الصراحه هذا هو الحل اللي امامي

[الصغيره]

سويت موعد لقص معده انا وصديقتي لكن تفاجانا ان الموعد بعد سنتين

وعرفنا ان احد الاطباء بروفسور بيتر اللي سوي العمليات هذه عنده عياده بسنغافوره وخدمه فندقيه بالمستشفى وعنايه طيبه ما عليها كلام

استفسرنا زياده عرفنا ثلاث من الاخوات عملوها من كم اسبوع عنده وكانت مواعيدهم يسبقهم الفين مريض

الامر مشجع ان نسويها عنده ولا انتظار طويل يصل عامين

اذا احد جرب قبلي غير الاخوات ياليت يفيدنا

ومن اراد عنوان الطبيب ترى عندي يراسلني على الخاص

دعواتكم لي :nice:

[sweet qatar]

متأكدة حبيبتي ما في الا هالحل..

عيادات التنحيف صارت بكل مكان.. وانتي مع رفيجتج ممكن تشجعون بعض..


على العموم استخيري.. وعسى الله يكتب لج الي فيه الخير..

[الصغيره]

شفت ناس كانوا وبفضل الله وهو اصبحوا ووواو

الله يكتب لنا للي به الخير

وفعلا هو الحل الحالي امامي والاستخاره مطلوبه

شكرا على التواجد والرد

[بوراشد82]

ابي عنوان الدكتور ولا عليج امر

[Dexter]

شفت ناس كانوا وبفضل الله ثم هو اصبحوا ووواو

الله يكتب لنا للي به الخير

وفعلا هو الحل الحالي امامي والاستخاره مطلوبه

شكرا على التواجد والرد

شفنا ناس وايد رجعت بعد العمليات بشكل أسوأ من قبل, المسألة في طريقة الأكل وأسلوب حياة لو ماتغير بترجعين نفس قبل

مادري, الله يوفقج ويكتب لج إلي فيه الخير

[أسد الجزيرة]

اذا على الدكاترة تراهم وايد الي متمكنيين في هذي العمليات في السعودية و الكويت و الامارات و في قطر و لكن الاهم هو الاستخارة

[الصغيره]

ابي عنوان الدكتور ولا عليج امر

ارسلته برساله خاصه لك

[الصغيره]

شفنا ناس وايد رجعت بعد العمليات بشكل أسوأ من قبل, المسألة في طريقة الأكل وأسلوب حياة لو ماتغير بترجعين نفس قبل

مادري, الله يوفقج ويكتب لج إلي فيه الخير

كلامك صح شفت وحده سوت بالسعوديه اول ثلاث شهور نزلت بالاخير ردت شوي ليه ؟ من اختيار الاكل الخطاء وعدم الالتزام

بالقص يا ياخذون 80 في الميه من المعده وهو الافضل حيث يقطع 80 من شهية الشخص
وفيه اطباء ياخذون 70 او 60 في الميه وهذا تعذيب لهم حيث النزول بطيء والشهيه عاليه

عني عزمت ان شاء الله في نوفمبر والله يجيب اللي به الخير

[الصغيره]

اذا على الدكاترة تراهم وايد الي متمكنيين في هذي العمليات في السعودية و الكويت و الامارات و في قطر و لكن الاهم هو الاستخارة

الامارات ما انصح
وقطر حاليا جابت اثنين مع الطبيب مشيل احدهم هو البروفسور بيتر لكن المواعيد :(

ما ادري ليه ما يعطونا الاولويه لكن الافضل على يد بيتر او مشيل

بالسعوديه ثنين من اقاربي عملوها عند الطمياطي والصراحه شوي نزلوا مش كثير مما جعلني اتراجع من الروحه له

[روز باريس]

الله يوفقج حبيبتي بس اهم شيء الاستخارة
وايد من صديقتي مسوينها الله يحفظهم
توكل على الله وطمنينا عليج

[ريتويت]

عبدالعظيم حسين افضل دكتور علي الاطلاق

[eXpert*]

ما يأتي بسرعة يذهب بسرعة :)

ترى أغلب الدول المتقدمة تستخدم العلاج النفسيّ في علاج البدانة لا قص معدة ولا ربط .. و لك الحمد ربي كما خلقتني ..

أتعبوا شوي القوام الرشيق ما يجي في يوم وليلة :)

[الزعفراني]

الله يستر عليكم

[القلم الصريح]

واحد من الربع سواه عملية تكميم المعده عند نفس الدكتور شل 60% من المعدة صح نزل من 120 الى 90 كيلو في 6 شهور بس صار ماياكل اي شي واذا اكل زياده استفرغه وانتي بكرامه

[خزامئ]

الله يكتب لش مافيه خير
اعرف واحد سوهها بس ماعرف وين كان وزنه 170 سار الحين يمكن 70 مشالله تبارك الله ومرتاح
كثري من الدعا والله يسر لش

[Cute Mother]

سويت موعد لقص معده انا وصديقتي لكن تفاجانا ان الموعد بعد سنتين

وعرفنا ان احد الاطباء بروفسور بيتر اللي سوي العمليات هذه عنده عياده بسنغافوره وخدمه فندقيه بالمستشفى وعنايه طيبه ما عليها كلام

استفسرنا زياده عرفنا ثلاث من الاخوات عملوها من كم اسبوع عنده وكانت مواعيدهم يسبقهم الفين مريض

الامر مشجع ان نسويها عنده ولا انتظار طويل يصل عامين

اذا احد جرب قبلي غير الاخوات ياليت يفيدنا

ومن اراد عنوان الطبيب ترى عندي يراسلني على الخاص

دعواتكم لي :nice:

عزيزتي إذا تبين نصيحتي لا تسوين هالعملية ..... أنا مسويتها وتمنيت ما سويتها أبداااااا
من يومها والمرض والتعب معاي وكله هبوط ودوخة واغماءات ...... والصحة في الحضيض نحمد الله ونشكره ..

فإذا تبين العافية لا تسوينها وعليك بالرياضة والأكل الصحي وبسسس

[Cute Mother]

عبدالعظيم حسين افضل دكتور علي الاطلاق

إلا هو البلا ................ !!!!!!!!!!!!!!!!!!!!

[وليف قطر]

اختي ابدئي بالتدبيس أول لان هالعمليه لاسمح الله وصارت مضاعفات ممكن تترقع
بس التحوير .. مستحيل


وقبل كل شي / الاستخاره

بالتوفيق وتصيرين واااو ان شاء الله

[الصغيره]

اشكركم جميعا

والله يجيب اللي به الخير

قولوا امين

والله من كثر ما قعدت معهم واشوفهم شقد مرتاحين ونازل وزنهم اقول الا اسويها على ان وزني على قولتهم يبي بس اني انزل 18 كيلو بس شكلي على طولي 168 يقول كارثه

الحمد لله

فكرت اسويها باجازه العيد

وفعلا حجزت على السفر ان الله يسر

دعواتكم لي

[khaldoon]

لا حول و لا قوة الا بالله

انا ضد التدخل الجراحي من اجل انقاص الوزن

استخيري و الله يوفقك

[elders]

في حد بفوت عمليه جراحية باختيارو ؟؟؟؟؟

يا اختي بلاش منها الله يرضى عنك

[حفيد الأنصار]

اشكركم جميعا

والله يجيب اللي به الخير

قولوا امين

والله من كثر ما قعدت معهم واشوفهم شقد مرتاحين ونازل وزنهم اقول الا اسويها على ان وزني على قولتهم يبي بس اني انزل 18 كيلو بس شكلي على طولي 168 يقول كارثه

الحمد لله

فكرت اسويها باجازه العيد

وفعلا حجزت على السفر ان الله يسر

دعواتكم لي



18 كيلو بس :eek5: عطيني منهم خخخخ
حرام عليكي وربي مو كثيرة ادخلي نادي صحي او جيبي لك سير في البيت وكل عصرية روحي الممشى
حلات الشي يجي طبيعي اما بالعمليات اشوفها صعبه والواحد الزم ماعليه صحته
ومو شرط اذا شفتي وحده سوت العملية وارتاحت يعني انتي بترتاحين
خففي بارادتك عن طريق الريجيم واشياء كثيرة دام وزنك مو عاجبك
واذا ملزممممه على العملية فاستخيري اكثر من مررة
والله يوفقك ويحقق لك اللي تبينه

[الخيالة]

مافي شي احسن من الرياضة والأكل الصحيح والصحي واهم شي الإرادة

[بصمة قطرية]

18 كيلو
حرام عليج ناس تسويها عشان اربعين وخمسين كيلو ..!!
لا تلعبين بعمرج
اغلب اللي سووها تعبوا وايد
جربي اي شي ثاني غير هالعملية ..

[الزعفراني]

شرح فيديو نظري وعملي لعملية تكميم المعدة للدكتور محمد الجارالله من الكويت

http://www.safeshare.tv/w/VSSWAbEGni

[وحيد-الشوق]

اختي تعوذي من ابليس شدعوه ١٨ كيلو !!!!!!!!!!!

انا ٢٠ كيلو طيرتها ب ٣ شهور وبدون حرمان اتريق واتغدى واكس على العشا والحمدلله وصلت الوزن المثالي مع الطول :)

الي اعرفهم مسوين العملية اوازنهم ١٤٠ والي ١٣٠ بس عندج ١٨ كيلو زايد مادري شقول والله

[khaldoon]

^^^^^^

اصلا اللي اعرفه انه ما يسوونه للناس اللي اوزانهم تزيد 18 كيلو بس... يسوونها للي اوزانهم كبيره مثل ما قلت الا لو الموضوع لانه مستشفى خاص و الهدف الربح المادي

[ضوى]

انا ابي اسوي عملية عشان 8 كيلو