سؤال عن البحريــــن

[رهج السنابك]

مراحب

سؤال عن البحرين اول مرة بزورها وماعندي فكرة عنها من ناحية الاسواق واماكن حلوة فيها

وحابة اخذ لي سياره بسواق ايجار هل ممكن احصل ؟؟؟ لان مابي تكاسي

سألت محل هناك اسمه ريجنت اظن وقال لي السعر 900 ريال في 8ساعات بس !! وكل ساعه اضافيه ب80ريال وايد غالي صراحة وانا يمكن اقعد عشرة ايام بتطلع علي بحدود عشر الالاف! مب منطقي كلش
فهل تعرفون حد يوفر لي سياره بسواق بسعر معقول ؟

[ريتويت]

الله يحفظج اختي

[استقرار]

حرام والله .. إما انك تستأجرين سيارة وتسوقينها .. ولا نسقي مع لوموزين الفندق دام ما تبين تكاسي والبحرين ما تحتاج سيارة الحياة داخل المولات وحرام الحسابة تحسب وانتي داخل المول

وبالتوفيق يارب

[monatee]

في المطار قبل لاتطلعين عندج محلات تأجر السياير ... ولاتاخذين سياره قيمتها اكثر من 150 في اليوم .. وبتحصلين بهالسعر كامري ولا التيما هوندا اكورد

بالنسبة للمجمعات امشي على لافتات الشارع وبتوصلين شوارعهم سهله وماتخربط

والبلاد صغيره تخلصينها فيوم واحد ... اذا ماعندج اهل هناك او رايحه سياحه بس بتملين لما تقعدين 10 ايام

بالكثير البحرين يكفيها 3 ايام وخلاص


المهم تروحين وترجعين بالسلامه

[فواز1976]

اذا كنتي تقدري تسوقي فاستئجار سياره بدون سواق افضل واجد ، مثل ما ذكروا الاخوان البحرين اماكنها محدوده
واذا حابه تخففي مشاوير السياره ، اسكني بالفنادق المتصله مع المول ، عندك السيتي سينتر متصل معه فندق كومبنسكي. ومشاء الله السيتي سينتر فيه ملاهي اطفال، حديقه مائيه ، وسينما
مجمع السيف بعد متصل معه فندق وقريب بعد منه فندق اسمه مركيور
فيه منتجعات امواج فيها فنادق وشاليهات سكنتها زمان حليوه بس الحين ما ادري يمكن الوضع فيها افضل بعد ما اكتملت الخدمات والمباني الي حولها.

[البحار00]

انا خوالي من البحرين اروح لهم ٣ ايام اتملل

١٠ ايام في البحرين ملل من قلب

عندهم كذا مجمع الستي سنتر ومجمع السيف ومجمع الدانه كلهم حول بعض

وفيه سوق المنامه الي عند بوابة البحرين سوق عادي دكاكين مقابله بعض

ونفسه في المحرق ونفسه في الرفاع الشرقي

وشارع اسمه شارع البوكوارة فيه محلات خياطه نسائيه ومحلات عبي حريم في الرفاع

بالنسبه لامواج نفس اللؤلوة عندنا فيها فنادق ومطاعم وكافيهات

بس نصيحه اذا ماعندج مشكله في قيمه السكن عندج ٣ اماكن من اروع مايمكن

الريتز او سوفيتيل الزلاق او بيان ترى ( محميه العرين )

[رهج السنابك]

لا مااسوق لازم لي سياره بسواق


زين بحصل تكاسي بكل مكان ولا بتوهق نفس قطر ماعندنا تكاسي :( استغرب السياح الي يجون قطر كيف يتصرفون


مع اني افضل استأجر سياره بسائق لكن مب بعشر الالاف !!

[فواز1976]

سيارات الاجره متوفره في كل مكان وخصوصاً عند المجمعات التجاريه

[ANONYMOUS]

900 حق 8 ساعات هذا بوق - اعتقد بياجرون لج ايرباص تفترين فيها بالبحرين

اذا عارفه وين بتسكنين حاولي تكلمين الفندق وتسالين ممكن يرتبون لج سياره بسايق

بعدين 10 ايام اكستريملي وايد..

[WFM]

عندهم مجمع جديد اسمه ذا لاجون او الخور .. وايضا عندهم ممشى جديد اسمه ذاووك الرفاع .. بالتوفيق

[م. عبدالعزيز]

حلو يعني افهم من الردود انه الوضع بالبحرين تحسن، الله يزرقهم ويديم عليهم الامن والامان

[أبو راكان]

10 الاف لموزين
والسكن يمكن 10 الاف
والاكل والتمشي 5 الاف

المجموع 25 الف !!!

روحي لندن احسن

[Abdullah_89]

البحرين مايبيلها سواق
اجري سياره وسوقي بنفسج او خذي تكسي بالعداد

اما لالنسبه انج تقعدين 10 ايام وايد عالبحرين لان 3 ايام تكفيج


والله يحفظج

بالنسبه لافضل المكاتب فهي اوسكار والخليج في مطار البحرين الدولي

[Aaziz]

مثل ما قالو الاخوان. كثيره 10 ايام على البحرين.
من الان اعرفي الاماكن الي تبين تزورينها مثل اسواق و غيره و حطي جدول للرحله كل يوم ايش بتسوين.

ملاحظات مهمه: حاسبي تتعاملين مع اي شخص او مكان غير رسمي. مثل سكن او سواق عشان ماتتعرضين لاسمح الله لنصب او غيره من هذي الامور.
اسكني في فندق و يفضل 5 نجوم و اخذي تكسي من الفندق نفسه و اتفقي معاه يوديج اكثر من مكان بحيث انه يروح و يرجع نفس الشخص ياخذكم باتصال هاتفي منكم. هذا افضل لانه بيكون سواق معتمد و معروف عند الفندق.

الله يوفقكم في الرحله

[متواصل]

عندهم تكاسي يسوقونها حريم مثل الصورة
خلك معاها دوم
http://www.q8start.com/ups/a11/00e5891787.jpg

[Abdullah_89]

اختي ما تحتاجين سواق خاص ولا شي
في بالبحرين الشركة العربيه للتكاسي ( تاكسي لندن)
يشبه تاكسي لندن بالضبط نظيف وامان وفيه حريم يسوقون
تقدرين تاخذينه بالساعه او باليوم
اعتقد اليوم ب 40 دينار = 400 ريال
واليوم يعتبر 8 ساعات ( عالميا طبعا هالحسبه اما عندهم ماعرف شلون حسبتهم)
ورقمهم 0097317461746
انا افضل انج تاخذين هالتكسي مضمون وامان



منقول من احد الردود السابقة في منتدى الاسهم القطريه :)

[Abdullah_89]

ونصيحه للسكن


فندق ريديسون بلو ( الدبلومات ) فندق 5 نجوم اللسله فيه تقريبا 65 دينار

الفندق الوحيد اللي فالبحرين يعطيج check out الساعه 6 المغرب صدقيني :)

[رهج السنابك]

مشكورين ماقصرتوا

حسيت من كلامكم انه في وايد ليموزين بالبحرين

؛

على العموم صح كلامكم 10 ايام وايد بس انا مب رايحة سياحة رايحة لشغل ومابي اتلعوز بالمواصلات خاصة انه اول مرة لي وما ادل مكان ولا عندي فكرة كلش عن البحرين او المناطق المناسبة للسكن

[العملة النادرة]

اختي الكريمه بتنورين البحرين
ولا اعتقد هناك مشكله من ناحيه المواصلات في البحرين والفنادق الفايف ستار كلها اوكي بس اخذي فندق جريب من مكان شغلج
وانا انصحج بال فندق كمبنسكي البحرين لانه ملاصق من السيتي سنتر فاوقات فراقج ممكن تقضينها بالستي سنتر

[رهج السنابك]

كمبنسكي موجود في اي منطقة بالبحرين؟

[Abdullah_89]

كمبنسكي في ضاحيه السيف وبالتحديد ملاصق لمجمع الستي سنتر

[bu_khalaf]

كمبنسكي موجود في اي منطقة بالبحرين؟

كمبنسكي موجود عند مجمع السيتي سنتر بس الله يعينج على الزحمة في هالمنطقة

البحرين فيها المجمعات التجارية بس عددها محدود ومطاعم العدلية

وفي سكن شقق فريزر لاصق في مجمع السيف بعد نظيف ومرتب

والله يوفقج وبالسلامة ان شالله

[أبو بكر سالم]

حاسبي بالغلط تدخلين المناطق الي فيها المشاكل اذا بتسوقين لان عادي ماتطلعين

[ام احمد87]

السكن: الريتز

[عضو قديم]

مب وقته كلش الروحه للبحرين الاوضاع هناك هب مستقره والله الحافظ

[العريق]

توني شايف الموضوع ما أدري رحتي البحرين أو لا بس المهم أبي أقول ان الأمور هناك طيبة و مستقرة و انتي رايحة في شغل خلك في حالك و التكاسي متوفرة وفي كل مكان متواجدة او حبيتي بالطلب بعد ما يتأخر لكن تكسي لندن ياخذ وقت شوي و الحلو فيه أن السايق امرأة يعني أمان و حتى الزحمة مش كثير مثلنا هنا و بالنسبة حق السكن متوفر و الفنادق الخمس نجوم في كل مكان و كمبنسكي في مول الستي سنتر موقعة روعة .

[رهج السنابك]

؛

مشكورين وايد ماقصرتوا اكثر شي احاتيه المواصلات خاصة انها طلعت غاليه علي وايد لو حبيت استأجر سيارة ليموزين في عشر ايام بتطلع علي حوالي 10 الالاف ريال!! شي خرااااااافي مع ان البلد صغيره ليش اسعار التكاسي غالية جذي ماعرف!

وليموزين الفنادق المشوار الواحد حتى لو في اللفة ورا الفندق ياخذون 60 ريال يعني روحه ورده 120 ريال باليوم على مشوار خطوتين!

[الســـهم]

هلا اختي الارستقراطية ..

البحرين فيها ناس طيبة وخايفه ربها وتبي تترزق , اتوقع بس تركبين مع سواق تاكسي من شيبان البحرين الطيبين , ممكن يخدمج فيها ويشوف لج سواق على مدار اليوم وبأسعار حلوة ..

البحرين فيها مشاكل صح , ولكنها مش ظاهره على الشوارع العامه والمناطق الحيوية والامور كلها تحت السيطرة الحمدلله , واخذي هالكلام مني لاني كل اسبوعين او ثلاث اكون موجود فيها ولا واجهت الحمدلله اي تحرشات او احد تعرض لي فيها , وحتى بعض المناطق اللي يقطنونها الشيعه دخلتها وماشفت فيها شي , بس ابتعدي عن منطقة سترة والمناطق الشيعيه المجاورة لها , وابتعدي عن منطقة البديع فيما عدا الشارع الرئيسي الامور سالكه فيه ..

ان شاء الله تلقين مرادج وتستانسين بسفرتج , والله يبعد عنج كل شر ومكروه ويردج ديرتج سالمة بإذن الله ..

[العريق]

بضحكك يا الاستقراطية
حدث أني رحت البحرين ثلاث مرات بمعدل كل أسبوعين مرة تقريباً ، اتصدقين تقريباً نفس التاكسيات .، يعني متكرره هههههههههه

[وحيد-الشوق]

10 الاف لموزين
والسكن يمكن 10 الاف
والاكل والتمشي 5 الاف

المجموع 25 الف !!!

روحي لندن احسن

ههههههههههه اي والله :tease:

شكلهم نصابين اعتمدي على الله ثم التكاسي عاد مايندرى التكاسي هناك شلون > ماراح البحرين كلش :rolleyes2:

[مرحوم قطر]

اختي اول شي انتي رايحه 10 ايام ليه

ليكون على بالج البحرين فينا

انا خوالي من البحرين و عندي ربع وايد اهناك و حدي حدي اذا بطول اروح الاحد و ارجع الثلاثه

لاني ما اروح في اخر الاسبوع عن الزحمه و اخوانه السعودييه


فا مانصحج تقعدين 10 ايام لانج بتضيقين ذرعاً بالبلاد و مللها و زحمتها



الاماكن الحلوه او الي ممكن تستانسين فيها

عندج مجمع السيف و خلاص صار قديم و خذ عليه الزمن و مالج الا الستي سنتر

في مجمعات ثانيه مثل عالي و الدانه و مجمعات ثانيه صغار بس يعني وايد ممله مافيها شي

و عندج ملاهي عين عذاري و جنة دلمون بس بعد شنو

في شارع بوكواره و شارع عراد بس ذيله الشوارع ماينفعونج لان حق الشباب و الصياعه

و وايد من شباب قطر الله يهداهم يروحون اهناك حق هلشارعين انا طبعاً كلش كلش ما اروحهم


بس اختي مافي شي ثانيه

يعني مثلا اليوم الاول بتروحين الستي سنتر بتتغدين اهناك مثلا لعصر بتتمللين و بتطلعين

بتروحين عذاري لين في الليل بتخلص الالعاب و بتطلعين

ثاني يوم بتروحين جنة دلمون و بتخلصين و بتطلعين و بتتمشين في البحرين كامله يعني في ساعه ونص

بس خلاص شبتسوين بعد ؟.؟

و عذاري الحين ما يروحونها بعد لان وراها قرى شيعيه و دوم ريحة مسيل الدموع



اما بخصوص الفنادق روحي الفنادق الي عند السيف انظف و احسن لا تروحين الجفير ولا صوب الدبلموماسيه

اهناك كله سكاره و مشاكل خلج صوب السيف ابرك لج



اما بخصوص السياره وايد 900 على 8 ساعات خلج لمزين على حسب الطلب احسن لج بعدين يعني مابتستفيدين منه

لان اصلا مافي مكان ينراح ترى جد مافي الا السيف و عذاري و جنة دلمون


و حق الشباب الفاشل في مراقص و بوكواره و شارع عراد و شارع المعارض و الجفير


هذي البحرين غير كذا مافيها


ولا تركبين تكاسي ما انصحج لان كل التكاسي الي اهناك شيعه و حراميه

عادي يطولج الطريق عشان تدفعين زياده او ممكن تتفقين مع تكسي يعني تطعينه 300 ريال في اليوم و يتم

تحت امرج مع ان بعد اقولج ما بتستفيدين منه ابد لان مافي مكان تروحينه


انا اقولج اروح الاحد بعد الدوام ثلا اوصل على الليل ثاني يوم اقوم اروح عند خالتي الظهر لين العصاري و اتغدا عندها

بعدين اروح اخلص الشغل الي خلاني اطر لاحظي اطر اني اروح البحرين و بعدين اروح ازور اهلي البقيه مجرد سلام و امشي

بعدين امر على ربعي و اقعد في مجلس ناس يقربون لي ولا دواره خفيفه لين اخر الليل بعدين اما اني اتملل

واقبض خط الدوحه او اني اقعد مع الشباب في الشقه انشوف فلم او نروح السينما يعني طلعنا و ثاني يوم العصر

احنى قاعدين نتمشى في الحسا و معودين صوب قطر


اما اذا ما عندي شي لا والله ما طبيتها ولا بطبها

[مرحوم قطر]

بخصوص الي يقولون في مشاكل

لا ترى الامور طيبه و مافي شي

المشاكل داخل مناطق الشيعه هم ما يحرقون الا مناطقهم