معالجة الكراك + الطريقة الصحيحة للصبغ

[الحـ قطر ــب]

السلام عليكم

السؤال الاول:-
حبينا ناخذ فكرة عن طريقة معالجة الكراك هو كراك خفيف جداً بالمعجون يروح بس اخاف يرجع بعد كم سنه وتقريبا فكل طوفة في شوي ( البيت جديد لحد الان ماسويتله سنفرة وبرايمر ).

في مادة اسمها كراك فلير يقولون انها زينه حق المعاجلة بس ماعرف شي عن هالمادة.

والسؤال الثاني:-
شنو الطريقة الصحيحة للصبغ الداخلي والخارجي من بادية السنفرة لين الطبقة الاخيرة من الصبغ ( الطوفة اللحين بس ع البلاستر ).

[معماري قطري]

أوقات تكون فيه شلوخ خفيفة ممكن تتعالج حتى بالمعجون وتزول وهذي تكون بسيطة جداً، وتكون في الغالب طولية جايه من فوق لتحت، وتنتج من الضغوطات الحرارية وفروق الحرارة ومن ضغط الهيكل الخرساني حولها، ولو كانت طريقة البناء ببناء الهيكل الخرساني قبل وبعدين الطابوق والتربيط بين الهيكل الخرساني والطابوق بمسامير خاصة لما نتجت مثل هذه الشلوخ، وهذي الطريقة مشروحة بالتفصيل في مواصفات البناء القطرية ويحاولون مقاولينا الكرام تفاديها لتوفير القليل من التكلفة عليهم.

إذا كانت الشلوخ تتشكل بأشكال الفراغات بين الطابوق فهذا غش كبير في عدم وضع مونة كافية بين الطابوقة والثانية في كل إتجاه عمودي وأُفقي، وهذي شلوخ ما تغشمر وممكن تستمر في الإنفتاح والإزعاج حتى لو عولجت، ولعلاجها علاج جيد ينصح بتكسير المنطقة اللتي بها الشلخ ووضع مواد اسمنتية خاصة قوية لتربط هذا الشلخ ووضع شبك حديد ثم عمل بلاستر فوقه، وتكسير المنطقة يتم أولاً بالقص بمنشار كهربائي، وهذه الشلوخ تكون في الغالب شكل مدرج وفي فراغات الطابوق.

إذا كانت الشلوخ عرضية وواضحة فهذة قد تتطلب الهدم وإعادة البناء والتأكد من دعم الحائط من الأسفل جيداً، ولا أتوقع أن بناءَك وصل لهذه المرحلة.

[الحـ قطر ــب]

تسلملي يالغالي

في بعضهم طلعتوا يتعالجون بـ مادة الكراك فلير والبعض الاخر يبيله شبك

المهم شنو أحسن حق الكراكات الخفيفه جبس ولا مادة كراك فلير

الصباغ اللي عندي يقولي الجبس والمعجون احسن بس احسه يبي يوفر على عمره

[معماري قطري]

كراك فيلر ولازم يجي فوقه معجون وبرايمر وصبغ وبدون جبس .. هذا مؤكد يبي يوفر .. شجنسيته؟؟

[Chambray]

تسلملي يالغالي

في بعضهم طلعتوا يتعالجون بـ مادة الكراك فلير والبعض الاخر يبيله شبك

المهم شنو أحسن حق الكراكات الخفيفه جبس ولا مادة كراك فلير

الصباغ اللي عندي يقولي الجبس والمعجون احسن بس احسه يبي يوفر على عمره

100% بنغالي

[الحـ قطر ــب]

أي والله بنغالي

انزين كم سعر متر الفلوماستيك سلك شامل كل شي

وكم سعر القولد او الليدي