أبي أتاجر .. أفيدوني يا أهل الخبرة

[ورد الدوحه]

السلام عليكم ورحمة الله وبركاته

عندي مبلغ من المال وحابه أني استثمرة<<<< اهم شي :shy:


بسافر هالفترة تايلند و دبي شنو اجيب من هناك مادري :secret:

شنو اللي ايحبونه الناس وخصوصا النسوان ( جلابيات وبخور اتهقون باحصل فايدة من وراهم)..



وبعد شنو عطوني أفكاركم؟

[سارونه]

بالتوفيق يارب :) انشاء الله تتوفقين - بس لا تستعجلين :)

حاولي تدرسين المشروع قبل وشوفي الخسائر قبل الربح ..

[ورد الدوحه]

بالتوفيق يارب :) انشاء الله تتوفقين - بس لا تستعجلين :)

حاولي تدرسين المشروع قبل وشوفي الخسائر قبل الربح ..


ان شاء الله

وتسلمين على الرد حبيبتي سارونه

وبانتظار ردود اخرى

[lady bird]

سؤال حلو ونتمنى الافادة من اصحاب الخبرة وهم كثر ما شاء الله

[abdo222]

الخطوات لبدأ هال النوع من التجاره

1- اكتبي من 5 الى 10 بضائع تفضل تبيعهم (يكون لج اهتمام فيهم مسبق شيء انتي شخصيا تحبينه)

2- دوري عن منافسين بالسوق يبيعون نفس البضائع الي فكرت فيهم, واسألي نفسج الاسئله الي تحت

(هل هال التجاره بضائعهم تخيس عندهم ولا دائما يجدد وتخلص وعليها زبائن)
(طريقه اعلانهم للبضائع تقدرين تعلنين باحسن من طرقهم؟)
(تقدرين تبيعين بضاعتج ب" أقل من اسعارهم" ؟ تنافسينهم)

بعد هال الاسئله بتتوضح اشياء كثير, يمكن تفكرين ببضاعه ثانيه, او يمكن تتمسكين بالفكره اكثر
وبعدين تقدرين تسألين الناس الي حولج عن البضاعه الي يتمنونها ومب موجوده بسهوله هنا
مثلا (كفرات للتلفون اشكالها حلوه, اطباق حلويات مب موجوده بالسوق, جلابيات, اغراض تقديم للمجلس.. الخ)
البخور والعطور سوقهم مب لهناك, لان لازم الزبون يشم قبل ما يشتري+يامكثر العطور والبخور في المحلات الكبيره,

بعد ما تتوفر البضاعه

3- لازم مندوب يوصل الطلبات (يامكثرهم ومتوفرين)

4- خط تلفون خاص للزبائن

5- طريقه دعايه (الحين بلاكبيري احسن طريقه للتواصل مع التجار)

وبالتوفيق :)

[طموحي عالي]

أنا أفضل ادورين شي مب موجود ودارج بسوقنا
اشياء الناس ادورها
بعدها تفكيرن هل بتقدرين توفرين كل فتره بضاعه
في اشياء نادره والناس ادورها
بعدها تحسبني نسبه ربحج اذا تسوى أو لا
لأن نهائيا الشغله مب سهله

ممكن تتعاملين مع مواقع صينيه أو أمريكية وغيره
وتجيبين بضاعه بالجملة وتصرفينها

كوني درست الموضوع ومانفذته وقدرت اجاوبج لو بشكل عام

[ورد الدوحه]

اخواني الاعزاء :
Abdo222
و
طموحي عالي

مشكورين والله وايد استفدت من اللي ذكرتوه لي وسجلت عندي ملاحظاتكم..
يزاكم الله خير

ليدي بيرد تسلمين على المرور الحلو
وبعد أبي ردود اللي عنده لايبخل علي :)

[lady bird]

حياكي حبيبتي ورد
اذا بتسمحيلي بمداخلة بوضوعك ومنه جميعا نستفيد من طرح الاسئئلة
اولا شكرا لكم اخواني على افكاركم
في اساله معينه يعني اللي بتبدا تتعامل مع مواقع في الصين مثلا هل لازم يكون عندها بريد باراميكس
وتحويل الاموال كيف بيتم يعني ناس اشترت من النت ولسع ما دفعو كيف لما يحولو عن طريق البنك راح يعرفو انه هالفلوس هي لهذه البضاعة ولهذا الشخص

خصوصا انهم بتعاملو مع الاف الزبائن
وشكرا

[الزعفراني]

عليج بالاخوات في قسم السوق .. اكيد بيفيدونج

[ورد الدوحه]

مشكورين على مروركم وأفكاركم

[abdo222]

بخصوص الي يسألون على الدفع, طرق الدفع للي يشتري منك (العربون او بدون عربون يعود للبائع ومزاجه)

1- يدفع كاش مقابل اخذ البضاعه (داخل قطر)

2- يدفع تحويل بنكي باسمك (داخل او خارج قطر)
ولين الزبون يعطي للبائع (رقم الحواله) يقدر يستلمها ويرسل له البضاعه الي طلبها بالضبط

3- لين تشتري شيء من النت عشان في زبائن طلبوه اولا البضاعه لين توصل يبيلها وقت (اسبوع او اكثر), ثانيا احسن تاخذ عربون عشان لا توصل البضاعه والزبون يكون غير رأيه وما يرضى ياخذها

4- عشان توصل البضاعه من مواقع النت (ebay-amazon- apple الخ) لازم يكون حساب ارامكس وعنوان ارامكس في بريطانيا او امريكا (في مواضيع وايد تشرح)

http://www.qatarshares.com/vb/showthread.php?t=493080&highlight=%C7%D1%C7%E3%DF%D3+%CD%D3%C7%C8

http://www.qatarshares.com/vb/showthread.php?t=481024&highlight=%C7%D1%C7%E3%DF%D3+%CD%D3%C7%C8

http://www.qatarshares.com/vb/showthread.php?t=297048&highlight=%C7%D1%C7%E3%DF%D3+%CD%D3%C7%C8&page=6

[lady bird]

شكرا لك اخي ويعطيك العافية

[ورد الدوحه]

مشكورين يعطيكم العافيه