مستشفى القلب يحتاج الى قلب

[ماجد البدر]

بسم الله الرحمن الرحيم
السلام عليكم و رحمة الله و بركاته
لدى زوجتي بعض المراجعات لدى مستشفى القلب
وفي يوم الموعد يكون يوم متوتر مشؤوم من الاطباء ولكل يدلو بدلوه و على المريض تجرع النصائح وكأنه مهمل لنسفه دون النظر الى حاله هل تحسن او لا
و الصبر لكي نفوز ورقة الدواء ونخلص من يوم متعب
نزلت الزوجة المستشفى وين موقف السيارات باوقف السيارة ياعالم
مافيه موقف للسيارة وياويلك بس توقف غلط محد رفيجك اكيد توقف غلط تبي ايش سوونلك يعني على كيفك الدنيا والله بس ابي حل طيب اليوم قدرت انزلها واروح لي مشوار وارجع
طيب انا في الشغل ولا عندي سايق لو هي بنفسها لي بتسوق وتروح الموعد وين المواقف وهي راعية قلب وين تمشي وين توقف المواقف الامامية الخليفة البعيدة القريبه مليانه
و البقيه محجوزة للادارة و الاطباء طيب المرضى و المراجعين وين المواقف الي لهم البعض يوقف لين العيادة الجلديه ولا مستشفى رميله تخيل
واهم حالهم اخس وادمر مستشى القلب يحتاج قلبين قلب يتعالج وقلب متشاغب مع المواقف و الجحته لين المشتفى على لصاحي مب مشكله ولكن المريض وين يمشي
شوفولنا حل الله يهديكم وتخطيط الدخول و الخروج مادري من اي مخترع او متخرع الي مسوي المسارات احسها مش مثاليه وممكن استغلالال مساحات كبيره بدل الزرع وغيره ما شاء الله الكورنيش متروس زراعة وحدايق
نبي مواقف الله يخليكم ويسلمكم ويبعد عنكم كل شر
وسلامتكم

طرى علي شي ثاني مهم وهو الادوية الي كانت تصرف في المساء للي تنقص عليه الادوية يدخل على الدكتور و على طول يصرف له الادوية بوقتها لانها مسجله بالكمبيوتر وبسهوله ياخذ اوراقه و على الصيدليه يصرفها وهذا الشي مريح جدا
للمريض

ولكن لاسف انتهى ذاك الزمان ليش ماتدري يمكن صاروا يصرفون ادويه وايد للناس بكل سهوله طيب وين الغلط دام انه يروح لمستحقيه وللمرضى ولكم الحق في صرف باليوم ووقت ما ينتهي ناخذ غيره ولكن الغاء النظام بالكامل ولازم مراجعة الدكتور تتعب الواحد و تمرضة اكثر
وكان نظام الصرف حلو ولكنه بقرار من مسؤول تم منع هذا الشي اعتقد ان امر استعجلتو افيه
ترى المريض مايبي يمجع ادويه في بيته ولا يصير تاجر ادوية على اخر عمره
ولا حد يتمنى يكون عنده شنطة ادوية ارجمونا بقراراتهم وتصانيفكم ترى الرقي مش بتسجل المريض وارسال رسالة (اس ام اس) تذكير بموعد و في الموعد يتبهدل ويمرض
نحتاج صرف الادوية بقدر وقت الموعد الي يكون بعد شهور طويله بين هذه الفتره وين نصرف الادوية لاتبخلون علينا بالادوية ترى احنا مظطرين ناخذها ولسنا من هواة جمع الادوية و الطوابع وركوب الخيل

[قلبي الطيب]

الله يعينك ويشفي زوجتك المواقف أزمة الأزمات في كل مكان

[مهرة]

الأهم من ذلك كيف اتقيم كادر المستشفى ومدى كفاءة الدكاترة والمختصين فيه؟؟ يعني ينفع هالمستشفى ولا نروووح برع كالعادة ..!

[lwsail]

الله يعينك ياخوي...انا نفسك قعدت الف وادور واخرتها صفيت سيارتي بطريقه مخالفه وتخالفت وضحكت على اللي صار وتذكرت شر البلية مايضحك .....اغلب المواقف للموظفين والمراجع دبر حالك يطوف موعدك مالهم دخل ......مااقول الا .....شر البلية مايضحك

[ماجد البدر]

الله يعينك ويشفي زوجتك المواقف أزمة الأزمات في كل مكان

اي و الله ولا بعارفين شنوا الحل كلمت النرسات اقولهم ساعه علشان ادور موقف تقول على يديك لو بتشتكي تنقذنا وياك من المشكله :shy:

[chillis]

بنتي بحاجه الى قسطره من سنه وهم يقولون مافي غرف الحين بالواسطه على شهر ٢ ان ربي كتب

[ماجد البدر]

الأهم من ذلك كيف اتقيم كادر المستشفى ومدى كفاءة الدكاترة والمختصين فيه؟؟ يعني ينفع هالمستشفى ولا نروووح برع كالعادة ..!

الدكاتره زينين و البعض يمدح و البعض يذم
بالعموم زينين خاصة العراقيين الي جايبينهم
والله الدكتور لازم يكون له نفس وبارض على المريض لانه محطهم نفسيا يحتاج مواساه اكثر من نصايح وتهديد من خطورة المرض
سمعة المستشفى بالعموم يمدحونهم في العمليات وفيه ناس تجي من برع تتعالج برغم مني اني مستغرب من هذا الشي ولكن هذا الي اسمعه
والاستقرار على دكتور معين اعتقد هو نصف العلاج

[ماجد البدر]

الله يعينك ياخوي...انا نفسك قعدت الف وادور واخرتها صفيت سيارتي بطريقه مخالفه وتخالفت وضحكت على اللي صار وتذكرت شر البلية مايضحك .....اغلب المواقف للموظفين والمراجع دبر حالك يطوف موعدك مالهم دخل ......مااقول الا .....شر البلية مايضحك

الله يعينك مب حاله انا دخلت على مواقف توها يسوونها حاولوا يطلعونيم نها لانها توها بس فتح لسيارة الصيانه ودرعمت معاهم
ولا جني اسمع المهندس بغى يضبح البواب وانا مطنش لهم
:anger1:

[ماجد البدر]

بنتي بحاجه الى قسطره من سنه وهم يقولون مافي غرف الحين بالواسطه على شهر ٢ ان ربي كتب

الله يحفظها و يسلمها لكم

[طبيب قطري]

باختصار الموضوع ماشي بالواسطه لو لك احد يشتغل بحمد بيعاملونك كويس وكل معاملاتك بتخلص بسهوله ويسر !
الله يعينك

[كازانوفا]

اتذكر ان زرت مريض هناك والله العظيم ما في شي
اجى الدكتور من بريطانيا وشافه كويس قام غيرله الدوا ساءت حالته ودخل غيبوبه ما لحقو يسعفوه ومات
حسبي الله ونعم الوكيل
ربي يكون بعونك وبعون زوجتك ربي يشفيها ان شالله

[مهرة]

بنتي بحاجه الى قسطره من سنه وهم يقولون مافي غرف الحين بالواسطه على شهر ٢ ان ربي كتب


ماعليها شر ان شاءالله .. اتقوم بالسلامة

[وحيد-الشوق]

الله المستعان مؤسسة حمد من سيء الى اسوء

الواحد صار يخاف من كلمة مستشفى في قطر عقب الي صارلنا والي اسمع عنه

الله يحفظنا ويحفظ جميع المسلمين من كل شر

ماتشوفون مكروه ياخوي

[chillis]

ماعليها شر ان شاءالله .. اتقوم بالسلامة

يسلمج ربي فديتج

[الوليد]

ما عليها شر الوالدة، الله يحفظها يا رب


هل لاحظت اخلاف سواء بالعيادات او الصيدلية مقارنة بالوضع الي كان بمستشفى حمد العام؟

[غرِيبهـ]

اخوي سلامة زوجتك الله يحفظها لك ويشفيها

بما اني مرافقة لامي دوم فحافظه المستشفى والدكاتره صراحة هم احسن دكاتره في حمد وكلهم متعاونين لما سوو عملية لامي تركيب جهاز المنظم جا الاستشاري الثاني بنفسه يطمني رغم ان اخواني وخواتي كلهم موجودين
استغربو تصرفه اقولهم كل يوم مايشوف غيري داوشته بالاسئلة

في مميزات حلوة واحسن من قبل احين يتابعك نفس الدكتور ويعرف كل حالتك وفي الصيدلية تجلس و تعرف فائده كل دواء و متى تاخذه و شنهو ماتاكل معاه تحس هاي شغل صيدلة يراجعون الادوية و موشراتك الحيوية ومرات يتصلون على الدكتور يراجعونه ليش صرف هالدوا او اذا نسى يكتب
دوا معين .


عموما موقع المستشفى غريب مادري ليش لازم يكونون كلهم بنفس المنطقة
تحس ضيق مستشفى الامل مجابل مستشفى القلب و رميلة حذاهم
لو المساحة وسيعة بيكون حلو
وعن الخضار حرام عليك على الاقل اذا طلينا من الغرف نشوف شي حلو
مرات الواحد يتم مده مرافق لمريض .

بالنسبة لصرف الادوية بعد مايكون مخلص المخزون اللي عندك بكل المستشفيات طبقوه
وفيه غرفه لصرف الادوية في المستشفى ممكن تراجعهم وتاخذ الناقص من الادوية
واحين غيرو نظامهم ممكن يكتبلك الدكتور ادوية لمدة اربع شهور ويصرفون لك ثلاث اشهر
وشهر يتم في كمبيوتر الصيدلية ممكن تاخذه عند مراجعتهم على طول بدون الرجوع الى الدكتور.

اسال الله العظيم رب العرش العظيم ان يشفي كل مريض يارب
خاصة اللي برا لبلاد ويردهم سالمين

[jeep-srt8]

اخوي بالنسبة للمواصلات تنحل اتصل ف ادارة الاسعاف في خدمة نقل المرضى مجانية ب سيارة الاسعاف للي ماعندهم مجال للمواصلات والي ظروفه صعبة وعلى اي مكان يودون عادي

والله يعين الجميع

[حلم الطفولة]

اخوي سلامة زوجتك الله يحفظها لك ويشفيها

بما اني مرافقة لامي دوم فحافظه المستشفى والدكاتره صراحة هم احسن دكاتره في حمد وكلهم متعاونين لما سوو عملية لامي تركيب جهاز المنظم جا الاستشاري الثاني بنفسه يطمني رغم ان اخواني وخواتي كلهم موجودين
استغربو تصرفه اقولهم كل يوم مايشوف غيري داوشته بالاسئلة

في مميزات حلوة واحسن من قبل احين يتابعك نفس الدكتور ويعرف كل حالتك وفي الصيدلية تجلس و تعرف فائده كل دواء و متى تاخذه و شنهو ماتاكل معاه تحس هاي شغل صيدلة يراجعون الادوية و موشراتك الحيوية ومرات يتصلون على الدكتور يراجعونه ليش صرف هالدوا او اذا نسى يكتب
دوا معين .


عموما موقع المستشفى غريب مادري ليش لازم يكونون كلهم بنفس المنطقة
تحس ضيق مستشفى الامل مجابل مستشفى القلب و رميلة حذاهم
لو المساحة وسيعة بيكون حلو
وعن الخضار حرام عليك على الاقل اذا طلينا من الغرف نشوف شي حلو
مرات الواحد يتم مده مرافق لمريض .

بالنسبة لصرف الادوية بعد مايكون مخلص المخزون اللي عندك بكل المستشفيات طبقوه
وفيه غرفه لصرف الادوية في المستشفى ممكن تراجعهم وتاخذ الناقص من الادوية
واحين غيرو نظامهم ممكن يكتبلك الدكتور ادوية لمدة اربع شهور ويصرفون لك ثلاث اشهر
وشهر يتم في كمبيوتر الصيدلية ممكن تاخذه عند مراجعتهم على طول بدون الرجوع الى الدكتور.

اسال الله العظيم رب العرش العظيم ان يشفي كل مريض يارب
خاصة اللي برا لبلاد ويردهم سالمين

نعم كل ما ذكرته الاخت الفاضلة صحيح :nice:,,تجربة شخصية من خلال مستشفى القلب.. بصراحه مستشفى القلب انجاز يستحق الشكر والتقدير.. من لا يشكر الناس لا يشكر الله

[ابوعلي]

معظم الاطباء والاستاف الطبي ماعليهم قصور بما إني ملازم الوالدة شهر ونص والدولة مش مقصرة ولله الحمد

ولكن للحين مستغرب من كلام بعض الاستشاريين والاطباء الي شافوا حالة الوالدة انهم يقولون لنا لو مكانكم ماسوينا القسطرة للوالدة اول ما دخلت لان هي الي دهورت حالة الوالدة ( الحمدلله على كل حال )

فهل قرار القسطرة او اي عملية ارتجالي ولا المفترض دراسة حالة المريض / ة ومن ثم اتخاذ القرار بين مجموعة الاستشاريين والاطباء لأن روح الأنسان أهم من التجارب والقرارات الفردية وخاصة وإحنا كعامة نوافق على قرار العملية لثقتنا في الاطباء من بعد الله سبحانه

[الصغيره]

كانت لي قريبه مريضه وكانت متابعه مع طبيب من المري بيض الله وجهه كان قايم بجهده وكان ممتاز والشاهد الله

ربي يكثر من امثاله

[ماجد البدر]

اخوي بالنسبة للمواصلات تنحل اتصل ف ادارة الاسعاف في خدمة نقل المرضى مجانية ب سيارة الاسعاف للي ماعندهم مجال للمواصلات والي ظروفه صعبة وعلى اي مكان يودون عادي

والله يعين الجميع

يعني الاسعاف اصبح مثل كروة يوصل الناس من والى البيت
اختراع حلو
مرة ثانيه نخليه يينا الموعد و يرجعنا

[ماجد البدر]

الاخوة و الاخوات الذين تكلموا عن المستشفى من ناحية نوعية الخدمة و الاطباء ارى انكم خرجتوا عن صلب الموضوع وهو مواقف المستشفى الي ترهق المريض وتتعبه وتتعب من معه