لو سمحتوا أبغي منكم خدمه سريعه ولكم الشكر

[المهاجر2]

السلام عليكم أخواني وأخواتي الكرام

اذا واحد عمره 40 سنه وصار له في الشغل 20 سنه وراتبه الاساسي 26000 والعلاوة الاجتماعيه 6000 كم راح يكون راتبه لو قدم على التقاعد وهل علاوة السكن يضيفونها لراتب التقاعد ام لا؟ يعني باختصار اشلون الحسبه

وجزاكم الله خيرا

[المهاجر2]

يا جماعه أبغي المساعده جزاكم الله خير

[Um Yousif]

على حسب خبرتي البسيطة

يحق للموظف التقاعا بعد فترة خدمه 15 سنة يكون راتب التقاعد عبارة عن الراتب الاساسي والعلاوة الاجتماعية فقط

واتمنى انك تلجا للموارد البشرية عندكم وتتاكد منهم اكثر وتطلب منهم يسوون لك الحسبة الاكيده

[ضوى]

ياخذون متوسط اخر خمس سنين راتب ، وطبعا بتشتري منهم مدتك الباقية انا بنفس الحالة وبزيادة عدد سنوات الخبرة ، يوم سالت بالتقاعد قالوا لي 17 الف راتبي كامل

وبدل السكن مايدخل في الراتب يشطب من الراتب للاسف ، اجتماعية واساسي فقط

[المهاجر2]

شكرا جزيلا يا ام يوسف ويا ضوى ويعطيكم العافيه على مروركم وتعليقكم ونصايحكم بس ابغي حسبه انا حطيت ارقام وابغي نتيجه لمن عنده العلم وشكرا للجميع

[الدوحه1]

يتم خصم 2.5% عن كل سنه فرق بينك وبين سن التقاعد.
عمرك 40 سنه وسن التقاعد 60 سنه.... الفرق 20 سنه
20 سنه في 2.5% = 50%
راتب التقاعد : (الراتب الاساسي + الاجتماعيه) 50%.
يعني نص الاساسي + الاجتماعيه

هذا في حالة طلبك انت للتقاعد
اما اذا جهة عملك احالتك للتقاعد فهى تتحمل ال 50% يعني تستلم الاساسي + والاجتماعيه بدون اي خصم..

[الزعفراني]

شكرا جزيلا يا ام يوسف ويا ضوى ويعطيكم العافيه على مروركم وتعليقكم ونصايحكم بس ابغي حسبه انا حطيت ارقام وابغي نتيجه لمن عنده العلم وشكرا للجميع

تواصل مع هيئة التقاعد وصندوق المعاشات يمكن يفيدونك .. لان طرق حسبة التقاعد متعددة وتعتمد على أمور وحالات كثيرة :rolleyes2:

[المهاجر2]

جزاكم الله خيرا وشكرا على الافاده