أستفسار عن محتويات شنطة الحاج والحاجة

[باراكودا]

السلام عليكم ورحمة الله وبركاته
حبيت أستفسر عن الاغراض اللازمة للحاج والحاجة والمطلوب وضعها في
شنطة السفر أرجوا من جميع الحجاج السابقين المشاركة لتعم الفائدة
وبارك الله فيكم .

[ahmed jasim]

إحرام
مقص ومشط
كبوس أو كاب
جوتي رياضة مع دلاغ ونعال
تركسوت وتى شيرت
ثوب وغترة وعقال
جلابية
مطارة ماي
شنطة مدرسة تتعلق على الظهر

[باراكودا]

تسلم ياخوي أحمد على المشاركة
أغلب الاشياء الى ذكرتها موجودة في الشنطة المهداه من الحملة
والسوال الى يطرح نفسه
1 : كم العدد (يعني كم ثوب وكم طقم ملابس داخلية وكم جلابية)
2 : التركسوت وش له .
3 : الكاش كم يفضل حمله للحاج والحاجة جوا .

[sweet qatar]

مرحبا اخوي..

بالنسبة للملابس خصوصا الغيار اليومي تاخذ على عدد الايام الي بتروحها.. لان مافي وقت للغسيل وهالسوالف..

اما الفلوس.. اذا بتروح مع حملة موفرة لك كل شي.. على الاقل حط بجيبك الفين او ثلاثة الاف..
ويفضل انها تكون خردة.. سبحان الله تحتاج شي من السوبرماركت او تبي تتصدق او تتبرع..


وتفضل هذا الرابط لاستفسار سابق لاحدى الاخوات عن شنطة الحج..

http://www.qatarshares.com/vb/showthread.php?t=525891


وعسى الله ييسر امركم..

[ROSE]

بالنسبة للحريم :

شنطة صغيرة تكفي لوضع المال ،، الجوال ،، القران ،، وبعض المستلزمات الضرورية

صابون ( لغسل الملابس ) علبة صغيره

شامبو ، صابون ، منشفة للوجه ،، منشفة للجسم ،، ،، نعالين ، خف ، 3 الى 4 عبايات ، جلابيات ، سجادة صغيرة ، ملافع للراس ( لمنى بتحتاجهم يوم بيقعدون في الخيم
،، كلينكس ،، كريمات ،، وملابسها المعتادة ،، كاش ( ماراحت تحتاج فلوس وايد الا للتصدق او التسوق ) ،،
ملابس للعيد ،، بندول ،، مقص ،، مشط ،،

والملابس يفضل على عدد الايام اللي بتقعدون فيها هناك ،،



للرجال ،، مثل ماذكروا الشباب هني ،، والترينغ سوت بينفعك للمشي والتسوق لو حبيت او ممكن الاستعاضة فيه بالثوب ،،

عدد الثياب بعدد الايام اللي ماتكون فيه لابس ملابس الاحرام ،، وحط ثوب للعيد

[باراكودا]

الاخ sweet qatar و الاخت ROSE
شكرا لكما للمداخلة واثراء الموضوع والله يعطيكم العافية .