صبيه للسيارات قدام باب الكراج للفيلا

[حمد 2002]

السلام عليكم ورحمه الله وبركاته
حبيت الله يسلمكم اعمل صبيه قدام باب الكراج للفيلا من الخارج لدخول السيارات ؟ هل اعمله انترلوك ولا نوع ثاني ؟ وهل لازم انادي سياراه اتصبه كنركريت ولا بس بشكل يدوي اسويه ؟ وهل في نوع ثاني غير الانترلوك ؟ تحياتي لكم وانشاءالله الاخوان ايفيدونا ابخبرتهم ..

[معماري قطري]

الصبية حتى لو خالطينها عمال عاديين أوقات تكون قوية بس انتبه خلهم يسون بدايتها سميكة تحت الأرض عشرين سم زين، وما فيه داعي تحط لها حديد، ولو تبي خلها شوي نازلة وحط فوقها بلاط إماراتي أو انترلوك أو أي نوع أرضية غير. .. انتبه خلهم يحطون نايلون سميك تحت عن التربة والأملاح وانتبه وقت الحفر ليعمقون وايد يمكن يضربون خط كهربه أو ماي أو تلفون.

[حمد 2002]

مشكور اخوي معماري على النصيحه الوافيه والتفصيليه ، بس الشيخ كم ممكن اتكلفني تقريبا. وبالتوفيق الشيخ

[معماري قطري]

ما ادري والله شتفاصيلها .. يبي لك كم كيس اسمنت ورمل خشن وكنكري عادي لتبالغ .. خل النسبة بالحجم 1 إسمنت 1.5 رمل و 1.5 كنكري، والخلط بالشيول مع شوية ماي ليزيدون، والسلوب حسب وضعية المكان وخل مقدمة الصبية تكون سميكة علشان ما تتكسر ومدفونة تبين الحافة اللي تركب عليها السيارة، وأي عمال ممكن يسونها بسهولة .. بس رشها بماي مدة كم يوم علشان تقوى وما تتشلخ، وبالتوفيق لك.

[ميلاف]

ياحبيبي كم متر عندك نقول 3 في 6 دايما مدخل البيت اطلب سياره بالكثير بتطلع عليك 2000 ريال ولا 2500 وريح بالك من الخلط وعوار الراس وعامل واحد يسوي السلوب عشان المطر الموضوع بسيط وحط فوقه انترلوك وانتهى الموضوع

[معماري قطري]

انا اللي عرفته إن المطلوب عمل تسوية للأرض خارج البيت لدخول السيارة وهذا الواضح وممكن ذي لو بنسوي لها حسبة من الخيال على فرضية موقف سيارة واحد، نقدر نقول مترين في 3 أمتار في سمك 15 سم بتطلع لنا في حدود أقل من متر مكعب واحد ما تسوى نطلب لها سيارة ردي مكس كاملة، 3 أكياس اسمنت ورمل وكنكري والسلام... وإن كانت أكبر بشوي أي عامل شاطر بيحسب لك كم تحتاج بسهولة، وتعتمد على الميلان من أرضية الشارع لمدخل الطبيلة والمسافة .. بس لتسويها ضعيفة من الأطراف بتتكسر.

[بن غيث]

انا اللي عرفته إن المطلوب عمل تسوية للأرض خارج البيت لدخول السيارة وهذا الواضح وممكن ذي لو بنسوي لها حسبة من الخيال على فرضية موقف سيارة واحد، نقدر نقول مترين في 3 أمتار في سمك 15 سم بتطلع لنا في حدود أقل من متر مكعب واحد ما تسوى نطلب لها سيارة ردي مكس كاملة، 3 أكياس اسمنت ورمل وكنكري والسلام... وإن كانت أكبر بشوي أي عامل شاطر بيحسب لك كم تحتاج بسهولة، وتعتمد على الميلان من أرضية الشارع لمدخل الطبيلة والمسافة .. بس لتسويها ضعيفة من الأطراف بتتكسر.

:nice:

[خالد32]

و اذا كهرماء بغوا يحفرون لتصليح كيبل او بيب ماي شيسوون؟
انصح ان ما تسوي صبيه و كفايه انترلوك مع دك الارض بشكل جيد

[معماري قطري]

و اذا كهرماء بغوا يحفرون لتصليح كيبل او بيب ماي شيسوون؟
انصح ان ما تسوي صبيه و كفايه انترلوك مع دك الارض بشكل جيد


صارت هالسالفه معاي من أيام سمعت حفريات وشغل بس الظاهر علشان الفايبراوبتكس .. المهم كسروا شوي من طرف الصبية اللي على مدخل الباب ومددوا وخلصوا وما قصروا عدلوا الأرضية ورصفوها بقار وطلعت أحسن من قبل.

بالنسبة للأنترلوك إذا الميلان قوي شوي صعب إنه يثبت من الأطراف وبعد بتضطر تسوي خرسانة على الجنب، ولو حولك حد يبني كلم المقاول دوم تزيد عندهم كميات ردي مكس ويتمنون يتخلصون منها أول بأول بيجيك وبيرتب الوضع عندك وهو الرابح.

[حمد 2002]

مشكورين يالربع وماقصرتو