من اغلى المطاعم مجموعة مطاعم سفير وخاصة فرع معيذر الجنوبي

[الروقي]

يبيع الوجبات باسعار خياليه والسعر للمواطن اغلى من الاجانب على سبيل المثال دايما اشتري جباتي من المطاعم 2 حبه بريال اليوم رحت عنده وقلت له عطني بعشره ريال جباتي عطاني 10 حبات قلت له ليش قال بس قلت المطاعم الثانيه الريال حبتين طالعني بنظره ولا رد علي وراح

يجب ان يقاطع وتتدخل حماية المستهلك في اسعار الخبز لان الجباتي كلها انواع وقياسات وحده

بس ادري ماراح احد يتدخل وعليه بالعافيه لان لاحسيب ولارقيب واحنا المواطنين الضحيه

ومثال اخر استديوهات التصوير الشخصيه 8 صور للقطري 20 ريال للاجانب 12 ريال لان دريولي اخذها 12 ريال وانا صوري 20 ريال

وهذا في كل مكان المواطن سعره اعلى وفي بلادنا مقصوص علينا

وشنهو الحل

[راعي الخور]

في بلادهم يرفعون الاسعار علينه الشكوى لله ديرتهم بس هني ويرفعون ؟؟؟؟؟؟؟ :weeping:

[Chambray]

احنا للاسف ما نتعامل بالفواتير

الي هي تحمي المستهلك

خصوصاً في المطاعم الصغيره او المحلات الصغيره

دايماً نقول ( شدعوه حق شنو الفاتورة )

وهذا الي مخليهم يلعبون لعبتهم


لكن لو إدارة حماية المستهلك ، الزمت جميع المحلات بوضع تسعيره محدده + إعطاء الفاتورة للمستهلك (الزبون) وفي حالة عدم اعطائه الفاتورة يعتبر الطلب مجاني ( او الغرض مجاني ) .. وبهالطريقة نلزم التاجر على اعطاء الفواتير على اي شئ ، ان شاء الله لو طالبين ( كرك وماي ) ..

فاحنا دورنا كمسهلكين لازم دايماً الفاتورة هي الي بتساعدنا في القضاء على هذه الظاهره .. ولو احنا ماساعدنا نفسنا صدقوني الكل بيستغلنا ..


ليش في اوروبا الواحد يدخل محل ويشتري وهو مرتاح .. لا يكاسر ولا شئ والسعر للاجنبي نفسه للمواطن .. والكل مرتاح .. السعر ثابت وفاتورة تحميك من نصب واستغلال التاجر