استفسار لاصحاب الجلاكسي تاب(تابلت)

[دايموند]

السلام عليكم


عندي استفسار

اقدر انزل افلام على الجلاكسي تاب من مواقع التحميل مثل ميديا فاير وغيره ؟!!

لان مثل ماتعرفون الايباد مايصير،،،


فياليت الي عنده خبرة يفيدني


وهل الجلاكسي تاب يفتح كل الصيغ ؟ وشكرا

[راعي الخور]

عندي تاب 3100 وماجربت صراحة لكن اعتقد كل شي على التاب ممكن بعكس الايباد

[s4qatar]

كل الأفلام تنزل من أي موقع لأن التاب يعتبر لابتوب وليس سمارت فون

أنا عندي وأستخدمه

[OREO]

السلام عليكم


عندي استفسار

اقدر انزل افلام على الجلاكسي تاب من مواقع التحميل مثل ميديا فاير وغيره ؟!!

لان مثل ماتعرفون الايباد مايصير،،،


فياليت الي عنده خبرة يفيدني


وهل الجلاكسي تاب يفتح كل الصيغ ؟ وشكرا

يفتح الصيغ كلها و تقدر تنزل اللي تبيه و هذا عكس الايباد ،،

[دايموند]

اوف عيل حسافة على الايباد ،،، انا ماشريته الا عشان اجوف فيه وانزل فيه الافلام والمسلسلات والرسوم،،،

يعني تنصحوني اخذ لي واحد ؟!

واشلون سرعة النت؟ نفس الايباد ؟

والاهم شنو اجدد نوع للاجلاكسي تاب بشرط حجم الشاشة 10انش ،،، لان ماعندي خبرة بالسامسونج


وشكركم جميعا عالتعاون

[OREO]

اوف عيل حسافة على الايباد ،،، انا ماشريته الا عشان اجوف فيه وانزل فيه الافلام والمسلسلات والرسوم،،،

يعني تنصحوني اخذ لي واحد ؟!

واشلون سرعة النت؟ نفس الايباد ؟

والاهم شنو اجدد نوع للاجلاكسي تاب بشرط حجم الشاشة 10انش ،،، لان ماعندي خبرة بالسامسونج


وشكركم جميعا عالتعاون

الجديد اسمه جلاكسي 10.1 نوت ،، لان القديم اسمه 10.1 تاب

[دايموند]

معليه اوريو بغربلك معاي اشوي،،،،

اللحين النوت مب اصلا جوال ؟!

وهل شاشته كبر شاشة الايباد

انا ابي شاشة عودة خبرك حق الافلام

وياليت تعلمني الفرق بين التاب والنوت

[المبرمج صلاح]

النوت 10.1 انش جهاز لوحي ولا يوجد به تلفون
انما النوت الصغير 5.5 انش هذا يعتبر جوال
اما التاب 7.7 انش بيكون خليط بين الاتنين

ولكنك في حالتك تبين جهاز منافس للايباد من كبر الشاشة والسرعة
فاشتري الجالاكسي نوت 10.1 انش الاصدار الجديد اعتقتد اسمه نوت 2 10 انش

http://www.electrony.net/media/2012/02/Samsung-Galaxy-Note-10-1-tablet.jpg

[دايموند]

المبرمج صلاح شكرا جزيلا ع التوضيح،،

ان شاء الله نهاية الشهر بشتريه



شكرا جزيلا لكل من شارك في موضوعي

[OREO]

معليه اوريو بغربلك معاي اشوي،،،،
اللحين النوت مب اصلا جوال ؟!
وهل شاشته كبر شاشة الايباد
انا ابي شاشة عودة خبرك حق الافلام
وياليت تعلمني الفرق بين التاب والنوت


اولاً الفرق بين التاب و النوت ،،

الاجهزة القديمة او بالاصح التكنلوجيا القديمة كانت تسمى تاب بأحجامها المختلفه سواء 5.3 او 7 او 7.7 او 10.1 انتش و الخ .. و ما كانت تشمل فيهم خاصية الموبايل الا في النوت 5.3 و التاب 7.7 انتش .. و سبب تسميته بالتاب لان كانت تستخدم باللمس و بالاضافة انها شبيها بالكمبيوتر في مجال التعامل مع الملفات بشكل كبير ،،،

ملاحظه: التاب 10.1 في اصدارين 1 و 2 .. لكن في الاخير راح نوصفه بالقديم ،، و الجديد هو نوت 10.1 انتش ..



اما اليوم جلاكسي غيرت من تقنية النظام و اصبحت اكثر دقة و سمتها " نوت" لان تجي معاها قلم و هذا القلم انوجد خصيصاً لبرنامج النوت المرفق داخل الجهاز ..
من خصائص النوت تقدرين تسوين اشياء كثيرة وهذا اللي ابهر كل شخص يمتلك جهاز النوت من جلاكسي سامسونج ،، علي سبيل المثال ،، تقدرين تكتبين في النوت كآنج تكتبين علي ورقة بنفس الخط و بنفس الحدة و تخيلي الشاشة لها تأثير الضغط لــ 1024 درجة ،، يعني اذا رسمتي خط ،، راح تلاحظين بأن الاماكن اللي كنتي ترصين على القلم يعطيج خط متين و مع تدرجاته الى 1024 تدرج ،، و تخيلي وانتي تكتبين في" النوت 10.1 " كأنج تكتبين على ورقة A4 يعني راس القلم اللي تكتبين فيه بالضبط كأن راس قلم الرصاص وهو حاااد ،، اما عن المميزات طبعا كثير و ما تتخيلين و عن تجربة شخصية املك جميع اجهزة النوت و التاب لان هوايتي و احب هذه الهواية ،، وبالاضافة املك اجهزة الابل سواء من الايباد 1 و2 و 3 والخ ،، فلذا مافي مجال للمقارنة و حتى بالتفكير مافي مجال والله ،، هذه شرح مبسط للفرق بين التاب و النوت ،،



اما بخصوص الفرق بين التاب و النوت من حيث استخدامه كموبايل !!

هل جلاكسي تاب في خاصية الموبايل ،، ؟؟؟؟

اجهزة التاب فيها خاصية الموبايل سواء التاب 7 الاصدار العادي او 7 اصدار الطلاب او 7.7 او 10.1 انتش ،،، لكن استعماله لازم بسماعة الاذن ،،


هل جلاكسي نوت فيها خاصية الموبايل ،، ؟؟؟؟

نعم فيها سواء جلاكسي نوت 5.5 او 10.1 انتش و للعلم النوت لانه جديد مانزل الا بالحجمين هذول و تقدرين تقولين مثلا التاب 10.1 هو القديم و النوت 10.1 هو الجديد وهكذا ،،



اما بخصوص هل اجهزة النوت تدعم الفلاش و الجافا و صفحات الويب و الفيديو و الصوتيات بجميع انواعه ؟؟

نعم يدعم و يدعم ابوه و واقات جده بعد ،، :secret:



شخصياً ما اتنازل عن النوت 10.1 و اعتبره واحد من عيالي و اوقات احضه وانام ولا انا داري بنفسي ،، :shy:



اتمنى المعلومة اوصلت وموفقة ان شاءالله ،،

[دايموند]

شرح جدا جدا وافي ،،،،اشكرك جزيل الشكر ،،،

بصراحة حمستني عشان اخذ النوت (:

الي فهمته من كلامك ان الجديد اسمه نوت10.1
يعني مافي شي اسمه نوت 10.2 صح؟


اكرر شكري لك اخوي اوريو غربلتك معاي ،،
احرجتني بشرحك الوافي،،

واشكر كل شارك في موضوعي

[OREO]

فعلاً اختي مثل ما تفضلتي اسمه Galaxy Note 10.1 و ركزي على كلمة نوت و لا تنسين تشترين معاه وصلة الــ USB لان الوصلة هذه بتستفيدين منها وايد و خاصه يوم تستخدمين لنقل ملفات من الكمبيوتر الى النوت والعكس ،،

وهذه صورة Galaxy Note 10.1 N8000


http://mybroadband.co.za/news/wp-content/uploads/2012/09/Samsung-Galaxy-Note-10.1-front.jpg

[Kbusiness]

ملاحظة يمكن تنزيل اي فيديو على الاي باد عن طريق اللاب توب