المجمعات و الملابس الفاضحة ...!!!

[بصمة قطرية]

بسم الله الرحمن الرحيم
السلام عليكم و رحمة الله و بركاته


الملابس الفاضحة زادت في الفترة الأخيرة
و البعض
تمادى بصراحة صرنا نشوف ملابس أقرب ما تكون لملابس البحر ..!!

من إسبوع تقريباً كنت في أحد محلات العطور و المكياج
في مجمع من مجمعات الدوحة ..
كنت بجانب قسم المكياج
صادف وجود أجنبية ( شبه عاريه ) بملابسها
بصراحة تضايقت وايد لما شفتها
وكنت مترددة أكلمها و لا أسكت
في نفس الوقت مسكت شي أسأل عنه البائعه
ردت علي الأجنبية قالت لي خذت منه شكله حلو
قلت لها فعلاً واضح إنه حلو باخذه عجبني ..
قلت فرصة يا بصمه كلميها ..

قلت لها :
لو سمحتي ممكن أقول لج شي ..
طالعتني بإستغراب و قالت :
أكيد
قلت لها :
إنتي في بلد مسلم و في عادات وتقاليد في البلد
ما تحسين بإن اللي انتي لابسته غلط
و ينافي عاداتنا و تقاليدنا ...!!
و احنا كمسلمين ما يجوز إن الرجل يشوفج بهالمنظر ..!!

انعفس ويهها :
و قالت لي انا آسفه مادري ان هالشي غلط ..
قلت لها هاللبس ممنوع في المجمعات و في كل مكان ..
لازم تطلعين بلبس محتشم ما يكون عاري بهالطريقة ...!!!
قالت :
اعتذر و بشدة
و شكراً على نصيحتج و اسلوبج
و ما راح البس هالملابس مرة ثانية ..


أمس وانا في الحياة بلازا
إنتظر السيارة عندالباب
كانوا رجال السكيوريتي يحطون لوحة يثبتونها عند المدخل
لاحظت انها تتعلق بالشغلات الممنوعة في المجمع
و اول شي كان اللبس العاري ..

قلت لرجل الأمن
بادرة طيبة منكم
بس يا ليتها كانت أكبر
و فعلاً تمنعون اللي تخالف من الدخول
قال ان شاء الله ..

أتمنى فعلاً كل مجمعاتنا تمنع كل وحدة تلبس عاري من الدخول للمجمع ..

البعض منهم يجهل عادات البلد ..
و البعض يجهل قوانين المجمعات ..

لازم في كل مجمع يكون في مكتب خاص نفس الهيئة
عشان يمنعونهم لأنهم زادوا كثير في الفترةالأخيرة ...!!!!

[mr.hamouda]

الله يقويج ع فعل الخير

[ريــــــــان]

هذا هو البلى بعينه الله يحفظ بلادنا وعيالنا

هالكائنات ماخذه راحتها بكل مكان وللاسف صار النهي والامر مسأله شخصيه

يعني احنا ماعندنا بلد تشرع قانون وتحفظ حرية وقواعد ديننا الحنيف ؟!!

اقول الله يجزاج خير بس هذا مب واجبج انتي هذا واجب الدوله

تشرع قوانينها ويارب يتحركون

[ريــــــــان]

الحين بيجونج هالفئته اللي مادري شتبي :nice:

ليش تروحين وليش تلحقينهم ولا احنا مانشوف شي :eek5:

وليش تكتبين هني :telephone:

يبونا نسكت نسكت نسكت لين نلقى نفسنا نلبس مثلهم ويختلط الحابل بالنابل وعلى الدنيا السلام

[khalid525]

تصرف راقي وشجاع منك ،

انا بصراحة اروح المجمعات صج مب وايد بس ما الاحظ الاجانب اللي يلبسون قصير او شبه عاري ، واشوف الكثير من المشاركات تتكلم عن هذي الظاهرة ،، خاطري اعرف انتوا وين تشوفونهم:pardon:

[السكين]

تصرف راقي وشجاع منك ،

انا بصراحة اروح المجمعات صج مب وايد بس ما الاحظ الاجانب اللي يلبسون قصير او شبه عاري ، واشوف الكثير من المشاركات تتكلم عن هذي الظاهرة ،، خاطري اعرف انتوا وين تشوفونهم:pardon:

ههههههههه عجبني ردك

والله يا خوي بكل مكان ، وهالظاهرة صارت ملفتة للنظر وانا واحد المبنى اللي أشتغل فيه اشوف فيه العجب العجاب من الأوروبيين والأجانب بلبسهم الفاضح !!

واشكر صاحبة الموضوع على تصرفها الراقي بايصال المعلومة .

[ريم 28]

جزاج الله خير يا بصمه

واسلوبج وطريقتج من احسن ما يكون

والله يثبتج لفعل الخير


وبالفعل هذه المناظر الغير لائقه

الله المستعان

[لاجل QT]

قلنا من قبل الحل
ان يتوزع كتيب عليهم في المطار ..يفهمهم اللى يجوز واللى مايجوز فعلة..

ولازم العقوبة على المخالفات عليها غرامة ويوقعون على هالشي

حق يعرفون ان الموضوع جدي

[لولو2022]

:victory: جزاج الله خير يابصمه .. احب الشجاعه

[واثق بالله]

جزاج الله خير الاخت الفاضله

الله يجعله في ميزان حسناتج

[Rashid554]

الحين بيجونج هالفئته اللي مادري شتبي :nice:

ليش تروحين وليش تلحقينهم ولا احنا مانشوف شي :eek5:

وليش تكتبين هني :telephone:

يبونا نسكت نسكت نسكت لين نلقى نفسنا نلبس مثلهم ويختلط الحابل بالنابل وعلى الدنيا السلام


موضوع بصمة يختلف عن موضوعك

بصمة الله يجزاها خير راحت وكلمت الاخت الغير محتشمه بملابسها وبينت لها وجهه النظر

لكن انت شسويت، من طلعت من المجمع السكني ركضه على المنتدى كتبت الموضوع
سألناك شله ماتبلغ قلت ( المجمع حق شيخ ) وماراح يهتمون ، قلنا لك هل جربت مارديت :secret:

فـ في فرق بين الموضوعين لاتخلط بين اخت غيرت منكر وقالت شسوت وبين اخ قعد يكتب بالمنتدى وهو ماسوى شي اصلاً ، شتان بين الموقفين !!

[R 7 A L]

مايدرون


اللوم مو عليهم اللوم على ربعنا الموظفين الى حتى ما أجتهد الواحد
وسوا شي يفيد دينه

[الدوحي7]

الحمد لله اني ماروح لامجمعات ولاسوق،،

[الزعفراني]

يعطيج العافيه ومب غريبه عليج هالحرص والاهتمام والغيرة

ونتمنى حلول لمثل هالظاهره

[alsoq]

كفو يا بصمه
العله ان محد يقول لهم ولا صدقيني الغرب يحترم القانون لحد قال له وفهمه بس محد يقول لهم او يرشدهم

شوفي في سعوديه يفهمونهم ويشرحون لهم ويعرفون الغلط من الصح ولا احد اشتكى لانهم عارفين قانون البلد

[دانة الطواش]

الي سويتيه يا أختي هو عمل صحيح والواجب علينا كلنا اذا شفنا هالمناظر مانسكت عنها ونقول واجب الدولة لا فالرسول عليه الصلاة والسلام يقول من رأى منكم منكرا ف ليغيره بيده فان لم يستطع ف بلسانه وان لم يستطع ف بقلبه وذلك اضعف الايمان ، ونحن مسلمون ولا نقبل بهذا الوضع في بلادنا ، وبخصوص الاعلان في عيد الفطر الماضي كنت في دبي وبالتحديد في مجمع دبي مول وقد لاحظت مثل هذا الاعلان او الملصق وضع على جميع أبواب المجمع وقد قمت بتصوير هذا الاعلان ولكن اسمحوا لي لا اعرف إضافته لموضوعي ، ولكن السؤال هو هل تقيد الأجانب بما جاء في الاعلان ام لم يتقيدوا ؟؟؟؟؟؟؟؟؟ ودمتم.

[ام ناصر1]

جزاج الله خير بصمة ...وفعلا هذي الظاهرة لازم ما ينسكت عنها ...مش لانه المكان عام ياخذون الاجانب راحتهم باللبس
خلهم يعرفون الحدود في مجتمعنا ...

[بصمة قطرية]

الله يقويج ع فعل الخير

آمين يارب
الله يجزاك خير أخوي ،،

[بصمة قطرية]

هذا هو البلى بعينه الله يحفظ بلادنا وعيالنا

هالكائنات ماخذه راحتها بكل مكان وللاسف صار النهي والامر مسأله شخصيه

يعني احنا ماعندنا بلد تشرع قانون وتحفظ حرية وقواعد ديننا الحنيف ؟!!

اقول الله يجزاج خير بس هذا مب واجبج انتي هذا واجب الدوله

تشرع قوانينها ويارب يتحركون
الله يجزانا و إياكم كل خير ..
نتمنى تكون القوانين أكثر شدة وصرامة
و تكون في مخالفات رادعة وقوية ..

حياك آخوي ،،

[بصمة قطرية]

الحين بيجونج هالفئته اللي مادري شتبي :nice:

ليش تروحين وليش تلحقينهم ولا احنا مانشوف شي :eek5:

وليش تكتبين هني :telephone:

يبونا نسكت نسكت نسكت لين نلقى نفسنا نلبس مثلهم ويختلط الحابل بالنابل وعلى الدنيا السلام

:secret:

[بصمة قطرية]

تصرف راقي وشجاع منك ،

انا بصراحة اروح المجمعات صج مب وايد بس ما الاحظ الاجانب اللي يلبسون قصير او شبه عاري ، واشوف الكثير من المشاركات تتكلم عن هذي الظاهرة ،، خاطري اعرف انتوا وين تشوفونهم:pardon:

بكل مكان أخوي خالد
يمكن معاك ضعف نظر :secret:
فيلاجيو - اللاند مارك - المول - الستي سنتر ..
الجمعيات .. السوبرماركات
والله في كل مكان ..

[بصمة قطرية]

ههههههههه عجبني ردك

والله يا خوي بكل مكان ، وهالظاهرة صارت ملفتة للنظر وانا واحد المبنى اللي أشتغل فيه اشوف فيه العجب العجاب من الأوروبيين والأجانب بلبسهم الفاضح !!

واشكر صاحبة الموضوع على تصرفها الراقي بايصال المعلومة .

العفو أخوي ..
أشكرك على الرد و التوضيح ،،

[بصمة قطرية]

جزاج الله خير يا بصمه

واسلوبج وطريقتج من احسن ما يكون

والله يثبتج لفعل الخير


وبالفعل هذه المناظر الغير لائقه

الله المستعان

اللهم آمين
الله يجزانا وإياكم كل خير حبيبتي ريم ..
كنت مترددة ابليس كان يقول لي لا تكلمينها خليها تولي
يمكن تحرجج و تغلط عليج
لكن الحمدلله سميت بالله و توكلت على الله
:shy:

[بصمة قطرية]

قلنا من قبل الحل
ان يتوزع كتيب عليهم في المطار ..يفهمهم اللى يجوز واللى مايجوز فعلة..

ولازم العقوبة على المخالفات عليها غرامة ويوقعون على هالشي

حق يعرفون ان الموضوع جدي

فعلاً المفروض يعرفون هالشي قبل لا يدخلون البلاد
و لازم يكون في تواصل بينهم وبين سفاراتهم
انها تبلغهم ..

[بصمة قطرية]

:victory: جزاج الله خير يابصمه .. احب الشجاعه

أجمعين يارب ،،
:shy:

[بصمة قطرية]

جزاج الله خير الاخت الفاضله

الله يجعله في ميزان حسناتج

أجمعين يارب
اللهم آمين
جزاك الله خير أخوي ،،