او ازواجهم ليسسو برجال حسب كلامك
اتمنى تغيرين وجهه نظرك في خطا ميه بالميه

[ضوى]

اخت ضوي اليوم انتو النسوان كلكم صايرين عصبين مادري الشهر ذي مسبب لكم عصبيه هدو اعصابكم
اشربو عصير ليمون مع النعناع ترا يبرد على الاعصاب وخصوصا المراهءه العامله من ضعط العمل
يكون مالها بارض لبيتها وزوجها وعيالها

على العموم اانتي خرجتي من الموضوع وطرحتي السؤال هل ترضون واتمني اي رجل يرد وانا بحكم اني
رجل رديت لى سوالك وقلت دام اني سمحت لزوجتي تعمل نعم وما المانع هل الرجل القطري لهذه الدرجه
منبوذ لديكي ياسيدتي وهل هو وحش وهل هو ذئب بشري في تصورك

هو انسان وما المانع مادام المراءه ذهبت للعمل واختلطت بالرجال وهذا نراه في جميع الوزارات
هل هم سيين كلهم في نظرك او اخوانهم او ازواجهم ليسسو برجال حسب كلامك
اتمنى تغيرين وجهه نظرك في خطا ميه بالميه

اخوي حسن

انا ماقلت القطري منبوذ ، ولا قلت انه سئ ، ولا قلت انه وحش أو ذئب ، ولا يمكن يكون هاي تصوري اطلاقا

اللي قلته انه اللي سمح لزوجته تشتغل في مكان غير مختلط كان قصده مجتمع نسائي بحت ، يعني مايبي حريمه يخلصون معاملات للرجال ، لذلك وافق على عملها كمدرسة او إدارية

وارجع واقول انا اعمل في مكان مختلط ويشرفني اني اخدم عيال قطر من الجنسين ، ولا اكيل بمكيالين الرجل هو رجل سواء كان قطري او بنغالي او انجليزي

اتمنى اتضحت الصورة

[محب قطر 64]

هو الحشمة للمراة كويسة
قد يكون اخطا وحاول دخول غرفة المعلمات لأن المدرسة مفتوحة ووقت دوام وفي حارس و مديرة

[حسن]

هو الحشمة للمراة كويسة
قد يكون اخطا وحاول دخول غرفة المعلمات لأن المدرسة مفتوحة ووقت دوام وفي حارس و مديرة

هو لم يخطا الخطاء من اداره المدرسه وهي تتتحمله وبعدين باعطيك فكره دخول المدرسه يكون في الااستقبال
وهناك سكيورتي يدخل معاه تلقى سفاهه الاداره وعدم الرد على التلفونات سواء من برع ولا من عند الحارس
وهذا يحدث ومثل ماذكرت اول دخول يكون في استقبال والمدخل كله قزاز يعني يبين من دخوله ممن بعيد
بس الرجل احترم نفسه ووقف وهم اعرفو وما المانع وحده باحترامها تشوف موضوعه بحكم انا مدرسه واولاد
مهب بنات لاكن سوء تصرف الموجودبن وكسلهم وتعمدهم لذالك

[ماجد البدر]

عفوا يالاخوان

انا ماشوف في الموضوع اي شي غلط
هالمدرسه معروف عنها ان طاقم التدريس نساء
...

اي صح بس انا ماعرف

وحتى لو كنت اعرف كيف هي الطريقة لتسليم الاوراق واثبات حقي في تسجيل ولدي والاولوية لي في التسجيل


والاخ الفاضل وصل المدرسه وشاف ان المدرسة ادارتها نسائيه
ماظن ان المفروض مطراش يطرشون مسجات ويقولون ترا هالمدرسه ادارتها نسائيه
تكلم كلام واقعي علشان ارد عليك
شدخل مطراش في السالفة


والاخ الفاضل يقول سامع عن المدرسه كل خير وسمعتها طيبه والكل يتكلم عنها يعني كل هالمعلومات عنده ماشاء والله و ماعنده علم ان المدرسه ادارتها نسائيه؟؟؟؟؟

مادري ولا عندي اي احراج لو كنت ادري باقول لك اني ادري من وصل لي المعلومة ان المدرية جيدة لم يذكر لي ان ادارتها نسائية وان ذكر لايغير في الموضوع شي باسلك نفس الطريقة باودي الاورق بنفسي ويفترض يردون علي بنفسهم بدون اي حاجز يبنا دام الادارة بحشمتهم وكلامي محدود وهو في اولويتي في التسجيل


وبعدين اللي يطنز ويقول يقط حبل وماله داعي هالحركات من الحريم بكلمه وي وي وي
بس اسألك اخوي... انت ترضى ان الرجال يدخلون على شوفاتك في مدرسه معروف عنها انها نسائيه؟؟؟
وانت تتطنز على مطراش على راحتك :shy:


وبعدين وين الغلط لما يقولون لك ان التسجيل انتهى والمدرسة تعبّت خلاص؟
وايش دراك انهم قالوا لي هذا الشي اقولك محد رد علي بس طرشوا الفراشة تقولي مافيه ايش مافيه مادري



انا عن نفسي كنت على قائمة الانتظار ولا تأففت ولا قلت لا دبروني و بدخل غصب بالعكس انتظرت دوري و هالنسنه اتصلت ادارة المدرسه و تم التسجيل بكل سلاسه..

طيب انا ماعرفت انا على اي قائمة ولا تم رفضي او تسجيل ولدي اصلا انتظر و الوقت مش لصالي


بعدين ياخوي مهب عذر ان زوجتك مشغوله و ماتقدر اتسجل الولد
يعني لو الواحد زوجته مشغوله يحق له يدرعم على الحريم؟؟؟

ياخي انت تبني على الظن وهذا حرام عليك ومسؤول عنه يوم القيامه
انا ماكتبت الموضوع علشان اقول من حقي ادرعم على الحريم
انا موضوعي محدد وهو وجود اليه لتفاهم بين الادارة والولياء الامور ومن يريد التسجيل باريحيه اكثر من اني اطق الباب ولا من مجيب غير ويه ويه


سبحان الله... اذا اردت ان تطاع فأمر بما هو مستطاع... ووسع صدرك و انا اخوك

اسمحي اخوي كلامك كلش مب فيم محله ولا له خص في السالفة
يعطيك العافيه

[ماجد البدر]

:)

الله المستعان ... أنا عيالي في الفرقان وأنا بطبيعتي لا أريد الدخول للمدرسة ولكن يستدعي الأمر أحيانا ذلك لتسليم أوراق أو لتسجيل الابناء.

فمرة ضربت هرن للناطور لين ما تعبت وعقب نزلت أدخل المدرسة إلا ويرجعني الناطور من باب الأدارة ... لا ما يصحش يا أم فلان (يعرف ولدي العود لأنه عندهم من سنوات) ممنوع ممنوع
واستحيت وطلعت وعطيته الأوراق إلا وحرمتين طالعين من عندهم:eek5: وأنا لا شوله؟

بس بالعقل وإن كانوا ملتزين ونحسبهم على خير نحن كذلك إن شاء الله ولا أعتقد أن في امرأة ترغب بدخول مدرسة بنين والعكس صحيح لا رجل يحبذ دخول مدرسة نساء إلا من أجل الضرورة كما تفضلت.

وقلت في نفسي يعني ما يشوفون حريم برع المدرسة مثلا؟ وخل يمنعون وحدة مب لابسة عدل بس وحدة ما يبان الا عيونها ليش تمنع؟ عموما هو أمر طيب في النهاية تفاديا للفتن سواء لهم أو لنا ولكن الضرورة تضطرنا كما تفضلت للذهاب.

جزاكم الله خيرا


كلامج في محله و العكس صحيح يعني واجد من الوالدين مشغول للازم الاخر يقوم مقامه عن العيال في المدارس يفترض بدون اي احراجات و الي صار معاج بعد غريب يفترض ان يكون هناك تفاهم اكثر بين الادارة و الوياء الامور

[ماجد البدر]

ههههههههه

الله يكون في عونك

مع ان الباب زجاج يبين ان في حد واقف برة او في جرس في بعض المدارس..المفروض تلقائيا المسؤلة تلبس العباة وتروح تخلص امور ولي الامر

ياخي انا اول مره ادخل المدرسة وعلى الباب الرئيسي وطقيت الباب بس مافيه اي رد خاصة بعد ماعرفوا بوقوفي عند الباب مافيه اي رد فعل طبيعي بل تجاهل على امل اني افهم انه مكان حريم طيب فهم انه مكان حريم وبعدين اطلع وماسجل ولدي ولا كيف العالم يسجلون

[ماجد البدر]

هو الحشمة للمراة كويسة
قد يكون اخطا وحاول دخول غرفة المعلمات لأن المدرسة مفتوحة ووقت دوام وفي حارس و مديرة

اي غرفة المدرسات الله يهديك شيوديني لهم
الباب الرئيسي وفي وجه الادارة
والاستقبال

[بوسلمان 2010]

الله المستعان

[حسن]

اي غرفة المدرسات الله يهديك شيوديني لهم
الباب الرئيسي وفي وجه الادارة
والاستقبال

صحيح كلامك ياولد البدر اوول مادش في استقبال وهم يشوفونك وانت جاي بس اللي في الاستقبال

بس للاسف في ناس ترد وعمرها مادخلت مدرسه انه اعرف المدارس من داخل

وانا ذكرتلك في رد سابق عن طريقه الدخول وقلت لك درعم ولا عليك منهم
هم بهذه الطريقه مايبون يشتغلون ويتدلعون وعتقد المديره عارفه بهذا الاجراء
ان اي ولي امر يقد يقابلها وهي قبلت بالوظيفه وهذه وظيفه خدميه فيها
احتكاك مع الجمهور

[مهرة]

مافيها شي وحدة من المدرسات تلبس عباتها وتطلع اتشووف ويش عنده وبتاخذ الأوراق وبتقووله ويش الي يلزم ..! بس وهي مرة وماراح تتكرر ويحطوون ناطور او عاملة وكان الله غفوراً رحيماً ..

ليش مكبرين السالفة !!

[الحال مايساعد]

إنزين وين الناطور؟؟؟ إللي أعرفه الناطور عنده تليفون ويقدر يتواصل مع الإدارة

[Bo jassim 33]

انا لما ابي شئ اروح للحارس واتصل لهم وتكلمني المسووله ويتم اللي ابيه

اعتقد على حسب المدرسه وادارة المدرسه

[ماجد البدر]

الله المستعان

الله كريم

[ماجد البدر]

صحيح كلامك ياولد البدر اوول مادش في استقبال وهم يشوفونك وانت جاي بس اللي في الاستقبال

بس للاسف في ناس ترد وعمرها مادخلت مدرسه انه اعرف المدارس من داخل

وانا ذكرتلك في رد سابق عن طريقه الدخول وقلت لك درعم ولا عليك منهم
هم بهذه الطريقه مايبون يشتغلون ويتدلعون وعتقد المديره عارفه بهذا الاجراء
ان اي ولي امر يقد يقابلها وهي قبلت بالوظيفه وهذه وظيفه خدميه فيها
احتكاك مع الجمهور

صحيح المديرة او حد من الادارة لابد له من التواصل حالهم حال اي من موظفي الوزارات التي تقدم خدمات للمراجعين

[ماجد البدر]

مافيها شي وحدة من المدرسات تلبس عباتها وتطلع اتشووف ويش عنده وبتاخذ الأوراق وبتقووله ويش الي يلزم .. !!

لا عيب عند العرب
وماهيم ن عاداتنا و تاقاليدنا :anger1:
ترضين حد يدخل بيتكم :tease::shy::rolleyes2::(

لسان حال البعض :nice:


! بس وهي مرة وماراح تتكرر ويحطوون ناطور او عاملة وكان الله غفوراً رحيماً ..

ليش مكبرين السالفة
لا مب مرة كل مرة ولي الامر عنده شي مهم او مراجعه يفترض انه يقدر يراجع ادارة المدرسة
لو زودها وطلع بس وقاحة او سوالف مع الحريم هنا نقول ستوب ونتخذ اجراء مختلف