جرثومة المعدة

[(محمد)]

السلام عليكم ورحمة الله وبركاته



اخوي عنده جرثومة المعدة ... وله كم يوم (يرجع) لدرجة الاغماء


اللي عنده حل او يفيدنا بتجربته




بارك الله فيكم


ولاتنسونا من صالح الدعاء

[عاهد بن علي]

عسى الله يشفيه

[Dana’1]

السلام عليكم ورحمة الله وبركاته



اخوي عنده جرثومة المعدة ... وله كم يوم (يرجع) لدرجة الاغماء


اللي عنده حل او يفيدنا بتجربته




بارك الله فيكم
ولاتنسونا من صالح الدعاء
وعليكم السلام
لا باس طهور إن شاءلله

انصحك من قلب تاخذة الصبح بدري للدكتور حمدي مستوصف او مستشفى الجزيرة
ما يداوم المساء فقط الصبح


وهذا عن تجربة .

وبالشفاء إن شاءلله

[@north_star@]

الله يشافيك ويعافيك اخوي محمد وان شاء الله ما تشوف شر

[(محمد)]

عسى الله يشفيه

بارك الله فيك


وعليكم السلام
لا باس طهور إن شاءلله

انصحك من قلب تاخذة الصبح بدري للدكتور حمدي مستوصف او مستشفى الجزيرة
ما يداوم المساء فقط الصبح


وهذا عن تجربة .

وبالشفاء إن شاءلله


جزاكم الله خيرا


الله يشافيك ويعافيك اخوي محمد وان شاء الله ما تشوف شر


المريض هو اخي الصغير ... والشر مايجيكم اخي الحبيب ابا راكان

[Aaziz]

ماعليه شر ان شاءالله

محمد علاج جرثومه المعده هو واحد في اي مستشفى . روح لاي مستشفى يقترحونه لك الاعضاء و توكل على الله .

لكن وصيتي المهمه لك كالتالي :

باي طريقه كانت الحذر الحذر من توقف اخوك عن اخذ العلاج او اهمال مواعيد الادويه اذا حس انه بخير .
كثير من الناس و انا منهم بعد مابديت بالادويه بثلاث ايام حسيت بالعافيه و بعد اسبوع رجعت طبيعي .. قلت خلاص الحمد لله طبت مافيه داعي للادويه .. و سبحان لله بعد شهر رجعت لي الحاله اقوى من قبل و رجعت للدكتور و قال لي ليش وقفت الادويه ،،، الحين اذا كانت الجرثومه بتنتهي خلال اسبوعين او شهر من المضاد الحين يبيلها شهرين من المضادات الحيويه اقل شي ،، لانك خذ المضاد و ضعفت الجرثومه جدا ،، و وقفت العلاج و ردت نشطت اكثر من قبل و مقاومتها للمضاد بتكون اقوى

[ريتويت]

لاحول ولاقوه الا بالله العلي العظيم ربي يشفيه

[طبيب قطري]

يأخذ حبوب اسمها فلاجيل مرتين باليوم لمدة خمس أيام وما يأكل دهون هالفتره بس سوائل وأشياء ساخنه فيها سكر

[chillis]

دكتور محمد العمادي مستشفى العمادي

[حياة]

رح مثل ماقالت الاخت بكره بدري مستوصف الجزيره
وشوف الدكتور حمدي ممتاز في هالحالات
مواعيده بعيده والصبح من 6:30 الين 9 الصبح يشوف من غير
مواعيد
وبالشفاء لاخوك ان شاء الله

[خالد_قطر]

انا كانت عندي من سنوات وسوا لي منظار الدكتور الكعبي وعطاني أدوية والحمد لله راحت وارتحت

بس لازم يبتعد عن الاكل الدسم والفلفل وبالذات مرق اللحم لأنه كان مشكلة بالنسبة لي

[رهج السنابك]

من شخص عنده جرثومة المعدة؟؟؟؟

عموما|ً لو الدكاترة شخصوه بأنه عنده الجرثومة لازم ياخذ مضادات حيوية اسمها العلاج الثلاثي ( مضادين ودواء معدة ثالث) لمدة 15 يوم او حسب مايحدد الطبيب

[يراعٌ فراتي]

الله يشفيه
والله جاتني قبل سنة قسما بالله كرهت كل شي

لانوم لا اكل

الحمد لله خلصت منها

يعطونه مضاد حيوي قوي+ فلاجيل لقتل الجرثومة والبرسايت + مضاد حموضة

يداوم على الفلاجيل اعتقد اسبوع الى 10 ايام
والمضاد يكمل فيه شهر تقريبا ويمكن اكثر حسب مناعته وحالته

والاهم يروح دكتور

انا رحت مركز المنصور الطبي اللي في مدينة خليفة

ولله الحمد


واذا يتابع مع العسل على الريق ويبتعد عن الاكل الحار والبهارات لين يتعافى

والاهم ماااااااااااااااااااااااااااااااااا يترك الدواء حتى لو تحسن

لين يسوي تحليل ويتاكد ان الجرثومة راحت


وما عليه شر

[Om Majed]

السلام عليكم ورحمة الله

جاتني جرثومة المعده ورحت للمركز الصحي وعطوني مضاد حيوي لمدة اسبوعين
والحمد الله تشافيت منها وأكل حبة ثوم على الريق تعطيه مناعه يقطعها نصفين ويبلعها مثل الحبوب مع الماي
وما يشوف شر ان شاءالله

[ضوى]

عن تجربة جرثومة المعدة وايد ترجع حتى مع العلاج

[نتفـه]

الله يشفيه ان شاء الله
لا باس طهور ان شاء الله

[(محمد)]

جزاكم الله خيرا وبارك فيكم جميعا

[الصغيره]

يروح لعياده او الطواري

الله يشفيه

[Chanel]

الله يشفيه ويعافيه
أنا تعالجت عنها عند دكتور محمد امين زبيب
بصراحه دكتور ممناز وطبت ولله الحمد

[كازانوفا]

بالنسبه لي سويت منظار عند الدكتور محمد العمادي بمستشفى العمادي ولله الحمد ضعي تمام
بس وقف اكل من بره البيت لان اللى سببلي ياها هو اكل المطاعم والعياااذ بالله

[وليف قطر]

انا صادتني في رمضان ..
وتعذبت منها

طبعا رحت مستوصف الجزيره اللي قبل جسر الجيده على اليسار
ماذكر اسم الدكتور

عطاني 4 ادويه

2 استخدمهم لمدة 5 ايام
و2 ابدء فيهم بعد الـ 5 الايام الاولى على طول

وبعدها سويت منظار وتأكدت انها راحت والحمدلله


موضوع الجرثومه فالمعده لها مرحلتين علاج والاغلب تروح من من المرحله الاولى اللي ذكرتها فوق ..

وأي دكتور باطنيه بيصرف لك نفس العلاج لانه متعارف عليه


واي خدمه ابشر بعزك ..

[الدوحي7]

مايشوف شر والله يشفيه،،
عليه بثوم مدقوق ومخلوط معا لبن،، والله الشافي،،

[ضوى]

انا صادتني في رمضان ..
وتعذبت منها

طبعا رحت مستوصف الجزيره اللي قبل جسر الجيده على اليسار
ماذكر اسم الدكتور

عطاني 4 ادويه

2 استخدمهم لمدة 5 ايام
و2 ابدء فيهم بعد الـ 5 الايام الاولى على طول

وبعدها سويت منظار وتأكدت انها راحت والحمدلله


موضوع الجرثومه فالمعده لها مرحلتين علاج والاغلب تروح من من المرحله الاولى اللي ذكرتها فوق ..

وأي دكتور باطنيه بيصرف لك نفس العلاج لانه متعارف عليه


واي خدمه ابشر بعزك ..

هم اثنين يا دكتور طارق او دكتور حمدي والاثنين خبرة وشطارة ماشاء الله تبارك الله في هذا المجال

[قطرية مثقفة]

خله يروح المستشفى الأهلى معانه وحده بالشغل نحفت بشكل غير طبيعي ومسكينه معاناة مع الإسهال تكرمون ومن مستشفى لمستشفى لمدة أشهر ومحد اكتشف ان عنده جرثومة المعدة إلا الأهلي والحمد لله بعد الله سبحانه ثم علاجهم واااايد أفضل وهي متابعه معاهم .

[Aaziz]

عن تجربة جرثومة المعدة وايد ترجع حتى مع العلاج

صحيح بكل اسف. و الحل ؟

[(محمد)]

جزاكم الله خير

وديته مستشفى الدوحة وقابلت دكتور اسمه طارق
وعطاه ادوية عبارة عن حبوب فقط .. ومنها حبة مضاد حيوي يوميا ....


على بالي بيعطينا ابرة مضاد ... ولكن ان شاء الله تفيده هالادوية.


ماقصرتوا جميعا

[دانة الطواش]

اخوي محمد مايشوف شر أخوك أنا أصبت بهذه الجرثومة السنه الماضية وذهبت للمركز الصحي التابع لنا وكتبت لي الدكتورة على نوعين من المضادات الحيويه وحبة اخرى قبل الأكل بنصف ساعة لمدة اسبوع ودامت عليها وبعد انتهاء الاسبوع دخلت على دكتورة ثانية ورجعت علي المضاد نفسة لمدة اسبوع اخر اي أسبوعين وداومت عليهم وبعد الأسبوعين عملت تحليل والحمد لله وبفضل منه انتهت المشكلة بس خلال هالاسبوعين شربت منقوع نبتة ( ل جعدة) وعملت منظار والحمد لله كل شي تمام ، وأخوي في نفس الفترة بعد صادته الجرثومه وكتب له دكتور في المؤسسة نوع واحد من المضادات وحبه قبل الأكل بنص ساعة لمدة اسبوع لكن لحد اليوم متبهدل تبهدل كل اسبوع تقريبا يرد له نفس الألم يعني ما استفاد من العلاج ، ادري طولت في الشرح بس الي أنا قاصدته مايترك العلاج ابد لين يكمل الكورس والله يشفيه يارب ، ودمتم.

[هارودز]

مايشوف شر اخوك انشاءالله