السكن بجانب المستشفى الامريكي ( بانكوك ) Bumrungard..عاجـــل

[qatare999]

السلام عليكم ورحمة الله وبركاته

كيف الحال جميعا , اتمنى من ذوي الخبره المساعدة بصفه عاجله جزاكم الله خير

انا مسافر مع الوالد ان شاء الله يوم الاحد الموافق 14/10 للعلاج في المستشفى الامريكي Bumrungard في بانكوك

ابحث عن شقق فندقيه تتوفر من ( غرفتين وصاله ) بجانب المستشفى على ان تتوفر فيه بعض المميزات مثل

-ان يكون قريب جداُ من المستشفى بحيث ان مانحتاج الى التكسي لان الوالد مايقدر يمشي مسافه بعيده.

- 4 او 5 نجوم .

- واير لس .

- ان يتوفر هوز للغسيل بالحمام تكرمون والله ايعزكم .

اتمنى المساعدة بصفه عاجله لاجراء الحجز قبل المغادرة

وهل الافضل احجز من البدايه فتره طويله او ايام معدوده ؟

[المليونير الفقير]

الي اعرفة الماريوت قريب من الامريكي بس شوي مشي تعبر الشارع ومايشوف شر الوالد وترجعون بالسلامه

[المسعف]

اقرب فندف هو فندق اماري وخاصوصاً اذا العلاج امطول لان ترح المستشفى الامريكي مشي
الله يشافي مريضكم

[qatare999]

يعطيكم العافية

فندق إماري تتوفر فيه المواصفات الباقية ؟

أتمنى من الي راحو بانكوك وأسكنو يفيدونا اكثر

[هارودز]

مايشوف شر الوالد

[s4qatar]

يا بن عمي :

أقرب فندق هو زينيث لأنه لاصق في المستشفى .. الماريوت وأماري بعيد . أول ليلة إسكن في زينيث وثاني يوم دور على الشقة

وإذا تبغي شقة فهناك شقق تابعة للمستشفى أنظف وأرخص وأأمن

وإنا رايح يوم 22 هذا الشهر وباكون ساكن في زينيث كالعادة واللي تبيه حاضرين

دز لي على الخاص باعطيك رقم رجال بحريني هناك يخلص لك أمورك ورقم المترجم التايلندي عشان المستشفى وكلهم بدون مقابل

وماعليه الشر الوالد

[qatare999]

يعطيكم العافية يا شباب

الشر مايجيكم أن شاء الله

أخوي اس فور قطر فندق زينيث متوفر فيه هوز للغسيل فالحمام تكرم ؟

لان اغلب فنادق بانكوك بدون

الله يعطيكم العافية ويشفي مرضى المسلمين

[FCB 123]

ماتشوفون شر ان شاءالله وترجعون بالسلامة

أقرب وارخص وارقى فندق مقابل للمستشفى هو : فريزر سويت

عندهم شقق فندقية فخمة
Fraser Suites Sukhumvit - Bangkok

أنا دايما لما اروح بانكوك اسكن فيها مع الأهل

بالتوفيق إن شاءالله

[خشوف]

احجز في شقق تابع المستشفى مرتبه ونظيفه اسمها
Bumrungrad hospitality suites

http://www.bumrungrad.com/en/services-and-facilities/hospitality-suites-bumrungrad-hotel-thailand/overview

وعلى فكره المستشفى في شارع العرب كله مطاعم عربيه وكل خليحين
ومايشوف شر الوالد

[باراكودا]

اقرب فندف هو فندق اماري وخاصوصاً اذا العلاج امطول لان ترح المستشفى الامريكي مشي
الله يشافي مريضكم
فندق اماري في اى فرع يوجد اكثر من فرع هل تقصد اماري واتر جيت .

[السنافية]

انا ان شاء لله رايحة بانكوك الاسبوع الجاي
وحاجزة بفندق شامه وهو قريب من اماري
حجزته عقب ما تم مدحة من اللي سكنو فيه من قبل
وحسب ما سمعت كثير قطريين يسكنونه دخلت على موقعهم وشفته حلو
وان شاء لله يكون مناسب
ولاباس على صحة الوالد ومايشوف شر ان شاء لله
وتروحون وترجعون بالسلامة

[Rashid554]

اذا ماتهمك الميزانيه
المستشفى توفر لك شقق سكنيه عاديه وديلوكس وملكيه وتبدأ اسعارها من 900 ريال لليله

[بوخالد353]

اذا تدور على شقق قريبه من المستشفي الامريكي في شقق اسمها( ليبرتي بارك)اسم المنطقه سكوموفيت شارع 11 الشقه تتكون من غرفتين وحده منهم ماستر فيها حمام ومطبخ وصاله وحمام وغرفه خادمه طبعا التنضيف على ملاك البرج يومي واجار الشقه حوالي 2700 بات باليوم يمكن 280 ريال,,300 متر عن المستشفي

[روز باريس]

أقرب وارخص وارقى فندق مقابل للمستشفى هو : فريزر سويت
في لعيد كانت هناك ولا احسن منه من الخدمة وكل اللي تبغية متوفر
وانت الكرمة فية هوز في الحمام وغسالة ملابس ومطبخ صغير جاهز من كل شي والخدمة ولااحسن منها وبعد فية توصيل للمستشفى فري
والثلاجة كبيرة جيب معك اللحم والدجاج علشان تتطبخون للوالد
ومايشوف شر

[كايد الوكره]

افضل شقق فندقيه خلف المستشفى يوجد افضل فندق
اسمه ( mg ) غرفتين وصاله ومطبخ و4 حامات تقريباً 500 ريال الليله + واير لس
ويوجد بركه سباحه + جم + سونا وبخار