هنا الصناعيــــــة !!!

[R 7 A L]

السلام عليكم ورحمة الله وبركاته

أسعد الله جميع أوقاتكم بكل خيــر ومحبــة

صدق او لا تصدق

شارع مهم في المنطقة الصناعية و حيوي يمر على شركات مهمة ويعتبر أحد المخارج والمداخل للمنطقة الصناعية يعاني ويمر بحالة سيئة للغاية والغريب ان هذا الشارع جُدد وعُبد ورصف من جديد وعمل له صيانة أكثر من مره الا هذه الرقعة الواقعة أمام أحدى الشركات المحليـــة التي لم تترقع ! ، مما يثير التساؤل هل بين هذه الشركة وبين الجهة المعنية والمسوؤلة عن هذا الشارع شي !!!


الصور تتكلم

http://im21.gulfup.com/1lfJ1.jpg (http://www.gulfup.com/?A8bPSI)


http://im21.gulfup.com/MDZk2.jpg (http://www.gulfup.com/?IPY4UO)


http://im21.gulfup.com/nOOM3.jpg (http://www.gulfup.com/?AbKHcH)


الشارع رقم 2 جهه الغرب في المنطقة الصناعيـــة
أمام بوابة شركة الألبان العربية ( غديـــــر )

[عزووز قطر]

صدقت يارحال ،،،

من فترة كنت في صناعية الشارقة ،،، والله فرق بينا وبينهم

[@north_star@]

اذا وقفت على شارع 2 بسيطة لانه كل الصناعية شوارعها بحالة مأساوية والي يروح هناك يحسب حساب ألف مرة

[بن غيث]

هذه كنها شوارع في ساحل العاج مب في قطر

[GENIUS]

المنطقة الصناعية شغالين فيها تحفير وتكسير من كم سنة ولا شفنا اي تطوير او تعديل نهائيا والمكان الوحيد اللي بيتعدل هو الشارع الرئيسي امام مباني بروة جهة وكالة الجيدة لأجل عيون بروة ومشاريعها فقط اما البقية فلا تتنظر شيء ولا تحلم ولنا في منطقة مصفح في ابوظبي لعبرة في كيفية التخطيط والتنفيذ والله يستر على الناس من شوارع الصناعية في موسم الامطار يبغيلك خريطة خاصة بمواقع الحفر وكأنها مصايد للسيارات وكمائن

[الجني]

Game Over

[بوحمد111]

مو بس هذا الشارع

كل الشوارع في المنطقة الصناعيه محتاجة ردم واعادة بناء من جديد

[captin]

المفروض يسورون الصناعية ويرفعون عليها
علم جمهورية غينيا .

مادري شسالفة الصناعية عندنا
الدولة ما خلت قطاع ولا مكان الا اشتغلت عليه وطورته
إلا المنطقة الصناعية جنها مب في قطر أو جزء من قطر .

ليتهم يشوفون منطقة المصفح الصناعية في بوظبي
حتى الغاز مدد بأنابيت للوحدات والمنشأت وفيها كل الخدمات مكتملة
أحسن من المدن عندنا في قطر .

[R 7 A L]

صدقت يارحال ،،،

من فترة كنت في صناعية الشارقة ،،، والله فرق بينا وبينهم

فرق السماء من القاع


اذا وقفت على شارع 2 بسيطة لانه كل الصناعية شوارعها بحالة مأساوية والي يروح هناك يحسب حساب ألف مرة
يالنجم هالشارع اشتغلوا عليه وضبطوه الا هالمساحة وش الحكمة الله أعلم


هذه كنها شوارع في ساحل العاج مب في قطر

المشكلة الشارع طويل وبدايتة ونهايته جديدة وميه الميه تخيل واحد منسجم ويمشي خلنا نقول 60 وطاح في هالمصيبـــه وش بيصير لموتره !!!

[R 7 A L]

المنطقة الصناعية شغالين فيها تحفير وتكسير من كم سنة ولا شفنا اي تطوير او تعديل نهائيا والمكان الوحيد اللي بيتعدل هو الشارع الرئيسي امام مباني بروة جهة وكالة الجيدة لأجل عيون بروة ومشاريعها فقط اما البقية فلا تتنظر شيء ولا تحلم ولنا في منطقة مصفح في ابوظبي لعبرة في كيفية التخطيط والتنفيذ والله يستر على الناس من شوارع الصناعية في موسم الامطار يبغيلك خريطة خاصة بمواقع الحفر وكأنها مصايد للسيارات وكمائن

عجل صدق المثل الى يقول لجل عين تكرم مداين


Game Over

:omen2:


مو بس هذا الشارع

كل الشوارع في المنطقة الصناعيه محتاجة ردم واعادة بناء من جديد

يابوحمد فديت خشمك
مثل ماذكرت في رد سابق هالخط او الطريق تجدد بس هالرقعه ماترقعت
تحس كأن فيه مشكلة جوفيه تحتها




المفروض يسورون الصناعية ويرفعون عليها
علم جمهورية غينيا .

مادري شسالفة الصناعية عندنا
الدولة ما خلت قطاع ولا مكان الا اشتغلت عليه وطورته
إلا المنطقة الصناعية جنها مب في قطر أو جزء من قطر .

ليتهم يشوفون منطقة المصفح الصناعية في بوظبي
حتى الغاز مدد بأنابيت للوحدات والمنشأت وفيها كل الخدمات مكتملة
أحسن من المدن عندنا في قطر .

لا حاطين صور في الجرايد قبل كم سنه
عن الصناعيــة و شوارعهــا بعد الصيانه والتجديد
الى يضحك حاطين كراسي واشجار وإناره
في ذمتكم التريلات الى توقف وش بتسوي بالكراسي والازهار الى بيحطونها !!!

[Ali A]

سبحان الله امس مريت من هالمستنقع الجبلي وسيارتي كانت صالون تصدق رجعت

ماقدرت اروح

[Ali A]

المشكله ربعنا في اشغال ماعندهم مبادرات عندهم فقط ردات فعل

يعني لو تصرفوا راح يرقعون بشكل مؤقت

[R 7 A L]

سبحان الله امس مريت من هالمستنقع الجبلي وسيارتي كانت صالون تصدق رجعت

ماقدرت اروح

الحين الفور ويل مايقدر يعدي هالرقعة
تجي على الصالون

زين انك ماكملت ولا كان الله يعينك تتصل في بريكدون يسحب سيارتك


المشكله ربعنا في اشغال ماعندهم مبادرات عندهم فقط ردات فعل

يعني لو تصرفوا راح يرقعون بشكل مؤقت



قول ان شاء الله
ان هالموضوع والردود توصل الى مسامعهم
ويتصرفون

[الفهد1]

يخصصون مداخل خاصة للشاحنات والامور بتصير طيبة

[حسن]

احمل التقصير من قسم التخطيط في اداره المرور لاهمالهم وعدم رفع تقرير وعدم صلاحيه الشارع لمستخدميه
ورفعه الى الاشغال وغلاق الشارع لحين الانتهاء من اصالحه لانه يشكل خطوره على مستخدميه وادراه
المرور اهتمامها الرئسي سلامه السائقين ومستخدمي الطرق

[Faisal75]

الصناعية مأساه مابعدها مأساه
يصلحون شارع يخترب شارع ثاني والدائرة تدور من عرفنا الصناعية ليومكم

[الدوحي7]

لان المسئولين مب فاضين حق الشوارع فاضين لهف في اراضي الصناعيه حبيبي،،

[الســـهم]

مريت عليه قبل اخوي رحال ..

حمدت الله اني بسيارة فورويل , وكان بحال اردى من هالحال ..

هذي المنطقة الصناعية القديمة المتهالكة ومحتاجه تجديد وتطوير , بس الطامة الكبرى , تصدق ان الصناعية الجديدة مخططة وقايمة بنفس هالعشوائية ..

ما انسى صناعية الكويت ( الشويخ ) , ياليت لو عندنا بس ربع التخطيط والتنظيم اللي فيها ..

[R 7 A L]

يخصصون مداخل خاصة للشاحنات والامور بتصير طيبة


ياليت والله

[R 7 A L]

احمل التقصير من قسم التخطيط في اداره المرور لاهمالهم وعدم رفع تقرير وعدم صلاحيه الشارع لمستخدميه
ورفعه الى الاشغال وغلاق الشارع لحين الانتهاء من اصالحه لانه يشكل خطوره على مستخدميه وادراه
المرور اهتمامها الرئسي سلامه السائقين ومستخدمي الطرق

اعتقد
مايفتتح أي شارع الا بعد موافقتـــهم

[R 7 A L]

الصناعية مأساه مابعدها مأساه
يصلحون شارع يخترب شارع ثاني والدائرة تدور من عرفنا الصناعية ليومكم
والمتضرر
أحنــا :(


لان المسئولين مب فاضين حق الشوارع فاضين لهف في اراضي الصناعيه حبيبي،،

الله يسامحهم


مريت عليه قبل اخوي رحال ..

حمدت الله اني بسيارة فورويل , وكان بحال اردى من هالحال ..

هذي المنطقة الصناعية القديمة المتهالكة ومحتاجه تجديد وتطوير , بس الطامة الكبرى , تصدق ان الصناعية الجديدة مخططة وقايمة بنفس هالعشوائية ..

ما انسى صناعية الكويت ( الشويخ ) , ياليت لو عندنا بس ربع التخطيط والتنظيم اللي فيها ..



ياخي ماعندنا تخطط
او بمعنى أصح متابعه
من يخلص اي مشروع محد يلتفت له مستقبلاً ولا يتابعه

[الرويـس]

في حاليا مشاريع قائمة في الصناعية خاصة بالطرق
واللي مر الصناعية خلال هاليومين بيلاحظ

[R 7 A L]

في حاليا مشاريع قائمة في الصناعية خاصة بالطرق
واللي مر الصناعية خلال هاليومين بيلاحظ



نعم أتفق معاك
من الناحيه الشرقية المشاريع والشغل قايم

بس الحفرة حيرت الكثيرين
المشكلة انها تقع على شارع جديد !!!

[كود نمبر]

صناعية حفر الباطن افظل من الي عندنا مليون مره

يا جماعه الصناعيه عندنا حالها مزري حتى لو عملو شوارعها من الذهب الخالص
الصناعيه يبي لها هيكله جديده من اولها حتى آخرها شوف الفرق بينها وبين
الصناعيه الجديدة الي تحت سيطرة وزارة الطاقه
الصناعيه يبي لها ان تنقل من مكانها الحالي وتبعد عن الدوحه على الاقل ٣٠ كيلو
وتعمل لها مخطط جديد

[al-obaidly]

المفرض الصناعيه كامله تتنقل من مكانها وتتحول معارض سيارات واثاث واسواق

[وحيد-الشوق]

وافضيحتاه والله شيء يفشل :(

عندنا شوارع اتوقع انها اسوء حتى من شوارع الصومال

مايصير ياجماعة اغنى دولة في العالم وشوارعنا جذي !!!!!!

[بوخالد911]

مأساااة
بكل ما تحمله هذه الكلمة من معنى

[R 7 A L]

صناعية حفر الباطن افظل من الي عندنا مليون مره

يا جماعه الصناعيه عندنا حالها مزري حتى لو عملو شوارعها من الذهب الخالص
الصناعيه يبي لها هيكله جديده من اولها حتى آخرها شوف الفرق بينها وبين
الصناعيه الجديدة الي تحت سيطرة وزارة الطاقه
الصناعيه يبي لها ان تنقل من مكانها الحالي وتبعد عن الدوحه على الاقل ٣٠ كيلو
وتعمل لها مخطط جديد

مافيه متابعه
من يخلص الشغل تنتهي العلاقة مع الشركة القائمة


المفرض الصناعيه كامله تتنقل من مكانها وتتحول معارض سيارات واثاث واسواق

وين يودونها ؟


وافضيحتاه والله شيء يفشل :(

عندنا شوارع اتوقع انها اسوء حتى من شوارع الصومال

مايصير ياجماعة اغنى دولة في العالم وشوارعنا جذي !!!!!!

ياليت الرسالة توصل للمسئولين


مأساااة
بكل ما تحمله هذه الكلمة من معنى



فعلاً مأساة وخطر
فيها أرواح

[الـخـالـدي]

احس ان اللي يمسك مشروع اصلاح شارع فالصناعيه يكون محضوض .. لانه طول السنه شغال تكسير

اصلاح ...!!!!! ماشفنا شي الا ما شفنا غير تكسير

الله يبعدنا عنها ولا يحوجنا لها .. اذا بغيت تروح هناك دخل موترك الوكاله ولا الكراج يصيدك اكتائب من الشوارع المكسره و الزحمه

ياخي روح صناعية الامارات وعندك صناعية السعوديه ... شوارع كبيره ومفتوحه ولا فيه احسن منها لا هي مرقعه ولا مكسره الا نظيفه ما شاء الله

[ولد البدر]

مأساة ليس لها حل