كم ساعة تقضيها مع عيالكم

[أسد الجزيرة]

السلام عليكم

‏عن النبي ‏ ‏صلى الله عليه وسلم ‏ ‏قال ‏ (( ‏ألا كلكم راع وكلكم مسئول عن رعيته فالأمير الذي على الناس راع ومسئول عن رعيته
والرجل راع على أهل بيته وهو مسئول عنهم
والمرأة راعية على بيت بعلها وهي مسئولة عنه
والعبد راع على مال سيده وهو مسئول عنه ألا فكلكم راع وكلكم مسئول عن رعيته ‏))


الرجل مسئول عن زوجته و عياله مب الدريول
المرة مسئولة عن زوجها و عيالها مب الخدامة

يا ازواج و يا آباء و يا امهات كم ساعة تقضونها مع عيالكم و زوجاتكم وازواجكم يومياً

[حسن]

صباح الخير يااسد الجزيره

بالنسبه لي الفتره من بعد المدرسه الى العصريه مع المغربيه المشكله الحين مافي وقت
يادوب نخلص الغدا بعد 2 وعقب تستلمهم المره تدريس الى العصر شوي يعبون بعد صلاه المغرب
على طول يسبحون ويتعشون الساعه 7 رقود ماعاد والله عندهم وقت كلش هبابه يلعبون 1 و2 بالكثير
حتى ولدي في الروضه ذاك اليوم يقول الحين بنرقد وبنروح الروضه
للاسف دوام المدارس احس انه كارثه

[بوحمد111]

اجلس مع العيال بما فيه الكفايه وبدون تحديد للوقت واخصص يوم واحد في الاسبوع اسميه اليوم العائلي وفي هذا اليوم اقطع جميع سبل التواصل مع الكل واتفرغ بس لزوجتي وعيالي

تحياتي

[البحار00]

والله ما فيه وقت الواحد يقعد مع عياله

ما انخلص من الغدا الا ٢ ونص

ومن بعدها حل للواجبات لين الساعه ٤

ويادوب يلعبون لهم ساعتين ويطيح العشا الساعه ٦

وبالكثير الساعه ٧ الا ربع هم رقود

والله ما اقعد معاهم الا في الويكند


في ذمة من كان السبب

[مشاكل]

لااله الا الله محمد رسول الله
ماشالله لاقوة الا بالله

كلن يذكر الله يالربع
ترى العين حق
في ناس ماعندها عيال
في ناس يالله يالله تقعد مع عيالها واهلها
في ناس محرومه محتاجه مريضه ,,,, الخ

[ضوى]

الحمد لله من بعد الدوام معاهم لين الليل ، طبعا الاولاد وضعهم غير شباب ولهم حياة خاصة ربع وميلس وطلعات ، عكس البنات فديتهم لازقين فيني ، لدرجة حتى الجم سجلت البنت معاي حتى ماتفقدني والصغيرة تقعد مع ابوها في السيارة لين نخلص ، الاولاد نقعد معاهم بس مب مثل البنات مثل ماوضحت

[يوسف0]

لااله الا الله محمد رسول الله
ماشالله لاقوة الا بالله

[intesar]

بالفعل أيام المدارس ما فيه وقت..
لكن نستغلها أكثر بالإجازات..

[نوار قطر]

بالنسبه لي طبعا الصبح دوام وبنتي تكون في. المدرسة بس من ترجع تكون معاي على طول الوقت حتى طلعاتي اخذها معاي الا اذا هي تبي تقعد في البيت بس عموما دووم معاي

[نوار قطر]

لااله الا الله محمد رسول الله
ماشالله لاقوة الا بالله

كلن يذكر الله يالربع
ترى العين حق
في ناس ماعندها عيال
في ناس يالله يالله تقعد مع عيالها واهلها
في ناس محرومه محتاجه مريضه ,,,, الخ

محمد رسول الله :)

[الزعفراني]

الله المستعان .. ومشكور اخوي على الموضوع

[Locale]

ولدي بوسنتين وبنتي عمرها شهر
دوم وياي لاني ماشتغل
الله يحفظهم من كل شر
ويرزق كل محروم ومحرومه يــارب

[جغرافي قطر]

بالنسبه لي اطلع من البيت الساعه 6 الصبح وارجع 4 العصر انام للمغرب واقعد معاهم للعشا واذا عندي شغل اخلصه وارجع البيت واغلب الاوقات من الدوام للبيت ومن البيت للدوام

والويكند اشوف الربع الخميس بس والباقي حق العيال

[بصمة قطرية]

لااله الا الله محمد رسول الله
ماشالله لاقوة الا بالله

كلن يذكر الله يالربع
ترى العين حق
في ناس ماعندها عيال
في ناس يالله يالله تقعد مع عيالها واهلها
في ناس محرومه محتاجه مريضه ,,,, الخ

لا إله إلا الله
الله يحفظ الجميع
و يرزق كل محروم ..