كثرة المواضيع عن القطري

[غير عنهم]

الحين عدد سكان قطر مليون وسبع مائة الف نسمه ونسبة القطري يمكن 25% وكل يوم طالع لنا واحد يتكلم عن عمل غير اخلاقي عن قطري او قطريه يعني هالهجوم الي غير مبرر من خلفه والقصد من هالتشهير في منتدى مشاهد من الكثير؟؟؟
تذكرة قول عمربن الخطاب رضي الله عنه حين قال احيو الحق بذكرة واميتو الباطل بتركه او هجره فشتان بين تفكيره رضي الله عنه وتفكيرهم

[بصمة قطرية]

كلامك صحيح
و مب كل شي ينكتب في المنتدى
المنتدى يمثل المجتمع القطري
اللي كل العالم يدخلونه ويقرون ..
تصرفات فردية لا أكثر
و دائماً الشر يعم والخير يخص ..

[khaldoon]

متفق تماما معاكي.... وين هالغيبه ما تبينين

[غير عنهم]

متفق تماما معاكي.... وين هالغيبه ما تبينين

مرحبا ياخلدون موجود الله يحفظك وانا ياخوك رجال

[غير عنهم]

كلامك صحيح
و مب كل شي ينكتب في المنتدى
المنتدى يمثل المجتمع القطري
اللي كل العالم يدخلونه ويقرون ..
تصرفات فردية لا أكثر
و دائماً الشر يعم والخير يخص ..

وهذا ماردت الوصول اليه

[┋أَجِوَدًيّ┋]

ما يندرى يمكن لان القطري بينقرض مثلا !

[khaldoon]

مرحبا ياخلدون موجود الله يحفظك وانا ياخوك رجال

حياك الله اخوي..... ما ادري في تشابه اسماء

تشرفت بالتواصل معاك:nice:

[الأصيلة]

الهدف تحجيم القطري وإقناعه بأنه ذا أخطاء كبيرة
وزعزعت الثقة في نفسه...

ما ادري من وراها ها الخطة...

[ريم 28]

تعرف وين المشكله

ان احنا انقول لا تجزمون انه قطري الله العالم بجوازه واصله

حتئ البكستاني عايش في قطر مستحيل تقول عنه مب قطري الا اذا عاشروه واعرفوه


يقولون وانتوا ايش دراكم انه مب قطري وهل القطري ملاك


طيب لا احنا ندري ولا انتوا تدرون

الله وحده العالم باسمه وجوازه

ليس دفاع عن القطري

لكن ارفض ان نجزم بانه قطري

والخطا خطا لو ايش جنسيته فليش انحدد ونخمن

[طويل النفس]

يمكن هالشي مقصود يقصد تفكيك المجتمع واثارة الحقد والبغضاء بين افراد الشعب

واشغالة في نفسة بعد ما كان لقطر دور كبير وملموس في الثورات العربية

بعض الاحيان تطلع عليك سوالف تستغربها وتقول غريبه هالسوالف كانت موجودة بس

انتهت تتفاجاء ان هناك من يحاول تحريكها واعادة احيائها !!

لا تستبعد ان المحرك جهات خارجية بأيعاز الى اذاناب في الداخل اشتروا بالمال او استعطفو

بالدين والتبعية المذهبية والغريب ان مواضيعهم تأخذ مسلكين انتقاد تصرف سلوكي وظرب

مقوم مجتمعي يلبسونه ثوب النقد الذي يهدف الى الوصول للكمال وهي مقارنة مستحيلة

[حميداني]

تخلف

جرب تبدل كلمة القطري بالمسلم وشوف الى اي مدى من التخلف وصلنا له

شوف أخلاق القطري !
شوف أخلاق المسلم !

كيف ننسب فعل لفئه بريئه لا هي اّمره بهذا الخطأ ولا هي مشجعه له

الحمدالله والشكر

[رُفق المجنّا]

ما فيها واحد اثنين

مؤامرة مخطط لها


:secret:

[intesar]

أختلف معاج يا ريم.. بكل بلد فيه الصالح والطالح.. وهني حوار يخص المجتمع القطري.. يعني يخص القطري.. وبكل مكان فيه مشاكل وبلاوي.. وليس معناه قصور.. ولا أنه يعيبه شيء.. خلنا واقعيين.. مافي وطن يكون مثالي 100٪.. لكن من الطبيعي أن يكون الزين والشين بهذا البلد.. وموكل شيء صار قلتوا يمكن مو قطري.. إلا هذا تحيز وماله داعي.. كاه انتوا تحطون عن السعوديين ولا الكويتيين.. ليش ماقلتوا وانتقدتوا صاحب الموضوع.. مع أن الحوار العام يخص الشارع القطري والقطري.. وما أعتقد هذا الشيء بيضر القطري.. فيه أشياء ثانية هي اللي تضر القطري..
كثرة الإنتقادات اللي مالها داعي على الجهات والمؤسسات والمطالب اللي صارت رفاهية أكثر من أن تكون ضرورة..
هذا اللي يضرنا كقطريين.. أما أن قطري فعل كذا ولا كذا .. هذي ما تضر..

ودمتم بحفظ الرحمن..

[أخت الكل]

بحكم العادة أخوي

إحنا دايم نطرح الظاهرة السلبية كمادة نقاشية لكن هذا مو معناته ان القطري سيء

[ريم 28]

أختلف معاج يا ريم.. بكل بلد فيه الصالح والطالح.. وهني حوار يخص المجتمع القطري.. يعني يخص القطري.. وبكل مكان فيه مشاكل وبلاوي.. وليس معناه قصور.. ولا أنه يعيبه شيء.. خلنا واقعيين.. مافي وطن يكون مثالي 100٪.. لكن من الطبيعي أن يكون الزين والشين بهذا البلد.. وموكل شيء صار قلتوا يمكن مو قطري.. إلا هذا تحيز وماله داعي.. كاه انتوا تحطون عن السعوديين ولا الكويتيين.. ليش ماقلتوا وانتقدتوا صاحب الموضوع.. مع أن الحوار العام يخص الشارع القطري والقطري.. وما أعتقد هذا الشيء بيضر القطري.. فيه أشياء ثانية هي اللي تضر القطري..
كثرة الإنتقادات اللي مالها داعي على الجهات والمؤسسات والمطالب اللي صارت رفاهية أكثر من أن تكون ضرورة..
هذا اللي يضرنا كقطريين.. أما أن قطري فعل كذا ولا كذا .. هذي ما تضر..

ودمتم بحفظ الرحمن..

هل تقصدين يا انتصار ان معاهم حق ان يقولون قطري فعل كذا وفعل كذا

وهم لم يتاكدوا من ذلك
هل لان المنتدئ قطري
نتهم ايا كان بان جنسيته قطري


لما اقول ممكن ما يكون قطري

انا قلت ممكن اي اتوقع لان الله العالم ايش اصله وفصله وجوازه ويمكن مب مسلم بعد


ولما اقول قطري

معناته قلت اكيد قطري والجنسيه لا دخل لها في ما نشاهده الا اذا عرفناهم وعرفنا جنسيتهم بالفعل


الظاهر لا يجعلني احكم مهما حصل

ومن حقنا نقول ممكن مش قطري
وليس من حق اي احد يقول اكيد قطري


بغض النظر عن الشين والزين هذا متفقين عليه ولا توجد مدينه لا يوجد فيها اي عيب او خطا وكلا يمثل نفسه واخلاقه وتربيته وبس

[intesar]

ومومن حقنا نقول هذا مو قطري لإن فعل الشين ياريم.. وهذا اللي محصلينه في هذا المنتدى.. وليش القطري مايسوي شيء..
يعني مثال عندج سالفة القطريين اللي طقوا الخادمة.. أحدهم على طول قال هذا مو قطري.. ليش طيب.. مو هذي الأمور اللي تضر قطر صدقيني.. لأن الأمور المخالفة والحوادث تحصل بكل بقاع الأرض.. لكن فيه أمور أخرى هي اللي تضر مثل ما ذكرت لج أعلاه..

[ريم 28]

ومومن حقنا نقول هذا مو قطري لإن فعل الشين ياريم.. وهذا اللي محصلينه في هذا المنتدى.. وليش القطري مايسوي شيء..
يعني مثال عندج سالفة القطريين اللي طقوا الخادمة.. أحدهم على طول قال هذا مو قطري.. ليش طيب.. مو هذي الأمور اللي تضر قطر صدقيني.. لأن الأمور المخالفة والحوادث تحصل بكل بقاع الأرض.. لكن فيه أمور أخرى هي اللي تضر مثل ما ذكرت لج أعلاه..

اختي العزيزه انتصار اتفق فيما ذكرتيه

لا يصح اقول انه ليس قطري
ولا يصح ان اقول انه قطري

ويصح وبكل تاكيد ان نقول احتمال انه ليس بقطري الجنسيه وذلك ردا علئ من اجزم بانه قطري تنبيه ان لا يجزم فقط وهو لا يملك دليل واحد ليثبت ذلك

[intesar]

الإحتمال وارد.. بس القطري شكله واضح.. ومبين..

[ريم 28]

الإحتمال وارد.. بس القطري شكله واضح.. ومبين..

ههههه
اهم شي ان الاحتمال وارد :nice:

هذا اللي اقوله احتمال تفرق عن الجزم والتاكيد

ولو القطري ينعرف عن غيره ما اسالونا في مركز صحي او غيره

قطري الشيخ
قطريه الشيخه
ههههههه ليش ما احكموا من المظهر الخارجي

[intesar]

أكيد لازم يسألون.. بالأخص القطرية.. لأن الحين القطريات قاموا يلبسون عبايات مثل الباكستانيات فماعاد هناك فيه فرق..
العبايات القصيرة اللي يطلع البنطلون من تحته..
لكن القطري يا أختي مبين شكله.. عن غير القطري.. وأكيد الإحتمال وارد.. وما أختلف فيه وياج.. لكن أختلف مع اللي يبريء القطري بكل شيء ويقطه على راس الغير قطري..

[ريم 28]

أكيد لازم يسألون.. بالأخص القطرية.. لأن الحين القطريات قاموا يلبسون عبايات مثل الباكستانيات فماعاد هناك فيه فرق..
العبايات القصيرة اللي يطلع البنطلون من تحته..
لكن القطري يا أختي مبين شكله.. عن غير القطري.. وأكيد الإحتمال وارد.. وما أختلف فيه وياج.. لكن أختلف مع اللي يبريء القطري بكل شيء ويقطه على راس الغير قطري..

وما تستغربين من اللي يبرئ الغير قطري ويقطها في راس القطري

انتصار حبيبتي طالما اتقولين احتمال وارد خلاص هذا المطلوب

واما ان القطريه تلبس مثل البكستانيه ما اعتقد هذا سبب اللي يخليها تقول قطريه محد يلبس بنجابي يا انتصار

واذا اسالوا يسئلون لان كثير يقلدرن اهل البلد في اللبس والمظهر واللهجه وكل شئ الا الجواز ما يكون لونه عنابي

[ريتويت]

الله اعلم

[intesar]

وما تستغربين من اللي يبرئ الغير قطري ويقطها في راس القطري

انتصار حبيبتي طالما اتقولين احتمال وارد خلاص هذا المطلوب

واما ان القطريه تلبس مثل البكستانيه ما اعتقد هذا سبب اللي يخليها تقول قطريه محد يلبس بنجابي يا انتصار

واذا اسالوا يسئلون لان كثير يقلدرن اهل البلد في اللبس والمظهر واللهجه وكل شئ الا الجواز ما يكون لونه عنابي


لا الله يسلمج انعكست الصورة صارت القطرية تلبس مثل الباكستانية وما أبي أدخل بالعميق أكثر..
أنا إذا لاحظتي قلت بنطلون ماقلت بنجابي..
لا تقعدون تكحلون الغلط..

[intesar]

ريم بكل شيء فيه احتمالات.. لكن إني إحط الإحتمالات حتى أبريء المخطيء.. فهذا هو الخطأ بعينه..

اللي عنده عنابي يغلط مقله مثل اللي عنده الأزرق والأحمر والأخضر..
ليش نغطي الغلط بحجة الإحتمال..

[اكسجين]

القطريين ما يضربون اشارة ( السيارة) لبغوا يلفون ، القطريين يضربون الخدامات ،

القطريين يضربون من العيش ووواجد وخلصوه علينا .، القطريين ما يضربون لنا التحيه . :pioneer:


مشكلة ها القطريين ،المفروض يسفرونهم ... على طوووول الابعاد ويريحونا .


هذا بس على وزن يضربون وما يضربون .ولكم ان تطلقووووا العنان والتفكر في الحقد والحسد .

(اكتفي بهذا حتى لا تحذف المشاركة )

[ريم 28]

لا الله يسلمج انعكست الصورة صارت القطرية تلبس مثل الباكستانية وما أبي أدخل بالعميق أكثر..
أنا إذا لاحظتي قلت بنطلون ماقلت بنجابي..
لا تقعدون تكحلون الغلط..

وش الغلط اللي انكحله اللي صادق وده يصلح الغلط ما يكتب الجنسيه
لحد يقول اكيد قطري

واللي ياكد يتحمل اللي يجيه
يقول يمكن احتمال ولو اني مشرفه حذفت الموضوع علئ طول ايش دخل الجنسيه


وفي قطريه تلبس بنطلون مثل بكستانيه او غيرها من غير عبايه
من صجج انتصار

انا اتكلم عن الاجانب اللي يقلدون هل البلد يختي جننتيني
حتئ عبايه راس يسالونها قطريه ولا لا
محد ياكد ان هذا قطري ولا مكتوب علئ جبهته

اذا شفتوا الجواز تعالوا تكلموا
هذا الكلام للي ياكد انهم قطريين

بعد ما يتاكد بعد من الجواز
ما في داعي يكتب عنهم
يتكلم عن الغلط وبس وكيف يصلحه

هذا رايي والا ايش رايك لازم نكتب الجنسيه ؟

[الجوكر90]

تخلف

جرب تبدل كلمة القطري بالمسلم وشوف الى اي مدى من التخلف وصلنا له

شوف أخلاق القطري !
شوف أخلاق المسلم !

كيف ننسب فعل لفئه بريئه لا هي اّمره بهذا الخطأ ولا هي مشجعه له

الحمدالله والشكر

انا اتفق معاك
لو قلنا في مسلم عمل كذا وكذا راح تنحل المشكله بدون مانجذب الطرف الثاني

وابشرك لو قلت مسلم راح ينط لك ملقوف ويقولك انزين وشو جنسيته
او يجيك واحد ثاني يقولك اي هاي جنسيه معينه تسوي هالحركه ومعروفه

وانا اشوفه من وجهة نظري ان مب شرط الي يتكلم عن القطري مب قطري هاي شي عفوي ينقال والله شفت كذا وكذا
ومع كثره المواضيع صرنا نحس ان الكل يتكلم عن القطري

وفي شي ثاني لو دخلنا منتديات سعوديه او اماراتيه او كويتيه واح نحصل عندهم نفس المشكله

اتمنى فالذم مانخص يعني قطري او خليجي او عربي
لو نقول مسلم وانتهى الموضوع

بس لو في شي مدح نقول قطري او خليجي او عربي لان مدح وشي طيب

وبالتوفيق ان شاء الله

[(بوطلال)]

في مؤامره كبيره مثل ماقالوا الاخوان واعتقد للموساد دخل فيها .الله يستر

[الأصيلة]

الخلاصة إن أغلب القطريين يتحلون بالأدب واحترام الغير مهما كانت جنسية الآخر..
ولديهم من الحياء مايمنعهم من فعل الكثير ..
إلا من يعانون من مشاكل نفسية كثيرة وقلة التربية والتشتت الأسري
( بالنسبة لبعض لشباب )
حتى في خارج قطر ..دائما يتميز القطري عن غيره بالهدوء والإحترام..
لا أقل الجميع ولكن الأغلبية ...
في نفس الوقت هناك من الرجال مالاتشك 1% إنه قطري وهو غير قطري
والبعض وليس الكل طبيعته تختلف عن القطريوالبعض أصبح مثل القطري
من جراء التعايش مع القطريين والإندماج معهم...
حتى النساء يتصفون بهذه الصفات ...

[العقل الحر]

لوحظ في الاونة الاخيرة الهجوم الغير مبرر على المواطنيين من معرفات جديدة وبعضها قديمة تكن في قلبها شي ووجدتها ماده دسمه لذلك

وفي اعتقادي ان بعض المعرفات الجديدة لصحفيين كتاب في الجرائد اليومية ويطرحون مواضيع تهجمية على المواطنيين لكي يكون عذر لديهم في طرح كتاباتهم عن المواطنيين في الجرائد

واذا حاججته لماذا كتبت في الجريدة عن القطريين يقولك انظر الى مواضيع المنتديات تقول كذا وكذا عن القطريين

[دااانة قطر]

إنا لله وإنا إليه راجعون

[al wafi]

الخلاصة إن أغلب القطريين يتحلون بالأدب واحترام الغير مهما كانت جنسية الآخر..
ولديهم من الحياء مايمنعهم من فعل الكثير ..
إلا من يعانون من مشاكل نفسية كثيرة وقلة التربية والتشتت الأسري
( بالنسبة لبعض لشباب )
حتى في خارج قطر ..دائما يتميز القطري عن غيره بالهدوء والإحترام..
لا أقل الجميع ولكن الأغلبية ...
في نفس الوقت هناك من الرجال مالاتشك 1% إنه قطري وهو غير قطري
والبعض وليس الكل طبيعته تختلف عن القطريوالبعض أصبح مثل القطري
من جراء التعايش مع القطريين والإندماج معهم...
حتى النساء يتصفون بهذه الصفات ...



اختي الاصيله
انا من فتره بسيطه جاي من لندن
وتعرفت على شاب خليجي فقط جلست معاه لمره وحده

وطبعا كانت ريحته فايحه
وهو رجال طيب الصراحه

وعرف اني قطري
وسألني تشرب ؟؟
قلت له لا الحمدلله انا والي معاي مانشرب

قال لاحظت انتو القطريين ماتشربون
وايد واجهتهم ماشوف حد يشرب فيهم


اللهم لك الحمد
صحيح اصا بع اليد مهب سوى
بس الحمدلله النسبه الكبيره معدنهم اصيل :nice:

[حبر وقرطاس]

الحين عدد سكان قطر مليون وسبع مائة الف نسمه ونسبة القطري يمكن 25% وكل يوم طالع لنا واحد يتكلم عن عمل غير اخلاقي عن قطري او قطريه يعني هالهجوم الي غير مبرر من خلفه والقصد من هالتشهير في منتدى مشاهد من الكثير؟؟؟
تذكرة قول عمربن الخطاب رضي الله عنه حين قال احيو الحق بذكرة واميتو الباطل بتركه او هجره فشتان بين تفكيره رضي الله عنه وتفكيرهم


هذي مشكلتكم ماعندكم مرونه ابدا وتبتعدون عن الواقع تماما
تفكيركم شي ومايحدث من تغيرات في المجتمع شي اخر
انتم لا تواكبون التغييرات
نعم المجتمع تغير
والقيم الاخلاقيه تغيرت
واصبحت الناس غير الناس
وزادت المشاكل

وانتم تتحدثون عن القطريين كأنهم ملايكه لا اطلاقا
منهم الزين ومنهم الشين
ولكن لما يصير حدث يناقض ما هو مرسوم في اذهان الجميع عن اخلاقهم وماتربوا عليه
شي طبيعي يطرح للنقاش الموضوعي
اساليب التشهير غير ، التشهير بهدف التجريح والتطاول والشتم
بس المشكله هنا بالذات فالمنتدى وفي قسم الحوار العام يرتاده اعضاء مب قد النقاش وليس لديهم من المرونه والموضوعيه ليتحدثوا ويتبادلوا الاراء عن ما الذي وراء الحدث وما تداعياته وما مسبباته
وكل فرد يعبر عن نفسه في سلوكياته الخاطئه خارج دوله قطر
ولكن ان كان هذا السلوك داخل قطر فهو شأن المجتمع
ويجب ان يتم النقاش فيه
واخيرا وليس اخرا
لم تتطور الشعوب وتتحضر الا بالنقاش ولغه الحوار الراقيه والمصداقيه
فهو المفتاح الاولى للراي والراي الاخر الذي ينتج عنه الكثير من الفوائد
ولكن ان ارتكب احدهم جرمه وسكتنا فكلنا شياطين ان كنا نخفي عيوبنا على الاخرن فنحن لن نستطع ان نخفيها على بعضنا البعض
فسمعه المواطن هل كالمصباح او التحفه الثمينه يجب تنظيفها وتلميعها بين الحين والاخر لا السكوت فقط
فالحوار فيه تناصح وتأيد للراي السديد وليس تشهير
واتمنى ان يستوعب اخواننا الاعضاء هنا الفرق بين التشهير وطرح مواضيع للنقاش
ولا بد من الاطلاع والتثقيف الذاتي
فحاليا لدينا قسم مكافحه الجرائم الالكترونه ومنها الاشهار والفضائح وهي ذات اركان واضحه يجرمها القانون
اما طرح احداث ونقاشات دون ذكر اسماء بهدف النقد البناء فهو امر متاح وللجميع شريطه عدم تجاوز الخطوط الحمراء ودمتم سالمين

[الأصيلة]

اختي الاصيله
انا من فتره بسيطه جاي من لندن
وتعرفت على شاب خليجي فقط جلست معاه لمره وحده

وطبعا كانت ريحته فايحه
وهو رجال طيب الصراحه

وعرف اني قطري
وسألني تشرب ؟؟
قلت له لا الحمدلله انا والي معاي مانشرب

قال لاحظت انتو القطريين ماتشربون
وايد واجهتهم ماشوف حد يشرب فيهم


اللهم لك الحمد
صحيح اصا بع اليد مهب سوى
بس الحمدلله النسبه الكبيره معدنهم اصيل :nice:

نعمة عظيمة الله يتممها علينا ولايغير علينا شيء

[مضاد]

لوحظ في الاونة الاخيرة الهجوم الغير مبرر على المواطنيين من معرفات جديدة وبعضها قديمة تكن في قلبها شي ووجدتها ماده دسمه لذلك

وفي اعتقادي ان بعض المعرفات الجديدة لصحفيين كتاب في الجرائد اليومية ويطرحون مواضيع تهجمية على المواطنيين لكي يكون عذر لديهم في طرح كتاباتهم عن المواطنيين في الجرائد

واذا حاججته لماذا كتبت في الجريدة عن القطريين يقولك انظر الى مواضيع المنتديات تقول كذا وكذا عن القطريين



الله لا يوفقهم هالخمه . منقع صبخ .

[Mbarkaji]

والله ياجماعت الخير اعتقد الغلط غلط سوائ قطري او غير قطري واعتقد كل شعب كل جنسية كل امة فيها الجيد والغير جيد هذا والله اعلم

[Bo jassim 33]

من سوا نفسه سبوس ........ لعبت به الدياي