استفسار عن paypal

[نتفـه]

السلام عليكم ..

انا سويت varification للاكاونت حق paypal خلصت الفلوس اللي في حسابي الماستركارد .. رجعت عبيت ما زادت الفلوس تلقائيا في paypal ليش؟؟ شلون ارجع اعبي الحساب ..

[Aaziz]

البي بال يسحب من البطاقه.. يعني مثلا انت يوم فتحت الحساب حطيت فيه بطاقه الماستر ،، هو مايعبي منها ...لا
اذا سويت عمليه شراء و دفت بالبي بال هو اوتوماتك بيسحب من الماستر قد المبلغ الي شريت فيه

[نتفـه]

جربت ما يسحب قهرني :(

[MoTeC]

مثل ماقال الاخ اللي قبلي
مع اضافه انهم ياخذون نسبه بسيطه

[Aaziz]

انا ماني فاهم شلون تلقائيا تتعبا الفلوس في بي بال .. الي اعرفه انه دايما رصيد بيبال يكون صفر ،، من تسوي عمليه شراء هو يسحب اوتومتك من الماستر قد المبلغ الي شريت فيه .

هل استكملت اجراءات التسجيل بشكل صحيح .
الي اعرفه انك لازم تعطيهم رقم اول عمليه شراء من البنك ،، يعني في التسجيل اول مره بي بال يسحب دولار من الماستر و يطلب منك تروح للبنك تعطيهم رقم العمليه هذي عشان يتاكدون انك انت صاحب هذي البطاقه

[MoTeC]

اخوي تأكد ان حسابك Verified

[jaf111]

البي بال يسحب من بطاقه الفيزا ، اذا الفيزا فيها فلوس بيسحب مافيها او ماسحب راجع مع البنك ، حساب البي بال : 0.00$ لو بطاقتك فيها مليون ريال ٫ ماتتعبى الا اذا حد دفع لك بالبي بال من الانترنت مثال ( بايع شغله في اي بي )

اتمنى اني افدتك

[نتفـه]

انا ماخذه ماستر كارد من المجموعه وقبل يومين عبيتها لا يكون لازم اتصل لهم علشان يسوون تفعيل حق الفلوس ف البطاقة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بصراحه اذا جذي شغلانه
لان لا حساب باي بال ينسحب منه يوم ابي اشتري اون لاين .. ولا حساب المجموعة بروحه ينسحب منه يعني شنو لازم اتصل في المجموعة ؟؟؟؟؟؟
اذا كل مره بعبي وبتصل ما بنخلص شهالخدمة التعبانه !!!
مع اني عبيت قبل ف نفس البطاقة الفلوس تنزل ف الحساب ثاني يوم على طول ؟!

[نتفـه]

حسابي varified بس المشكله ف ان البطاقة ما اقدر اشتري بها ولا اقدر استخدمها ف paypal وانا من يوم الاربعاء عبيتها ف المجموعه ولكن الظاهر لازم اتصل لانهم نسوا يفعلون المبلغ ف البطاقه .. ياليل -_-"

[OREO]

حسابي varified بس المشكله ف ان البطاقة ما اقدر اشتري بها ولا اقدر استخدمها ف paypal وانا من يوم الاربعاء عبيتها ف المجموعه ولكن الظاهر لازم اتصل لانهم نسوا يفعلون المبلغ ف البطاقه .. ياليل -_-"

عزيز نتفه ،، البطاقة تتفعل لمرة وحده و هي اول مرة تسجل البطاقة في Paypal بعدها اذا عبيتها مليون مره ما راح يهم لان انت فعلت البطاقة اول مره،،

على حسب كلامك انت فعلت البطاقة اول مرة و شريت منها و رديت عبيتها مرة ثانيه و ما قدرت تشتري و هذا اللي واضح من كلامك ،،

اخوي نتفة ،، ممكن تقولنا يوم تشتري ايش المسج اللي يطلعلك لاجل نقدر نخدمك من عيونا ؟

[نتفـه]

اخوي اوريو انا جربت اشتري عن طريق باي بال من موقع قطع غيار ف امريكا ارسلو لي
In the process of checking your order we did a pre-authorization on the credit card supplied. The card came back declined. Please contact the card company and verify the card information in your account is correct and let us know when we can try again.

Please also supply the VIN number of the truck so we can make sure the correct
part is ordered.

الواضح ان المبلغ ما انسحب لاني جربت بالباي بال رفض .. وجربت اشتري بالماستر كارد بدون الباي بال وبعد رجعوا طرشوا لي نفس الكلام !!! معقوله لازم اتصل لانهم ما فعلوا المبلغ ف البطاقه ؟؟؟؟

وهاي صورة توضح المبلغ اللي ما يزيد كلش في حسابي paypal
http://up.arab-x.com/May12/upz14516.jpg (http://up.arab-x.com/)

شسوي :(

[OREO]

اوكي اوكي عرفت مشكلتك اخوي ،، البالنس هذا اظاهر مرجعين لك مبلغ زايد للشحن او البضاعه من قبل و يوم الترجيع تم المبلغ في حساب البي بال لان البطاقة عندك مسكرة او غير مفعلة ،، و بعدها انت رحت عبيت البطاقه و ما قدرت تستخدمه ،،

مافي الا سببين ،، يا ان يوم رحت تعبي البطاقة ،، غيرولك البطاقه ببطاقة جديدة و انت ماعندك علم و هذا الشي تقدر تتأكد من رقم البطاقة ،، او السبب الثاني بأن البطاقة من يخلص الرصيد اللي فيه يتسكر بروحه و انت عبيته و المحموعة نسووا يفعلون لك ،،

الحل اول شي تتأكد من رقم البطاقه و تتطابقها مع اللي رقم الموجود في البي بال و اذا طلع صحيح ،، مالك الا انك تتصل على المجموعة لاجل يفعلون لك البطاقه ،،

موفق ان شاءالله ،،

[نتفـه]

ما قصرت الشيخ بيض الله وجهك وتحليلك الظاهر صحيح .. مع ان انا بطاقتي قبل ما اعبيها فيها 500 ريال المفروض مادري وين راحوا وعبيتها 2600 يعني المفروض فيه فائض ..
بس الحين اللي ابي اعرفه هل المجموعة اول ما اعبي الرصيد يتفعل على طول والا انطر يومين تقريبا على ما يتفعل ؟؟؟ والله ما عرفنا لهم ..
جزاك الله خير ورحم الله والديك اخوي اوريو ..

[OREO]

ما قصرت الشيخ بيض الله وجهك وتحليلك الظاهر صحيح .. مع ان انا بطاقتي قبل ما اعبيها فيها 500 ريال المفروض مادري وين راحوا وعبيتها 2600 يعني المفروض فيه فائض ..
بس الحين اللي ابي اعرفه هل المجموعة اول ما اعبي الرصيد يتفعل على طول والا انطر يومين تقريبا على ما يتفعل ؟؟؟ والله ما عرفنا لهم ..
جزاك الله خير ورحم الله والديك اخوي اوريو ..

و والديك الجنه ان شاءالله ،، اخوي نتفه سواء انت او الموقع اللي شريت منه اذا حاولتوا لثلاثة مرات ورا بعض و العملية ما صارت راح يعطيك مسج بــ Declined و هذا يعني بطاقتك توقفت و لازم تتصل فيهم لاجل يفعلون لك البطاقة ،، لان باين من المسج اللي فوق ان بطاقتك موقوفه و لازم ترجع و تسويلها اعادة تفعيل ،، اعادة تفعيل اتسويها بمجرد تتصل عليهم و اتقولهم انك تبي تسوي اعادة تفعيل لان من تعطيه رقم بطاقتك راح يعرف انها موقفه بسبب المحاولة لثلاثة مرات و ما تاخذ منك دقيقتين و الا هو مفعله ..


موفق ان شاءالله ،،

[@north_star@]

رصيد بطاقة الماستر أو غيرها ما يظهر بالبي بال لانهم بس يسحبون مبلغ الشراء من المواقع يعني عبارة عن وسيط وضامن لفلوسك بحالة عدم استلام البضاعه ..
تاكد من البنك وهم بيعطونك الزبدة وموفق ان شاء الله

[نتفـه]

ما قصرتوا على الافاده .. :)
بيتم الاتصال بكره ان شاء الله ..

[اوف ليميت]

الباي بال مايعبي رصيد
إلا في حالة انك طلعت بطاقه باي بال الخاصه
بيتم ربط حسابات باي بال فالمواقع المصرحه مع حسابك فقط .. ك ربط..وكاستخدام بيبين عندك رصيد وقدره..كأنه تعبى بس بالصج مش متعبي لان الباي بال ماراح تفشي وتنشر معلومات حسابك عالمواقع
وفقط يكتفون بربط مقدار المال على اسم هالحساب بالموقع

في حالة الماستركارد او الفيزا او الديسكفري .. يتم سحب المبلغ فقط مثل ماقالوا اللي قبلي

:]

[نتفـه]

شكرا على الشرح اخوي اوف ليميت .. انحلت المشكله الحمدلله ..

[Aaziz]

شكرا على الشرح اخوي اوف ليميت .. انحلت المشكله الحمدلله ..

ايش كانت المشكله ؟

[نتفـه]

كانت الله يسلمك في عدم تفعيل المجموعة للرصيد اللي اضفته في البطاقه وتم التفعيل وكل شي صار تمام :)

[Kbusiness]

الحمد لله الي انحلت المشكلة

[نتفـه]

:) اي والله .. شكرا على المرور