كيف تصحي اعيالك للمدرسة وما هي المعدات المستخدمة !!!

[فريج النجادة]

كيف تصحي اعيالك للمدرسة وما هي المعدات المستخدمة !!!

ممكن نتعرف على تجاربكم كيف تصحون عيالكم للمدرسة

وما هي أفضل الوسائل المستخدمة عندكم

1- بالهدو والكلام الناعم يصحون للعيال

2- بالصراخ

3- بالزنوبة

4- بالخيزرانة

5- والاتصال بالفزعة

ممكن نتعرف على تجاربكم

[بوجبر]

صبحك الله بالخير فريج النجادة:)

الشباب بالصراخ:anger1:

البنات ماشاء الله عليهم بألهدوء والكلام الطيب...!!!

[اللوز]

أفضل الوسائل

العجرة

ههههههههههههه


http://im18.gulfup.com/VwvA1.jpg (http://www.gulfup.com/?y2ut42)

[بن غيث]

طريقتي الخاصة ...
عن طريق هدية اسبوعيا .. وزيادة ساعات اللعب

[مشاكل]

مرات اذا ماقدرت عليهم امهم انا اقعدهم
اقول بسم الله قبل ,,, عقب اقعدهم بهدوء واقولهم : قولوا بسم الله توكلنا على الله اصبحنا واصبح الملك لله ,,, والله انهم يقعدون من رقادهم بنفس طيبه مرتاحين ماشالله تبارك الله

[ضوى]

ايه والله يابو جبر الله يا زين البنات في قعدتهم ونومتهم وتربيتهم فديتهم والله

البنت اقولها بس ياللا يمه مرة مرتين ثلاث بالكثير الا هي واعية

الاولاد اااه من هالاولاد ياللا ياللا ياللا واوقف فوق راسهم لين اتطمن دخلوا الله يكرمكم الحمام ، وبعد يتاخرون وماتطمن عدل وارتاح الا اذا طلعوا من البيت

بس مب بالصراخ ولا بالطق اشدعوة اجيب لهم الصمرقع

[حسن]

صباح الخير يافريج النجاده

عندي المره تصحيهم ومستوي الصوت يكون على 5 بس وانصحيهم الساعه 5ونص
بس انا عندي الساعه 7 تسمع شخيرهم ريس واحدمافي سهر ولا في مقيال بتاتا مثلي

[Dana’1]

اصحي بنتي..بالهدؤ وغالبا قبل الوقت بشوي..عشان هي تقول يمة نقطة بس:)
النقطة تقريبا اخليها 5 دقايق..عقب اصحيها ومو عاجبها طبعا،،!

والطريقة الثانية مو دايما استخدمها...هي اذا كان انا نفسي تأخرت عليها شوي فلامجال للنقطة..فأصحيها وانا نفسي متوترة على سبب التاخير..واقولها قومي وصوتي واضح إن فية إن هههه هي تتخرع بعض المرات فأسمي عليهام...فتقول يمة نقطة شوي بس ..طبعا ما تسمع مني إلا .. لا يلا يلا معي هههههه
وامسكها مع يدها على مود اساعدها تقوم وتغسل..
ممكن اعصب بس ما اصارخ بمعنى الصراخ على ماقال حسن بال٥ هههه
..في حاله قالت خليني اغيب :anger1:

بس الحمدلله بكل الحالات ما استخدمت زنوبة والا غيرة من الادوات
عسى الله يحفظها ويحفظ عيال المسلمين آمين يارب العالمين

[MAZEN37]

شوف لما يرجع من المدرسه لا تخليه يرقد ما تدي السعشا الا هو بسابع نومه وتحصله الصبح قام مثل الاسد

[حسن]

شوف لما يرجع من المدرسه لا تخليه يرقد ما تدي السعشا الا هو بسابع نومه وتحصله الصبح قام مثل الاسد

مازن عندك خطا اي ساعه معارفنا كم وبعدين من اللي يخلي العيال ينامون الظهر هذا غلطان واساسا مافي ظهر
الحين نومهم بكير وماعندكم مشكله

[الدوحي7]

جان زين عندي عيال كان محد يوقضهم غيري،، ربي يخلى عيالكم لكم، وبوقضهم بنبطح جنب كل طفل وببوسه وبلعوزه في اذنه وببابوسه مره ثانيه لين يصحى من لرقاد اي والله،، فديت عيالكم،،،

[فريج النجادة]

أفضل الوسائل

العجرة

ههههههههههههه


http://im18.gulfup.com/vwva1.jpg (http://www.gulfup.com/?y2ut42)


ههههههههههههههههه

ما عندك عصا كهرب أحسن

[الأغر]

نام بكير فيق بكير شوف الصحه كيف بتصير :) .. اختصارا للرد .. لكن لله الحمد يصحون من النوم صباح الرضا .. قومي الله يرضى عليك .. الصلاة خير من النوم .. دامهم تعودوا على صلاة الفجر مسألة الصحيان تكون سهلة .. وصباحكم رضا وسعاده .. اما اختي ضوى ضحكت على طريقة صحيان العيال ( الأولاد) ..

[بومحمد المطاوعه]

صبحك الله بالخير ياخوي

طريقتي الخاصه قبل لأخواني :victory:

بالصراخ وسحب اللحاف عنهم

واسكر المكيف واشغل الليت وبعض الاحيان ارش ماي على حسب المزاج :tease:

بس الحين حق عيالي ...

اساسرهم ف اذانيهم احك اذونهم اشوي وادلدغهم :victory:

واعض خشمهم ههههههههه بعض الاحيان بس على حسب

اذا مزكمين لا :nop:

لين يقومون واهم يضحكون

ولدي محمد
يقوم ويتحندى اشوي ونفسيه >> طالع علي :tease:

بنتي الجوري
تقوم تصرخ علي وتتحندى علي ولا افهم عليها هههههه

عقب تقعد واطالع على بالها زعلان عليها

بنتي المها
يحليلها تقوم تلمني وتلعب

بس للحين ولا واحد ف المدرسه

بس اقومهم لو بنطلع مكان ولا ابي اقعد وياهم :)

ربي يحفظهم ويحفظ ابنائكم


جزاك الله خير على هالموضوع الطيب

[ضوى]

جان زين عندي عيال كان محد يوقضهم غيري،، ربي يخلى عيالكم لكم، وبوقضهم بنبطح جنب كل طفل وببوسه وبلعوزه في اذنه وببابوسه مره ثانيه لين يصحى من لرقاد اي والله،، فديت عيالكم،،،

الله يرزقك ياااارب وتقر عيونك بشوفتهم ان شاء الله

[بونووف]

ههههههههه عندي ولد اختي لما يقعد يتم مغمض عينه لين ماينسدح في الصاله ويتم قاعد لكن مغمض عينه اكلمه اكلمه مايرد وبعدين امه تجي تلبسه اقولها هاي عادي جي ولا تعبان تقولي لا هو جي يتم راقد قاعد
وحتى وهو ياكل مغمض عينه يوقف راسه طايح على جنب وراقد هههههههههه نكته هالصبي سوداني رقم واحد

[حراير قطر]

فديت عيالي الله يحفظهم

يرقدون 8 وان كثروا 9

والساعة 5 ونص اقعدهم بالكلام الطيب ويقومون بسرعه

بس مرات يبون يغيبون اهنيه انقلب عليهم واصير :vampire:

[البحار00]

فديت البناااااات

يقومون من ارقادهم الساعه ٦ الا ربع يوميا

وما اسمع لهم حس ابد لا اله الا الله عليهم

لأنهم يرقدون من وقت ويشبعون نوووم

وشعارنا في البيت ماااااافيه مقيال الظهر

ههههههه بس ننطر الشيخ محمد يكبر شوي

وبنشوف برنامجه الصباحي كل يوم

[شيوخه]

ماشاءالله الله يخلي لكم عيالكم

[ولد العرب]

ايه والله يابو جبر الله يا زين البنات في قعدتهم ونومتهم وتربيتهم فديتهم والله

البنت اقولها بس ياللا يمه مرة مرتين ثلاث بالكثير الا هي واعية

الاولاد اااه من هالاولاد ياللا ياللا ياللا واوقف فوق راسهم لين اتطمن دخلوا الله يكرمكم الحمام ، وبعد يتاخرون وماتطمن عدل وارتاح الا اذا طلعوا من البيت

بس مب بالصراخ ولا بالطق اشدعوة اجيب لهم الصمرقع

وشهو الصمرقع خيتو :secret:

[ولد العرب]

انا اعيالي يقوموني خخخخخخخ:nice:

[ضوى]

وشهو الصمرقع خيتو :secret:

مدري بس وايد كنا وكانوا يقولونها لنا :secret:

[فارس قطر]

4- بالخيزرانة

[ولد العرب]

مدري بس وايد كنا وكانوا يقولونها لنا :secret:

هههههههههههههههههههههههههههههههههههههههه:taunt::ta unt:

[الزعفراني]

للأمانة هم اللي يصحوني :)

[العلم]

يازين العزوبية ههههههههههه لا لك ولا عليك




بس أعجبتني سالفة النقطة ياديور ههههههههههههه

[الدمعه]

عيالي على حسب مزاجهم. أحيانا قبلي بخمس دقائق واحيانا عقبي بنص ساعه. اقعدهم الساعه 5 البنات مب كلهم سوى أنا عندي منيرة الله يحفظها عند باب الحمام تنسدح وترقد وأنا اراشيها وأدلعها ومب زين ومب حلو البنت تسوي جيه والله يهديج والله يرضى عليج مافي فايده فيها. لين تطلع شياطيني وأخلي أبوها يجابلها هي وعبدالله .. أما الباقي بكل هدوء يقومون ويخلصون الحمد لله بارك الله فيهم كلهم .... هالاسبوع سويت لهم لوحه واللي يقوم اول واحد طول الأسبوع ويجمع نقاط أكثر له حفلة يوم الخميس. وطبعا لانها اول أسبوع تحسون أنهم مب مشتطين بس لين شفاوا الحفلة استوت حق واحد منهم بس بيتغير الوضع الأسبوع الجاي. يبكون في تحدي أكثر.

[eXpert*]

أنزين وشرايكم في اللي يجي بيصحي العيال ينام جنبهم .:shy:

[ضوى]

أنزين وشرايكم في اللي يجي بيصحي العيال ينام جنبهم .:shy:

صارت معاي يوم انهم صغار ونمت معاهم وراح عليهم يوم دراسي وراح علي يوم عمل :)

[intesar]

هههههههههههههه..

[شمس2]

ايه والله يابو جبر الله يا زين البنات في قعدتهم ونومتهم وتربيتهم فديتهم والله

البنت اقولها بس ياللا يمه مرة مرتين ثلاث بالكثير الا هي واعية

الاولاد اااه من هالاولاد ياللا ياللا ياللا واوقف فوق راسهم لين اتطمن دخلوا الله يكرمكم الحمام ، وبعد يتاخرون وماتطمن عدل وارتاح الا اذا طلعوا من البيت

بس مب بالصراخ ولا بالطق اشدعوة اجيب لهم الصمرقع

ياحياتي الصمرقع اول مره اسمع فيه عجبني ابي منه :nice:

[ضوى]

ياحياتي الصمرقع اول مره اسمع فيه عجبني ابي منه :nice:

:(:(:(
ليش حسستوني انه محد يعرف هالكلمة الا انا :(

[bo_s3ood]

:(:(:(
ليش حسستوني انه محد يعرف هالكلمة الا انا :(

اخبرها تصرقع مب صمرقع عادي لين نكون صغار نسمع اشياء اخر الشي تطلع كلمه مخترعينها الشياااب عشان نخاااف ههههههه

الله يخلي لكم عياااالكم ويحفظهم

>> عيال خواتي واخوي يقومونهم ويجووون عندي اشيليهم وينااامون على كتفي >> محد يقرب صووبهم لين يكونون عندي

[chillis]

بنتي ماتعبني بالقومه الحمدلله

[محب قطر 64]

المهم مل تسهرمش و يناموا بدري . وتكون جاد معهم

[OREO]

:(:(:(
ليش حسستوني انه محد يعرف هالكلمة الا انا :(

الواحد اللي يغث نقول عنه يجيب الصمرقع ،،

خلينا نجيبها بجملة ،،

" حمووود الله يغربل ابليسه جابلي الصمرقع " ..

[OREO]

شخصيا عيالي الساعه سبع و نص في سبات نومهم و فازين مع اذان الفجر ،،

الحمدلله ،،

[بصمة قطرية]

فديتهم عيالي ما يتعبوني يقومون على طول
بس ينزلون تحت يكملون الشوط الثاني من النوم :shy:

[OREO]

فديتهم عيالي ما يتعبوني يقومون على طول
بس ينزلون تحت يكملون الشوط الثاني من النوم :shy:

هههههههههههههههههههههههههههههههههههههههههههههه

[بصمة قطرية]

هههههههههههههههههههههههههههههههههههههههههههههه

:shy:

[Dana’1]

يازين العزوبية ههههههههههه لا لك ولا عليك




بس أعجبتني سالفة النقطة ياديور ههههههههههههه

لا وفية انقط من النقطة..والا تقولها "انقط شي "هذي اقل من النقطة طبعا ههههههههه
وايضا شوي يمة
ولها سالفة ترى
لبى قلبها ... عسى الله يحفظها يارب آمين

[الدوحي7]

الله يرزقك ياااارب وتقر عيونك بشوفتهم ان شاء الله

يجزاك خير ويرحم والديك يارب،،

[qatarshark]

بالنسبة لي انا
اول ما اقوم اروح لغرفة الولد واصحيه :
بسم الله عيسى بسم الله
يقوم والعيوم مسكرة طبعا ويقولي يبه تكفى دقيقة وحدة
اخليه وارد اصحيه على طول :
عيسى خلصت الدقيقة:nice:
والبنت على طول فديتها ما تلعوزني
بس اتلعوزني في تجهيزها
ساعة حق الكشة لين تترتب:tease:
وتتسحب لانها ممثلة كبيرة تحب اتغيب لكن انا ما اعطيها فرصة:anger1:
الولد مايطول دقيقتين والا هو بالسيارة لاني انا اوصله لانه في طريقي
بس ما يحب الخدامة اتصحيه لانها دفشة واذا مللني في توقضه اقوله باخلي الخدامة تصحين :eek5: يفز على طول:nice:

المهم لابد من الصلاة قبل الخروج من المنزل
وبث
كله اتحبون تعرفون السوالف:anger1:
المرة الياية باعلم عليكم ابوي:tease:

[× الجــوري ×]

لاتذكروني بالمأساه :( عشت انواع من القومه حق المدرسه ولا خدامتنا الهنديه
قووووم قووووم مدرسي مدرسي على قد ماكنت اتنرفز منها لمى توقضني الا انها اوحشتني :eek3: مسكينه كنت اصحصح بس عشان اقولها انتي لاتقوميني تفهمين وارد انام وتضحك بعد قلبي ضحكتج :eek3: وامي حبيبتي تصحيني بطريقه اتيكيت ودبلوماسيه :shy: بس اذا دخل الوالد العزيز وقال كلمه وحده وعن بعد اقوم جني قاعده من اول امس :(

[مهرة]

انا مريحة عمري لين الوالدة اتقوولي قعدي اخوانج أصووت عليهم مرة مرتين ان قاموو خير وبركة وان ماقاموو بالطقاق انا الي علي سويته وزين مني رحت لهم ووقفت على رووسهم >> وقتي ثمين مايسمحلي ..!

بس بنوووتي فديتها توها ماتروح المدرسة فتفوووته بس اذا بقعدها أمسح على راسها والعب بشعرها وادلدغها لين اتفتح عنوونها الصغار وأراويها المرضاعة فتقوووم بسرعة وهي تقوول (( ابي حلاااااااااااايب)) http://www.qatarp.com/files/91/untitled.bmp

[ضوى]

انا مريحة عمري لين الوالدة اتقوولي قعدي اخوانج أصووت عليهم مرة مرتين ان قاموو خير وبركة وان ماقاموو بالطقاق انا الي علي سويته وزين مني رحت لهم ووقفت على رووسهم >> وقتي ثمين مايسمحلي ..!

بس بنوووتي فديتها توها ماتروح المدرسة فتفوووته بس اذا بقعدها أمسح على راسها والعب بشعرها وادلدغها لين اتفتح عنوونها الصغار وأراويها المرضاعة فتقوووم بسرعة وهي تقوول (( ابي حلاااااااااااايب)) http://www.qatarp.com/files/91/untitled.bmp

كنا جذي يامهرة :secret: بس كبروا تغير الوضع :(

[حراير قطر]

4- بالخيزرانة

شرير :rolleyes2:


أنزين وشرايكم في اللي يجي بيصحي العيال ينام جنبهم .:shy:

هههههههههههههههههاي

[فريج النجادة]

أنزين وشرايكم في اللي يجي بيصحي العيال ينام جنبهم .:shy:


:omg: :eek5: :victory: :omen2:

هههههههههههههههه

[بوراشد82]

يازين ولدي يقوم في ثانية ماشاء الله ،، ويلبس بسكات وياكل بسكات،، ماانحس فيه كلش ،،، بس البنت مأساة ،، تصير حفلة عشان تقوم ودموع والحلج مربع من الصياح،، صج مأسااااة،، الله يصلحهم

[حفيد الأنصار]

:(:(:(
ليش حسستوني انه محد يعرف هالكلمة الا انا :(


الصمرقع معرووووووفه

[حفيد الأنصار]

فديتهم عيالي ما يتعبوني يقومون على طول
بس ينزلون تحت يكملون الشوط الثاني من النوم :shy:


انا زمان يوم كنت بالابتدائي أمي تصحيني واذا كنت دااايخ أروح الحمام الله يكرمكم واقففل الباب وانسدح بالبانيو وانااااام :secret:
جو رهيييب صراحه ههههههه
اما اللحين صرت عزوبي وعلى المنبه :victory:

[q6r2009]

:rolleyes2::rolleyes2:
انا بنتي الله يحفظها مجننتني توها بالروضه وماتبي :weeping::weeping:

صياح وخناق ومزاعق وكل انواع الحفلات تسويها لي الصبح :weeping:

وساعة تفطر وساعة تقعد وساعه تلبس ..

والله انه ساعات اخليها ترجع تنام .. تعبت الله يحفظها ..

حتى لما اقعدها بالطيب والكلام الزين لازم تخانق وتحلطم .. للعلم تراها تنام بدري