ادارة شؤوون الحج ومقاولون حملات الحج

[PrivateHeart]

كلا الطرفين من ثلاثة ايام تقريبا وهم يوجهون التهم للطرف الاخر
بان الادارة قصرت وان المقاولون لم يأخذو بتعليماتهم


الحين حيرونا انا مسجل وللحين ما جاني مسج الموافقة فيه امل
ولا راح علينا الحج السنة ؟؟؟

[سهم..]

الله يسهل أمور الجميع
وان شاء الله تتسهل أمورك وتحج

[باراكودا]

كل واحد يشوت الكورة في وجه الثاني شكلهم في النهاية
راح يشوتون الكورة في وجة الحجاج كالعادة لابد من وقفة حازمة
من قبل وزارة الاوقاف والضرب بيد من حديد للحملات التي تتلاعب بالحجاج .

[اوف ليميت]

والله الطرفين اخطأوا
وفي حملات اخطأت اكثر من الوزارة
وفي فالوزارة ناس ذو قرار اخطأوا اكثر من المقاولين

الموضوع كل واحد فيهم يبي يمشي رايه ويثبت جدارته من خلف ظهر اشخاص آخرين

بس انا احمل المسؤوليه للوزاره
ليش؟

لان الوزاره هي الطرف الاكبر والاقوى وذو الامكانيه والمشرع والمنظم لمثل هذه القوانين
ف اذا الطرف الاول لم يقدر على ضبط الامور مع كل ماتتوافر له من اعدادات وضوابط .. ف اسمحلي اقول ماينفعون اصحاب القرار فيها
فيبين انهم ذو حنكه بسيطه او غير قادرين على مسك زمام الامور وماعندهم الحس في problem solving و decision making وهي صفات يمتاز بها القاده الفعليين

وين الكواليتي..وين الاستراتيجيه والنوعيه .. وين التخطيط المتقدم المبدئي ياخي..وين البرين ستورمينق والدرافت لبنات افكارهم عالاقل من سنه..وين الديناميكيه فالفريق المسؤول؟

هم اصحاب الauthority
اذا ليش ال delegation يصير عندهم؟

ف مهما اخطأ المقاولون..فالوزاره اخطأت اكثر او كان لها يد في مسببات الأخطاء

:]

[خزامئ]

خاطري يجي موسم حج ولا نسمع ذي الكلام كل سنه في حنه واتهامات
والحاج مسكين موب داري وين وجهه

[باراكودا]

كلا الطرفين من ثلاثة ايام تقريبا وهم يوجهون التهم للطرف الاخر
بان الادارة قصرت وان المقاولون لم يأخذو بتعليماتهم


الحين حيرونا انا مسجل وللحين ما جاني مسج الموافقة فيه امل
ولا راح علينا الحج السنة ؟؟؟

أكيد جاك مسج بالموافقة اليوم بدت المسجات تتوالى على الحجاج ثلاث مسجات ورى بعض .

[ANONYMOUS]

اللي سمع رد الاخ اعتقد على السليطي( مش متأكد من الاسم) مساعد مدير في شئون الحج في برنامج وطني الحبيب - للأسف ماسمعته للنهايه - بس من الجزء اللي فهمته كلامه كان واضح ومنطقي وموزون

وزارة الحج خصصت1500 حاج لدولة قطر ( رسميا ) ك كل سنه في محضر مسجل وموقع والمقاولين عارفين ب هالشي

وعادة يصير ان الدوله تطلب مراجعة و زيادة العدد والمملكة تزيد العدد

بس هالمره اعتذرت عن الزياده ل اربعين دوله منها دولة قطر

وذكر ان المسؤولين مازالوا في مساعيهم لزيادة العدد ولحد وقت المكالمة ماكان في انفراج في الازمه

وذكر أمور كثيره وتواريخ مهمه بالنسبه لحجز المواقع وخلافه

عاد مايندرا شنو الوضع الحين

*ع العموم الله يسهل لجميع الحجاج لاداء الفريضه وانشالله يزيدون العدد ويعوض المقاولين طالما هدفهم خدمة الحجاج مش الماده

والله اعلم

[ميلاف]

انا جاني مسج شسالفه ... ؟ هل كل الى سجلو فالموقع جاهم مسج ولا انا من 1500 فقط ولا شسالفه

[سان سيمون]

مسج من وين إحنا سجلنا بطيبة وهم كلموا بخصوص الملتقى وارسلوا مسجات هل هذا المقصود بالمسج ولا ويش السالفة

[بوخالد911]

الله يسهل عليهم

ويزيد عدد الحجاج الى اكثر من 1500

والله يتقبل من الكل