وين ألاقي هالسرير

[جنون قطر]

السلام عليكم ورحمة الله وبركاته

يا جماعه بغيت أسألكم لو حد منكم عنده فكره وين ألاقي السرير اللي بريموت
مب مثل سرير المستشفى ..، لا أبي يكون سرير عادي بس ظهره ينرفع بالريموت ..،

و أبي اعرف أسعارهم ولا عليكم أمر ..،

ياليت اللي عنده فكره يقول لي ..،


وجزاكم الله خير

[mr.hamouda]

موفق ان شاء الله

[النهار]

تحصلهم عند مؤسسة ابن سيناء الطبيه بس الاسعار ماعندي اي خلفيه عنها
او عند مؤسسة علي بن علي الطبيه

[ضوى]

كينج كويل وسيرتا

[القنيطرة]

كينج كويل وسيرتا





كينج :omg: عندهم سرير بريموت كنترول :rolleyes2: كينج راس مالهم اسفنج فيه الطبي وفيه العادي .

[Dana’1]

مرة اختي قالت لي عن هالنوع من الاسرة..وانة موجودة في دبليو ستي .."الخبر" السعودية
موديل الاسرة "حديث"
بالتوفيق لك

[قطري vip]

موجود بمحل جنب سيرتا اللي بطريق سلوى ومسوي الحين تنزيلات اسمه سبرينج ويل

[جنون قطر]

يعطيكم العافيه وجزاكم الله خير

كلمت المحلات اللي عطيتوني أرقامهم

وكانت الاسعار كالآتي :

سبرينج وول ( الشخص الواحد 6800 ريال ) هالفتره لان عندهم خصم 50%
( الشخص ونص 9800 ريال ) بعد خصم 50 %
وقال لي المكينه في عندهم كنديه و عندهم امريكيه ..


كينج كويل الشخص ونص 17500 ريال قبل الخصم
15700 ريال بعد الخصم


سيرتا شخص ونص 8379 ريال ..



هالاسعار زينه والا لا ؟
ومن احسن واحد فيهم ؟
وممكن الاقي اسعار افضل والا لا ؟

[الصغيره]

المتحده الطبيه شوفي عندهم

ومره كنت بعيادة التحرير فيه هندي تسوي مساج كان عندها كاتالوج للاسره الطبيه طلبيه تطلب اللي تبي

ابحث بقوقل اكتب سرير طبي وبيطلع لك

بالتوفيق

[جنون قطر]

جزاكم الله خير


خلاص شريت اللي عند سبيرينج وول
طلع لي مع راس السرير بـ ١٠ آلاف و شئ