هديه للأجانب من الهوامير ! ! !

[كحيلان]

اذا الاجانب قبل 3 ابريل يقولون الاسعار مرتفعه ومبالغ فيها واهل قطر يبون يضحكون علينا .


اقول لهم وشرايكم الان بالأسعار الظالمه! !وينكم الان من الشراء؟ ؟ ! !


الهوامير رفعوها علينا وشرينا وتوهقنا والان نزلوها لكم على طبق من ذهب والله قهر غاليه على اهل

قطر ورخيصه للأجانب !!!

[قبل الوداع]

صدقت ياكحيلان..وهذي عين عذاري تسقي البعيد وتخلي القريب..

[سماري]

اعتقد ان الكل خاسر الا فئة قليلة والله اعلم

[نايف]

اي والله صحيح ياسمارى اظن ان الكل خسران الا مارحم ربي

[فارس الكلمة]

هناك من ربح من هذا الهبوط
و وجدها فرصة سانحة و عظيمة للشراء ..
مصائب قوم عند قوم فوائد ..

[الشراكة]

نعم أحنا خذنا بسعر الجمر وهم بياخذونها بسعر التراب وبعد ذهب وبتدر عليهم أرباح جنونية وأحنا نطالع بحسرة !!!!

[نايف]

الحمدالله ان انا ماعندي اي سهم في السوق لاني مالحقت على الاسهم ايام الارتفاعات وقعدت اتحسف ان ماعندي بس الحين احمد ربي ان ماعندي وماعندي الا من ناقلات اللي بعد تزعل على نزولها يعني لو نازل السهم

على طول بهالسعر كان تهون بس المشكله سهم ينزل بفوق 70 وينزل نزول حاد وعمودي عمرها ماصارت هالسالفه من قبل بس بعد الحمدالله لان مافيها خساره

وماراح اشتري اي شي من السوق الا بعد سنه
الله يسامح كل من كان السبب في خسارة اخواننا لهدرجه والله شي يحرق القلب

[البرنس]

:anger2: :anger2: :anger2:


الهوامير رفعوها علينا وشرينا وتوهقنا والان نزلوها لكم على طبق من ذهب والله قهر غاليه على اهل

قطر ورخيصه للأجانب !!! مع احترامي للجميع ..

اي مؤيد لهذا الكلام هو جاهل ولا يفقه في سوق الأوراق المالية شيئ ، والكلام هذا لا يمت للواقع بشيئ بل يمت للخيال بكل شيئ ..

* ما هي فائدة "الهوامير" يا جهلاء بدخول الأجانب؟ "مضارها عليهم كثيرة و لا فائدة تذكر" ..

* الكل يسأل و يستفسر و يشتم و يستنكر اذا نزلت اسعار السوق .. ليش ما سألتوا و قلتوا ليه ارتفع السوق؟ "للصعود اسبابه و للنزول اسبابه" .. السوق له اصصوووووووووول ..

* صغار المضاربين او ما تسمونهم "صغار المستثمرين" و ما اسميهم "طراطير المضاربين" هم من رفعوا السوق بأسم دخول الأجانب .. و الأن الكل ينكر ..

* الأجانب "كبيرهم و صغيرهم" الي منهم يقرر دخول السوق القطري تتوافر فيه مواصفات معينه و منها:
"خبير في السوق ، ضليع في المضاربة ، مضارب وليس مستثمر ، له علاقات متينه من نسب او قرابه مع مواطنين" و من عيوبه "هو اول من يخرج من السوق ليسلم على امواله ، و اول من يغرق السوق بالأسهم من غير اي اعتبار لأي حد" و نظامه معروف وهو "اضرب وهرب" ..

* اي شخص يفكر بطريقتكم و المنطق الي تتكلمون فيه ، مع احترامي "فاشل"

تحياتي للجميع و الله يهديكم ..

[الوضع ما يطمن]

اذا الاجانب قبل 3 ابريل يقولون الاسعار مرتفعه ومبالغ فيها واهل قطر يبون يضحكون علينا .


اقول لهم وشرايكم الان بالأسعار الظالمه! !وينكم الان من الشراء؟ ؟ ! !


الهوامير رفعوها علينا وشرينا وتوهقنا والان نزلوها لكم على طبق من ذهب والله قهر غاليه على اهل

قطر ورخيصه للأجانب !!!

اسمحلي الشيخ اخالفك هالكلام ...

الاجانب موجودين في البورصه قبل 3/ ابريل فديت خشمك ...

وما ابالغ لو اقولك ان نص الفلوس اللي في البورصة حق الاجانب .. بس باسامي قطرييييييييين

واتوقع نزول الاسعار اللي حاصل الحين سبته انه الاجانب يبون والله اعلم ينقلون ملكية هالاسهم
من اسامي لقطريين لاساميهم .. وطبعا مايقدرون يشترونها بسعر مرتفع لانهم في الاساس ماخذينها بسعر اقل وبعضهم حتى ماخذها بسعر الاكتتاب .. فالربع يبوون الاسعار تنزل لين السعر اللي يقدرون يشترون به الاسهم ...


وكان الله غفور رحيم ....

[المخلب]

والله الصراحه كلامكم صح

لكن انتوا تستاهلون اانتوا الي خليتوا عرضكم كثير ونزلتوا السهم لين مااصار برخص التراب

وانتوا الي قلتوا لنفسكم نبي نربح ربح سريع وجاء الهامور وشرى اسهمكم برخص التراب

ولما جاء الاجنبي واعترض على سعر السهم كلكم قلتوا خلونا ننزل سعر السهم علشان الاجانب يدشون ولما دشوا هدوكم ومشو

يعني الغلط الاول والاخير علينا ! فتحملوا غلطتكم

[ناصر]

اسمحلي الشيخ اخالفك هالكلام ...

الاجانب موجودين في البورصه قبل 3/ ابريل فديت خشمك ...

وما ابالغ لو اقولك ان نص الفلوس اللي في البورصة حق الاجانب .. بس باسامي قطرييييييييين

واتوقع نزول الاسعار اللي حاصل الحين سبته انه الاجانب يبون والله اعلم ينقلون ملكية هالاسهم
من اسامي لقطريين لاساميهم .. وطبعا مايقدرون يشترونها بسعر مرتفع لانهم في الاساس ماخذينها بسعر اقل وبعضهم حتى ماخذها بسعر الاكتتاب .. فالربع يبوون الاسعار تنزل لين السعر اللي يقدرون يشترون به الاسهم ...


وكان الله غفور رحيم ....

اتفق معاك اخوي في ان عدد كبير من الاجانب داشين باسامي قطريين :nice:

لكن اختلف معاك انهم السبب في نزول الاسعار :deal:

لاني اعرف عدد لاباس به منهم متوهقين .........ومهب عارفين شيسوون :eek3:

ومثل ما قال اخوي البرنس......ابدا الشراء في بداية الارتفاع....مهب اثناء النزول :nice:

اخيرا, .........سبب نزول السوق هو الخوف ثم الخوف ثم الخوف اللي حايش الكل ...القطري والاجنبي :(

وفي نفس الوقت الكبار حاليا يستغلون هذا الخوف وشغالين شرا بس بهدوء :eek2:

وسلامتكم

[المخلب]

شف المؤشر

اي وااحد يشوفه يخااف يدش السوق !

يقول اشتري علشان ينزل ويخسر ! :con2:

http://almaklab.jeeran.com/gfg.JPG

[نايف]

والله صراحه سواء كان السبب في النزول الاجانب او صغار المستثمرين او من كان

المهم ان السوق نزل الحين والمفروض اخوي البرنس ماتقعد تصف الناس بالجهلاء لان بروحهم اللي فيهم يكفيهم

والمفروض دام انك اكثر خبره وعارف شالسبب تنصحهم وتوعيهم مب انك تقول لهم جهلاء مافي حد عرف كل شي في يوم وليله

لاتزعل مني ولاتاخذ كلامي بمحمل شخصي بس اشوف ماكان له داعي هالهجوم على صغار المستثمرين وان شالله يتعدل الوضع وتهدا النفوس

[qshark]

نزول الأسعار طبيعي ، ومتوقع ، وأنا لين ألحين قاعد أشتري لأنها فرصة لا تكرر للشراء ، وبعض الشركات سعرها مبالغ فيه ، يعني تخيل شركة سعرها 20 ضعف القيمة الاسمية ، كل اللي يصارحون الحين أقولهم المؤشر من 6000 نقطة ينط 11000 ، اكيد طلع 5000 نقطة ، بينزل 3000 نقطة وهذه معروف ، كل سنه السوق يطير 20% وينزل 12% .

[$$$]

الكل يبي يبيع ويشري بعد كم يوم.............. مفهوم البورصه عند الناس عندنا

[المراقب]

اللي صعد الأسهم حنا واللي قاعد ينزلها حنا. وقفوا العرض وشوفا النتائج.

الخوف أمر طبيعي، وشعور إنساني، ولكنه أصبح الأن مبالغ فيه.