نعودهم ونشتكي منهم !!!

[هسلان]

السلام عليكم ورحمة الله وبركاته

بعد طول غياب بطل عليكم بموقف شفته من يومين وشفت أنه من المهم التنبيه عليه

المكان عيادة الاطفال مستشفى حمد العام
الزمان بعد صلاة المغرب
الحدث : بخشيش :nice:
واحد من الناس مع بنته في العيادة ياخذ الحرارة قبل الدخول للطبيب أنا جالس انطر الدور للمختبر وشد انتباهي هذا الاب الفاضل يخرج من جيبه مائة ريال بخشيش للمرضة اللي تاخذ الحرارة والغريب أن الممرضة رفضت أن تأخذ البخشيش ولكن صاحبنا اعتقد أن المبلغ مش كفاية ودخل يده بجيبة واخرج مائة ثانية وهنا انقطع عندي الارسال بعد اغلاق الستارة

طيب ليه البخشيش يا شيخ طالما الممرضة تقوم بعملها ؟
هل قصدك عطف أو قصدك تقديمك على الناس ؟
هل تعلم أن كان قصدك تخطي الدور فأن مافعلته يعتبر رشوة ؟

تدهنون السير لين يتعودون على الدهان بعدين تشتكون عججججججيب

[اجرام]

حتى بهذا المكان اوصلت الرشوه

[@north_star@]

فعلا هذول هم الي يعودون بعض الموظفين والناس على البخشيش ...إذا الموظف أصلا يقوم بعمله ومقابل راتب شهري فليش البخشيش ؟؟؟

[مشاكل]

اخبر البخشيش حق اللي يغسل سيارتك حق الحمالي حق اصحاب المهن الاخرى مثل الكهربجي الميكانيكي الفيتري

لكن ممرضات ؟؟!! اول مره اسمع فيها :con2:

خاطري أسأل سؤال بس مممممم ،،،، ولا اقول ،،، خلاص مايحتاج :secret:

[حراير قطر]

اما :omg:

انا اخبر يعطون دكاترة الولادة

صاروا يعطون الممرضات بعد

المشكلة ناس اتخرب على ناس

وبيجي يوم بيقولون حق الناس بتعطونا بندخلكم بسرعة :rolleyes2:

[الجني]

حتى مستشفيات بانكوك خربوها العرب بالبخاشيش

[ريم 28]

بالامس الساعه العاشره
جمعية الميره

العامل احضر لي العربانه فقط الئ السياره

وانتظرني عند النافذه لا يتحرك لا يذهب

(اش تبي ترا والله ما عندي كاش انا ادفع بالبطاقه
متوهقه) اكلم نفسي

وهو مب راضي يروح
لين اضطريت اكلمه واقول له ما عندي :(

مشكله اذا تعودوا :anger1:

[زمان]

المفروض نسوي حمله لمحاربة البخشيش

وكل واحد يسأل نفسه : هل اديت زكاة مالي
هل قدمت فلوس لاحد من جماعتي الي محتاج فعلاً

بحسبة بسيطه لو اني احلق واعطي الحلاق بخشيش 10 او 20 ريال فقط مع كل تحليقة

وبالشهر الواحد يحلق اقل شئ اقل شئ اقل شئ 4 مرات

الناتج في الشهر 40 الى 80 ريال ( ضرب ) 12 شهر = 480 او 960 ريال

الحل :

استقطع من راتبك 100 او 200 ريال فقط لاغير ( وزاد الله من زاد ) كل واحد وقدرته
و احتسبها لوجه الله وقطها في صندوق التبرعات او عطها لشخص محتاج فعلا
ولا تقول انها قليله اني ادفع 100 والا 200
فكل فلس فيه بركة أن شاء الله

ومجالات التبرع كثير جداً

وبدل ماتكون بخشيش بدلها إلى صدقه

[مشاكل]

بالامس الساعه العاشره
جمعية الميره

العامل احضر لي العربانه فقط الئ السياره

وانتظرني عند النافذه لا يتحرك لا يذهب

(اش تبي ترا والله ما عندي كاش انا ادفع بالبطاقه
متوهقه) اكلم نفسي

وهو مب راضي يروح
لين اضطريت اكلمه واقول له ما عندي :(

مشكله اذا تعودوا :anger1:

لاعاد اختي ريم الا هالحماليّة مساكين يستاهلون والله والاجر عليهم ترى
،،،
انزين دام ماعندج كاش جان دورتي منّيه منّاك فالدرج او شنطتج يمكن تحصلين انصوص علوج اي شي

[ام ناصر1]

بالامس الساعه العاشره
جمعية الميره

العامل احضر لي العربانه فقط الئ السياره

وانتظرني عند النافذه لا يتحرك لا يذهب

(اش تبي ترا والله ما عندي كاش انا ادفع بالبطاقه
متوهقه) اكلم نفسي

وهو مب راضي يروح
لين اضطريت اكلمه واقول له ما عندي :(

مشكله اذا تعودوا :anger1:

صار فيني نفس الموقف بس أنا متعوده احط نوط عشر وخمسين بسيارتي ..احتياط ..فقلت للحمالي ماعندي خرده خذ العشر جيب خرده ورجع الباقي ...

[ضوى]

الحالة اللي ذكرتها الصراحة مؤسفة ، تعتقدون اب وجاي مستشفى ببنته الصغيرة ليش يرشي الممرضة ؟؟

الله يشفي بنته ويغفر له غلطته الكبيرة هاي