عمال بورسلان زيرو جوينت

[yesno]

ممكن مساعده ابي شركة اوشخص يركب بورسلان مع نقشات ارضيه زيرو جوينت

وماهو ريكم في طريقه الزيرو جوينت

[معماري قطري]

طريقة الزيرو جوينت سهلة بس المشكله أغلب الشركات والعمال ما يعرفونها ويخافون منها لأنهل تحتاج دقة وفن في التركيب،،

أول شيء لازم تكون عندك الحوائط متعامدة على بعض ويشكلون مستطيل بالمليمتر، وهذا في غالب مبانينا شبه مستحيل لأن تحصل فرق قياس بين كل حائطين متقابلين بسيط جداً أحياناً، وهذي لها حل إذا المقاول اتبع وضع البلاط بطريقة جهاز الليزر وهذا للحين ما شفته عند مقاولينا الكرام، وبحيث يترك فراغ بسيط كم مليمتر في الأطراف ويسوي الجزء الوسطي كله زيرو جوينت، وبحيث يركب البلاط على أرضية خرسانية مستوية وبلزاق خاص بالبورسلان، ويسوي اللزاق بخفاق ميكانيكي خاص.

بعدين تجي للأطراف ويفضل تتعبى ماستك وتكون هذي فاصل تمدد، وفوقها يغطيها البلاط أو الخشب إذا حبيت اللي يكون نعلة في الأطراف، وبعدين تتعبى الفتحات البسيطة كلش بقراوت خاص أما سائل أو شبه سائل بدون حبات خشنة أو حتى تترك بدون تعبئة لأنها تكون صغيرة وايد ما تبين واضحة.

[dream~qa]

نفس الطلب ؟؟؟؟؟؟؟؟؟؟؟

[سهاير]

معلومات مفيدة