رادار لضبط المتجاوزين من اليمين وآخر على حافلات المدارس

[رجل الجزيرة]

http://www.al-sharq.com/NewsImages//2012/10/10/b49e5d28-2765-42d1-990d-2cee32283ffd.jpg

الدوحة- قنا

أكد العميد محمد سعد الخرجي مدير إدارة المرور عن نية الإدارة لعقد صفقات مع بعض الشركات المشاركة في معرض الميليبول ، مشيراً إلى أن الإدارة قد تلقت توجيهات للاستفادة من أحدث وسائل التكنولوجيا المرورية التي تعضد من عمل الإدارة خلال الفترة القادمة.

ولفت العميد محمد سعد الخرجي مدير إدارة المرور إلى أنه قام بجولة على الأجنحة المشاركة في المعرض للتعرف على أحدث ما توصلت إليه التكنولوجيا في مجال الأمن المروري وضبط المخالفات .. لافتا إلى أن الفنيين التابعين للإدارة يتعرفون خلال أيام المعرض بشكل تفصيلي على أحدث الوسائل المرورية الحديثة للاستفادة بها مستقبلياً .

وكشف العميد الخرجي عن أن الإدارة بصدد تجربة نوع جديد من الرادارات الذي يختص بضبط السائقين مرتكبي مخالفة التجاوز من اليمين حيث سيتم وضعه في بعض الدوارات والإشارات التي يكثر فيها هذا النوع من المخالفات من أجل ضبط حركة السير وحفظ حق الآخرين على الطريق والحد من مخالفة التجاوز من اليمين .

وأضاف العميد الخرجي انه سوف يتم تزويد بعض حافلات نقل طلاب المدارس برادار يضبط السائقين الذين يتجاوزن الباص عند وقوفه وظهور علامة قف من الخلف، وذلك حفاظاً على سلامة مستخدمي الطريق والطلاب داخل الحافلة، ولعدم وقوع حوادث مرورية أو تعطيل حركة السير بسبب الانتقال المفاجئ من مسار إلى آخر.

وذكر مدير المرور أن تقنية حديثة أخرى تمت مشاهدتها في احد الاجنحة وهي عبارة عن ملصق يتم وضعه على المركبة، تستطيع الدورية المرورية من خلاله معرفة بيانات المركبة كاملة دون الحاجة إلى توقيف الشخص قائد المركبة.

واشاد العميد الخرجي بالدورة التاسعة من المعرض وقال " قد اكتست ثوبا جديدا من حيث عدد الضيوف وتنوع الشركات العارضة التي تجاوزت 265 جهة عارضة من مختلف الدول العربية والاجنبية".

واضاف "اننا في قطر نستفيد استفادة عالية من الانظمة الامنية المعروضة حيث تحرص وزارة الداخلية على الاستفادة من احدث ما توصلت إليه التكنولوجيا في المجال الأمني وهو ما ينعكس بالضرورة على الاداء الامني الرفيع الذي يضع قطر في مصاف الدول الاكثر أمنا على مستوى العالم".

واكد أن مستوى المشاركة وزيادة المعروضات في هذه الدورة يبرهن على أن ميليبول قطر أصبح من المعارض الاقليمية والدولية المهمة حيث تحرص الشركات الاجنبية المتخصصة على المشاركة في هذا المعرض، بالإضافة إلى العديد من دول العالم ومنها مثلا البرازيل وروسيا وغيرهما من الدول الجديدة التي تشارك في المعرض لأول مرة ومنها دولة الإمارات العربية المتحدة.

واوضح أن معرض الميليبول في دورته التاسعة 2012 سجل نجاحا ملحوظا مقارنة بالدورة السابقة، على مستوى عدد المدعوين من كبار الشخصيات التي شاركت في افتتاح المعرض، وكذلك من حيث المساحة التي تزيد بحوالي عشرين بالمائة عن الدورة السابقة، وهذا كله دليل على نجاح المعرض .. مؤكدا على أن النجاح تكامل كما وكيفا، فقد تم عرض عدد كبير من المنتجات الجديدة للمرة الأولى.

http://www.al-sharq.com//ArticleDetails.aspx?AID=208100&CatID=64&title=رادار لضبط المتجاوزين من اليمين وآخر على حافلات المدارس

[حسن]

الحين بدال مايقول شوارعنا كلها غلط واحنا المفروض يفنشونه لانه مانعرف نخطط شوارع يدرورن رادارات من الاجناب
هذه عمرها ماصارات تفنن في جني الاموال فقط
كم مره اقوله واقوله بعد الاعدام هو الحل

[المليونير الفقير]

والله مفروض يشيلون الخرجي لانه من يوم انحط والعالم متأذيه

[عبدالعزيز الهتمي]

والله اغلب الناس ماخذه فكره سئيه عن العميد الخرجي من الكلام الي يسمعونه ولكن انا شخصيا و معظم الاعضاء يعرفون طيبة بوسعد وحبه للخير للجميع بدون استثناء ,, صحيح هناك سلبيات ونتمنى تصحيحها ولكن حبيت اقول هالكلمتين في هالشخص وهذا حق وواجب علي

[ANONYMOUS]

أحلى خبر

بس خلهم يعجلون ويركبون هالاجهزه

ترى بعض السائقين تجاوزوا الحدود

[وليف قطر]

محد بيتجاوز الا وفيه زحمه وفيه سبب
يعني ما تقدر تعده تلاعب واستعراض ولا هو شاقح رصيف


يعني هدّو اللي يجيك يلحم فيك وانت اصلن تمشي 130 وهو لاحم ويكبّس ليتات
وينرفزك .. ماتعرف شتسوي فيه .. ان وقفته ونزلت له مايجوز لان اخلاق الواحد ماتسمح
وان رحت اشتكيت .. على كم واحد بتشتكي ف اليوم ؟!

وراحو للي يتجاوز من اليمين ، اللي من اليمين ما يقدر يتجاوز الا لو انت سمحت له ولاّ تقدر تضيق عليه ويقول توبه
بس لان فيها 3000 ريال .. حطو لها رادار

[حسن]

محد بيتجاوز الا وفيه زحمه وفيه سبب
يعني ما تقدر تعده تلاعب واستعراض ولا هو شاقح رصيف


يعني هدّو اللي يجيك يلحم فيك وانت اصلن تمشي 130 وهو لاحم ويكبّس ليتات
وينرفزك .. ماتعرف شتسوي فيه .. ان وقفته ونزلت له مايجوز لان اخلاق الواحد ماتسمح
وان رحت اشتكيت .. على كم واحد بتشتكي ف اليوم ؟!

وراحو للي يتجاوز من اليمين ، اللي من اليمين ما يقدر يتجاوز الا لو انت سمحت له ولاّ تقدر تضيق عليه ويقول توبه
بس لان فيها 3000 ريال .. حطو لها رادار

تدري اللي يسوي فيني مثل ماقلت دق في وجهه بريك اخليه يتادب ماعاد يسويها
مره سويت في واحد كذا ماخذت الى قام يشاوح يمكين ويسر وغبر
لازم تعلمهم السنع انت تتجاوز على سرعه ويبك تفتحله خلني اطوف وبافتحلك

[وليف قطر]

ياخوي حسن هالشي مفروغ منه
ومافيه شي اسويه غيره .. لكن لين متى

ليش مايكون فيه حل .. استغرب اهتمام الخرجي بتوزيع الرادار و ( طرق التحصيل ) تحت مسمى ( تقليل نسبة الوفيات الناتجه عن السرعه )
وتجاهله لاغلب المشاكل اللي يعاني منها الناس

[المدريدي]

حلو نكون من الدول المتقدمة تكنولوجياً ولكن تضع كيمرات لرصد الشارع من الجنب ويتم تقليص عدد الافراد في الشارع يعتبر قرار خاطئ غير مسؤول , لأن كل ما زاد عدد الدوريات يكون أفضل للدولة من ناحية الأمن

[alfaisaly]

لى متى خلاص صار كل شي رادار (الدعوة فيها فلوس))

والله قمنا نحلم بها اتوقع بتوصل فيهم يحطون على كل سياره جهاز رادار ؟شدعوه مايصير كذا ملينا والله الواحد يمشي يتلفت يمين ويسار ههه كانه حرامي لاوعادي تجيك مخالفه وانت ماسويت شي

انصحكم شباب السياكل حلوة والجو صار زين:tease:

[Dark_QTR]

ما شاء الله كل يوم يطلعون بشئ جديد،
1.رادار يحسب الوقت و المسافه
2. رادار متحرك على هيئه سيارة مدنية أو باص عمال
3. والحين رادارت تصيد المتجاوزين من اليمين

ما ناقص إلا رادرات تطلع من تحت الأرض وتصيدك وانت مسرع!!
--------

[رجل الجزيرة]

وأنا أقول:

جزاك الله خير يا الخرجي وكثر الله من أمثالك.

أنا إندعمت مرتين من الناس إلي يلفون علي من جهة اليمين.

[ضوى]

احس هذا كلام فاضي

من كم يوم زوجي عالاشارة وزحمة ويجيك واحد ويتجاوز من اليمين والشرطي واقف ويراقب ، ولا سوى شي ، نزل له ريلي وقاله شفت اللي صار هذا والا لا ؟ قاله ايه بس شاسوي وكان جنسية لا تنطق بالعربية وقال لزوجي يعني اطير وراه ؟!!!

اذا هذا رد رجل المرور تتوقعون شنهو الحل ؟؟

[حسن]

ياخوي حسن هالشي مفروغ منه
ومافيه شي اسويه غيره .. لكن لين متى

ليش مايكون فيه حل .. استغرب اهتمام الخرجي بتوزيع الرادار و ( طرق التحصيل ) تحت مسمى ( تقليل نسبة الوفيات الناتجه عن السرعه )
وتجاهله لاغلب المشاكل اللي يعاني منها الناس

باقولك شي

من كم يوم جاتني مخالفه رادرا الرعه 100 ومادري وين وعرف ناس كبار في السن عدو 55 سنه وفوق
كل شوي ومخالف ياخي نروح دبي ماتجينه مخالفات رادرا وقوف نروح السعوديه والبحرين
مهب قصد انه ملتزمين لاوالله بس سنا الحين مايسمح ان نقوم بتصرفات صبيانيه
ولا يعني هل قطر كلهم مخبل شيبانهم قبل شبابهم مهب معقوله

قبل اسبوعين رحت سوق العسير مع المره بين سوق فالح وبين السوق اللي غربيه ماعرف اسمه العالم صافه
بين الشارعين ولاهي معرقله حركه سير ولا مسكرن طريق كلش نهائي واكثر من عشر سيارات صافه
دلع موتر وجيت وقفت مكانه ودخلت محل البانسونيك اللي مقابل سوق فالح شوي الا الدوريه
مخالفه كل السيارات وعلى طول طلعت للشرطي وكلمته بكل احترام هل نعبر احنا مخالفين قالي نعم قلت كل هل العالم
قالي اي قلت هذا اربع وعشرين ساعه الناس توقف فيه وقال بعد احنا كل شي وناخذ كم لفه ونخالفهم
قلت له انا ماعرقلت حركه الشارع ولا صكرنا الطريق يبي يمشيني قال اوامر الضابظ قمت وصورت موتره
وهو مخالف وعملت اتصالات وشلت المخالفه قلت والله لو نانشالت لانزلها في التويتر

ومره في المواقف اللي عند الميني اللي كانه ماذنه شمالي سوق فالح لقيت موقف فاضي بين سياراتين بروحه
رجعت ريوس وقفت وشوي الى الدوريه تشيك وتوني بانزل الى يوقولي واحد شيل سيارتك قلت له ليش
قالي موقف معاقين والدوريه كل لحظه تخاف واحد قلت له مانتبهت لاني صفيت بالريوس ويعدين مغرب
شلت السياره الى هناك علامه صغير وطايحه يعني حابلين لنا فخ حصبي الله عليكم يارجال المرور
ياخي اصبغو موقف المعاقين بلون معين انا مهب لازم ادور على لوحاتكم واعدلها لكم واتقوالله
في الناس اللي قاعد يسير مش هدف ردع هو جني اموال كلنا مع النضام والقانون
قالها البدع الفوضى قادمه

[حسن]

احس هذا كلام فاضي

من كم يوم زوجي عالاشارة وزحمة ويجيك واحد ويتجاوز من اليمين والشرطي واقف ويراقب ، ولا سوى شي ، نزل له ريلي وقاله شفت اللي صار هذا والا لا ؟ قاله ايه بس شاسوي وكان جنسية لا تنطق بالعربية وقال لزوجي يعني اطير وراه ؟!!!

اذا هذا رد رجل المرور تتوقعون شنهو الحل ؟؟

ياضوي رجل المرور اصبح عاجز كلنا عجزنا في ضل خربطه الشوارع وتيضيقها من كل صوب
التخطيط رايح في عينها ولو في مدراء يخافون علىالبلد لاستقالو بسبب سو التخطيط

[رجل الجزيرة]

باقولك شي

من كم يوم جاتني مخالفه رادرا الرعه 100 ومادري وين وعرف ناس كبار في السن عدو 55 سنه وفوق
كل شوي ومخالف ياخي نروح دبي ماتجينه مخالفات رادرا وقوف نروح السعوديه والبحرين
مهب قصد انه ملتزمين لاوالله بس سنا الحين مايسمح ان نقوم بتصرفات صبيانيه
ولا يعني هل قطر كلهم مخبل شيبانهم قبل شبابهم مهب معقوله

قبل اسبوعين رحت سوق العسير مع المره بين سوق فالح وبين السوق اللي غربيه ماعرف اسمه العالم صافه
بين الشارعين ولاهي معرقله حركه سير ولا مسكرن طريق كلش نهائي واكثر من عشر سيارات صافه
دلع موتر وجيت وقفت مكانه ودخلت محل البانسونيك اللي مقابل سوق فالح شوي الا الدوريه
مخالفه كل السيارات وعلى طول طلعت للشرطي وكلمته بكل احترام هل نعبر احنا مخالفين قالي نعم قلت كل هل العالم
قالي اي قلت هذا اربع وعشرين ساعه الناس توقف فيه وقال بعد احنا كل شي وناخذ كم لفه ونخالفهم
قلت له انا ماعرقلت حركه الشارع ولا صكرنا الطريق يبي يمشيني قال اوامر الضابظ قمت وصورت موتره
وهو مخالف وعملت اتصالات وشلت المخالفه قلت والله لو نانشالت لانزلها في التويتر

ومره في المواقف اللي عند الميني اللي كانه ماذنه شمالي سوق فالح لقيت موقف فاضي بين سياراتين بروحه
رجعت ريوس وقفت وشوي الى الدوريه تشيك وتوني بانزل الى يوقولي واحد شيل سيارتك قلت له ليش
قالي موقف معاقين والدوريه كل لحظه تخاف واحد قلت له مانتبهت لاني صفيت بالريوس ويعدين مغرب
شلت السياره الى هناك علامه صغير وطايحه يعني حابلين لنا فخ حصبي الله عليكم يارجال المرور
ياخي اصبغو موقف المعاقين بلون معين انا مهب لازم ادور على لوحاتكم واعدلها لكم واتقوالله
في الناس اللي قاعد يسير مش هدف ردع هو جني اموال كلنا مع النضام والقانون
قالها البدع الفوضى قادمه

ما شاء الله عليك، الله يصلحك بس.

[دااانة قطر]

أحسن شي سووه
لأن شي يقهر خااصة لمايشوفن وحده تسووق غصب يحشر نفسه ويتجااوزني عااد ماافيني شدة دعماات وتصليح سيااره



كلنا نعاني من الزحمه بس اني اجي اخذ مكاان غيري بصرااحة وقااحه وقلة ذوق


جزااهم الله خير

[حسن]

أحسن شي سووه
لأن شي يقهر خااصة لمايشوفن وحده تسووق غصب يحشر نفسه ويتجااوزني عااد ماافيني شدة دعماات وتصليح سيااره



كلنا نعاني من الزحمه بس اني اجي اخذ مكاان غيري بصرااحة وقااحه وقلة ذوق


جزااهم الله خير

ياجماعه الخير وسعو سدوركم للناس والله العظيم الحين شكثر اطوفهم اقول انا اعصابي بارده غيري يعصب بسرعه
عنده مشكله في البيت في العمل ولانفسيه تعبانه اللي عنده مجال يتقاضي لاتلومونهم احنا كبار الواحد لو مخاطب
نفسه ويهديها لتنضارب مع العلم نصبر علىالبلوي وش نسوي الانسان مبتلى وسعو صدوركم
انتو اللي خسرانين

[R 7 A L]

الحين بدال مايقول شوارعنا كلها غلط واحنا المفروض يفنشونه لانه مانعرف نخطط شوارع يدرورن رادارات من الاجناب
هذه عمرها ماصارات تفنن في جني الاموال فقط
كم مره اقوله واقوله بعد الاعدام هو الحل



على ما أعتقد اخوي حسن
أي مشروع أو شارع ينتهي العمل به مايدشنه ويفتتحه الا المرور بعد الموافقة بأنه مناسب


يعني المرور بعد لهم يد في الحاصل الأن من سوء تخطيط وتنظيم في الشوارع

[دااانة قطر]

الحين المحتجين افهم من كلااامهم انهم مع التجااوز من اليمين ؟؟!!

[HotBlood]

ما أعتقد هالشي راح يصير.
لان لو محد تجاوز من اليمين بتحصل الدوارات كلها وقفت من الزحمه.
لان بعض الاحيان التجاوز من اليمين يخفف الزحمه على الدوار اللي قبل والشرطه عارفه هالشي علشان شذي متساهلين.

[حسن]

على ما أعتقد اخوي حسن
أي مشروع أو شارع ينتهي العمل به مايدشنه ويفتتحه الا المرور بعد الموافقة بأنه مناسب


يعني المرور بعد لهم يد في الحاصل الأن من سوء تخطيط وتنظيم في الشوارع

طبعا لهم يد وهم اول ناس محاسبين بعد التخيط لان ذي شوارع مخصصه للسيارات

النقد واللوم تتحمله تخطيط المرور وهم السبب الرئيسي في اللي حاصل لان التخطيط اشغال تتبع تعليماتهم واحتياجات
مستخدمي الطريق

فهم اول من يحاسب وادراه التخطيط البلديه ثانيه لانها جارت تخطيط المرور واشغال ماهي الى جهه تنفيذيه
يعني هم الطباخين ملهم بالطبخه المرور هو اللي طالب ولا حد يرمي غلطه على الاخر

[حسن]

الحين المحتجين افهم من كلااامهم انهم مع التجااوز من اليمين ؟؟!!

انا ماحتج على التجاوز وهو غلط بلاشك لكن مانلوم الناس لما يكون من البدايه غلط ادره وعقب اداره وعقب تنفيذ
ومسكين المنفذ نقوله انت غلطان طب كان من البدايه غلط

مانلوم الناس في سواقتها مادام تخطيط المرور هو عمل الفوضي وسو شوارع تخد م الناس لمده سنه فااقل

شوفو دبي شوفوالبحرين ياخي يجيبون لنا ضاحي يشوف حل لنا

[R 7 A L]

طبعا لهم يد وهم اول ناس محاسبين بعد التخيط لان ذي شوارع مخصصه للسيارات

النقد واللوم تتحمله تخطيط المرور وهم السبب الرئيسي في اللي حاصل لان التخطيط اشغال تتبع تعليماتهم واحتياجات
مستخدمي الطريق

فهم اول من يحاسب وادراه التخطيط البلديه ثانيه لانها جارت تخطيط المرور واشغال ماهي الى جهه تنفيذيه
يعني هم الطباخين ملهم بالطبخه المرور هو اللي طالب ولا حد يرمي غلطه على الاخر



وزادون الطين بله الله يهديهم
بقوانينهم


لاهم الى خططو عدل للشوارع
ولاهم الى سنوا قوانين تناسب التخطيط الى هم مطلعينه

[وليف قطر]

فقط .. للأسوء

[قلبي الطيب]

أحسن خل يتادبون ما عندهم احترام لغيرهم الصح اللي ماشي في طابور ومحترم نفسه وغيره ومقدر ان الكل يبي يوصل

[BO SAUD]

بصراحه من أفضل القرارات الي بيعملونها بس الاهم من القرار هو تطبيقه على الجميع بدوووون استثنااااء
لانه بصراحه التجاوز من اليمين زاد عن حده وبلغ ذروته ياخي لاتفتكر انه انت الوحيد المستعجل ولا اتفكر انت الوحيد الي متضايق من الزحمه لكن وش ذنبي انا وغيريالي ملتزمين بالقانون يجيك واحد على طول يدخل عليك وبعضهم حتى بدون احترام ولا يطق اشاره واذا فسحت له المجال وبكل غرورو وعنجهيه يتم يطالعك بخياس نفس ع الاقل ارفع يدك سلم ترى ماراح ينقص من قدرك شي يعني فوق شنه قواة عينه

[Ahmed25]

احسن !

ليش انا اوقف في السرا و انتظر و يجيني واحد ماعنده نص المشاغل اللي عندي و يسقط علي ؟؟

جعله هو و موتره الحجز

[khalid Qtr]

اشكر ادارة المرور بقيادة الخرجي على ما تقدمه من خدمات ..

واشكرهم على ردع المخالفين

[أبو راكان]

الفكرة ممتازة
لكن الاهم من ذلك هو توسعة الشوارع وايجاد حلول للإختناقات المرورية والتي اصبحت حتى في اوقات خارج الذروة
وضع الشوارع والزحمة كل ماله يتأزم يوم اكثر من يوم

[لبتونه]

الصراحه احسن لانه تجاوزات من اليمين حدث ولاحرج وقهر من دريوليه هنود واجانب ويليت يخافون ولايفتكرون ومصيبه اذا هرنت وهاوشته لسان شطووووووووول

[الحال مايساعد]

خلهم يصلحون رادار سلاح الجو أول!!!

[اوف ليميت]

السالفه ومافيها
مايحتاج ينشال اي احد
ولا الخرجي
ولاشي يتغير بالقوانين
ولا يزيدون مخالفات ولا اسعارها
ولا يبيلها زيادة رادارات ولا يبيلها شوارع اكثر ولاشي

هالسوالف كلها اذا تبون اتطبق...تكون تحت وضوع (زياده فالرفاهيه والزياده فالامان..وتحسيس السائق بالمتعه فالطريق) هالشي ماعتقد بسهوله بنوصله لانه يبيله وعي من قلب

اما سالفة المتجاوزين وغيرها..مثل ماقلت مايبيلها اي شي من هالاشياء

كل السالفه ومافيها .. (وقفوا حب لخشوم)

واذا تبون تحكرونهم اكثر..إقالة اي شخص من منصبه اذا ثبت وان مخالفه لشخص يعرفه او صديق او قريب منه كان راعي المخالفه
ويكون السيستيم ممنوع حد يتحكم بتحريره وتغييره الا شخص او اثنان

وبس

وشوف كم خشم بينكسر

:]

[باراكودا]

لوحظ مع أزدياد عدد الرادرات زيادة في العجز الجنسي مين الجهة المسئولة
والتي تتحمل صرف حبوب الفياجرا لمستخدمين الشوارع خاصة الذكور لابد
من تعويض تدفعة الجهه المسئولة عن وضع الرادارات وكذلك وزارة الصحة
مسئولة عن صحة المواطنين والمقيمن لابد من تدخل سريع لرفع الضرر الكبير من اشعة الرادار.

[اوف ليميت]

لوحظ مع أزدياد عدد الرادرات زيادة في العجز الجنسي مين الجهة المسئولة
والتي تتحمل صرف حبوب الفياجرا لمستخدمين الشوارع خاصة الذكور لابد
من تعويض تدفعة الجهه المسئولة عن وضع الرادارات وكذلك وزارة الصحة
مسئولة عن صحة المواطنين والمقيمن لابد من تدخل سريع لرفع الضرر الكبير من اشعة الرادار.

lol !! باراكودا

:]

[qatara]

خوش حل للزحمه والاختناقات
المروريه وسو تنظيم الشوارع وضيقها !!!!!!!

[العقل الحر]

خبر مفرح ومؤيد له

ولكن السؤال المطروح اذا السائق ملتزم اقصى اليسار ولا يفتح ... ماذا يفعل الرادار

وللعلم بأن اقصى اليسار ليس شارع للسواقة وانما للتجاوز فقط

ويستخدمه البعض على انه مثل الحارة الوسطى او اليمنى ويتمشى فيه ولا يفتح الطريق للأخرين

وبعدها يأتي التجاوز من اليمين

ارجوا ان يضعوا الحل لهذا الامر

[عنيــــد]

و اذا اللي عاليسار معطل السير و يمشي ٦٠ و المسموح ١٠٠ شسوي بالضبط؟؟

اطب فوقه ولا احب خشمه تكفى وخر ولا شالمطلوب ؟

انا اقول نخلي الشوارع للخرجي و نركب سياكل ابرك

[qatarman8008]

أحلى خبر

بس خلهم يعجلون ويركبون هالاجهزه

ترى بعض السائقين تجاوزوا الحدود

:nice::nice::nice::nice:

[qatarman8008]

و اذا اللي عاليسار معطل السير و يمشي ٦٠ و المسموح ١٠٠ شسوي بالضبط؟؟

اطب فوقه ولا احب خشمه تكفى وخر ولا شالمطلوب ؟

انا اقول نخلي الشوارع للخرجي و نركب سياكل ابرك

هذي ما فيها شي ..الكميرات بتنحط عند الاماكن اللي يكثر فيها التجاوز من اليمين .. مثل الدوارات .. والاشارات والمداخل الضيقة ..

[GENIUS]

شارع الكورنيش من دوار الديوان الاميري لغاية دوار وزارة الإعلام صباح اليوم تم اغلاق المواقف الجانبية الداخلية بحواجز حديدية بصراحة اعجبني الوضع لأن كثير يلجأون لخط المواقف ثم تجدهم امامك على اليمين ويدخلون في حارتك اليمنى ويسببون ربكة وزحمة بهذا التجاوز الذي لا يعد خرقا لقوانين المرور لأنه طريق موجود لكني اراه سبب ورافد للزحمة

[Mohammad ALG]

خبر حلو والله

يا رب يبدون بدوار الاطلنطي

[naklan]

ياليت يهتمون بتصحيح اخطاء تصاميم الشوارع والمداخل والمخارج الفاشلة
قد ما يهتمون في جمع المال وابتزاز المواطنين المغلوبين على امرهم دواوير وما
فيها مخارج للي بيروح يمين رغم ان المكان صحراء شوارع غلط بس الشي
الوحيد عندنا في هالبلد الصح هو المخالفات !!!! على ما قال حسني مبارك
قال ياخذو سينا قال هههههه :)

[كابوس]

خبر حلو

[حمد 2002]

الحين دوريات لخويا والمرور هم أبنفسهم ايخالفون ، على سبيل المثال كذا مره جفت دوريات لخويا والفزعه يطلبون من المطاعم (بدون ذكر اسماء) وأيوقفون في اماكن ممنوعه اثناء الطلب ومحد ايحاسبهم ، ولو أحد غيرهم وقف بيخالفونه ،، وغيره من المواقف الاخرى !!! يعني دوريات الداخليه ماعليهم لاحسيب ولا رقيب !

[Anas_G]

الحين دوريات لخويا والمرور هم أبنفسهم ايخالفون ، على سبيل المثال كذا مره جفت دوريات لخويا والفزعه يطلبون من المطاعم (بدون ذكر اسماء) وأيوقفون في اماكن ممنوعه اثناء الطلب ومحد ايحاسبهم ، ولو أحد غيرهم وقف بيخالفونه ،، وغيره من المواقف الاخرى !!! يعني دوريات الداخليه ماعليهم لاحسيب ولا رقيب !

كلام صحيح وانا مرة شفت لخويا كان واقف في الشارع يطلب ولما وقفت اطلب راح ورجع خالفني ...

بس هالنقطة غريبة شوي

وذكر مدير المرور أن تقنية حديثة أخرى تمت مشاهدتها في احد الاجنحة وهي عبارة عن ملصق يتم وضعه على المركبة، تستطيع الدورية المرورية من خلاله معرفة بيانات المركبة كاملة دون الحاجة إلى توقيف الشخص قائد المركبة.


يعني شلون ملصق يعطيك بيانات السيارة واللوحة وين راحت يعني الرقم يقدر يشيك على رقم السيارة وتطلع كل المعلومات ليش الخساير ؟؟

[المتألم]

قوانين المرور من اسباب الزحمه

[المتألم]

كلام صحيح وانا مرة شفت لخويا كان واقف في الشارع يطلب ولما وقفت اطلب راح ورجع خالفني ...

بس هالنقطة غريبة شوي

وذكر مدير المرور أن تقنية حديثة أخرى تمت مشاهدتها في احد الاجنحة وهي عبارة عن ملصق يتم وضعه على المركبة، تستطيع الدورية المرورية من خلاله معرفة بيانات المركبة كاملة دون الحاجة إلى توقيف الشخص قائد المركبة.


يعني شلون ملصق يعطيك بيانات السيارة واللوحة وين راحت يعني الرقم يقدر يشيك على رقم السيارة وتطلع كل المعلومات ليش الخساير ؟؟
هني الغمنده

[alsoq]

اتمنى من كل قلبي لا تقل المخالفه عن 2000 ريال اذونا الاجانب