محتااااااااار ياخبراء تايلند ( بانكوك ) !!!!!!!!!!!!

[بدوي]

رايح بانكوك ان شاء الله ( تشيك آب )


ومحتار في السكن بين فندق ( انتركونتيننتال ) وفندق ( كمبنيسكي سيام )


( الأنتر ) سكنته من قبل وماعليه كلام !! و ( كمبينسكي ) قريت عنه وشفت الصور والميزه انه شابك مع مجمع ( سيام براجون )


فياليت من اصحاب الخبرة او اللي جرب ( كمبينسكي ) يفيدنا في الموضوع .



وشكرآ

[Yaas]

مرحبا اخوي

فندق كمبنسكي من افضل الفنادق في تايلاند من كل النواحي توكل على الله ويحفظك الرحمن و ما تشوف شر

[المسعف]

مافي فرق كثير لكن كمبنسكي افضل
والله يطمنك على صحتك

[بدوي]

مرحبا اخوي

فندق كمبنسكي من افضل الفنادق في تايلاند من كل النواحي توكل على الله ويحفظك الرحمن و ما تشوف شر


شكراً عالرد اخوي

والشر مايجيك

[بدوي]

مافي فرق كثير لكن كمبنسكي افضل
والله يطمنك على صحتك



جزاك الله خير اخوي

كان ودي اللي له تجربه مع كمبنيسكي يذكرها لنا

عموماً شكراً لك

[Abdullah_89]

لو انت محتار بين هالفندقين

كمبنسكي افضل بكثييييير


اما لو حبيت فندق حلو وراقي ورووعه بمعنى الكلمه عن تجربه ومجاور للمستشفى الملكي ( مستشفى بانكوك ) فهو فندق اماري ريزيدنس


اما جنب الامريكي فندق زينيث 4 نجوم سعره حلو و3 دقايق مشي من شارع العرب

[بوخالد911]

بصراحة ما جربتهم

بس لو مكانك
اختارر كمبنسكي

ولا اتراااجع

[الدوسري قطر]

كمبنسكي حلو اذا كنت تبي تسكن جنب المجمعات

انا عن نفسي ما اسكن الا في جي دبل يو ماريوت عند شارع العرب وقريب من المستشفى الامريكي مسافة عشر دقايق مشي او اقل

الصراحة الخدمة ممتازة وامان ومافيه مسخرة 90% عوائل

[بـن عدوان]

الف سلامه عليك وسفرة موفقه

[Um Sultan]

كمبنسكي عن تجربه روعه راقي ونظيف جنب مجمع سيام براقون تطلع من الفندق تدخل المجمع غير هاي عندهم توصيل مجاني لين مجمع طوكيو ومجمع السنترال وتدق عليهم يجون ياخذونك


لا تتردد نظامهم في الفندق حلو اما غرف فندقيه او شقق فندقيه

[نوار قطر]

لو انت محتار بين هالفندقين

كمبنسكي افضل بكثييييير


اما لو حبيت فندق حلو وراقي ورووعه بمعنى الكلمه عن تجربه ومجاور للمستشفى الملكي ( مستشفى بانكوك ) فهو فندق اماري ريزيدنس


اما جنب الامريكي فندق زينيث 4 نجوم سعره حلو و3 دقايق مشي من شارع العرب

اماراي كاان حلووو بس من كثر الناس الي فيه رااح فيهاا وفعلا كنا نروح المستشفى مشي

[الدوسري قطر]

اذا انت تبي فندق قريب من المستشفى شوووف وش الاقرب

اما اذا عن الفندق نفسه ف اكيد كمبنسكي هو الافضل

وماعليك شر

[حمد بن خالد]

انا سكنت الاثنين

وارشح فندق كمبنسكي

وتروح وترجع بالسلامة