المساعد الشخصي الرقمي

مشاهدة النسخة كاملة : كلية المجتمع


شيوخه
15-10-2012, 11:11 AM
السلام عليكم



بغيت أسأل عن كلية المجتمع شلون دراستها وشنو إيجابيات وسلبيات الكليه

واللي يدرس فيها يقولنا إنطباعه عن هالكليه وعن المدرسسين وعن كل شي يخص الكليه


وبس :shy:
يوسف0
15-10-2012, 11:22 AM
4 سنين حق دبلوم!

حسب أخر ابديت عندي

والباقي ماعندي فكره
شبح الصمت
15-10-2012, 11:24 AM
ينرفع موضوعـج

حتــى تعم آآآآلفائده للجميــع

ومآآ عندي آأأي علم عنها

وموفقـه آآن شآآء

وموفـق كل طآآلب علم
شيوخه
15-10-2012, 11:29 AM
4 سنين حق دبلوم!

حسب أخر ابديت عندي

والباقي ماعندي فكره


انا سمعت سنتين بس دبلوم أتمنى حد يفيدنا لأن أفكر أسجل فيها


شكراً
شيوخه
15-10-2012, 11:30 AM
ينرفع موضوعـج

حتــى تعم آآآآلفائده للجميــع

ومآآ عندي آأأي علم عنها

وموفقـه آآن شآآء

وموفـق كل طآآلب علم

شكراً:victory:
alawi23
15-10-2012, 11:49 AM
سنتين دبلوم

ويسوم هالنظام تهيئه للبكالريوس ويضمنون لج قبول من جامعه قطر اذا حبيتي تكملين الدراسه

هاي على كلام هلي امس مقدمين الامتحان والحمدلله خذو القبول وتسليم الشهادات والتسجيل تاريخ 16-12
شيوخه
15-10-2012, 12:57 PM
سنتين دبلوم

ويسوم هالنظام تهيئه للبكالريوس ويضمنون لج قبول من جامعه قطر اذا حبيتي تكملين الدراسه

هاي على كلام هلي امس مقدمين الامتحان والحمدلله خذو القبول وتسليم الشهادات والتسجيل تاريخ 16-12



شكراً
عزووز قطر
15-10-2012, 01:19 PM
اتوقع التسجيل مفتوح لين نهاية اكتوبر

نصيحتي لج سجلي واضمني الكرسي وعقب سألي عن نظام الدراسة

والله يوفقج
شيوخه
15-10-2012, 01:26 PM
اتوقع التسجيل مفتوح لين نهاية اكتوبر

نصيحتي لج سجلي واضمني الكرسي وعقب سألي عن نظام الدراسة

والله يوفقج


رفيجتي قالت لي في تسجيل اليوم الساعه 3 ونص ان شاءالله بروح وبجوف الاوضاع


أمين وياك يارب
basma222
15-10-2012, 01:28 PM
الدراسة سنتين
وسجلي المواد اللى انت بتاخذينها في التخصص اللى بتدخلينه في جامعه قطر
شيوخه
15-10-2012, 01:39 PM
الدراسة سنتين
وسجلي المواد اللى انت بتاخذينها في التخصص اللى بتدخلينه في جامعه قطر

ان شاءالله :victory:


شكراً
جنون قطر
15-10-2012, 03:05 PM
السلام عليكم

أختي أنا ادرس فالمجتمع
الدراسة كلها بالانجليزي
و اهم شئ تكونين وااااااايد منضبطه في كل شئ عشان تقدرين تدرسين وتخلصين
سواء الحضور الامتحانات الواجبات الأوقات كللللللللل شئ

وغير جذي هي سنتين دبلوم
بس بعد ما تخلصني التأسيسي
هم 5 لفلات و على أساس امتحان القبول يتحدد أنتي أي لفل
و كل لفل في كورس إلا لفل 5 مقسوم نصين يعني يبيله كورسين
و غير الرياضيات ..، الرياضيات تقدرين تدرسينها حتى مع مواد التخصص


هاي بشكل مختصر
و بالتوفيق
راشد المهندي
15-10-2012, 03:05 PM
السلام عليكم

اختي بالنسبه لدراسة الدبلوم سنتين, فيه امتحان تحديد مستوي "انجليزي" بعد التسجيل اذا اجتزتي الامتحان تدخلين التخصص على طول بس اذا كان مستواك نازل تدخلين فاونديشن انجليزي على حسب مستواك كل مستوى 3 شهور.
مثال: اذا كنتي في المستوى الاول تحتاجين تقريبا 3 سنين ونص لين ما تاخذين الدبلوم.

الله يوفقك.
كروشيه
15-10-2012, 03:48 PM
اختي بالضبط مثل ما علق الكثير من الاعضاء الدراسة تعتمد على اي مستوى انتي راح يسجلونج لازم تجيبين مستوى 5 عشان تدرسين على طول تخصص وتستغرق الدراسة سنتين ولكن اذا المستوى نازل لازم تاسيسي لحد ما توصلين مستوى 5 والتأسيسي غير محسوب كعدد ساعات دراسة لانه المطلوب لانهاء الدبلوم 60 ساعة دراسية بعد انهاء التأسيسي وللأسف جامعة قطر غير معترفه الا بجزء قليل من المواد يعني احتمال تحتاجين بعد دراسة الدبلوم تقريبا 3 إلى 4 سنوات دراسة ايضا في جامعة قطر لانهاء البكالوريوس للأسف !!!
بوعلي2
15-10-2012, 03:50 PM
الله يوفقج يارب وتصيرين دكتوره هههههه
الصغيره
16-10-2012, 12:16 AM
للموظفه ما تجوز لان تطلعين مثلا وحده او ثنتين الظهر والجامعه تبدا اربع يعني تطلعين من البيت ثلاث وتنتهي الحصص الساعه عشر مساء هذا الفتره المسائيه

الدراسه بالمسائيه 4 سنين بالصبح ما عندي خبر بس الدراسه كلها بالانجليزي البحت مافيه ترجمه عربي
لمعة الالماس
16-10-2012, 08:19 AM
اذا ناويه تكملين الدراسة في جامعة قطر ما انصحج تدخلين كلية المجتمع
شيوخه
16-10-2012, 09:52 AM
السلام عليكم

أختي أنا ادرس فالمجتمع
الدراسة كلها بالانجليزي
و اهم شئ تكونين وااااااايد منضبطه في كل شئ عشان تقدرين تدرسين وتخلصين
سواء الحضور الامتحانات الواجبات الأوقات كللللللللل شئ

وغير جذي هي سنتين دبلوم
بس بعد ما تخلصني التأسيسي
هم 5 لفلات و على أساس امتحان القبول يتحدد أنتي أي لفل
و كل لفل في كورس إلا لفل 5 مقسوم نصين يعني يبيله كورسين
و غير الرياضيات ..، الرياضيات تقدرين تدرسينها حتى مع مواد التخصص


هاي بشكل مختصر
و بالتوفيق

أمس رحت وسجلت حق الامتحان قالوا لنا نفس الكلام اللي ذكرته مشكور أخوي يوفق الجميع


السلام عليكم

اختي بالنسبه لدراسة الدبلوم سنتين, فيه امتحان تحديد مستوي "انجليزي" بعد التسجيل اذا اجتزتي الامتحان تدخلين التخصص على طول بس اذا كان مستواك نازل تدخلين فاونديشن انجليزي على حسب مستواك كل مستوى 3 شهور.
مثال: اذا كنتي في المستوى الاول تحتاجين تقريبا 3 سنين ونص لين ما تاخذين الدبلوم.

الله يوفقك.
ماقصرت أخوي نفس الكلام اللي صار امس باللقاء التعريفي ، يوفق الجميع

اختي بالضبط مثل ما علق الكثير من الاعضاء الدراسة تعتمد على اي مستوى انتي راح يسجلونج لازم تجيبين مستوى 5 عشان تدرسين على طول تخصص وتستغرق الدراسة سنتين ولكن اذا المستوى نازل لازم تاسيسي لحد ما توصلين مستوى 5 والتأسيسي غير محسوب كعدد ساعات دراسة لانه المطلوب لانهاء الدبلوم 60 ساعة دراسية بعد انهاء التأسيسي وللأسف جامعة قطر غير معترفه الا بجزء قليل من المواد يعني احتمال تحتاجين بعد دراسة الدبلوم تقريبا 3 إلى 4 سنوات دراسة ايضا في جامعة قطر لانهاء البكالوريوس للأسف !!!
يعطيج العافيه اي هاي اللي عرفته أمس مشكوره

الله يوفقج يارب وتصيرين دكتوره هههههه

ههههههههههه لا مابي أصير دكتوره أبي أصير محاميه هاي حلمي مشكور ، يوفق الجميع

للموظفه ما تجوز لان تطلعين مثلا وحده او ثنتين الظهر والجامعه تبدا اربع يعني تطلعين من البيت ثلاث وتنتهي الحصص الساعه عشر مساء هذا الفتره المسائيه

الدراسه بالمسائيه 4 سنين بالصبح ما عندي خبر بس الدراسه كلها بالانجليزي البحت مافيه ترجمه عربي
اي هاي المشكله ان انا موظفه الله يعين مشكوره

اذا ناويه تكملين الدراسة في جامعة قطر ما انصحج تدخلين كلية المجتمع

ليش حبيبتي ماتنصحيني
دااانة قطر
16-10-2012, 10:46 AM
اذا ناويه تكملين الدراسة في جامعة قطر ما انصحج تدخلين كلية المجتمع


بعد اذن صااحبة الموضوع ممكن أعرف السبب؟؟
لمعة الالماس
16-10-2012, 10:51 AM
لان جامعة قطر ما قبلت كل المواد اللي خذوها خريجي الكلية الدفعة الاولى

يعني انتي تدرسين 60 ساعة وجامعة قطر قبلت من الدبلوم بس 20 ساعة وبعضهم اقل

والباقي ترجعين تدرسينه بالجامعة مرة ثانية وعشان تاخذين البكالريوس لازم تكملين 120 ساعة

وغير جذي كلية المجتمع الدراسة بالانجليزي وجامعة قطر الدراسة بالعربي

ولا يغرج الكلام الحلو في الكلية انه في اتفاقية مع الجامعة وعقب تنصدمين بالواقع

شدي حيلج ودخلي الجامعة من البداية احسن لج واذا على النسبة عيدي الثانوية العامة واخذي نسبة زينة ولا انه مستقبلج يضيع

وتقدرين تتاكدين من كلامي وتسئلين خريجي الدفعة الاولى لكلية المجتمع ..
دااانة قطر
16-10-2012, 11:20 AM
لان جامعة قطر ما قبلت كل المواد اللي خذوها خريجي الكلية الدفعة الاولى

يعني انتي تدرسين 60 ساعة وجامعة قطر قبلت من الدبلوم بس 20 ساعة وبعضهم اقل

والباقي ترجعين تدرسينه بالجامعة مرة ثانية وعشان تاخذين البكالريوس لازم تكملين 120 ساعة

وغير جذي كلية المجتمع الدراسة بالانجليزي وجامعة قطر الدراسة بالعربي

ولا يغرج الكلام الحلو في الكلية انه في اتفاقية مع الجامعة وعقب تنصدمين بالواقع

شدي حيلج ودخلي الجامعة من البداية احسن لج واذا على النسبة عيدي الثانوية العامة واخذي نسبة زينة ولا انه مستقبلج يضيع

وتقدرين تتاكدين من كلامي وتسئلين خريجي الدفعة الاولى لكلية المجتمع ..


حبوبه انا مسجله السنه في الكليه بنااء على استفسااراتي المتكرره في القبول والتسجيل في جاامعة قطر لإعاادة القيد
شيوخه
16-10-2012, 11:22 AM
لان جامعة قطر ما قبلت كل المواد اللي خذوها خريجي الكلية الدفعة الاولى

يعني انتي تدرسين 60 ساعة وجامعة قطر قبلت من الدبلوم بس 20 ساعة وبعضهم اقل

والباقي ترجعين تدرسينه بالجامعة مرة ثانية وعشان تاخذين البكالريوس لازم تكملين 120 ساعة

وغير جذي كلية المجتمع الدراسة بالانجليزي وجامعة قطر الدراسة بالعربي

ولا يغرج الكلام الحلو في الكلية انه في اتفاقية مع الجامعة وعقب تنصدمين بالواقع

شدي حيلج ودخلي الجامعة من البداية احسن لج واذا على النسبة عيدي الثانوية العامة واخذي نسبة زينة ولا انه مستقبلج يضيع

وتقدرين تتاكدين من كلامي وتسئلين خريجي الدفعة الاولى لكلية المجتمع ..

:rolleyes2::rolleyes2::weeping: