بنتي سقطت و صارت تعرج

[romoz]

السلام عليكم و رحمة الله و بركاته

قبل ثلاث ايام بنتي سقطت على جنبها من مكان مرتفع ، و الحين تعرج و صعب عليها الركض مثل بقية الاطفال مع العلم ان عمر بنتي 4 سنوات.

ياليت اعرف دكتور شاطر يشخص حالتها ، لاني وديتها العمادي ، يقولون مافيها شي

هو اكيد فيها شي و لا ليش تعرج و اذا ركضت طاحت ، و ما تقدر تستند زين ع ريولها ؟


رجاءا ابي دكتور شاطر ، انا ما اعرف للمستشفيات و الاشياء هذي، و ما تشوفون مكروه في غالي

[حسن]

الله يشفيها شوفي عياده الدوحه دكتور بات اذا عاده موجود

[alfaisaly]

سويتي لها اشعه لرجولها والجنب اللي طاحت عليه؟

الله يشفيها وماتشوف شر

[استغفرالله]

عادي خلها ترتاح اسبوع ان شاء الله بتطيب

[وليف قطر]

ماتشوف شر ان شاء الله ومافيها الا كل خير بإذن الله

روحي ( سبيتار ) افتحي ملف و ان شاء الله هناك من افضل الدكاتره

بس اهم شي لا تروحين المستشفى ابد ..

[بن غيث]

ما تشوف شر ان شاء الله ..
اول شئ تسويلها تحليل شامل وتصوير مقطعي في مستشفى حمد
تتأكد من عدم وجود دم مع البول
لا تخاف ان شاء الله الموضوع بسيط .. بس الاحتياط مطلوب من التأكد من عدم وجود اي رضوض او شروخ

[الأصيلة]

أعتقد رضــه ...
تأكدي إنه مب كسر وبعدين سوي لها مساج خفيف بالزيت الزيتون
او الفيكس ومع الوقت بتتحسن...باذن الله...

[ghanim911]

الله يشفيها ويعافيها ... هذا رقم دكتور جمال في البحرين جواله 0097336599999
وهذا رقم العيادة لحجز المواعيد 0097317405111
اسأل مجرب ولا تسأل طبيب .. من احسن دكاترة العظام في الخليج ..
تسأل الله العظيم رب العرش العظيم ان يشفيها ويعافيها

[romoz]

جزاكم الله خير

و الله يكتب اجركم ، بس يعني معقوله الرضة تسوي چذي ، انا الصراحة اذا شفتها تسحب رجلها تقطع قلبي .


الله يشفيها و يعافيها

[ضوى]

حبيتي انتي شكلج ماعندج خبرة :)

اليهال ياما يطيحون ويتكسرون وتصيبهم رضات ويعرجون وخلافه ، هاي اشياء عادية بكرة بالخبرة ان شاء الله بتتعلمين من نفسج ، ورايي من راي الاصيلة فكس وامورج طيبة ان شاء الله وماعليها شر فديتها ولا تحاتين، ماعليها الا العافية دام مانتفخ مكان الطقة والبول اعزكم الله عادي وامورها طيبة لا تحاتين

سلامتها مرة ثانية

[شبح الصمت]

ما عليها شر آن شاء الله آختي

وشوفي ان شاء الله مافيها إلا العافيه

بس لو شاكه في شيء كسر لا قدر الله

أخذي لها موميان ينباع عند الحواجيان في سوق واقف

يستعمل للتجبير ويلائم الكسور داخل الجسم

تحطين اشوي كبر حبة النخي مع الحليب وتخلطينه

وإن شاء الله مافيها إلا العافيه

والله يشفي كل مريض ويعافيه ويرد له صحته

[بنت امي]

اسال الله رب العرش العظيم ان يشفيها

[romoz]

حبيتي انتي شكلج ماعندج خبرة :)

اليهال ياما يطيحون ويتكسرون وتصيبهم رضات ويعرجون وخلافه ، هاي اشياء عادية بكرة بالخبرة ان شاء الله بتتعلمين من نفسج ، ورايي من راي الاصيلة فكس وامورج طيبة ان شاء الله وماعليها شر فديتها ولا تحاتين، ماعليها الا العافية دام مانتفخ مكان الطقة والبول اعزكم الله عادي وامورها طيبة لا تحاتين

سلامتها مرة ثانية


اي و الله اول مرة يصير لي چذي ، خصوصا ان البنوته حركيه حيل ، و الحين يا دوب تمشي ، انا خفت لان اليوم صار لها رابع يوم من طيحه .


و جزاكم خير ، و يكتب اجركم جميعا ، و و دعائي بالتوفيق و السداد لكل من رد و عقب

[ضوى]

ما عليها شر آن شاء الله آختي

وشوفي ان شاء الله مافيها إلا العافيه

بس لو شاكه في شيء كسر لا قدر الله

أخذي لها موميان ينباع عند الحواجيان في سوق واقف

يستعمل للتجبير ويلائم الكسور داخل الجسم

تحطين اشوي كبر حبة النخي مع الحليب وتخلطينه

وإن شاء الله مافيها إلا العافيه

والله يشفي كل مريض ويعافيه ويرد له صحته


صحيح الموميان وايد زين

[كازانوفا]

ما فيها الا كل عافيه خليها ترتاح وما تتحرك كثير
كل الاطفال يطيحو وبعدها بفتره ما شالله عليهم ولا كانه صار فيهم شي
عودهم خفيف ما ينخاف عليهم مش مثلنااا

[basma222]

اسأل الله العظيم رب العرش العظيم ان يشفيها ويعافيها
اسأل الله العظيم رب العرش العظيم ان يشفيها ويعافيها
اسأل الله العظيم رب العرش العظيم ان يشفيها ويعافيها
اسأل الله العظيم رب العرش العظيم ان يشفيها ويعافيها
اسأل الله العظيم رب العرش العظيم ان يشفيها ويعافيها
اسأل الله العظيم رب العرش العظيم ان يشفيها ويعافيها
اسأل الله العظيم رب العرش العظيم ان يشفيها ويعافيها

[Aaziz]

ماعليها شر ... طبيا الشباب ماقصرو ... و انا اقولج على شي اذا مانفع مايضر ... ارقيها .

[Bo Rashid]

السلام عليكم. نصيحة خذيها لدكتور بات (هندي) معروف من زمان. هو اللي فحص أخوي وعرف شنهي مشكلته بالضبط. وسوا له عمليه وأنجبت الحمدالله. على فكرة العملية قبل أكثر من ثلاثين سنة. اعتقد انه موجود استشاري في عيادة الدوحة

[q6r2009]

اختي ماعليها شر ان شاء الله ..

الاحتياط واجب وديها لصالح اليزيدي في العمادي .. او الدكتور بات في عيادة الدوحه

[مهرة]

ماتشووف شر بنتكم وان شاءالله ماعليها شر .. مثل ماقالو الأغلبية سوي لها فحص شامل وخاصة انها طاحت على جنب ..! انا اختي الصغيرة يوم طاحت على جنبها تأثرت عندها الكلية انا مابي اخرعج بس يمكن لأن طيحة اختي كانت قوية من الطابق الثاني لدرجة ان الكلية تحركت من مكانها والحمدلله على كل شي ..!

بس الأحتياط واجب ولا تهملوون في عيالكم حتى لو كان شي بسيط ولا تقوولون صغار وبيكبروون أنصحكم ..!

الله يشافيها ويشافي ابناء وبنات المسلمين ..

[بصمة قطرية]

عادي جداً اختي
لا تحاتين و لا توسوسين
هاي رضة ان شاءالله و ما فيها الا كل خير
الرضة تحتاج وقت و ترجع طبيعية
ما عليها شر يااارب ،،

[حميداني]

لا تروح مستشفى حمد .

[محب قطر 64]

يعجبني في المنتدى اصحاب القلوب الرحيمة كثر

[المبتسم]

اختي ماعليها شر ان شاء الله ..

الاحتياط واجب وديها لصالح اليزيدي في العمادي .. او الدكتور بات في عيادة الدوحه


خبرك عتيييييج طال عمرك

الدكتور صالح اليزيدي استقال من العمادي

الحين هو موجود بالصحة المدرسيه

اختي الدكتور صالح ممتاز,,خلي ابوها ياخذ موعد عند الدكتور صالح بالصحة المدرسيه
وماعليها الا العافيه

[نورهان88]

ماتشوف شر ويخليها لج

[Dana’1]

لاباس عليها طهور إن شاءلله
مثل ما قالولك الاعضاء

تطمني..اهم شي ماهو كسر،،،والرضة لازمها وقت وتروح إن شاءلله
بنتي قد جاها نفس كذا بعط ما طاحت على رجلها ..بالذات من تقوم من النوم
بس بالكمادات وبتروح ان شاءلله

**نصحني الدكتور إن اول ما يطيح الطفل ..ينحط على مكان الطيحة كمادة ثلج بوقتها طبعا

[مشاكل]

دكتور بات في عيادة الدوحة
أخصائي عظام ممتاز

الحمد لله على سلامتها والله يحفظ لج عيالج من كل شر

[romoz]

جزاكم الله خير و بارك فيكم ، و لا أراكم مكروه في محبوب و غالي

[اوف ليميت]

باال
احنا سيارات تدعمنا واحنا صغار فالشارع
ولايودونا المستشفى
أمهاتنا يدهنونا بزيت وخلاص
عن خيره هالزيت...حل لكل شي

ايييه ايام اول

لاتنسين يا راعية الموضوع ان الطفل يوم يتألم وتصيده رضه خفيفه ويتعود على المشيه هذي لفتره..يستمر مره عليها
ف انتي هاوشيها اذا شفتيها تمشي جذي وقوليلها امشي عدل..اذا شفتي السالفه صج عيل روحي عيادة للاشعه وسويلها صوره وطرشيها لاي دكتور وشوفوا في كسر وللا لا..واذا للحين رضه ف ان شاءالله مافيها شي كم يوم وترد
وطفله يعني كل شي بيمشي بنفسه

:]

[Abdulraman]

الله يشفيها

[Rashid554]

افضل مستشفى في العالم لعلاج الاصابات والعظام
لاعبين من دول العالم يجونا ويروحون له
مستشفى سبيتار
واعتقد مجاناً للقطريين

[romoz]

باال
احنا سيارات تدعمنا واحنا صغار فالشارع
ولايودونا المستشفى
أمهاتنا يدهنونا بزيت وخلاص
عن خيره هالزيت...حل لكل شي

ايييه ايام اول

لاتنسين يا راعية الموضوع ان الطفل يوم يتألم وتصيده رضه خفيفه ويتعود على المشيه هذي لفتره..يستمر مره عليها
ف انتي هاوشيها اذا شفتيها تمشي جذي وقوليلها امشي عدل..اذا شفتي السالفه صج عيل روحي عيادة للاشعه وسويلها صوره وطرشيها لاي دكتور وشوفوا في كسر وللا لا..واذا للحين رضه ف ان شاءالله مافيها شي كم يوم وترد
وطفله يعني كل شي بيمشي بنفسه

:]


جزاك الله خير

امهات اول مو مثل الحين الله المستعان ، كلش مالنا قلوب ، و اذا ع الطفله هذي اصلا اللي ذابحني انها ما تشتكي ، رغم انها فجأه تطيح اذا ركضت مع اليهال الباقيين و اذا سألتها تحسين بعوار تقول لا ، لان همها اللعب و بس مثل باقي الاطفال .


و الله يجزاكم خير ، و يجعلكم ممن يشرب من الكوثر مع الرسول و بارك الله فيكم

[امـ حمد]

الله يشفيها ويعافيها
اختي أكيد رضه لأن الرضعه تعور اكثر من الكسر
وماتشوف شر يارب

[نوار قطر]

حبيبتي الصغيره ماعليها شر من اثر الطيحه لازم بتعري طايحه من فوق لازم بتعور وان شالله مافيها كسر لان لو كان فيها جان ماقدرت تقوم على حيلها وديها الاهلي عشان يتطمن قلبج

[نوار قطر]

باال
احنا سيارات تدعمنا واحنا صغار فالشارع
ولايودونا المستشفى
أمهاتنا يدهنونا بزيت وخلاص
عن خيره هالزيت...حل لكل شي

ايييه ايام اول

لاتنسين يا راعية الموضوع ان الطفل يوم يتألم وتصيده رضه خفيفه ويتعود على المشيه هذي لفتره..يستمر مره عليها
ف انتي هاوشيها اذا شفتيها تمشي جذي وقوليلها امشي عدل..اذا شفتي السالفه صج عيل روحي عيادة للاشعه وسويلها صوره وطرشيها لاي دكتور وشوفوا في كسر وللا لا..واذا للحين رضه ف ان شاءالله مافيها شي كم يوم وترد
وطفله يعني كل شي بيمشي بنفسه

:]



وعليه ليش تهاوشها البنت مترضضه وطايحه وامها زايغ قلبها عليها تقوم تهاوشها لا طبعا هاي ام ومستحيل ان تشوفها في هالحاله وتهاوشها اصلا يمكن اذا شافتها تصيح بتصيح معاها

[شمس]

روحي عيادة الدوحه وتاكدي بالاشعه افضل

[كابوس]

يارب يشفيها يارب وما تشوف شر إن شاء الله

[طبيب قطري]

اخوي ضروري تسويلها أشعه علي رجولها ضروري ومب لازم تسال علي دكتور معين سويلها الاشعه بأي مركز خاص أو روح الطوارئ ( طواري حمد مب طواري اطفال السد)وصمم ان يعملوا الاشعه بنفس اليوم ماتخليهم يعطونك موعد ولا يطمنونك بأي كلام

[Bin Hood]

الله يشفيها ويعافيها

انصحك بسرعة الذهاب الى الدكتور المناسب

وطمنا عليها

[الخزرجي قطر]

الله يشفيها ويعافيها ان شاءالله
اكيد رضوض من الطيحه بتاخذ وقت

[دانة الطواش]

لأتهملينها يا أختي لازم تتابعي حالتها احتمال رضه او شلخ او كسر وان شالله لا بس لاتهملينها نصيحة أخت .

[حمد بن سعد]

السلام عليكم و رحمة الله و بركاته

قبل ثلاث ايام بنتي سقطت على جنبها من مكان مرتفع ، و الحين تعرج و صعب عليها الركض مثل بقية الاطفال مع العلم ان عمر بنتي 4 سنوات.

ياليت اعرف دكتور شاطر يشخص حالتها ، لاني وديتها العمادي ، يقولون مافيها شي

هو اكيد فيها شي و لا ليش تعرج و اذا ركضت طاحت ، و ما تقدر تستند زين ع ريولها ؟


رجاءا ابي دكتور شاطر ، انا ما اعرف للمستشفيات و الاشياء هذي، و ما تشوفون مكروه في غالي



الله يشفيها يارب


ولد اختي صاده نفس الشي مابقى مكان مودوه كله مافيه شي وبرجع طبيعي وبعد شهر تقريبا رجع طبيعي من فضل الله .

ايش السبب الله اعلم

[هارودز]

ماتشوف شر انشاءالله