&& استفسار طبي &&

[خليفـة]

إلسلام عليكم

حد عنده فكرة شنو أنسب علاج للي صايده تسمم !
غير استخدام الإبر .. اعترف أني جبان أمام الإبرة
ثلااث أيام الحين

اللہ يديم عليكم الصحة والعافية

خليفة

[روح الاطلس]

انسب علاج تجده عند الطبيب
لاتهمل نفسك مهما كنت تخاف من الابر

[ريتويت]

اعتقد انك تشرب ماي واجد وحليب بكميات كبيره

[ضوى]

التسمم علاجه مب ابرة ياخوي خليفة ! لاتهمل نفسك ترا التسمم مب شي بسيط

[khaldoon]

سلامات ان شاء الله .... الف لا بأس عليك يا الغالي ... اجر و عافية

تجيب قشرة بصل او ثوم و تفركها مكان الجرح اللي فيه تسمم .... و ما لك الا هالحل ... ولا طبيب و لا يحزنون

لا تصدق ترى اتغشمر وياك.... اخوي اشلون منتظر 3 ايام على التسمم....مب خايف على حياتك و الا اشلون

[خليفـة]

انسب علاج تجده عند الطبيب
لاتهمل نفسك مهما كنت تخاف من الابر

اختي روح
رحت للطبيب .. وعطاني علاج ومن ضمنه أبره للتسمم
خذت العلاج .. ورفضت الأبرة
المسألة مش مسألة خوف من ابره .. المسألة مسألة رعب لحد الجنون منها
شكرا لج


اعتقد انك تشرب ماي واجد وحليب بكميات كبيره
ما اشرب الحليب نهائياً
والماي اشربه بمعدل طبيعي


التسمم علاجه مب ابرة ياخوي خليفة ! لاتهمل نفسك ترا التسمم مب شي بسيط

يزاج الله خير يا ضوى


سلامات ان شاء الله .... الف لا بأس عليك يا الغالي ... اجر و عافية

تجيب قشرة بصل او ثوم و تفركها مكان الجرح اللي فيه تسمم .... و ما لك الا هالحل ... ولا طبيب و لا يحزنون

لا تصدق ترى اتغشمر وياك.... اخوي اشلون منتظر 3 ايام على التسمم....مب خايف على حياتك و الا اشلون

الله يسلمك
انا شاد حيلي اقرا توصيتك وانا مستغرب
زين انك تتغشمر هههه
التسمم الي فيني يالغالي في البطن
مش تسمم من لدغة حيه .. او قرصة عقرب

[روز باريس]

اطبخ لك حلبة وحلوة وسنوت وشرب منها
ومعليك شر اجر وعافية

[حياة]

كأس ماي بارد وحط عليه ملعقه خل تفاح
والله يشفيك
صاد ولدي وعطيته الخل ومنعت الأكل اللي فيه بهار ودهن والدجاج واللحم
وأحسن شئ خبز ولبنه وشاي احمر مده 3 أيام
طبعا أخذ لك زنتك يريح المعده شوي...
وسلامات

[حياة]

لاتخاف ولاشي ماعليك إلا العافيه
التسمم يصيد العالم كله
اهم شئ اكل اكل خفيف واشرب شاي احمر وسفن اب وروب
إلا إذا معاك ترجيع لازم أبره توقف الترجيع وإلا إذا إسهال عزك الله وعز الله الأعضاء
تحمل تأخذ شئ يوقف الإسهال لان الجرثومة تنزل وترتاح ...
بس اكل آكلات خفيفه وأخذ حبوب زنتك وبسكوبان مسكن أو بندول

[Chanel]

دام ان السالفه تسسمم غذائي
هذي الله يسلمك فيروس منتشر مافيه حد اعرفه الا وصاده هالايام الم في البطن وترجيع والبعض حراره
خلك بس على الروب والعيش الابيض وشوية سفن اب كم يوم وانت بخير ان شاء الله
اجر وعافيه

[خليفـة]

اطبخ لك حلبة وحلوة وسنوت وشرب منها
ومعليك شر اجر وعافية

الله يعافيج اختي روز
يزاج الله خير وما قصرتي


كأس ماي بارد وحط عليه ملعقه خل تفاح
والله يشفيك
صاد ولدي وعطيته الخل ومنعت الأكل اللي فيه بهار ودهن والدجاج واللحم
وأحسن شئ خبز ولبنه وشاي احمر مده 3 أيام
طبعا أخذ لك زنتك يريح المعده شوي...
وسلامات


لاتخاف ولاشي ماعليك إلا العافيه
التسمم يصيد العالم كله
اهم شئ اكل اكل خفيف واشرب شاي احمر وسفن اب وروب
إلا إذا معاك ترجيع لازم أبره توقف الترجيع وإلا إذا إسهال عزك الله وعز الله الأعضاء
تحمل تأخذ شئ يوقف الإسهال لان الجرثومة تنزل وترتاح ...
بس اكل آكلات خفيفه وأخذ حبوب زنتك وبسكوبان مسكن أو بندول

بارك الله فيك اخوي
جاري العمل على نصيحتك الطيبة
وربي يحفظ ولدك ان شاء الله


دام ان السالفه تسسمم غذائي
هذي الله يسلمك فيروس منتشر مافيه حد اعرفه الا وصاده هالايام الم في البطن وترجيع والبعض حراره
خلك بس على الروب والعيش الابيض وشوية سفن اب كم يوم وانت بخير ان شاء الله
اجر وعافيه

الله يشفي جميع مرضى المسلمين
شكرا شانيل للمشاركة الطيبة

[نوار قطر]

خطااااااك الشر ومافيك الا العافيه العلاج مب لازم يكون ابره الادويه بعد تنفع انا اخر مره رحت المستشفى الامريكي علاجه وااايد نفعني وماعليك شر ان شالله

[نتفـه]

سلامات اخوي وماتشوف شر .. خذ العلاج دامه ابره خذ معاك حد من اخوانك وخلاص خل يكون معاك بيروح الخوف ..توكل على الله

[روح الاطلس]

شكله عندك فوبيا من الابر :)

بالعكس كل فرصة استغلها ولازم تكسر هالفوبيا اللي عندك وتستمتع بالوخزة :)


سلامتك ماتشوف شر بس التسمم يعتمد اذا حاد وصاير عندك اسهال قوي وترجيع او خفيف وهل تحس بتحسن مع الايام او نفس الحدة

وحالات وايد ماتحتاج ابر لا تخاف روح لطبيب اخر اذا ماحسيت بتحسن مع العلاج اللي تاخذه ممكن يغيره لك او يعطيك انواع اخرى بدون الحاجة للحقن
اذا حاد اقولك لاتهمل نفسك خاصة لو معاه حرارة

بالنسبة للاخت اللي عطت ولدها خل تفاح انصحها وانصح الكل بالابتعاد تماما عن استخدام الخل المكرر اللي ينباع بالسوبرماركت كل هالانواع صناعيه مب طبيعيه لايوجد خل طبيعي في الدكاكين فابتعدوا عنه لانه ضار وكاوي للمعدة
الخل النافع هو فقط المتواجد بالمحلات اللي تبيع مواد عضوية ولازم ينحط بالثلاجة بعد فتحه (الخل الطبيعي)

[الزعفراني]

ماعليك شر اخوي خليفة

[خليفـة]

خطااااااك الشر ومافيك الا العافيه العلاج مب لازم يكون ابره الادويه بعد تنفع انا اخر مره رحت المستشفى الامريكي علاجه وااايد نفعني وماعليك شر ان شالله
يزاج الله خير يا نوار قطر
ماقصرتي اختي


سلامات اخوي وماتشوف شر .. خذ العلاج دامه ابره خذ معاك حد من اخوانك وخلاص خل يكون معاك بيروح الخوف ..توكل على الله
الله يسلمج اختي نتفه
والله لو اخذ امي وابوي معاي
محد يقدر يشجعني على الإبرة
بالنسبة لي .. هي نقطة ضعفي .. وخوفي منها تعدى مرحلة الخيال
شكرا لج اختي


شكله عندك فوبيا من الابر :)

بالعكس كل فرصة استغلها ولازم تكسر هالفوبيا اللي عندك وتستمتع بالوخزة :)


سلامتك ماتشوف شر بس التسمم يعتمد اذا حاد وصاير عندك اسهال قوي وترجيع او خفيف وهل تحس بتحسن مع الايام او نفس الحدة

وحالات وايد ماتحتاج ابر لا تخاف روح لطبيب اخر اذا ماحسيت بتحسن مع العلاج اللي تاخذه ممكن يغيره لك او يعطيك انواع اخرى بدون الحاجة للحقن
اذا حاد اقولك لاتهمل نفسك خاصة لو معاه حرارة

بالنسبة للاخت اللي عطت ولدها خل تفاح انصحها وانصح الكل بالابتعاد تماما عن استخدام الخل المكرر اللي ينباع بالسوبرماركت كل هالانواع صناعيه مب طبيعيه لايوجد خل طبيعي في الدكاكين فابتعدوا عنه لانه ضار وكاوي للمعدة
الخل النافع هو فقط المتواجد بالمحلات اللي تبيع مواد عضوية ولازم ينحط بالثلاجة بعد فتحه (الخل الطبيعي)

استمتع بالوخز !
اقول لج تجيني نفضه من مجرد شوفتها .. تبيني استمتع !
:(
الله لا يقربها صوبي
يزاج الله خير اخت روح الاطلس


ماعليك شر اخوي خليفة
الشر ما يجيك اخوي الزعفراني
يزاك الله خير

[نتفـه]

مثل الفوبيا اللي فيني من علاج الاسنان -_-"

انا اكثر مني حد يخاف من المستشفيات مافي بس انا اقول لك روح ولا تفتكر بالابره بس لا تشوفها وبس اقل من دقيقه الا هم مخلصين اخوي خليفه .. مشكلة الروع اللي فيني من كل شي مخليتني افكر شلون تكسر حاجز الخوف وتروح بس للاسف ماعرف اقنع ولا اعرف طريقه غير ان شاء الله ربي يشافيك بدون الحاجه للروحه للدكتور مره ثانيه لكن لان صادني تسمم قبل وخف بالعلاج بغيت اموت وما احتجت ابر الحمدلله .. الله يكتب لك الشفاء العاجل باذن الله ..

[خليفـة]

مثل الفوبيا اللي فيني من علاج الاسنان -_-"

انا اكثر مني حد يخاف من المستشفيات مافي بس انا اقول لك روح ولا تفتكر بالابره بس لا تشوفها وبس اقل من دقيقه الا هم مخلصين اخوي خليفه .. مشكلة الروع اللي فيني من كل شي مخليتني افكر شلون تكسر حاجز الخوف وتروح بس للاسف ماعرف اقنع ولا اعرف طريقه غير ان شاء الله ربي يشافيك بدون الحاجه للروحه للدكتور مره ثانيه لكن لان صادني تسمم قبل وخف بالعلاج بغيت اموت وما احتجت ابر الحمدلله .. الله يكتب لك الشفاء العاجل باذن الله ..

بارك الله فيج اختي نتفه
وجزاك الله خير على النصيحة الطيبة والتشجيع لي

كل الي اقدر اقوله
الله وحده العالم بشكلي أمام الإبرة

ناس كثير قالوا لي لكل إبرة بديل

[بصمة قطرية]

ما عليك شر ان شاء الله أخوي خليفه ..
عليك بالسفن آب مثل ما قالوا لك
و إبتعد عن اللي بالليمون خذ القديم اللي في غرشة ..
لأن الليمون يهيج المعدة
و انت آكيد معاك تهيج بالمعدة ..
خذ لك قطعة مُرة صغيرة حطها في غرشة ماي صحة صغيرة
و إشرب منها
مضاد حيوي طبيعي مافي أفضل منها :victory:

[Dana’1]

لا باس طهور إن شاءلله
د. حمدي
مستشفى الجزيرة
وانتبة لا تصير جرثومة بالمعدة .. واتوقع العلاج بيكون مضاد مع شوية ادوية للمعدة

وبالسلامة إن شاءلله

[AHMED A]

أنا كنت مثلك مستحيل أشوف الإبرة ادوخ وأتعب نفسيا صدأني مره تسمم ولاني أهملت نفسي رقدوني بالمستشفى والأبره والمحلول في يدي 4 ايام بس الحمد لله اقلمت نفسي على الإبرة أني ما أشوفها وما أشوفهم وهم يغزوني وأنصحك بالبطاطا المسلوقة مع شوية ثوم وأخلط روب وثوم واشرب ماي عشان الجفاف في حال الإسهال او الترجيع والله يشافيك ويعافيك

[خليفـة]

ما عليك شر ان شاء الله أخوي خليفه ..
عليك بالسفن آب مثل ما قالوا لك
و إبتعد عن اللي بالليمون خذ القديم اللي في غرشة ..
لأن الليمون يهيج المعدة
و انت آكيد معاك تهيج بالمعدة ..
خذ لك قطعة مُرة صغيرة حطها في غرشة ماي صحة صغيرة
و إشرب منها
مضاد حيوي طبيعي مافي أفضل منها :victory:

بارك الله فيج اختي بصمة وما قصرتي


لا باس طهور إن شاءلله
د. حمدي
مستشفى الجزيرة
وانتبة لا تصير جرثومة بالمعدة .. واتوقع العلاج بيكون مضاد مع شوية ادوية للمعدة

وبالسلامة إن شاءلله

الله يسلمج اختي ديور .. ولج مني جزيل الشكر والتقدير


أنا كنت مثلك مستحيل أشوف الإبرة ادوخ وأتعب نفسيا صدأني مره تسمم ولاني أهملت نفسي رقدوني بالمستشفى والأبره والمحلول في يدي 4 ايام بس الحمد لله اقلمت نفسي على الإبرة أني ما أشوفها وما أشوفهم وهم يغزوني وأنصحك بالبطاطا المسلوقة مع شوية ثوم وأخلط روب وثوم واشرب ماي عشان الجفاف في حال الإسهال او الترجيع والله يشافيك ويعافيك

والله يا خوي حاولت اكون شجاع امام تلك الابرة اللعينة ولم استطع
استحملت 5 ايام تقريباً من التعب والمعاناة
حتى منَ الله علي بالشفاء له الحمد
شكرا لك اخوي

[فلتة زمانها]

غلطان يا اخوي ترفض الابر مفعولها سريع وفايدتها كبيره خصوصا انها ترمم خلايا المخ التالفه اللي سببها التسمم واظن الابر هي فيتامين بي 12 اسال الدكتور
والف لاباس عليك

[خزامئ]

اذا جايك التسمم من
اكل او بعد وجبه اكل واجد يعني بلعامي متغير ماكل لين سار لك تخمه

انصحك تاخذ عشرق على الريق
او زيت الخروع

[أسد الجزيرة]

جرب لبن المراعي

[غايه الطواش]

ماشالله. مابقى حد ماحط لك وصفته

هذ وصفتي
ون برجر ويل دان من جوني روكتس مع ميلك شيك فراوله او ثشيري كوك

هههههه
الف لاباس عليك والله ابره في ثواني تودي وجع ايام مادري شسالفه الرياييل مع الابره كل الي حولي يخافون منها

[خليفـة]

غلطان يا اخوي ترفض الابر مفعولها سريع وفايدتها كبيره خصوصا انها ترمم خلايا المخ التالفه اللي سببها التسمم واظن الابر هي فيتامين بي 12 اسال الدكتور
والف لاباس عليك
جزاج الله خير يا فلته
انا تحملت تعب 4 ايام مقابل عدم اخذ الابرة
والحين الحمدلله تعافيت بعد معاناه
نعم فقدت من وزني الكثير
ولكن ارحم من مشاهدة الابرة

احب ارحب بعودتج بعد غيابج الطويل يا فلته



اذا جايك التسمم من
اكل او بعد وجبه اكل واجد يعني بلعامي متغير ماكل لين سار لك تخمه

انصحك تاخذ عشرق على الريق
او زيت الخروع
واحد اردني قال لي :
اذا تعبك بطنك .. جوعه
وبعدين اشلون اخذ عشرج بحالتي السابقه !!
شكلك تبي تذبحني
ههههه


جرب لبن المراعي
يزاك الله خير اخوي

ماشالله. مابقى حد ماحط لك وصفته

هذ وصفتي
ون برجر ويل دان من جوني روكتس مع ميلك شيك فراوله او ثشيري كوك

هههههه
الف لاباس عليك والله ابره في ثواني تودي وجع ايام مادري شسالفه الرياييل مع الابره كل الي حولي يخافون منها
من قال لج اني اخاف من الابرة !
انا انتفض منها لدرجة الرعب بس
ههههه
عموما
احنا نخاف من الابر
وغيرنا يرعبعهم الزهيوي
هههههه
شكرا لج

[Aaziz]

اعرف الي يركد المعده ،، اما علاج ما افتيلك .

عليك بالعيش هو الي يرجع ميزانيه المعده ،، من تجربه طبعا
كبسه خفيف بهارها و كثر شوي و لاتاكل معاها سلطه او غيره ،، بتهدا المعده ان شاءالله.

و ايضا عندك قشر الرمان المجفف على الريق .. ينطحن و تحط منه ملعقه في كوب صغير ماء و اشربه ،، يهدي المعده بشكل ملفت

ماعليك شر ان شاءالله

[طبيب قطري]

اخوي أخذ حبوب اسمها : فلاجيل بتحصلها في أي صيدليه مرتين في اليوم لمده خمس أيام وخلاص

[دااانة قطر]

ماعليك شر يالطيب
والحمدلله عالسلااامه

[دانة الطواش]

ماعليك شر يا اخوي واوصيك بالماي حتى مايصيدك جفاف وبعدين عندك محلات الأعشاب في عشبة اسمها ( جعده ) اطبخ كمية منها خلها تغلي وانتظر حتى تبرد حط شوية عسل عليها لانها مرة واشرب منها لو قد ملعقة اكل ٣ مرات وبأذن الله راح يخف الألم واذا عندك ( مره ) نفس الطريقة ونفس المفعول ان شالله والله يشفيك ، ودمتم.

[خليفـة]

اعرف الي يركد المعده ،، اما علاج ما افتيلك .

عليك بالعيش هو الي يرجع ميزانيه المعده ،، من تجربه طبعا
كبسه خفيف بهارها و كثر شوي و لاتاكل معاها سلطه او غيره ،، بتهدا المعده ان شاءالله.

و ايضا عندك قشر الرمان المجفف على الريق .. ينطحن و تحط منه ملعقه في كوب صغير ماء و اشربه ،، يهدي المعده بشكل ملفت

ماعليك شر ان شاءالله

جزاك الله خير يالغالي
وعسى الشر ما يجيك ان شاء الله
بصراحة اغلب النصايح كانت حول العيش
سبحان الله
شكرا لك اخوي


اخوي أخذ حبوب اسمها : فلاجيل بتحصلها في أي صيدليه مرتين في اليوم لمده خمس أيام وخلاص

وينك يا دكتور من 5 ايام !
:(
عموما جزاك الله خير اخوي .. وان شاء الله غيري يستفيد من نصيحتك التخصصية بارك الله فيك .. الحمدلله تحسن الحال بعد معاناه حوالي 4 ايام
شكرا للمرور اخوي الطبيب


ماعليك شر يالطيب
والحمدلله عالسلااامه

يعل ربي يسلمج يالطيبة .. يالدانة
شكرا لمرورج الراقي ولدعوتج الطيبة

:)


ماعليك شر يا اخوي واوصيك بالماي حتى مايصيدك جفاف وبعدين عندك محلات الأعشاب في عشبة اسمها ( جعده ) اطبخ كمية منها خلها تغلي وانتظر حتى تبرد حط شوية عسل عليها لانها مرة واشرب منها لو قد ملعقة اكل ٣ مرات وبأذن الله راح يخف الألم واذا عندك ( مره ) نفس الطريقة ونفس المفعول ان شالله والله يشفيك ، ودمتم.

بارك الله فيج يا الدانة
نصيحة ووصفة طيبة ودقيقة ماشاء الله عليج
انا محتفظ بهالموضوع عندي .. أرجع له في تكررت المأساه لا سمح الله
وانصح غيري ان يستفيد من خبراتكم
شكرا لمرورج ومشاركتج الطيبة يالدانة
:)

[khaldoon]

طمنا عليك اخوي خليفة ايض صار معاك.... اخذت الابره و الا للحين لا

شوف انا انصحك لا تنظر للابره و خذ نفس لما تاخذها و ان شاء الله امورك سهلة

تعال شوف الابر اللي يحطونها في سقف الفك و في الفك و على ظهر كفة اليد و بعدين قولي كيف شفت الابره في الجسم

[خليفـة]

طمنا عليك اخوي خليفة ايض صار معاك.... اخذت الابره و الا للحين لا

شوف انا انصحك لا تنظر للابره و خذ نفس لما تاخذها و ان شاء الله امورك سهلة

تعال شوف الابر اللي يحطونها في سقف الفك و في الفك و على ظهر كفة اليد و بعدين قولي كيف شفت الابره في الجسم


هلا اخوي خلدون
أبشرك يالغالي .. بفضل من الله سبحانه
وببعض الاستشارات والتوصيات الطيبة من الأخوة والأخوات الأعضاء الكرام
تعافيت لله الحمد .. وبدون اللجوء للإبرة اللعينة

اما عن الحالة النفسية الي فيني تجاه الإبرة .. أقل ما يمكن وصف ذلك
انني اعالج اسناني عند الحاجة .. وبدون استخدام البنج
اتحمل ألم الحفر .. لكن لا استطيع تحمل منظر وألم ووخز الإبرة
عُقده بعيد عنك .. ما اقدر اغيرها
:(
لك مني جزيل الشكر والتقدير اخوي


كل الشكر والتقدير .. للأخوة والأخوات الأعضاء الكرام الي تواصلوا معاي
سواء من خلال الموضوع .. او عن طريق الرسائل الخاصة بهذا الشأن
اشكركم من صميم قلبي .. واسأل الله ان يديم عليكم الصحة والعافية
كما أتمنى ان يستفيد غيري من الأعضاء والزوار من خبراتكم الي
ذكرتوها في الموضوع نفسه والتي أثرت الموضوع بشكل كبير


خليفـــة

[حقيقه]

التسمم شيء فضيع

ماتشوف شر

[خليفـة]

التسمم شيء فضيع

ماتشوف شر

الشر ما يجيك ان شاء الله
الإبرة في نظري هي الأفضع
جزاكم الله خير

[فلتة زمانها]

بل الابرة اللعينة مرة وحده هههههههه
شدعوى ليكون ساطور الا ابرة صغنونة
كل يوم اعطي ابر ما اشوف المرضى يخافون هالكثر
قوي قلبك اخوي خليفة وتوكل على الله وخذها