((((((( رقم سيارتك مميز . . . . تفضل ))))))))) [الأرشيف] - منتديات شبكة الأسهم القطرية

جرير

11-10-2012, 02:00 AM

حياك ادخل

.

.

ثقافه الارقام المميزه صارت بالنسبه للكثير منا عاده صرنا نلاحظ حتى بعض البنات تسوق السيارت بارقام مميزه الظاهر تدور التميز بعد
السؤال الذي يطرح نفسه شنهواللي يضيفه الرقم لصاحب السياره صارت ناس تدفع مئات الالف و الملايين بعد على بعض الارقام
هذا الجنون بعينه . . . ام هو البطر بالنعمه
ماهو الهدف من اقتناء رقم مميز ؟
عند اقتناء اي شي مهما ارتفعت قيمته راح تتنعم بمزايا الشي الي امتلكته . . . على سبيل المثال البيت الي بمليون
مب نفس الي بثلاثه مليون بتحس بفرق شاسع سواء من ناحيه المساحه ومن ناحيه الراحه ومن ناحيه الرفاهيه و و و و . . .
والسياره بعد السياره اللي بخمسين الف تفرق عن اللي بمتين الف سواء من ناحيه الراحه والسرعه
وعدد الركاب والقوه والمميزات الاخرى . . .وينطبق هالمثل على كل شي في حياتنا الا على شي واحد . . . . اللي هو الرقم المميز

مزايا رقم بو بلاش نفس مزايا رقم بو عشره مليون ريال
يعني في ذمتكم لو صاحب الرقم بو عشر ملايين دعم واحد وذبحه صدقوني راح ياخذ جزاته
ويدفع ديه . . .نفسه نفسك وحتى لو سوى مخالفه راح يدفعها قبلك
. . . والا شلون بعد يعني رقمه بكذا مليون وما يقدر يدفع مخالفه ب 300 او 500 شتقول الناس عنه

يعني في كل الاحوال الاستفاده من الرقم ما منها فايد ما تعفيه من اي شي . . . . .
ياجماعه الخير يا ناس . . .( اما بنعمه ربك فحدث) طبعا في بيت في حلال في اي شي بستفيد
منه اما رقم سياره وباسعار خياليه انا من وجهه نظري اشوفه الجنون والبطر على النعمه
واشوفه نوع من الغرور . . ليش الواحد يبي يكون متميز في شي ماله قيمه
انا ممكن اتميز في بيت املكه لي ولعيالي . . . ممكن اتميز بخيل ادخله سباقات
امتلك طير امتلك يخت اتميز بمزرعه ان شالله لو مساحتها مليون متر شي تقدر
تستانس وتتمتع فيه اما التميز برقم سياره اشوفه قمه التخلف اذا كنت تعتبره تميز
وقمه الغرور والاسراف او يمكن جنون العظمه

الله المستعان . . . .انا خايف على اللي ادفعو مئات الالف وحتى ملايين في
ارقام سيارت وبعد فتره مثلا فكر المرور يقلبها حروف او رموز
او ان شالله طلاسم شنو شعورهم اصحاب هالارقام اذا كان هناك شعور . . . .
مازلت مصر على الاجابه
ماهو الهدف المقنع من اقتناء رقم مميز ؟

<اضرب واشرد>

11-10-2012, 02:09 AM

إما غرور وكِبِر

وإما نَقص

وإما تجارة

جلمود

11-10-2012, 02:18 AM

بالعكس مافيه أي غرور وتكبر

ولا فيه نقص

التجاره معقولة

الانسان اذا الله منعم عليه وعنده خير وقائم بمى فرضة الله سبحانه من زكاه وصدقة

وين المشكله انه يدلع نفسه برقم وسيارة كشخة ؟

سهم..

11-10-2012, 05:39 AM

بعض الناس تميزه منه وفيه -على ما يقولون أصلي- وبعض الناس لازم يميز نفسه بأي شي
مع احترامي للجميع

q6ri_vip

11-10-2012, 06:43 AM

اسمحولي
كل شخص حر في ماله وتصرفاته يشتري رقم موتر مميز رقم نقال مالنا علاقه فيه دام أن هالشي ما يضرني بالأخير الله بيحاسبه لا أنا ولا انت
بعد نجي نحاسبهم بحلالهم مايصير صح ولا أنا غلطان

اللوز

11-10-2012, 07:30 AM

يعني في ذمتكم لو صاحب الرقم بو عشر ملايين دعم واحد وذبحه صدقوني راح ياخذ جزاته
ويدفع ديه

امتلك طير [/color][/size][/b] [/center]

لا تحاتي
الدية اخي الكريم تندفع عن طريق شركة التامين

وعن امتلاك الطير
احتمال الطير يموت فانت في هذه الحالة سوف تخسر
فما رأيك ؟

المدريدي

11-10-2012, 07:39 AM

حريه شخصيه وبعض الأمراء في دول الخليج يمتلكون هذه الارقام المميزه هل عندهم نقص ؟

والحين الارقام صارت تجارة مثل الأراضي وغيرها

وان شاء الله ما قلت شيء غلط

hagrs

11-10-2012, 08:20 AM

بالعكس مافيه أي غرور وتكبر

ولا فيه نقص

التجاره معقولة

الانسان اذا الله منعم عليه وعنده خير وقائم بمى فرضة الله سبحانه من زكاه وصدقة

وين المشكله انه يدلع نفسه برقم وسيارة كشخة ؟

:victory:
اتفق معاك

المرحب

11-10-2012, 08:53 AM

بصراحه أنــــا رقمي آخر 5 أرقام في جوالي ولا أعتبره مميـــز

:nice:

همر

11-10-2012, 09:04 AM

زين انت قولي شالفايده من شراء " خرقه" مشخبطه بالوان وموقعه باسم بيكاسو وتنباع بملايين الدولارات ؟!!

هل بمشي فيها في الشارع؟!!

من بيشوفها غيري ولطوف في البيت ؟!!

ياخي شي انت مش مقتنع فيه لاتقلل من قدره وتقلل من احترام اصحابه..

almaf1a

11-10-2012, 09:35 AM

ما الفائدة من الاثار القديمه
صحن من 800 سنه مايصلح تاكل فيه ويمكن مكسور بعد لكن قيمته اغلى من محل بكبره يبيع مواعين

هل بيصير الاكل احلى في هذا الصحن

الرقم المميز حاله من حال اي شئ مميز

لو تبحث عن قيمه اي شئ في الدنيا راح تطلع بنفس النتيجه

التميز برقم او غيره المغزى منه التميز فقط وليست الفائدة المرجوه منه لان مب من الضروري اي شئ تقتنيه تكون له ضروره

بوسلمان 2010

11-10-2012, 09:36 AM

السلام عليكم اخوي اعتقد مثل ماقالو اخواني قبل انها حرية شخصيه اما يااخوي في فئة الله يهديهم ويصلح

شانهم يحط على نفسة دين علشان السيارة والرقم والمخبة خالي هذا الي ودك تنصحه اما اخوي الي عنده

استطاعه ليش ماياخذ وانا اعرف واحد من قرايبي خذ رقمين مميزين بسعر عالي والحين مدفوعله اضعاف سعرهم

السعر شي خيالي والله

بوذياب

11-10-2012, 10:00 AM

اولا اشكر صاحب الموضوع الذي اثار نقطه هامه جدا
وهي تعتبر في خانه هدر اموال المواطنين في شي لايفيده وكانك تشتري بها شي لايستحق هذا المبلغ الضخم.

عموما //
ندخل في صلب الموضوع اكثر يوجد فيوجد اكثر من شخص علق ((بان هذه حريه شخصيه))
وسوف يكون ردي من القران والسنه النبويه والله الموفق

الرد الاول:
قال تعالى : (( وَلاَ تُبَذِّرْ تَبْذِيراً ، إِنَّ الْمُبَذِّرِينَ كَانُواْ إِخْوَانَ الشَّيَاطِينِ وَكَانَ الشَّيْطَانُ لِرَبِّهِ كَفُورا ))

الرد الثاني:
فالرسول صلى الله عليه وسلم يقول : ( لا تزول قدم ابن آدم يوم القيامة من عند ربه ، حتى يُسأل عن خمس ، عن عمره فيما أفناه ، وعن شبابه فيما أبلاه ، وعن ماله من أين اكتسبه وفيما أنفقه ، وماذا عمل فيما عَلِم )

ركز اخوي في هذه العباره ((وعن ماله من اين اكتسبه وفيما انفقه؟؟؟؟)))

هذا مب كلام صاحب الموضوع ولاكلامي ولاكلام عالم او مفكر او مستثمر او او او !!
كلام افضل الخلق كلام الرسول عليه الصلاة والسلام.

وانا اعتبر هذا البيع والشراء من الترف والترف الله لايرويك وشهو عذابه والله محد قده ولاحد كفو يجربه فيكم وانا اولكم !!!
الله توعد ....... دقيقه !!! من الي توعد ؟؟؟
الله توعد المترفين باشد عذاب اووووف اشد عذاب يالله سترك ياتجار الارقاااام ركزوا يالي تبيع الرقم الرباعي ب٦٠ الف وتشتري الثلاثي ب٧٠٠ الف وتبيع بمليون و١٠٠ الف

انت مترف والعذاب جايك من عند الله

وبعدين لو ارسلة هذا المبلغ لدوله فقيره كم اجرك ؟
ولا لو انت سويت فيه مشروع خيري كم اجرك ؟

بس لا اشدعوه هههههههه تشتري موتر بنص مليون !!!
واخرتها رقم سلطه بل شيقولون الناس عنك !!!
تكفي رزته قدام المجلس وعليه ياذاك الرقم الثلاثي 11x هههههه

بس لاتنسى قبل لاتشتري الرقم ب٣ ملايين انك ((((((((. مترف. )))))))))

وهذا وعد الله بالنسبه لك ولغيرك :

وذكر عذاب الدنيا أيضاً ، وقرنه بالترف ، قال : (( حَتَّى إِذَا أَخَذْنَا مُتْرَفِيهِم بِالْعَذَابِ )) ، وقال : (( وَكَمْ قَصَمْنَا مِن قَرْيَةٍ كَانَتْ ظَالِمَةً وَأَنشَأْنَا بَعْدَهَا قَوْماً آخَرِينَ ، فَلَمَّا أَحَسُّوا بَأْسَنَا إِذَا هُم مِّنْهَا يَرْكُضُونَ ، لَا تَرْكُضُوا وَارْجِعُوا إِلَى مَا أُتْرِفْتُمْ فِيهِ وَمَسَاكِنِكُمْ )) .

تحياتي للاخ جرير على الموضوع المهم
وشكرا

chillis

11-10-2012, 10:20 AM

اسمحولي
كل شخص حر في ماله وتصرفاته يشتري رقم موتر مميز رقم نقال مالنا علاقه فيه دام أن هالشي ما يضرني بالأخير الله بيحاسبه لا أنا ولا انت
بعد نجي نحاسبهم بحلالهم مايصير صح ولا أنا غلطان

:victory::victory: احيانا اعتبره حسد وغيره نرد ونقول دام انه متبرع ومتصدق يمتع عمره مايمنع

BoAof

11-10-2012, 11:23 AM

لا تعليق

الاجتماعي

11-10-2012, 01:17 PM

السلام عليكم ومساكم الله بالخير
مع خالص احترامي لجميع وجهات النظر وكلها معتبرة عندي واحترمها اشد الاحترام لانه لدي مبدأ ان لا احد على خطأ فالكل له وجهة نظر ورأي يجب علينا الاستماع له ومن ثم قبوله او عدم قبوله .
رأيي المتواضع انه الارقام في الوقت الحالي هي سلعة كحال اي سلعة لها سوق ورواج ، والاسعار قابلة للزيادة والنقصان على حسب العرض والطلب ، وبعض الارقام وخاصة الثلاثية لها حالة خاصة لان كميتها محدودة مثلا وبالتالي من يملكها عدد قليل من الاشخاص .. في النهاية هو رأي كباقي الاراء لكم ان تقبلوه او ترفضوه
اخوكم المحب / الاجتماعي

اوف ليميت

11-10-2012, 01:22 PM

الامر لايستحق النقاش
لانه ليس ضروره ولا موضوع عام ولا من الحياه الاجتماعيه ولا يهم البعض
كل مافي الامر واحد قايم بواجبه تجاه ربه وعباده واهله وبيته
وعنده تجاره بعد
ومتبرع ويسوي كل شي ويكفل .. الخ الخ
وبعد عنده فايض..قال خل اشتريلي رقمين جذي احطهم عالسياره
فقط

هو ماضر غيره يوم شراها
ولا ضرك ولا اثر على ميزانيتك ولا على ميزانية الدوله
فلوسه وهو حر
اصلا ماراح كنت تدري عنده فلوس يوم انه ماشترى
يعني اساسا لحد يدري ولا شي..ومعرفة ذلك مثل عدمه

ويمكن بالعكس
..الشخص اللي اشترى منه كان محتاج لمبلغ وقدره وهذا شراه منه عشان يساعده بس مايبي يقوله هاك البيزات بلاش..او سلف..لان البعض يستحي ياخذها جذي
ويمكن من غير قصد وصارت معاه وصج كان محتاج لفلوس واللي اشترى جزاه الله خير

فالموضوع مش بمحله..لانه شي حتى لايعتبر مكمل بالحياه عشان عالاقل تتناقش فيه

واكثر اللي يفتحون هالمواضيع فقط لانم يبون يشترون او حاولوا وماقدروا
او يبون ينزلون الاسعار ويطلعون المستخبي فقط لاغير
او اللي ماعنده

:]

moonبنتnight

11-10-2012, 03:31 PM

وبعضهم يطلع رقم حظ ونصيب ..

جرير

11-10-2012, 03:36 PM

إما غرور وكِبِر

وإما نَقص

وإما تجارة

ما شالله عليك اختصرت الجواب

يعطيك العافيه

جرير

11-10-2012, 03:48 PM

بالعكس مافيه أي غرور وتكبر

ولا فيه نقص

التجاره معقولة

الانسان اذا الله منعم عليه وعنده خير وقائم بمى فرضة الله سبحانه من زكاه وصدقة

وين المشكله انه يدلع نفسه برقم وسيارة كشخة ؟

هل صار عذر لكل شخص دام انه مزكي او مصلي او متصدق انه يشتري اي شي

. . . شنهو الليبيستفيده من الدلع . . . سياره كشخه مب مشكله يدلع نفسه فيها

ياخي انا لما ادفع زياده فلوس ابي مميزات زياده عدل والا لا ؟

سؤالي لك شنهو الفرق بين الرقم العادي والمميز؟ ابي جواب صريح ؟

خالد32

11-10-2012, 03:50 PM

انزين شفايدة الرقم المميز و شبتسوي فيه ؟
هل انه تمييز لك عن باقي خلق الله
او ان عندك خير و فلوس
او بعطي سيارتك ٢٠ حصان
او انك تحب هالرقم لاسباب خاصه؟

جرير

11-10-2012, 03:51 PM

بعض الناس تميزه منه وفيه -على ما يقولون أصلي- وبعض الناس لازم يميز نفسه بأي شي
مع احترامي للجميع

ردك عجيب . . . . فعلا حكمه بس من يعرف معناها

يعطيك العافيه

جرير

11-10-2012, 03:56 PM

اسمحولي
كل شخص حر في ماله وتصرفاته يشتري رقم موتر مميز رقم نقال مالنا علاقه فيه دام أن هالشي ما يضرني بالأخير الله بيحاسبه لا أنا ولا انت
بعد نجي نحاسبهم بحلالهم مايصير صح ولا أنا غلطان

كل واحد حر في حلاله كلامك صح . . . بس في حاله ان يشتري اشياء مالها معنى

لابد من التناصح فيما بيننا كلنا عايشين في مجتمع واحد

. . . . اما اني امنعه او اوقفه في النهايه ماله وهو حر فيه

بس لابد ان الشخص يقول الحق والصراحه بكيفه يقتنع ما يقتنع

والله هو اللي بيحاسبه في النهايه

paciottiq

11-10-2012, 03:57 PM

اشكر الجميع علي الردود

ومثل ما قالوا كل واحد يبي يمسز نفسه عن الاخر
وفي من يحب التميز بحياته وفي ناس عن تجاره

صج ان الفرق ما راح يغير شي بس ناس تقولك انا ابي اكون مميز بكل شي وش يمنعني ما اخذ رقم مميز منه تجاره اذا جاب سعر ومنه سهل القراءه سواء كان رقم جوال او سياره

المشكله مب هني المشكله في ناس تشتري ولو حتى قام يشحت بالمساجد

والله المستعان

جرير

11-10-2012, 03:59 PM

لا تحاتي
الدية اخي الكريم تندفع عن طريق شركة التامين

وعن امتلاك الطير
احتمال الطير يموت فانت في هذه الحالة سوف تخسر
فما رأيك ؟

مب شرط طير . . . ممكن اي شي ثاني

عندك مليون شي تقدر تشتريه وتستفيد منه وتفيد الغير

paciottiq

11-10-2012, 04:00 PM

عندك مليون شي تقدر تشتريه وتستفيد منه وتفيد الغير [/size][/color][/b][/center][/QUOTE]

:nice::nice::nice:

ZURICH

11-10-2012, 04:01 PM

انزين شفايدة الرقم المميز و شبتسوي فيه ؟
هل انه تمييز لك عن باقي خلق الله
او ان عندك خير و فلوس
او بعطي سيارتك 20 حصان
او انك تحب هالرقم لاسباب خاصه؟

هلا خالد

ممكن الرقم يعطي السيارة لفته جمالية بين السيارات شوي

بس انا ما أشوف له اهميتة مثل ان يكون رقم جوال مميز عشان يكون سهل الحفظ

عند الاصدقاء والمعارف ..

اللحين بعض اصحاب الارقام المميزة جداً يفضلون على سياراتهم ارقام مخربطه

والسبب وين مايرح الواحد معروف مكانه

يتصلك واحد الو شعندك في المكان الفلاني

او البارحة شفت سيارتك واقفة عند المجلس الفلاني

او قبل امس سيارتك كانت على خط الشمال مع من كنت .. هو انت ولا غيرك

مايسوى علينا رقم مميز

جرير

11-10-2012, 04:37 PM

حريه شخصيه وبعض الأمراء في دول الخليج يمتلكون هذه الارقام المميزه هل عندهم نقص ؟

والحين الارقام صارت تجارة مثل الأراضي وغيرها

وان شاء الله ما قلت شيء غلط

وليش و احنا نقيس الصح والغلط في حياتنا على حياه الامراء

لابد انك تستفتي رجال الدين في هالشي بارك الله فيك

جرير

11-10-2012, 04:39 PM

:victory:
اتفق معاك

في شنو تتفق معاه ؟

خالد32

11-10-2012, 04:41 PM

حتى رقم التلفون المميز بيكون لاول يوم بعدين بيختفي الرقم و بيصير (فلان) يتصل بك
بس رقم السيارة من ناحية جمالية يمكن بعض الناس عندهم ذوق غير عني. مثال مرسيدس برقم مميز احلى من اخوه برقم عادي لان شكله بيكون اجمل. لو شفت الرقم
خلنا نكون صريحين شوي.
يمكن اكون غلطان لان الناس اذواق

جرير

11-10-2012, 04:42 PM

بصراحه أنــــا رقمي آخر 5 أرقام في جوالي ولا أعتبره مميـــز

:nice:

الله يبارك لك فيهم

جرير

11-10-2012, 04:48 PM

زين انت قولي شالفايده من شراء " خرقه" مشخبطه بالوان وموقعه باسم بيكاسو وتنباع بملايين الدولارات ؟!!

هل بمشي فيها في الشارع؟!!

من بيشوفها غيري ولطوف في البيت ؟!!

ياخي شي انت مش مقتنع فيه لاتقلل من قدره وتقلل من احترام اصحابه..

وكم خرقه على قولتك موجوده في العالم موقعه باسم بيكاسو

وكم عمر هالخرقه تعرف ان هالخرقه اللي تقول عنها تقوم عليها

معارض وتلف بلدان العالم اسمحلي اقولك ما فيه مقارنه بين

امتلاك اشياء ثمينه ونادره وتاريخيه وامتلاك لوحه ارقام سياره

جرير

11-10-2012, 04:58 PM

ما الفائدة من الاثار القديمه
صحن من 800 سنه مايصلح تاكل فيه ويمكن مكسور بعد لكن قيمته اغلى من محل بكبره يبيع مواعين

هل بيصير الاكل احلى في هذا الصحن

الرقم المميز حاله من حال اي شئ مميز

لو تبحث عن قيمه اي شئ في الدنيا راح تطلع بنفس النتيجه

التميز برقم او غيره المغزى منه التميز فقط وليست الفائدة المرجوه منه لان مب من الضروري اي شئ تقتنيه تكون له ضروره

التميز يفقد معناه في حالات كثيره

منها بارك الله فيك . . . كثره المميز يفقد الشي تميزه

التميز عن شي وشي يفرق

انت ما تقدر تقارن صحن عمره 800 سنه مع رقم سياره بغض النظر عن السعر

التاريخ يبقى تاريخ الكل يتمنى يشوفه يتمنى يقتنيه في اي مكان في العالم مي مقتصر

على دوله معينه

جرير

11-10-2012, 05:01 PM

السلام عليكم اخوي اعتقد مثل ماقالو اخواني قبل انها حرية شخصيه اما يااخوي في فئة الله يهديهم ويصلح

شانهم يحط على نفسة دين علشان السيارة والرقم والمخبة خالي هذا الي ودك تنصحه اما اخوي الي عنده

استطاعه ليش ماياخذ وانا اعرف واحد من قرايبي خذ رقمين مميزين بسعر عالي والحين مدفوعله اضعاف سعرهم

السعر شي خيالي والله

الخوف باجر يتاجرون في ارقام الكهرباء والماي

وتكون اللوحه في حجم لوحه السياره

جرير

11-10-2012, 05:02 PM

اولا اشكر صاحب الموضوع الذي اثار نقطه هامه جدا
وهي تعتبر في خانه هدر اموال المواطنين في شي لايفيده وكانك تشتري بها شي لايستحق هذا المبلغ الضخم.

عموما //
ندخل في صلب الموضوع اكثر يوجد فيوجد اكثر من شخص علق ((بان هذه حريه شخصيه))
وسوف يكون ردي من القران والسنه النبويه والله الموفق

الرد الاول:
قال تعالى : (( وَلاَ تُبَذِّرْ تَبْذِيراً ، إِنَّ الْمُبَذِّرِينَ كَانُواْ إِخْوَانَ الشَّيَاطِينِ وَكَانَ الشَّيْطَانُ لِرَبِّهِ كَفُورا ))

الرد الثاني:
فالرسول صلى الله عليه وسلم يقول : ( لا تزول قدم ابن آدم يوم القيامة من عند ربه ، حتى يُسأل عن خمس ، عن عمره فيما أفناه ، وعن شبابه فيما أبلاه ، وعن ماله من أين اكتسبه وفيما أنفقه ، وماذا عمل فيما عَلِم )

ركز اخوي في هذه العباره ((وعن ماله من اين اكتسبه وفيما انفقه؟؟؟؟)))

هذا مب كلام صاحب الموضوع ولاكلامي ولاكلام عالم او مفكر او مستثمر او او او !!
كلام افضل الخلق كلام الرسول عليه الصلاة والسلام.

وانا اعتبر هذا البيع والشراء من الترف والترف الله لايرويك وشهو عذابه والله محد قده ولاحد كفو يجربه فيكم وانا اولكم !!!
الله توعد ....... دقيقه !!! من الي توعد ؟؟؟
الله توعد المترفين باشد عذاب اووووف اشد عذاب يالله سترك ياتجار الارقاااام ركزوا يالي تبيع الرقم الرباعي ب٦٠ الف وتشتري الثلاثي ب٧٠٠ الف وتبيع بمليون و١٠٠ الف

انت مترف والعذاب جايك من عند الله

وبعدين لو ارسلة هذا المبلغ لدوله فقيره كم اجرك ؟
ولا لو انت سويت فيه مشروع خيري كم اجرك ؟

بس لا اشدعوه هههههههه تشتري موتر بنص مليون !!!
واخرتها رقم سلطه بل شيقولون الناس عنك !!!
تكفي رزته قدام المجلس وعليه ياذاك الرقم الثلاثي 11x هههههه

بس لاتنسى قبل لاتشتري الرقم ب٣ ملايين انك ((((((((. مترف. )))))))))

وهذا وعد الله بالنسبه لك ولغيرك :

وذكر عذاب الدنيا أيضاً ، وقرنه بالترف ، قال : (( حَتَّى إِذَا أَخَذْنَا مُتْرَفِيهِم بِالْعَذَابِ )) ، وقال : (( وَكَمْ قَصَمْنَا مِن قَرْيَةٍ كَانَتْ ظَالِمَةً وَأَنشَأْنَا بَعْدَهَا قَوْماً آخَرِينَ ، فَلَمَّا أَحَسُّوا بَأْسَنَا إِذَا هُم مِّنْهَا يَرْكُضُونَ ، لَا تَرْكُضُوا وَارْجِعُوا إِلَى مَا أُتْرِفْتُمْ فِيهِ وَمَسَاكِنِكُمْ )) .

تحياتي للاخ جرير على الموضوع المهم
وشكرا

اشكرك على مرورك الطيب

بارك الله فيك على الاضافه الجميله

جرير

11-10-2012, 05:13 PM

:victory::victory: احيانا اعتبره حسد وغيره نرد ونقول دام انه متبرع ومتصدق يمتع عمره مايمنع

حسد وغيره . . . التناصح الامر بالمعروف ايضاح الاخطاء

يعتبر غيره وحسد . . .

ممكن تضغط هني (http://www.islamweb.net/fatwa/index.php?page=showfatwa&Option=FatwaId&Id=46259)

جرير

11-10-2012, 05:16 PM

لا تعليق

:nice:

النهار

11-10-2012, 06:02 PM

ياخوي لوجات على الارقام اهون
العرس يمكن الواحد يتزوج 50 الف والاخر 3 ملايين
اللطيور تشتريه بمبلغ وقدره يمكن يموت او يطير عليك
الساعات + العطور + والشنط ( بنات )
سفره تكلف 20 الف وسفره اخرى تكلف 300 الف
ووووو الاخره
وفي الاخر كلها كماليات

جرير

11-10-2012, 06:27 PM

السلام عليكم ومساكم الله بالخير
مع خالص احترامي لجميع وجهات النظر وكلها معتبرة عندي واحترمها اشد الاحترام لانه لدي مبدأ ان لا احد على خطأ فالكل له وجهة نظر ورأي يجب علينا الاستماع له ومن ثم قبوله او عدم قبوله .
رأيي المتواضع انه الارقام في الوقت الحالي هي سلعة كحال اي سلعة لها سوق ورواج ، والاسعار قابلة للزيادة والنقصان على حسب العرض والطلب ، وبعض الارقام وخاصة الثلاثية لها حالة خاصة لان كميتها محدودة مثلا وبالتالي من يملكها عدد قليل من الاشخاص .. في النهاية هو رأي كباقي الاراء لكم ان تقبلوه او ترفضوه
اخوكم المحب / الاجتماعي

اشكرك على مرورك الكريم اخي العزيز واشكر مشاركتك القيمه

وفعلا معاك حق في انها سلعه . . . . بس للاسف احنا الي سوينا منها سلعه

احنا اللي اعطيناها قيمه اكبر من قيمتها . . . انا اخاف بكره نبيع ونشتري

في ارقام الجوازات ويجيك واحد ويقول ياخي دام الرجال الله منعم عليه ومتصدق

شلمشكله لو اشترىرقم جواز او رقم كهرباء مميز او يمكن رقم شخصي

جرير

11-10-2012, 06:39 PM

الامر لايستحق النقاش
لانه ليس ضروره ولا موضوع عام ولا من الحياه الاجتماعيه ولا يهم البعض
كل مافي الامر واحد قايم بواجبه تجاه ربه وعباده واهله وبيته
وعنده تجاره بعد
ومتبرع ويسوي كل شي ويكفل .. الخ الخ
وبعد عنده فايض..قال خل اشتريلي رقمين جذي احطهم عالسياره
فقط

هو ماضر غيره يوم شراها
ولا ضرك ولا اثر على ميزانيتك ولا على ميزانية الدوله
فلوسه وهو حر
اصلا ماراح كنت تدري عنده فلوس يوم انه ماشترى
يعني اساسا لحد يدري ولا شي..ومعرفة ذلك مثل عدمه

ويمكن بالعكس
..الشخص اللي اشترى منه كان محتاج لمبلغ وقدره وهذا شراه منه عشان يساعده بس مايبي يقوله هاك البيزات بلاش..او سلف..لان البعض يستحي ياخذها جذي
ويمكن من غير قصد وصارت معاه وصج كان محتاج لفلوس واللي اشترى جزاه الله خير

فالموضوع مش بمحله..لانه شي حتى لايعتبر مكمل بالحياه عشان عالاقل تتناقش فيه

واكثر اللي يفتحون هالمواضيع فقط لانم يبون يشترون او حاولوا وماقدروا
او يبون ينزلون الاسعار ويطلعون المستخبي فقط لاغير
او اللي ماعنده

:]

صدقت في كلامك موضوع عادي ولا يستحق النقاش

والالاف والملايين والاعلانات اللي تنصرف في الارقام لا تستحق الالتفات لها

موضوع صار هوس البعض وانت تقول عادي واللي صارت عنده فلوس

وتصدق وسوى اللي عليه . . . ليش بذل الخير له حد معين وبعدين يتفرغ

الانسان لشراء الاشياء اللي مالها معنى ؟ ؟

الغفله يا خوك اللي عايشتها بعض الناس تخلي اللي يحاول يتكلم في

موضوع او يثير موضوع . . كنه ينحت في صخر

انا اخاف بكره يصير موروث شعبي موضوع اللوحه المميزه

بعدين لاتخاف هالموضوع ما راح يأثر في اسعار اللوحات

جرير

11-10-2012, 06:40 PM

وبعضهم يطلع رقم حظ ونصيب ..

الله يبارك له فيه

جرير

11-10-2012, 06:44 PM

انزين شفايدة الرقم المميز و شبتسوي فيه ؟
هل انه تمييز لك عن باقي خلق الله
او ان عندك خير و فلوس
او بعطي سيارتك ٢٠ حصان
او انك تحب هالرقم لاسباب خاصه؟

جايز كل شي ذكرتني بواحد في المرور يقول حق رفيجي

تصدق الارقام المميزه مانتعب معاها على طول نصيد الرقم

جرير

11-10-2012, 06:51 PM

اشكر الجميع علي الردود

ومثل ما قالوا كل واحد يبي يمسز نفسه عن الاخر
وفي من يحب التميز بحياته وفي ناس عن تجاره

صج ان الفرق ما راح يغير شي بس ناس تقولك انا ابي اكون مميز بكل شي وش يمنعني ما اخذ رقم مميز منه تجاره اذا جاب سعر ومنه سهل القراءه سواء كان رقم جوال او سياره

المشكله مب هني المشكله في ناس تشتري ولو حتى قام يشحت بالمساجد

والله المستعان

تجاره موضوع ثاني . . . . المشكله المستخدم النهائي

اللي بيستعرض في اللوحه . . . لانها عمليه عرض

عشان الكل يقول لوحته حلوه لوحته عجيبه

بكم ما خذها ؟ والله سعرها بالشي الفلاني

لانه تلقائيا الناس اول ما تشوف لوحه تقول سعرها

بالشي الفلاني لا نه ما فيه شي ثاني يتكلمون عنه في اللوحه

غير سعرها

عكس الاشياء الثانيه . . ينوصف فيها كل شي

جرير

11-10-2012, 06:55 PM

هلا خالد

ممكن الرقم يعطي السيارة لفته جمالية بين السيارات شوي

بس انا ما أشوف له اهميتة مثل ان يكون رقم جوال مميز عشان يكون سهل الحفظ

عند الاصدقاء والمعارف ..

اللحين بعض اصحاب الارقام المميزة جداً يفضلون على سياراتهم ارقام مخربطه

والسبب وين مايرح الواحد معروف مكانه

يتصلك واحد الو شعندك في المكان الفلاني

او البارحة شفت سيارتك واقفة عند المجلس الفلاني

او قبل امس سيارتك كانت على خط الشمال مع من كنت .. هو انت ولا غيرك

مايسوى علينا رقم مميز

المسأله طافت اللفته الجماليه . . . صارت لفته سعريه لا اكثر

حتى لدرجه فيه ناس تشتري ارقام بغض النظر عن شكلها

بس عشان سعرها بالشي الفلاني

جرير

11-10-2012, 06:59 PM

حتى رقم التلفون المميز بيكون لاول يوم بعدين بيختفي الرقم و بيصير (فلان) يتصل بك
بس رقم السيارة من ناحية جمالية يمكن بعض الناس عندهم ذوق غير عني. مثال مرسيدس برقم مميز احلى من اخوه برقم عادي لان شكله بيكون اجمل. لو شفت الرقم
خلنا نكون صريحين شوي.
يمكن اكون غلطان لان الناس اذواق

تبي الصراحه اخوي خالد . . .ترى لين تزيد الفلوس عند بعض

الناس تدور اي شي تشتريه شوف الدول الثانيه فيها سيارات

اشكال والوان اشمعنى احنا اللي ندور الارقام المميزه

سمعت عن المثل المكسيكي اللي يقول (( اللي عندو قرش ومحيرو يشتري طير ويطيرو ))

نوار قطر

11-10-2012, 07:20 PM

واما بنعمة ربك فحدث الله راهي عليه فاتحها عليه الله رازقه من حقه انه يتمتع بحلاله بس انا ضد الي يروح يتسلف ويحط على عمره ديون عشان هالمظاهر كل واحد يمد ريله على قد لحافه

خليفـة

11-10-2012, 10:32 PM

بالنسبة لي .. اعتبر نمرة السيارة شي عادي مو مهم
لا يزيد ولا يقلل من شخصيتي شيء
مجرد موضة وكماليات
كلن وهواه
خليفــة

Google

11-10-2012, 11:20 PM

في أمريكا وأوروبا تحصل الأرقام المميزة (على قولة المهوسيين في الأرقام المميزة) مع شركات التاكسي والبيتزا والمطاعم السريعة عشان الزبون يتذكر الرقم بسرعه ههههههههههههههههه ربعنا طايحين في أرقام المطاعم ومصدقين انها مميزه ههههههههههههه كل شي ماله قيمة في هالدول الغربية يروجون له ونحصل من يشتريها عندنا للاسف .

بوخالد911

12-10-2012, 12:45 AM

اعتبرها جاهه وشي يميزك عن غيرك
وهواية

والاسباب تتعدد

الجوكر90

12-10-2012, 03:08 AM

ههههههه
ياخي ياراعي الموضوع او اي واحد ضد الارقام المميزه
ترى معادله سهله
انت لاتشتري وغيرك لا يشتري والرقم راح يطيح فجبد راعيه والسعر راح ينزل وانتهت السالفه
ياخي حلو يكون عندك مبدا والاحلى انك تصر ع هالمبدا
مب واحد يتكلم عن الارقام المميزه وتحصله ينزل موضوع مطلوب رقم مميز vip << ماقصد احد
وبالتوفيق

almaf1a

12-10-2012, 10:22 AM

التميز يفقد معناه في حالات كثيره

منها بارك الله فيك . . . كثره المميز يفقد الشي تميزه

التميز عن شي وشي يفرق

انت ما تقدر تقارن صحن عمره 800 سنه مع رقم سياره بغض النظر عن السعر

التاريخ يبقى تاريخ الكل يتمنى يشوفه يتمنى يقتنيه في اي مكان في العالم مي مقتصر

على دوله معينه

انا اشوف الموضوع من ناحية الفائدة
سواء كان شئ له تاريخ او لا

النقطه هي ليس من الضروري اي شئ نقتنيه وندفع فيه اكثر لمجرد التميز يجب ان تكون منه فايده

ترى حتى الارقام المميزه الكل يدور عليها ويبي يشتريها
ولو لم يكن هناك قيمة للارقام المميزه الا عندنا احنا في دول العالم الثالث كان ماشفت الدول الاوروبيه اللحين تبيع ارقام التلفونات المميزه

من يبحث عن التميز فهو يدفع للتميز فقط
سواء رقم سيارة او لون سيارة او اي شئ

رحال

12-10-2012, 11:09 AM

خل يسووون الأرقام بحروف .. راح تشتري الأرقام بالكيلو ؟؟؟

Anas_G

12-10-2012, 12:03 PM

بخصوص الي تحدث عن موضوع الحروف بخصوص ان هالموضوع طالع موضه وكل واحد يبي يشتري رقم وما عنده استطاعه كتب عن موضوع الحروف اذا احنا من يوم طلعت السيارات لين اليوم بدت الارقام من 100 لحد الان وصلت 500000 يعني باقي بعد 499999 بالاضافة الى السيارات القديمة الي انتهت وتحولت الى سكرات ورجعت ارقامها للمرور واغلبها ارقام خماسية وارقام سداسية فئه 1xxxxx يعني على اقل تقدير الارقام يبيلها 15 سنة الى 10 سنوات ليضاف لها حروف او ممكن يضاف لها كود يعني 1-2345 مثلا .. وبالنسبة للارقام كل واحد حر بفلوسه عالاقل احسن من الي يشتري سيف ب مليون والا عطر ب 2 مليون على الاقل تكشخ فاللرقم وتبيعه بربح

الزعفراني

12-10-2012, 12:20 PM

أعتقد الموضوع له جانب نفسي .. يعني النفس البشرية دوم تحب التميّز .. وتحب لفت الانتباه .. وأيضا الموضوع صار صرعة مجتمعية .. نسبة كبيرة تهافتت مع هالصرعة .. وشخصيا في حدود المعقول اشوف مافيها شي ..

Radnes

12-10-2012, 01:48 PM

خل يسووون الأرقام بحروف .. راح تشتري الأرقام بالكيلو ؟؟؟

ماشفنا الارقام تنباع بالكليو بالامارات :nice:

ALRAYYAN

12-10-2012, 09:11 PM

بكل اختصار اخي الكريم ..
اذا امتلكت رقم مميز وركبته على سيارتك بتلقى اجوبه على كل سؤال طرحته

تحياتي

همر

12-10-2012, 10:35 PM

وكم خرقه على قولتك موجوده في العالم موقعه باسم بيكاسو

وكم عمر هالخرقه تعرف ان هالخرقه اللي تقول عنها تقوم عليها

معارض وتلف بلدان العالم اسمحلي اقولك ما فيه مقارنه بين

امتلاك اشياء ثمينه ونادره وتاريخيه وامتلاك لوحه ارقام سياره

وكم لوحه في العالم عليها نفس رقم سيارتك؟!!

وحده بس صح ؟!!

No.11

12-10-2012, 10:57 PM

لاتعليق