طراره ولكن نوع فاخر

[الصغيره]

تنوعت الطراره

وتنوع الاسلوب

وتنوع اختيار الموقع

وتنوع اختيار الوقت

مع اقتراب العيد

يكثرون رجال نساء والاساليب غريبه

ديننا الحنيف يقول ( اما السائل فلا تنهر) تمد يدك بعطاء قدر استطاعتك ياتي الرد زد شوي والله ما يكفي انتوا بخير وياتي الالحاح وطرق كسر الخاطر الاجار باقي عليه 300 والله بنسكن الشارع

الاماكن خياييط العبي
خييايط الملابس النسائيه الرجاليه
الاسواق
عند السيارات

العجيب ما يجون عند المطاعم مدري ليه :)

لو صادفكم حد مثلهم وعطيتوه المقسوم واللح على طلب المزيد كيف تتصرف وهل كنت بهالموقف


ياليت نسمع اراءكم

وشكرا

[حميداني]

اعطيه لكن ما تعاطف صراحه مع اللي يطلب زياده عن اللي اعطيته
لو حدد لي من البدايه الرقم بحاول اعطيه اياه كامل ان كان بالمستطاع او الاقرب له قد ما اقدر لكن الويل ويله لو شفته مره ثانيه يطلب مني او من غيري

هي صدقه مب ضايعه لكن بستخسرها ان يات في يد نصاب بدل محتاج عن حق

[حميداني]

ذكرتيني بموقف صادفني من فتره
كنت بمحطه الا وواحد جنسيته اسيوي اظنه باكستاني او شي جذي جه وسالني عن فلوس البترول
وان متوهق والرقم كان غريب , الرقم عماني فصدقته وعطيته شي يصرف في حاله روحه ورده

لكن عقب فتره اظنها يومين طلعت من مجمع الا وهو ونفس الشخص ويقولي نفس القصه
شنو قهرني .... طلبت منه بطاقته خذت الاسم والرقم ورجعتهم له
بلغت عليه ومشيت , وفي نفسي اقول اشكره من كثر اللي سوى فيهم هالحركه نسى شكلي

يعني الله يستر بس

[خالد32]

اهم شي الدية 30 مليون
ولا تطلع 100 ريال يناظرك من فوق لي تحت
الله ييسر حاجة المحتاج و يهدي الي وظيفته الرسمية الطرارة

[Rashid554]

انا قبل كنت اعطي
لكن الحين خلاص ما اعطي احد واكتفي بالجمعيات الخيريه

[Google]

أحذركم من اللي يطرون وخصوصا عند مواقف السيارات ,,,, لانه جاني ثنتين وقالوا لي ان عندنا مريض ونحتاج المساعده ومخلصين علاجنا بس باقي لنا تذاكر الطيران والمصيبه هالاشكال شايفهم في دبي وابوظبي وحتى في لندن ههههههه ,,,, قلت لها البوك في البيت وماعندي الا ريالين في مخباي قالت خلاص تجود بالماجووود يعني عطني الريالين اللي بمخباك ,,, عطيتها الريالين وهي معصبه وتسب هههههههههههههههههه . ومب اول مره اشوفهم دايما يجون في كل المجمعات يتصيدون للشباب . الحذر ثم الحذر ,,,, المفروض الدولة تحقق من وراء هالناس ؟

:nice: :nice: :nice: :nice: :nice: :nice:

[لمعة الالماس]

ما اعطيهم شي لانهم بكامل صحتهم ويقدرون يشتغلون اي شغله يكسبون من بعدها المال

نتبرع في الجمعيات الخيرية للناس المحتاجة.

[حفيد الأنصار]

انا قبل كنت اعطي
لكن الحين خلاص ما اعطي احد واكتفي بالجمعيات الخيريه



:nice:

[al_maystro]

في طرارة من نوع ثاني واحذروا منها واطالب بتبليغ الجهات المختصه عنهم
طرارة السلف بو500 ريال لاخر الشهر
وحده قعدت تتسلف هالرقم 500 ريال وبعد 3 سنوات تصادفت معها بالبنك تكسر وديعه ب600 الف؟!!!
الصمت على الطرارين اللي يركبون اخر موديل كارثة

[خليفـة]

بعطيه .. ما راح انهره
لكن بعطيه علوج نعناع الحار .. عشان يحرق بلاعيمه
وابلغ عليه مباشرة

صارت مهنة لهم .. والي عندهم اكثر من الي عند الي بيعطيهم
في احيان كثيرة

خليفـــة

[لاجل QT]

ههههههههههه

يمكن يستانس بعلوج النعناع انا احبة وايد:shy:

اليكم قصتى

مرة في حمام الاند الله يعزكم في رمضان ماكان عندي خدامة..داخل الحمام انطر بنتى الا وحدة من الجاليات العربية..قاعد تبتسم لي..اقول اشفيها ذي:eek5: ..المهم الا تجر معي حجى..تمت تشكي الحال وزوجها عاطل وهي تبي تشتغل خدامة عندى وقالت كلام كثير لاحظت وهي تكلم طل في عينى تشوف تاثير كلامها على تكلم بالعين والحاجب واليد..يبين انها عيارة من عيونها كلها خبث:)

قلت لها كان ودي اساعدج بس عندى ثلاث خدامات في البيت:weeping:

[ديار الخير]

في كل الأحوال، سواء تصدقنا أم لم نتصدق عليهم ....،

يجب أن لا ننهرهم ، فصيغة الأمر في الآية واضح [ فلا ] . فعل أمر .

//

يصادفوننا كثيراً عمال النظافة، ألاحظ أنهم يلقون السلام كثيراً بقصد استجداء الصدقة والله أعلم ....،
رغم عملهم .

لكنّ المتصدق يرجو الثواب ليس إلا ....، سواء نال صدقته غنيّ أو فقير أو معسر .

وأرى أن بعض الأعضاء يتكلم عن المخادعين من المتسولين، كأن صدقته لم تقبل وهذا خطأ .


وقال الكاساني في بدائع الصنائع: وأما صدقة التطوع فيجوز صرفها إلى الغني لأنها تجري مجري الهبة. انتهى.

http://www.islamweb.net/fatwa/index.php?page=showfatwa&Option=FatwaId&Id=71401


تحيتي ،

[نوار قطر]

بعطيه .. ما راح انهره
لكن بعطيه علوج نعناع الحار .. عشان يحرق بلاعيمه
وابلغ عليه مباشرة

صارت مهنة لهم .. والي عندهم اكثر من الي عند الي بيعطيهم
في احيان كثيرة

خليفـــة

هههههه شحادك عليه تحرق بلاعيمه كفايه الي فيه :rolleyes2:


انا صادفوني وااايد واعطيهم بس مره واحد نشب لي وعطته المقسوم الاخ محتج ليش اعطيه هالمبلغ قلت له اوكى عطني المبلغ وبعطيك اكثر قال اوكى ويوم عطاني قلت له روح مافي فلوس عشان لا ااتبطر على النعمه بس تم يتبجبج عاد رجعت له نفس المبلغ ،،،،

ترى الطراره وصلت لي الوزارات عندنا من فتره ياتنا وحده كبيره في السن انا على بالي انها مضيعه تبي تسال عن معاملتها طلعت تطلب المقسوووم من الموظفين والموظفات ومب مره وخلاص لا كذا مره اتيي ،،،،

[لـبـيـه]

ياجماعه اذا شاكين فيه لا تعطيه وبس قوله الله يعطيك

بسم الله الرحمن الرحيم ( وأما السائل فلا تنهر ) صدق الله العظيم

واذا مب شاك عطه واجرك على الله

اما الي بيعطيه علوج او نص ريال او يحاول يستهزء به ترى يمكن فعلا محتاج

ومايبين عليه كثير منهم جي فاما بتعطيه او تقوله الله يعطيك ويرزقك وبس

ودايما احمد الله واشكروه على نعمه

[نوار قطر]

ياجماعه اذا شاكين فيه لا تعطيه وبس قوله الله يعطيك

بسم الله الرحمن الرحيم ( وأما السائل فلا تنهر ) صدق الله العظيم

واذا مب شاك عطه واجرك على الله

اما الي بيعطيه علوج او نص ريال او يحاول يستهزء به ترى يمكن فعلا محتاج

ومايبين عليه كثير منهم جي فاما بتعطيه او تقوله الله يعطيك ويرزقك وبس

ودايما احمد الله واشكروه على نعمه



محد استهزأ:omg: الفقر مابه عيب والموت مابه شماته بس اما انه ايي يطر ويتشرط في المبلغ لا مب عدله هاي الي يقول عطوه من مال الله قال اوزنوه

[شموخ]

في الوقت الحالي صرت ما اعطيهم بعد ما عرفت انهم نصابين يعني اعطيهم المقسوم ويقولون لك لأ نبي مبلغ كبير وش شايفين قدامكم مليونيرية

[الصغيره]

اشكركم على التواجد والردود والنصايح والتجارب

الحمدلله اللهم ادم النعمه علينا لكن ان نعطي المقسوم ويوقفون ويقولون زدوا عطونا اكثير وداخله علينا بمحلا للعبي انتي شايفه اش معي عطيتك اللي الله قاسمه وفيه الخير يعني مش قليل جعله صدقه لوجه الله لكن ان تحرجني وتقول والله الاجار باقي عليه كذا وكذا لو تزيديني

قالوها قديما طرار ويتشرط

اللهم فك ضيقتهم وارزقهم واكفينا بحلالك عن حرامك

بدبي وسائل الاعلام تقول طراره تركب مرسدس

من عرق جبينها تقول

:)

[basma222]

في الميرة يشترى اغراض وبعد يقول لك ممكن تدفع عني

[بونووف]

ذكرتيني بموقف صادفني من فتره
كنت بمحطه الا وواحد جنسيته اسيوي اظنه باكستاني او شي جذي جه وسالني عن فلوس البترول
وان متوهق والرقم كان غريب , الرقم عماني فصدقته وعطيته شي يصرف في حاله روحه ورده

لكن عقب فتره اظنها يومين طلعت من مجمع الا وهو ونفس الشخص ويقولي نفس القصه
شنو قهرني .... طلبت منه بطاقته خذت الاسم والرقم ورجعتهم له
بلغت عليه ومشيت , وفي نفسي اقول اشكره من كثر اللي سوى فيهم هالحركه نسى شكلي

يعني الله يستر بس



هاي الحركه صارت لي في السعوديه على خط البطحا كنت راجع من الامارات اول مادخلت المحطه الا واحد عنده كابريس قديم عليه نمرة عمان اول مادخلت الا ياشر لي وطقعت له وصفيت عشان اصب بترول الا يقولي الهندي مال المحطه يقولي ترى هاي صار له اكثر من ثلاث ايام يوقف اي قطري واماراتي يطلب منهم فلوس يعني الحركات والتفنن في الطراره كل ماله تطور

وفي واحد باكستاني دايما يدخل القهوه يسلم ويمد يده يعني عطني فلوس ودايما يعطونه على خمس وعشر يعني فاليوم بالراحه يطلع ب 200 و 300 ريال

وغير اللي يجيك يقولك انا جيت قطر ابي اشتغل بس مالقيت شغل والحين ماعندي مكان ارقد ولا فلوس اكل هذيلن اقولهم روحوا سفارتكم خلي يدورون لكم حل لانه لو عطيتك 100 ولا 200 مابتكفيك لين اخر االيوم

اما اذا كان شايب اعطيه المقسوم

[PrivateHeart]

اللي محتاج فعلا تلاقيه مكسور الخاطر ومتعفف وقاعد بيته
اما اللي نشوفهم ما اقدر استوعب تصرفاتهم
اللي يبي تشتريله لغراض من الميرة ومن السنتربوينت وسبلاش
لا ويروحون الصناعية والكراجات بعد

[MAZEN37]

ما تدرون ظروف الناس او صادقيين او لا
انا اعطيه شيء بسيط وبالنهايه بذمته

[وتبقى الدنيا حلوه]

ما اقدر ما ارد لان الخرط يبين عليه و المحتاج ما بيروح يطر افضل اعطي هالمبلغ لشخص يشتغل احسن

مواقفي وايد مع الطراروه و احذرو من الطراروه المعسكرين بهل المواقع

- في كارفور اللاند ( تجيك تقول تحاسبين عني !! و الا ماعندنا غاز و انا سعوديه ) لابسه نقاب

- عند عيادة حسن محمد حسن للاسنان ( هندي يقول ابي فلوس عشان بسافر ) و الموقف اللي صارلي ان جا هندي و يقول انا مسكين :weeping: يبي فلوس حق تيكت المهم امي عطته 50 و قعد يقول بس باقي 50 ثانيه و اوصل سعر التذكره و اختي عطته ال50 الثانيه و بالصدفه بعد اسبوع شفته و جا عند سيارتنا و نفس السناريو لما لعنت خيره قال ابي 50 حق التكسي عشان اروح المطار :eek5: صراحه لاتعليق كان خاطري اصفقه

- عند عيادة الدوحه في وحده معسكره هناك

- في سوق فالح و سوق الديره ( في هنود 2 او باكستانين ماسكين علبة دوا و يقولون نبي نشتري دوا حق مدري من )
و في وحده عيونها خضرا كل سنه اشوفها

و القائمة تطول و تطول ولاكن هذا اللي يحضرني للحين

[دانة الطواش]

أنا اذا صادفت مثل هالاشكال الصراحة ما اعطيهم وأقول لهم عندكم الجمعيات الخيرية ماتقصر عليكم ، ومن كم يوم الوالدة وأختي في المستشفى موعد عندهم وبعد ماكملوا وفي الصيدلية بالتحديد اذا بوحدة تطلب منهم معونه فأعطوها المقسوم لكن الأخت رفعت راسها وبكل ثقة لا أنا ابي 700 ريال حق التصوير !!!!!!!!!! تقول أختي تفاجأة من ردها وقلت هذا الي عندي تبين او لا قامت تتحلطم عليهم وهي رايحه ومب عاجبها ، طرارات اخر زمن .

[Alpinestars]

اهم شي النية

والله يكون في العون

[N!GHTWOLF]

اخبر فالمنتزة صوب محلات العبي

الاهل نزلوا وتميت فالموتر الا بكستاني طق الدريشة و يبي المقسوم

فتحت البوق ماشفت الا 3 ريالات و 100 ريال

استحيت من ربي اعطيه الـ 3 .. عطيته الـ 100

قال انت قطري في فلوس واجد عطني زيادة

قلت له عطني الـ 100 بعطيك 500

عطاني اياها و اقوى سحبيه فالتاريخ هههههههههه تم يتبجبج عند الدريشة وانا ميت ضحك الا تجي الوالدة وتقول حرام عطه .. عطيته الـ 3 ريالات و رحت عنه

والحين جمعيات خيرية و بس

[حراير قطر]

يوم الجمعة بالستي سنتر

توني بدخل كارفور جاتني وحده تعالي اشتري لي هالبدله حق ولدي

عسى ما شر قلت لها الله يرزقج ورحت عنها

يعني لو محتاجه بعطيها مبلغ بس تتشرط علي لا ...

[شبح الصمت]

استغفر الله العظيم

صرآآحه ردودكم تضحك معآآهم :tease:


وصدق صادفوني ويوم احكر لهم آقولهم تعآلوا بسآعدكم في آلجمعيات الخيرية بسعى لكم وأعطيهم رقمي والله وإلا واحد آتصل فيني !!!

شالسبب شآلسالفه مدري :omen2:

عآلعموم في نآآس خذتها هوآية فلوس تجيك آبلاش يومياً لو طلع له 500 ريآل

فالشهر 15000 .ق آشله يشتغل بعد !!

اللهم لك الحمد حمداً كثيرا مباركا

الله لا تبلينا واستر علينا فوق الارض وتحت الارض ويوم العرض

ولا تدع حآجتنا في يد أحداً من خلقك

اللهم آمين

[بوحمد111]

كلمتي المعتاده لأي شخص يطر من عندي حرمة او رجال

الله يعطيكم

تحياتي