زحمه غريبه

[heart]

مساكم الله بالخير وادري تكلمنا وايد عن الزحمة اللي تصير في كل شارع بس الزحمة الممله واللي مامرت علي من قبل الحين تخيلوا الزحمة من دوار الدفاع المدني لحد دوار جسر الجيده ويعطيكم العافية

[بصمة قطرية]

و صوب الوعب حالياً نفس الشي
زحمة غير طبيعية ..!!!

[حسن]

اليوم من الزحمه حتى الخويه تشوفهم مهب قادرين يسون شي الشوارع قامت تتشابك من دوار البلديه لين الاشار لين الديوان
والكورنيش كامل بل شنو ذي معقوله
قلت واقوله لين اموت مافي غير الاعدام

[al wafi]

اذا عندك فور ويل مايردك الا الرصيف وامورك طيبه

[MAZEN37]

اه من الرصيف موتري محجوز وعلى 6000
خلك من الرصيف

[بن غيث]

المفروض الحكومة تصرح لنا برخص للهليكوبتر او الطائرات الخاصة الصغيرة .. اذا مب قادرين يحلون مشاكل الشوارع

[Locale]

هذا حالنا كل يوم
حزات مشوار ماياخذ مني ربع ساعه ..بسبب الزحمه يصير سااعتين

[طبيب قطري]

انا اليوم واقف في الزحمه لين ما البترول خلص ! والله موقف يفشل !

[الزعفراني]

مشكلة الزحمة تلف اعصاب

[يوسف0]

2022 :victory:

خير انشاء الله

[الجوكر90]

هاي دليل ان يحطون ناس فمناصب اكبر من حجمهم

[سهم..]

الله المستعان

[ضوى]

بالفعل مدري ليش صايرة زحمة لا تطاق ، دوار قطر للديكور من الزحمة شرطي مرور يمشي السيارات والدوار عليه اشارات

[الحال مايساعد]

الله المستعان

[alawi23]

تعال شوف الزحمه من دوار المعارض لين دوار القوس ما بين الساعه 1و2 الظهر

والا الزحمه على خط الشمال (( يوميا )) ما بين الساعه 4 و 6 المغرب

وبتعرف ايش معنى كلمه زحمه لما تخلي الهاي وي يوقف

الوعد في 2022 شكلنا بنداوم على سياكل

[الصغيره]

لازم زحمه مقيم يسوق بنته تسوق مرته تسوق عياله ثلاثه يسوقون البيت فيه 5 سيارات لازم زحمه

[lady bird]

المفروض الحكومة تصرح لنا برخص للهليكوبتر او الطائرات الخاصة الصغيرة .. اذا مب قادرين يحلون مشاكل الشوارع

من زمان فكرت بالموضوع بس راح تنتقل الزحمة للسماء

[نتفـه]

قمت اكره اطلع اقضي مشاويري من الزحمه .. يعني تخيلوا انا بنت بدال ما يكون المشوار للجمعيه مثلا نص ساعه على هالزحمه تصير ساعه ونص قطيعه كرهنا نطلع لان الزحمه تاخذ من الوقت .. اوكي الريال ما يفرق معاه وقت الرجعه للبيت واحنا اللي نداوم ونبي نرجع البيت نتاخر تاخير ماله داعي كلش بس لان احنا محجوزين ف الشارع بدون سبب !!!!!! والا ابي اروح انا وخواتي مكان نخلص بسرعة البرق قبل وقت الزحمه لكن واحنا راجعين البيت الزحمه تكرهنا الطلعه عيزنا ولاعت جبودنا قمنا ما نطلع كلش الا ف الشديد القوي !!!

[mr.hamouda]

المفروض الحكومة تصرح لنا برخص للهليكوبتر او الطائرات الخاصة الصغيرة .. اذا مب قادرين يحلون مشاكل الشوارع

شفتها مره بالجريده
قالوا في عام 2022 بكون كل قطري يملك هليكوبتر

[فلتة زمانها]

خلها على الله بس
الزحمه مالها حل قمت اطلع من البيت قبل الدوام بساعتين عشان ما اتاخر

[بوخالد911]

مرض يومي

الزززززززززحمة


والله يفكنا من العمالة الوافدة

[مساهم خطير]

صراحة الوضع ماعاد يحتمل لازم يشوفون لنا حل بسرعه
المشوار الي كنت اخذه من الريان لين الدوحه في نصف ساعه الحين ياخذ مني اكثر من ساعه ونص واحيانا توصل ساعتين
الله يعينا السنه الجايه كيف بنتصرف مع الوضع