عجائب

[بن غيث]

اليوم الصباح كنت مع واحد من الاصدقاء يريد ان يزوج ابنه ليعقل شوي
واليوم المغرب كنت مع واحد من الاصدقاء ايضا ويريد ان يزوج ابنته من زوج عاقل

عجائب .. مجتمعنا

[عاهد بن علي]

:anger1:
انا ادور من زمان بس مالقيت

[حسن]

العقل نعمه الانسان ومحد يعرف قيمه العقل الى اللي فاقده يامكثرهم درر يابوعلي

[النجلا]

اليوم الصباح كنت مع واحد من الاصدقاء يريد ان يزوج ابنه ليعقل شوي
واليوم المغرب كنت مع واحد من الاصدقاء ايضا ويريد ان يزوج ابنته من زوج عاقل

عجائب .. مجتمعنا

اكره شي عندي الاهل اللي من هالنوعية يعني انتوا تبون تفتكون من ولدكم وعلى قولتكم تعقلونه شذنب بنت الناس اللي تبتلش فيه والله اكبر غلط تفكير الاهل اذا كان بهالطريقة..

والنتيجة اكثرها الطلاق والله مرت علي تقريبا فوق الخمس حالات ماكملوا ست شهور مع بعض .. وحالات ثانية بالكثير سنة او سنتين .. واغلب الاسباب يبون يعقلون ولدهم !!! وشباب هالزمن اغلبهم ماعندهم مسؤلية ولاتقدير لحجم المسؤلية اللي بيواجهونها من الزواج الا من رحم ربي ..

ياليت تتم مناقشة اسباب ارتفاع الطلاق .. لان اللي قاعدة اشوفه شي مخيف الصراحة بنات ماتعدوا 25 سنة كلهم مطلقات ..


ويعطيك العافية اخوي على طرح الموضوع بالفعل اللي قاعد يصير شي عجيب

[المسك1969]

:)

يمكن لو زوجوا خبل من خبله أفضل... يمكن يستعدلون أو يتفقون على خباله وحدة... بس عاقل وخبله أو العكس أعتقد دمار للطرف الثاني والله المستعان

[المسك1969]

:anger1:
انا ادور من زمان بس مالقيت


تدور على عاقله ربي يحفظك :) وإلا على خبلة :rolleyes2:

[المهاجر]

العقل والتربيه والاخلاق مسئولية الاهل هم الأساس

ان لم يستطيعوا ان يربوه ويكون عاقلاً

فهل الزوجه ستستطيع ذلك؟

لا أعتقد ابداً بل ان المشكله ستتفاقم أكثر وأكثر

المفترض في الأب ان يربي ابنه ويعلمه ويعقله ومن ثم يزوجه

لا ان يبحث له عن زوجها لتعقله !!

تغيرت الاحوال وتغيرت المفاهيم واصبحنا نبحث عن من يحمل عنا مسئولياتنا

ولاحول ولا قوة الا بالله

[فيصل الفيصل]

إذا عقل الولد يُزوج

[خليفـة]

يعني الحين صار الحل الوحيد للشاب الطايش الزواج !

زين اش ذنب بنت الناس المسكينة تاخذ لها واحد مجنون ؟

ويا عالم يكون قد المسؤولية بعد الزواج .. ولا يقعد له شهرين ثلاثه
ويرجع لعادته القديمة واللعبه

الله يهدي الجميع

خليفـــة

[الخزرجي قطر]

احسن الحلول من وجهة نظري

[النهار]

:anger1:
انا ادور من زمان بس مالقيت


وانا مثلك بعد ادور بس من المغرب :telephone:

[النهار]

واليوم المغرب كنت مع واحد من الاصدقاء ايضا ويريد ان يزوج ابنته من زوج عاقل

هذي صعبه بيتعب وهو يدور

[معماري قطري]

واليوم المغرب كنت مع واحد من الاصدقاء ايضا ويريد ان يزوج ابنته من زوج عاقل

هذي صعبه بيتعب وهو يدور


بالعكس لكل مجتهد نصيب، وإن أخلص النية لوجه الله تعالى .. الله بيوفقه إن شاء الله.

بعض الشيبان الطيبين الله يرحمهم كان كل همهم يزوجون بناتهم ويسترونهم وحتى بالخطبه لهم مثل يقول زوجتك عندي، ويشجع على الزواج وأكيد هالأيام أمثالهم وايد وقطر إن شاء الله بخير بأمثالهم.

[الدوحي7]

مايبط كبدي غير هذا التصرف من الابهات(الوالدين) يزوج ولده علشان يعقل ويغصبه على الزواج ويضيع بنت الناس(الزوجه) ولعيال والسبب انه مغصوب طبعا هذا اذا ماطلقها بعد شهر،،

[النهار]

مايبط كبدي غير هذا التصرف من الابهات(الوالدين) يزوج ولده علشان يعقل ويغصبه على الزواج ويضيع بنت الناس(الزوجه) ولعيال والسبب انه مغصوب طبعا هذا اذا ماطلقها بعد شهر،،


توني بكتب نفس الرد بس سبقتني يالذيب رفيجي زوج ولده علشان يعقل بعد ماخلف منها 3 اولاد المراء طالبه منه الخلع ماعقل بل زاد جنون وتهور لان في الاول ابوه كان يقدر يسنعه اما بعد الزواج وصار اب ابوه مايقدر يسوى له شي ؟؟؟؟؟؟

[الدوحي7]

توني بكتب نفس الرد بس سبقتني يالذيب رفيجي زوج ولده علشان يعقل بعد ماخلف منها 3 اولاد المراء طالبه منه الخلع ماعقل بل زاد جنون وتهور لان في الاول ابوه كان يقدر يسنعه اما بعد الزواج وصار اب ابوه مايقدر يسوى له شي ؟؟؟؟؟؟

شفت شلون، يجزاك خير يالذيب،، الله يصلحه يارب، وصدقني السبب الوالدين ماربوه من قبل وثاني شي مثل ماقلت هو الحين بعيد عن ابوه ولكن اش ذنب هالعيال والزوجه:weeping:،

[mr.hamouda]

يعني ما بتزوج لين ما اعقل ....... شكلها السالفه طويله ويبيلهم سنين
العقلنه = هي شيء لا يتناسب معي إطلاقا فلا تجد في تصرفاتي شيئا منه
:p

ههههههههههههههههههههههههههههه والله كريم

[النهار]

شفت شلون، يجزاك خير يالذيب،، الله يصلحه يارب، وصدقني السبب الوالدين ماربوه من قبل وثاني شي مثل ماقلت هو الحين بعيد عن ابوه ولكن اش ذنب هالعيال والزوجه:weeping:،

المشكله ياخوي اقول لابوه حاول تظم ولدك من جديد ولدك مديونينه وصلت 2 مليونين توه عمره 24 سنه يقول انا متبري منه ليوم الدين اكلم عمه شوفوا حل لولدكم اذن من طين واذن من عجين المصيبه مزوجينه من احدي دول مجلس التعاون الخليجي حتى الارض الي اطلعت له من الدوله باعها عن طريق محامي اما بالنسبه للعيال قالت له بالحرف الواحد بقطهم عليك وبرجع ديرتي

[ريم 28]

هنا ياتي دور اهل المخطوبه يجب ان يسئلو جدا قبل التسرع في الموافقه

والطيب من الخبيث معروف
والعاقل من المتهور معروف

حسبي الله ونعم الوكيل ما ذنب البنت تخدعونها ان الولد كفو وما عليه كلام

وهو خبل وطايش واهبل

واخرتها تتطلق المسكينه وللاسف يلومونها بعد ان ما اقدرت اتعقله

عجائب انا معاك يا صاحب الموضوع

عجائب مجتمعي كثيره :(

[حلم الطفولة]

اليوم الصباح كنت مع واحد من الاصدقاء يريد ان يزوج ابنه ليعقل شوي
واليوم المغرب كنت مع واحد من الاصدقاء ايضا ويريد ان يزوج ابنته من زوج عاقل

عجائب .. مجتمعنا

الف شكر.. يعطيك العافية

امر عجيب بالفعل ...موضوع في غاية الأهمية يجب ان يعاد النظر في طريقة الزواج لدينا ...صلاح الزوج من الانحراف بعد الزواج في علم الغيب، وعلى أمل أنه راح يعقل هل نعلم الغيب أنه سوف يعقل
أم أنها مجرد ضربة حظ !
ليس هناك (عصا سحرية) تقلب الشاب المستهتر الى شاب عاقل قادر على تحمل المسئولية
المسئولية هنا تقع على الاهل .. عندما يرون في الشاب العقل وتحمل المسئولية هنا ننصحهم وبقوه ان يتزوج.. قَال رَسُولُ الله : «يَا مَعْشَرَ الشَّبَابِ مَنِ اسْتَطَاعَ مِنْكُمُ البَاءَةَ فَلْيَتَزَوَّجْ، فَإِنَّهُ أَغَضُّ لِلْبَصَرِ، وَأَحْصَنُ لِلْفَرجِ،..الحدبث

[حمد بن خالد]

فاهمين الموضوع العقل غلط


يعقل يعني يحس بالمسؤولية ويركد من الطفاقة


احنا مب ميانيين قبل الزواج

بس كنا نسهر وماعندنا مسؤوليات

الحين الوضع تغير

وخاصة بعد اليهال الاوضاع تتغير بالكامل

البيت يكون شي مهم والتفكير في المستقبل اهم

والركادة شعار الرجل في حياته اليومية

واي فعل بيقدم عليه الرجل راح يعمل له الف حساب وحساب

[همر]

وانا مثلك بعد ادور بس من المغرب :telephone:



انا ادور قبلك من الصبح..

[طبيب قطري]

:)

يمكن لو زوجوا خبل من خبله أفضل... يمكن يستعدلون أو يتفقون على خباله وحدة... بس عاقل وخبله أو العكس أعتقد دمار للطرف الثاني والله المستعان

هههههه

[chillis]

والله انا اشوفه بيلعوز بنت الناس يخليه لين يعقلزوعقب يزوجه لانه مهب قد المسووليه بيكون

[بصمة قطرية]

للأسف وايد سمعنا هالجملة
زوجوه عشان يعقل
إلا يخبل بنت الناس معاه ،،
المفروض الشاب ما يتزوج الا و هو عاقل و راكد
و قد المسؤولية ..

[مهرة]

حـــــــــــــــــــــرام عليكم بنات الناس مو لعبه وتذكروو الدور جايكم اذا لكم بنت او اخت ماتزوجت بيجيها المعرس الي ناقص عقل ويبي منها اتعقله ..!

احنا عندنا مثل هالتجربة بالضبط بس للأسف بائت بالفشل يبي يزوج ولده عشان يعقل واختار له بنت صديق عزيز على قلبه تمت الملكة والولد حتى بعد القران رافض فكرة الزواج وهو كان مجبر عشان مايفشل ابووه؟؟

تمو شهر وطلق البنت الرجال خسر صديقه وسمعته والولد ماعليه شرهه مستانس بحياته ولا عليه من احد ..!

الحين ويش ذنب البنت تحمل اسم مطلقة وهي تووها صغيرة.. هذا يرضي من ؟؟