الفرق في الاستثمار بين قطر والامارات

[MLAAS]

السلام عليكم ..




















ليش يقولون الامارات افضل مكان للأستثمار ؟؟؟؟
الجواب هو: مجهول بالنسبه للأغلبيه

بعطيكم مثال عالجواب .. الا وهو

فله استثماريه مساحه ارضها 500م .. قيمه الاجار السنوي 140 الف
كم تتوقعون قيمتها ؟ قيمتها مش على حسب تشطيبها او فخامتها او على كم شارع
قيمتها يتم احتسابها على حسب مدخولها السنوي

يعني اذا كان اجارها السنوي مايغطي قيمتها خلال 10 سنين يعتبر استثمارها فاشل
وعاد شوفو كم تطلع قيمتها 140 × 10 سنين = قيمه الفلا

عاد تعالو لمفهوم قطر للأستثمار ؟؟؟؟؟؟؟؟؟؟؟؟
كيف يتم احتساب قيمه الفلا
قيمه الارض + قيمه البنا + فايده المالك + فايده الوسيط + فايده وسيط 2 + فايده وسيط 3 + الخ , لين توصل قيمتها 2 مليون و نص وقيمه الاجار السنوي مايغطي قيمتها الا بعد 20 سنه

انزين وين الاستثمار الي فيها ؟؟؟؟
بعد 20 سنه ؟؟ شبدخل ؟
بعد 20 سنه يبيلها هدم واعاده بناء ههههه يعني بعد بنتظر 20 سنه ثانيه علشان افكر اشتري فلا استثماريه ثانيه

انزين 2 مليون و 500 بدفع منها مليون و الباقي على البنك ؟
نسبه الفايده للبنك 6 بالميه وعلى 25 سنه , واجار الفلا 150 سنويا ..
يعني 130 للبنك و 20 لي
وخلال 25 سنه 3مليون و 100 للبنك قيمه القرض والفوايد وانا طلعت منها ب 250 الف

ف يا اخوان .. الي يبي يستثمر لازم يعرف كيف يستثمر فلوسه .. ولا لاتعب نفسك .. حط فلوسك وديعه فالبنك وبطلع لك نسبه الربح 3 % سنويا ولا اجار ولا شيكات ولا عوار راس ولا تصليح ولا محاكم

وانا من زمان اتابع سوق الامارات .. والصراحه حصلت فلل مردودها السنوي يوصل 12 بالميه ..

ملاحظه: انا تكلمت عن الفلل الاستثماريه , والفلل السكنيه قصه ثانيه
حاولت ماتفلسف وايد واختصر في النقاط المتلخبطه واوصل المعلومه للبعض :victory:
وشكرا

[naklan]

يعطيك العافية اخوي mlaas قطر تختلف عن الامارات
قطر صغيرة وعقاراتها محدودة عندنا الي ماجر 25 الف يطلب 5 مليون
الامارات اكيد افضل للاستثمار فلل عماير بنصف سعر عقاراتنا
تحياتي اخوي ملاس :)

[طيف عابر]

صباح الخير الفرق بين الاستثمار بقطر والامارات نفس ما قال اخوي naklan المساحة الجعرافية للامارات والاهم من كذا فرص الاستثمار مفتوحة امام الجميع وايضا رؤؤس الاموال الاجنبية الا تساعدي على فتح الاستثمار بعدة مجالات خصوصا قطاع العقارات

[MLAAS]

كلامكم على العين والرأس ، الدوحه صغيره والاستثمار محدود ،

بس الاستثمار في قطر مش لنا يا صغار المستثمرين ،

الاستثمار لأصحاب النفوذ والشركات الكبرى ، هم الي يطلعون العائد السنوي فوق ١٠ بالميه او نسبه الربح تصل الى فوق ٣٠ بالميه طبعا من ظهورنا

اما إحنا مثل الي يأكل من بعدهم الي بقى

ليش نخيلهم يلزمونا بالقليل ونقتنع فيه ،
انا عن نفسي اصرف مليون ونص والعائد يكون ١٠ بالميه واخلي شركه تدير العقار واعطيهم نسبه
افضل من أني اصرف ٢،٥ مليون والعائد ما يوصل ٦ بماليه

شاكر لكم على مروركم

[QtrGate]

مره جبت عقارات من الامارات وعرضتهم في الدوحة وكان العائد حول ١٣%
وعقارات حلوه وعمارات
لأكن ماشفت إقبال وفي تخوف مداري ليش

انا عن نفسي اشتري شقه في الامارات ب ٦٠٠ الف ريال ومردودها الشهري ٦٠٠٠ ريال
أحسن من بيت صغير جداً قيمته مليونين واجاره ٩٠٠٠

[MLAAS]

مره جبت عقارات من الامارات وعرضتهم في الدوحة وكان العائد حول 13%
وعقارات حلوه وعمارات
لأكن ماشفت إقبال وفي تخوف مداري ليش

انا عن نفسي اشتري شقه في الامارات ب 600 الف ريال ومردودها الشهري 6000 ريال
أحسن من بيت صغير جداً قيمته مليونين واجاره 9000


لأنهم خايفين من الأزمات ، العقار يمرض مايموت

والدليل انه بعد ازمه دبي ، ارتفع نمو العقار عندهم الى ما فوق 20 بالميه

ولو كل واحد فكر نفس تفكيرك شوف شالي راح يصير بجشع اصحاب النفوذ

وصحيح انه قطر محدوده الاستثمار بس الي يستثمرون فيها اغلبهم قطريين
او شركات تعود ملكيتها للقطرين

والإمارات ترى استثماراتها اصغر من قطر لانها فاتحه للعالم كله مش لشعبها فقط

اتمنالك التوفيق ان شاء الله

[خليفه آلاحمد]

موفق ان شاء الله
*

*