شالحل معاهــــــم ؟؟

[الحياة الخالدة]

بعض أو يمكن أغلب اللي يشتغلون في المحلات و خصوصاً محلات العطور و الملابس .. يقعدون يلحقونك في المحل وين ما رحت .. و مصرين يساعدونك ..
و أحيان كثيرة أدش المكان و اطلع من غير ما أشتري شي من كثر سندارتهـــــــم :anger1:

أنا عارفة إن لهم نسبة .. بس طريقتهم في الإلحاح تزهق ..

شلون تتصرفون معاهــــــم ؟؟

[ضوى]

اففففف اتنرفز منهم وامشي ولا كاني اشوفهم اصلا ماحب اشتري من احد يلح علي ويلاحقني من ركن لركن

[وثائقي]

هذي شحاته بطريقة غير مباشرة ياكثرهم كثراه الاشكال انا بالنسبة لي ماعطيه وجه لين يذلف ^^

[elders]

بكل بساطة اقول لهم بعد اذنكم اذا احتجت مساعدة بطلبها منكم ..مع ابتسامه

:)

[ام ناصر1]

لاتعبرينهم ..سوي نفسج ماسمعتي ايش قال ...وبيمشون لحالهم
بس هاي داخل السوق ...او محل بالمول ...اذا محل قولي لهم إنج جايه لهدف محدد وهو ..
أو اخذي كرت البايعة وقولي لها ...اذا احتجت اي شي بالمحل باتصل فيج توفرينه لي بخصم لاني زبونه عندكم ..ومن هالحجي ...

[intesar]

أقول لهم شكرا جاية أتفرج فقط..

[الحياة الخالدة]

اففففف اتنرفز منهم وامشي ولا كاني اشوفهم اصلا ماحب اشتري من احد يلح علي ويلاحقني من ركن لركن


صاجة يا ضوى ينرفزون ما يخلونـــــج تركزين في اللي تشوفينه .. و احياناً من حنتهم تاخذين شي ما تبينــــــه ..

تسلمين يا ضوى

[طموحي عالي]

اف اف اف ولا اذا جات من شرق اسيا وصوتها صوايه

ومن كثر اللح اطلع واطنش عناد واذا ابي اخذ شي مضطره ادوده
كله كوم ومالوت الميك اب والعطورات كوم ثاني وووواااااي احس تنرفزت تذكرت حركاتهم


انا اقولهم بس اشوف اتفرج عشان تروح عني واذا اسالتني عن شي او تراويني اقولها عندي

[الحياة الخالدة]

هذي شحاته بطريقة غير مباشرة ياكثرهم كثراه الاشكال انا بالنسبة لي ماعطيه وجه لين يذلف ^^


إي و الله يا كثرهم
أحياناً حتى لو تطنشهــــم يقعدون يحوسون حواليك يعني ترانا موجوديـــــن :anger1:

نورت الموضوع أخوي وثائقي

[الحياة الخالدة]

بكل بساطة اقول لهم بعد اذنكم اذا احتجت مساعدة بطلبها منكم ..مع ابتسامه

:)


بعضهم يسمعون الكلام و يروحون .. لكن بعضهم يسوون نفسهم ما سمعوا أوما فهمـــــوا .. و يتمون لازقين ..

حياج الله أختي إلدرز

[استقرار]

بكل بساطة طنش .. وإذا العطر زين وتبي تفتك قل رش على هدومي كثير بخليه يبقى وإذا زين رجعت لك بيتضايق ويحاول يبعد عنك

[الحياة الخالدة]

لاتعبرينهم ..سوي نفسج ماسمعتي ايش قال ...وبيمشون لحالهم
بس هاي داخل السوق ...او محل بالمول ...اذا محل قولي لهم إنج جايه لهدف محدد وهو ..
أو اخذي كرت البايعة وقولي لها ...اذا احتجت اي شي بالمحل باتصل فيج توفرينه لي بخصم لاني زبونه عندكم ..ومن هالحجي ...


أحسن شي التطنيش .. بس أنا استحي أطنش
بس ممكـــــن أقول لهم جاية لشيء محــــــدد ..
و فكرة الكرت بعد حلــــــوة ..

تسلمين يا ام ناصر

[الحياة الخالدة]

أقول لهم شكرا جاية أتفرج فقط..


تنفع هالطريقة أحياناً .. بس بعد يردون و يعرضون عليج الأشياء الموجودة
أو اللي ينرفز أكثر .. اللي تمشي وراج و ترتب الملابس أو العطورات اللي مسكتيها حتى لو ما كنتي مخربة الترتيب .. المهم تحسســــج إنج عفستي

نورتي أختي انتصـــار

[الحياة الخالدة]

اف اف اف ولا اذا جات من شرق اسيا وصوتها صوايه

ومن كثر اللح اطلع واطنش عناد واذا ابي اخذ شي مضطره ادوده
كله كوم ومالوت الميك اب والعطورات كوم ثاني وووواااااي احس تنرفزت تذكرت حركاتهم


انا اقولهم بس اشوف اتفرج عشان تروح عني واذا اسالتني عن شي او تراويني اقولها عندي


ههههههههه صواية
أقول لج يحدونج تاخذين شي غير اللي انتي جاية له .. أو تطلعين بدون ما تاخذين الشي اللي تبينـــه مع انه يكون موجود عندهم

و الا العطورات .. كل ما تسألينها شنو الجديد إلا مصرة على ماركة معينة .. إذا سألتيها عن الماركات الثانية تقول ما في شي يديد :anger1:

حياج الله أختي طموحي عالي

[الحياة الخالدة]

بكل بساطة طنش .. وإذا العطر زين وتبي تفتك قل رش على هدومي كثير بخليه يبقى وإذا زين رجعت لك بيتضايق ويحاول يبعد عنك


المشكلة إنهم متعودين ما يتضايقون ..ما دام السالفة فيها فلوس

شكراً لك أخوي استقرار

[رهج السنابك]

هالموضوع حده ينرفز

شوفي انا قبل كنت استحي واااااااايد ماكنت متعوده اتسوق بروحي كله امي معاي ولما بديت اروح السوق لحالي كنت غشيمة حدي غشيمة ادش محل ويهجمون علي استحي اردهم اخذ واخذ اشياء ماتصلح لي وارد البيت فيني حرة ومتحسفة ليش خذت وانا مستحية
عقب شوي شوي بديت افهم اللعبه واتجرأ اقول مابي او هذا سعره ماعجبني غالي

اما باريس غالري حرمت اطبهم من كثر الحنه كل ما التفت وحده بويهي غصب اخذ من عندها

وسيفورا نفس الحكاية واللي يقهر ريايل ولبنانيين خيررررررررررررر ابوي معقولة بقعد اشمشم عطورات وانت ترشهم لي انجلع زين اقول له مابي ومرات انحرج واطلع من المحل وانا بخاطري كنت اجرب العطور


وبعد محل وجوه نفس القصة لقيت وحده عندها كريمات للبشره وتقعد تحط لي وتجرب لي واستحيت وخذت بمبالغ كبيرة وللاسف مانفعتني واصلا ماكنت ناوية اشتري بس انحرجت لانها حطت لي وايد

كم مرة اقول لنفسي خلج اقوى ولا تستحين الفلوس فلوسج والحاجة الي ماتبينها لاتاخذينها بس ما مني فايده مرات اتجرأ ومرات انحرج واخذ

[ام ناصر1]

حلو رد الارستقراطية ..أنا من باريس جاليري تعلمت سالفة الكروت ...وصج ملغين فماقمت اروح لهم بروحي

[qatarshark]

مافي احلى من السين:nice:

[: بوحمود :]

بالنسبه لي أزفهم زف لان اسلوبهم في التسويق فاااااشل ادش اخذ الغرض الي ابيه واطلع

[chillis]

عن نفسي اقولهم جايه اشوف لان ماحب احد يلحقني

[بونووف]

اي عطر يجيبونه لي اقولهم عندي وجاي اخذ شي معين واطلع

[حليتان*]

هاي فكوم و الي اصلا ماتروحين لهم وهم يلاحقونج كووم ثاني مثل خان الصصااابون انششششب ماخلق ربي

كل مامر من قدامهم لازم يناادوني واسحب عليهم

مره نشب ليي نشبه مب نشبه قلت له ذبحتني ياخي ماعندي فلووس مفلس ههههههههه

[الحياة الخالدة]

هالموضوع حده ينرفز

شوفي انا قبل كنت استحي واااااااايد ماكنت متعوده اتسوق بروحي كله امي معاي ولما بديت اروح السوق لحالي كنت غشيمة حدي غشيمة ادش محل ويهجمون علي استحي اردهم اخذ واخذ اشياء ماتصلح لي وارد البيت فيني حرة ومتحسفة ليش خذت وانا مستحية
عقب شوي شوي بديت افهم اللعبه واتجرأ اقول مابي او هذا سعره ماعجبني غالي

اما باريس غالري حرمت اطبهم من كثر الحنه كل ما التفت وحده بويهي غصب اخذ من عندها

وسيفورا نفس الحكاية واللي يقهر ريايل ولبنانيين خيررررررررررررر ابوي معقولة بقعد اشمشم عطورات وانت ترشهم لي انجلع زين اقول له مابي ومرات انحرج واطلع من المحل وانا بخاطري كنت اجرب العطور


وبعد محل وجوه نفس القصة لقيت وحده عندها كريمات للبشره وتقعد تحط لي وتجرب لي واستحيت وخذت بمبالغ كبيرة وللاسف مانفعتني واصلا ماكنت ناوية اشتري بس انحرجت لانها حطت لي وايد

كم مرة اقول لنفسي خلج اقوى ولا تستحين الفلوس فلوسج والحاجة الي ماتبينها لاتاخذينها بس ما مني فايده مرات اتجرأ ومرات انحرج واخذ


المحلات اللي ذكرتيها ينقشونج من بعيد .. ما يمديــــج تدشين الا التموا عليج مثل النمل لين يدور راســــــج .. تطردين وحدة تييج الثانية :anger1:

تسلمين أختي

[شبح الصمت]

هاي فكوم و الي اصلا ماتروحين لهم وهم يلاحقونج كووم ثاني مثل خان الصصااابون انششششب ماخلق ربي

كل مامر من قدامهم لازم يناادوني واسحب عليهم

مره نشب ليي نشبه مب نشبه قلت له ذبحتني ياخي ماعندي فلووس مفلس ههههههههه




ههههههههههههههههههههههههههههههههههاي

ههههههههههههههههههههههههههاي

ههههههههههههههههاي

صدقت والله

[بوحمد111]

انا بطبعي على طول اقول لهم خلوني بحالي واذا طلبت مساعدة بناديكم واذا ما خلوني اطلع من المحل وانا اتحلطم عليهم

[لمعة الالماس]

وايد ينرفزون بهذي الحركة

الواحد يبي يشوف على راحته ويشم على راحته ويجرب المكياج اللي ييعجبه

واذا عنده استفسار بيسال البايع

اما انه البايع يقعد يجبرني اشتري واجرب ما احب

واتضايق واطلع من المحل ولا اخذ اللي بخاطري

بس ما اخليهم يقصون علي ويخلوني اشتري شي مابيه :nice:

[الحياة الخالدة]

حلو رد الارستقراطية ..أنا من باريس جاليري تعلمت سالفة الكروت ...وصج ملغين فماقمت اروح لهم بروحي


يعني تهقيــــن إذا طلبنا منهم الكرت بنفتـــــك منهم :rolleyes2:

[الحياة الخالدة]

مافي احلى من السين:nice:


هو أحســـــن حل .. بس يبيلــــه تدريب :nice:

حياك الله يا شارك

[الحياة الخالدة]

بالنسبه لي أزفهم زف لان اسلوبهم في التسويق فاااااشل ادش اخذ الغرض الي ابيه واطلع


انتو الشباب ما شاء الله عليكم يمكن ما يسندرونكم وايد تعرفون لهم عـــــدل

حياك الله أخوي

[الحياة الخالدة]

عن نفسي اقولهم جايه اشوف لان ماحب احد يلحقني


إذا بيحســــون على دمهم و بيفارقون زين :)

حياج الله أختي شيلليز

[بصمة قطرية]

اول ما تجي صوبي اقول لها جاية اتفرج
اذا بغيت شي بقول لج :anger1:

[الحياة الخالدة]

اي عطر يجيبونه لي اقولهم عندي وجاي اخذ شي معين واطلع


على جذي عندك عطورات وايد :nice:

حياك الله أخــــوي

[الحياة الخالدة]

هاي فكوم و الي اصلا ماتروحين لهم وهم يلاحقونج كووم ثاني مثل خان الصصااابون انششششب ماخلق ربي

كل مامر من قدامهم لازم يناادوني واسحب عليهم

مره نشب ليي نشبه مب نشبه قلت له ذبحتني ياخي ماعندي فلووس مفلس ههههههههه


إي و الله صادق .. نشبه ما عقبها نشبــــه
إذا شفتهم من بعيــــــد أغير طريقي :anger1:

حياك الله أخـــوي أماف

[الحياة الخالدة]

ههههههههههههههههههههههههههههههههههاي

ههههههههههههههههههههههههههاي

ههههههههههههههههاي

صدقت والله


شكلك معاني منهم
و اعتقدالأغلبيية طاحوا في يدهم ...

[الحياة الخالدة]

انا بطبعي على طول اقول لهم خلوني بحالي واذا طلبت مساعدة بناديكم واذا ما خلوني اطلع من المحل وانا اتحلطم عليهم


بعضهم و الله غثيثيـــن لو تقول لهم ما يوخرون عنك .. لين تطلع

حياك الله أخوي بوحمد

[الحياة الخالدة]

وايد ينرفزون بهذي الحركة

الواحد يبي يشوف على راحته ويشم على راحته ويجرب المكياج اللي ييعجبه

واذا عنده استفسار بيسال البايع

اما انه البايع يقعد يجبرني اشتري واجرب ما احب

واتضايق واطلع من المحل ولا اخذ اللي بخاطري

بس ما اخليهم يقصون علي ويخلوني اشتري شي مابيه :nice:


لا ما يخلونج على راحتـــــج .. إلا تاخذين على ذوقهم :anger1:
أغلب الأحيان نطلع من غير ما نشتري شي

نورتي الموضوع أختي

[الحياة الخالدة]

اول ما تجي صوبي اقول لها جاية اتفرج
اذا بغيت شي بقول لج :anger1:


ههههههههه وتقولينها بابتسامــــة و الا و انتي معصبة ؟؟ :nice:

نورتي الموضوع يا بصمــــة

[شمس2]

اختي شرايج لين ياو ثنتين يتهاوشون عليج كل وحده تبي تاخذج صوبها لا ويحقدون على بعض :anger1: عاد انتي تضيعين بينهم :rolleyes2:

[الحياة الخالدة]

اختي شرايج لين ياو ثنتين يتهاوشون عليج كل وحده تبي تاخذج صوبها لا ويحقدون على بعض :anger1: عاد انتي تضيعين بينهم :rolleyes2:


هههههههههه ساعتها ودج تهمدينهم باللي في يدهم على راسهم :nice:

حياج الله أختي ..