المراحل الدراسية

[العملة النادرة]

السلام عليكم ورحمه الله وبركاته

حبيت اخذ من خبرتكم في مساله المدارس والمراحل الدراسيه في المدارس الخاصه
طبعا على حسب علمي ان الطفل لما يصير عمره 6 سنوات يكون صف اول وفي استثناءات مواليد شهر واحد واثنين ممكن يسبقونهم سنه
فلما كنا في المدرسه كلنا في الصف مواليد مثلا 1993 بس يكون معانا مواليد 1994 تبع شهر واحد واثنين عشان ما اطوف عليهم سنه

السوال احين طبعا بدا تفكيري في تسجيل ولدي في احدى المدارس الخاصه خصوصا مدرسه المها قمت بالاتصال خبرتني التسجيل السنه اليايه بدايه شهر 2 وياخذون من 3 سنوات بكونون كي جي 1
لو بنحسبها كي جي 1 من 3 - 4
كي جي 2 من 4 - 5
معناها الطفل عمره خمس سنوات راح يدخل صف اول فمادري شلون الترتيب هل ذي الكلام صحيح هل اطفالكم عمرهم خمس سنوات وراح يكونون صف اول
المفروض وعلى حسب علمي في صف يسمى بري سكول او بري كي جي وهو الي يقبل من 3-4 وبالتالي الطفل لما يوصل ست سنوات يكون صف اول

ياليت الافاده من الاولياء الي عندهم ابناء في المدارس عشان الواحد يكون الموضوع واضح عنده خصوصا بعد الكوبونات التعليميه الكل راح يتجه للمدارس الخاصه وبالاخص مدرسه المها بما انها تتميز بالفصل بين الطلاب من بدايه الدراسه

[ضوى]

في الخاص سياسة القبول تختلف عن الحكومي

الحكومي حكم ست سنين ناقص شهرين مو مشكلة ، الخاص ممكن خمس سنوات وممكن اكثر