تكييف الفلل بانظمة البكج يونتس واصحاب الخبره

[Thamer_Qat]

حقيقه لاحظت معظم اصحاب الفلل الفخمه والجديده والمكلفه جدا يشوهونها بمكيفات تقليديه وفاشله مثل السبلت والويندوز والان طالعين لي فيها دكت سبلت مكلفه وفيها مشاكل الصيانه الداخليه وتسريب ماء التصريف من السقف. من وجهة نظري البسيطه وبحسبه سريعه اذا الواحد فلته مكلفته اكثر من 3 ملايين من بناء عظم وحجر وتشطيب فاخر لماذا يستكثر من 300 الى 400 الف تكييف الفلا كامله بانظمة البكج يونت (مركزي مثل مايسميه البعض) ويحصل على تبريد وتوزيع صح وتغيير هواء الفيلا باستمرار وصيانة وتنظيف الوحدات والفلاتر من فوق السطح دون دخول عمال ومعدات لداخل الفلا وتوسيخها وازعاج اهلها. *

[ميلاف]

اكبر غلطه سويتها اني ماحطيت مركزي ترتاح وتريح بالك

[معماري قطري]

حقيقه لاحظت معظم اصحاب الفلل الفخمه والجديده والمكلفه جدا يشوهونها بمكيفات تقليديه وفاشله مثل السبلت والويندوز والان طالعين لي فيها دكت سبلت مكلفه وفيها مشاكل الصيانه الداخليه وتسريب ماء التصريف من السقف. من وجهة نظري البسيطه وبحسبه سريعه اذا الواحد فلته مكلفته اكثر من 3 ملايين من بناء عظم وحجر وتشطيب فاخر لماذا يستكثر من 300 الى 400 الف تكييف الفلا كامله بانظمة البكج يونت (مركزي مثل مايسميه البعض) ويحصل على تبريد وتوزيع صح وتغيير هواء الفيلا باستمرار وصيانة وتنظيف الوحدات والفلاتر من فوق السطح دون دخول عمال ومعدات لداخل الفلا وتوسيخها وازعاج اهلها. *

والبكج إذا تعطل تروح تسكن فندق لين يتصلح

ويدخل نسبة هواء خارجي .. فرش اير شكل ما يقولون .. والهواء الخارجي بغبار وبملوثات ويوم بعد يوم تحتاج تنظيف لكل مجاري الهواء والدكتات وشغل من برا وداخل فيه وجع راس من قلب.

وشركاتنا اللي شغاله في هالنظام تكون تحت رحمتها وقت الصيانة والصيانة غالية وتحتاج فريق كامل يرسلون لك عاملين يخربون الجبس عندك ويركبون فتحات التهوئة غلط وتحصلها تطلع صوت وخرخشه بعد ما يخلصون.

وايد علينا حق بيوتنا نركب الدكتد سبلت ولا بكل بساطة السبلت أحسن، وفيه نوعيات تستخلص الأُكسجين من الخارج وتدخله وتغير جو البيت، وفيه نوعيات تعطيك تدفئة وتبريد، والأهم بسعر كثير أرخص من البكج.

ودمتم سالمين.

[Thamer_Qat]

مرحبا اخواني الكرام ميلاف ومعماري قطر

وانا اسوي الخرايط تميت في دوامة التكييف والبيزمنت او القبو
واحترت هل اسويهم او لا!!?
ودورت اصحاب الخبره والتجارب من الربع والمعارف ومعظمهم انصحوني ما اتردد واتوكل على الله
سويت البيزمنت والبكج يونت ولله الحمد

اخوي معماري قطر. اختلف معاك تماما على اللي قلته
البكج يونت الان مب مثل اللي كان في الثمانينات
النظام تغير تماما وانا اخوك كنت مثلك خايف من هالنقطه واذا تعطل كل البيت يتعطل
بعد ماتعمقت وبحثت في معظم الشركات المحلية استفدت وتعلمت اشياء كثيرة فهمتني ومن هنا قررت اني ما اركب غير البكج يونت
انت ليش افترضت كل الفيلا على يونت واحد مثل ماكان قبل 30 سنه
انا فلتي فيها 5 وحدات (يونتس)فوق السطح وكل وحده فيها 2 سيركتس او 2 كمبروسر وطبعا هالخمس وحدات يغذون وموزعين على كل الفيلا
واذا تعطل كمبروسر فهذا يعني ان نصف وحده اللي تعطل دون التاثير الفعلي على الفيلا وعلى افتراض ان الوحده تعطلت بكبرها فجزء من الفيلا سوف يتاثر يعني ممكن صالات او غرفتين نوم مثلا وباقي الوحدات الاربع لن تتاثر وبتغذي باقي الفيلا لحين اصلاح العطل في تلك الوحده العطلانه ومن خارج الفيلا او فوق السطح دون دخول عمال للفيلا
معظم الشركات فيها خدمه 24 ساعه
ومسالة تنظيف الفلاتر والصيانه سنوية وغير مكلفه ومن خارج الفيلا
واما بخصوص تنظيف الدكتات فهي كل خمس الى عشر سنوات وهي ليست ضروريه مع الانظمه الجديده والفلاتر الجيده واالملائمه لاجوائنا
وان لزم الامر فهي مكلفه الى حد ما حوالي 12 الى 15 الف لتنظيف الدكتات من الفطريات والصدا والغبار بواسطة روبوت انسان الي يتم ادخاله في الدكتات مع كاميرات لتوجيه الروبوت
واضف اذا كانت الدكتات بمواصفات عاليه فلا تتكون فيها فطريات الا نادرا

وجهة نظر شخصيه وشكرا لك

[بودحوم]

مرحبا ياثامر . وتسلم على الموضوع .

ممكن تفيدنا بالشركات الجيدة من ناحية الماركة وخدمة مابعد البيع ؟؟

خذت سعر من شركة جري ولقيتهم رافعين السعر عن العام بنسبة كبيره .

وحالياً أنا معطل شغل الكهربائي والفيتري لين أختار الشركة .

[معماري قطري]

مرحبا اخواني الكرام ميلاف ومعماري قطر

وانا اسوي الخرايط تميت في دوامة التكييف والبيزمنت او القبو
واحترت هل اسويهم او لا!!?
ودورت اصحاب الخبره والتجارب من الربع والمعارف ومعظمهم انصحوني ما اتردد واتوكل على الله
سويت البيزمنت والبكج يونت ولله الحمد

اخوي معماري قطر. اختلف معاك تماما على اللي قلته
البكج يونت الان مب مثل اللي كان في الثمانينات
النظام تغير تماما وانا اخوك كنت مثلك خايف من هالنقطه واذا تعطل كل البيت يتعطل
بعد ماتعمقت وبحثت في معظم الشركات المحلية استفدت وتعلمت اشياء كثيرة فهمتني ومن هنا قررت اني ما اركب غير البكج يونت
انت ليش افترضت كل الفيلا على يونت واحد مثل ماكان قبل 30 سنه
انا فلتي فيها 5 وحدات (يونتس)فوق السطح وكل وحده فيها 2 سيركتس او 2 كمبروسر وطبعا هالخمس وحدات يغذون وموزعين على كل الفيلا
واذا تعطل كمبروسر فهذا يعني ان نصف وحده اللي تعطل دون التاثير الفعلي على الفيلا وعلى افتراض ان الوحده تعطلت بكبرها فجزء من الفيلا سوف يتاثر يعني ممكن صالات او غرفتين نوم مثلا وباقي الوحدات الاربع لن تتاثر وبتغذي باقي الفيلا لحين اصلاح العطل في تلك الوحده العطلانه ومن خارج الفيلا او فوق السطح دون دخول عمال للفيلا
معظم الشركات فيها خدمه 24 ساعه
ومسالة تنظيف الفلاتر والصيانه سنوية وغير مكلفه ومن خارج الفيلا
واما بخصوص تنظيف الدكتات فهي كل خمس الى عشر سنوات وهي ليست ضروريه مع الانظمه الجديده والفلاتر الجيده واالملائمه لاجوائنا
وان لزم الامر فهي مكلفه الى حد ما حوالي 12 الى 15 الف لتنظيف الدكتات من الفطريات والصدا والغبار بواسطة روبوت انسان الي يتم ادخاله في الدكتات مع كاميرات لتوجيه الروبوت
واضف اذا كانت الدكتات بمواصفات عاليه فلا تتكون فيها فطريات الا نادرا

وجهة نظر شخصيه وشكرا لك

ما قصرت يا اخوي بهالرد الوافي

صحيح يمكن ما اكون متابع لأنظمة التكييف وأفدتني كثير.

سؤال: أي نوعية المكيفات اللي ركبتهم؟ قصدي ماركة المكيفات، وهل ركبت عازل للحوائط والنوافذ؟ وهل إنت مرتاح حالياً من درجة التبريد وتقدر تضبط درجة كل غرفة على حدة حسب ما تحتاج؟

انا تجربتي مع التكييف كانت موفقة والحمد لله .. في البداية حاولت أسوي دكتد سبلت وطلع السعر غالي فغيرت للسبلت العادي ومن أتعس شركة " إل جي " وتوفقت في المكيفات لسبع سنين، وبديت أغيرهم حالياً غيرت 2 من حوالي 22 مكيف والعملية بالتدريج.

كحساب تكلفة كلفني التكييف 65000 لمساحة 1070 متر مربع، ولنفترض معدل اشتغال يوصل 8 سنين لأن التغيير سيأخذ سنتين تقريباً، فتطلع عندي تكلفة التكييف السبلت السنوية قريبة من 8125 بالإضافة إلى تكلفة الصيانة البسيطة جداً.

[Thamer_Qat]

مرحبا ياثامر . وتسلم على الموضوع .

ممكن تفيدنا بالشركات الجيدة من ناحية الماركة وخدمة مابعد البيع ؟؟

خذت سعر من شركة جري ولقيتهم رافعين السعر عن العام بنسبة كبيره .

وحالياً أنا معطل شغل الكهربائي والفيتري لين أختار الشركة .



مرحبا اخوي بودحوم

اولا هل جهزت الفيلا على اساس انك بتركب بكج يونت؟ لان لازم المقاول يجهز لك فتحات في الاسقف قبل صب الخراسانات وذلك بالتنسيق مع المقاول وشركة التكييف المتعاقد معها وذلك لتنزيل الدكتات الداخله والخارجه

شركة جري ماعرفها. هل هي ماركة مكيف بكج او شركة اسمها جري

[Thamer_Qat]

عموما انا دخت مع الشركات والعروض وبعضهم مب ملتزم ومب جاد ويعطيك اسعار مب معقولة والبعض متعاون ويرد عليك ويتصل فيك ويحاول يساعدك ويشرح لك

واي خدمه انا حاضر باللي اعرفه واقدر عليه

[Thamer_Qat]

ما قصرت يا اخوي بهالرد الوافي

صحيح يمكن ما اكون متابع لأنظمة التكييف وأفدتني كثير.

سؤال: أي نوعية المكيفات اللي ركبتهم؟ قصدي ماركة المكيفات، وهل ركبت عازل للحوائط والنوافذ؟ وهل إنت مرتاح حالياً من درجة التبريد وتقدر تضبط درجة كل غرفة على حدة حسب ما تحتاج؟

انا تجربتي مع التكييف كانت موفقة والحمد لله .. في البداية حاولت أسوي دكتد سبلت وطلع السعر غالي فغيرت للسبلت العادي ومن أتعس شركة " إل جي " وتوفقت في المكيفات لسبع سنين، وبديت أغيرهم حالياً غيرت 2 من
حوالي 22 مكيف والعملية بالتدريج.


كحساب تكلفة كلفني التكييف 65000 لمساحة 1070 متر مربع، ولنفترض معدل اشتغال يوصل 8 سنين لأن التغيير سيأخذ سنتين تقريباً، فتطلع عندي تكلفة التكييف السبلت السنوية قريبة من 8125 بالإضافة إلى تكلفة الصيانة



البسيطة جداً.


مرحبا اخوي معماري

طبعا تكلفة البكج يونت اعلى بضعف ونصف وتصل الى ضعفين بالمقارنة مع تكلفة السبلت
مثلا الفيلا اللي يكلفك تكيفها بسبلت 100 الف
بتكلف في حالة البكج 250 الف الى 300 الف
وفي حالة تكييف الفيلا بدكت سبلت ضعف تكلفة لسبلت العادي يعني 200 الف تقريبا
طبعا بيزيد او ينقص باختلاف الشركة

اخوي انا فللتي في طور الانشاء وصممت للبكج وتم الاتفاق وتوقيع عقد تركيب الدكتات مع احدى الشركات
وطبعا حاولت تجنب المشاكل المتوقعه وذلك كان من خبرات وتجارب الاصدقاء والمعارف اللي مركبين قبلي

[Thamer_Qat]

ما قصرت يا اخوي بهالرد الوافي

صحيح يمكن ما اكون متابع لأنظمة التكييف وأفدتني كثير.

سؤال: أي نوعية المكيفات اللي ركبتهم؟ قصدي ماركة المكيفات، وهل ركبت عازل للحوائط والنوافذ؟ وهل إنت مرتاح حالياً من درجة التبريد وتقدر تضبط درجة كل غرفة على حدة حسب ما تحتاج؟

انا تجربتي مع التكييف كانت موفقة والحمد لله .. في البداية حاولت أسوي دكتد سبلت وطلع السعر غالي فغيرت للسبلت العادي ومن أتعس شركة " إل جي " وتوفقت في المكيفات لسبع سنين، وبديت أغيرهم حالياً غيرت 2 من
حوالي 22 مكيف والعملية بالتدريج.


كحساب تكلفة كلفني التكييف 65000 لمساحة 1070 متر مربع، ولنفترض معدل اشتغال يوصل 8 سنين لأن التغيير سيأخذ سنتين تقريباً، فتطلع عندي تكلفة التكييف السبلت السنوية قريبة من 8125 بالإضافة إلى تكلفة الصيانة



البسيطة جداً.


مرحبا اخوي معماري

طبعا تكلفة البكج يونت اعلى بضعف ونصف وتصل الى ضعفين بالمقارنة مع تكلفة السبلت
مثلا الفيلا اللي يكلفك تكيفها بسبلت 100 الف
بتكلف في حالة البكج 250 الف الى 300 الف
وفي حالة تكييف الفيلا بدكت سبلت ضعف تكلفة لسبلت العادي يعني 200 الف تقريبا
طبعا بيزيد او ينقص باختلاف الشركة

اخوي انا فللتي في طور الانشاء وصممت للبكج وتم الاتفاق وتوقيع عقد تركيب الدكتات مع احدى الشركات
وطبعا حاولت تجنب المشاكل المتوقعه وذلك كان من خبرات وتجارب الاصدقاء والمعارف اللي مركبين قبلي

[معماري قطري]

مشكور وما قصرت وبالتوفيق لك في بنيانك

لتنسانا في باقي التجربة من مساوئها ومحاسنها والتصوير بيفيدنا وايد ..

[Thamer_Qat]

مشكور وما قصرت وبالتوفيق لك في بنيانك

لتنسانا في باقي التجربة من مساوئها ومحاسنها والتصوير بيفيدنا وايد ..

يزاك الله خير اخوي معماري وانا حاضر باللي تامر به

سبب طرحي للموضوع بصراحه اني لما صممت فلتي ماتصورت اني ادخل في دوامة لسبلت والدكت سبلت

ولاحظت ان القصور والفلل الكبيره مايركب الا بكج يونتس.
وفللتي متكلف عليها وايد وماوقفت على تكلفة التكييف ولابغيت اشوهها بالسبلت
معظم فلل الكويت وابوظبي وحتى الرياض يعتبر البكج يونت شي عادي ومن سنين طويلة يتعاملون معاه ومرتاحين.

واحنا مازلنا ندور ايش احسن ماركة سبلت يونت وروتري ولا مادري ايش ويقطر ماي ولا مايقطر واصلي ولا مب اصلي
ونخرب الفللة بهالنظام الغير عملي

طبعا مره ثانية وجهة نظر شخصية ويامرحبا

[captin]

مرحبا أخوي ثامر ,,,

شكرا على طرح الموضوع والتعريف بأنظمة البكج يونتس

فعلا أحنا في قطر نعتبر متأخرين عن باقي دول الخليج في مسألة
تكييف المنازل والفلل لازلنا نسأل عن الوندو والسبليت
ولازلنا بين أسد عمادي التجارية والريس .

لاحظت دول الخليج الأخرى صار لهم فترة طويلة يستخدمون انظمة
الدكت سلبيت وأنظمة الباكج يونت خصوصا الإمارات والكويت والسعودية
طبعا مو الكل لكن التوجه عندهم من زمان واعتقد شخصيا الفترة القادمة
راح نشوف معظم الفلل في قطر راح تتوجه للأنظمة الحديثة في التكييف.

انا شخصيا سويت البيت كامل نظام دكت اسلبيت واخترت وحدات متيسوبيشي
وبالنسبة للفتحات وزعتها بطريقتين طريقة جرلز في الأسقف وطريقة فتحات
جانبية في الجبس في بعض الأماكن مثل المجلس الداخلي وصالة الطعام.

[معماري قطري]

يزاك الله خير اخوي معماري وانا حاضر باللي تامر به

سبب طرحي للموضوع بصراحه اني لما صممت فلتي ماتصورت اني ادخل في دوامة لسبلت والدكت سبلت

ولاحظت ان القصور والفلل الكبيره مايركب الا بكج يونتس.
وفللتي متكلف عليها وايد وماوقفت على تكلفة التكييف ولابغيت اشوهها بالسبلت
معظم فلل الكويت وابوظبي وحتى الرياض يعتبر البكج يونت شي عادي ومن سنين طويلة يتعاملون معاه ومرتاحين.

واحنا مازلنا ندور ايش احسن ماركة سبلت يونت وروتري ولا مادري ايش ويقطر ماي ولا مايقطر واصلي ولا مب اصلي
ونخرب الفللة بهالنظام الغير عملي

طبعا مره ثانية وجهة نظر شخصية ويامرحبا

وجهة نظر شخصية ومفيدة للكل .. نبي تفاصيل التفاصيل انا عندي خطة بنيان جديد قريبة وكنت مفكر في الدكتد سبلت بس باحول على البكج بعد دراسة إن شاء الله.

[بن غيث]

المشكلة مش قي النظام .. المشكلة في الشركة المنفذة للنظام ..
تعاملت مع كبرى الشركات في قطر
اقدر احط لهم تقييييييييييييييييييييييم ... ضعيف .. من جميع النواحي

خصوصاً في الصيانة الدورية ..

[معماري قطري]

المشكلة مش قي النظام .. المشكلة في الشركة المنفذة للنظام ..
تعاملت مع كبرى الشركات في قطر
اقدر احط لهم تقييييييييييييييييييييييم ... ضعيف .. من جميع النواحي

خصوصاً في الصيانة الدورية ..

وهذا اللي حصل معاي بس دوم أحب اشوف تجارب الباقيين يمكن يكون فيه تغيير وتطور .. حتى سئلت عن اسم الشركة اللي سوت الشغل .. تصدق مره جاو ينظفون الدكتات وكانت تكرم قذرة بكل ما تعنيه الكلمة وكان التكييف جحيم صيفاً ثلج شتاءً .. وضبطوا المكيفات يمكن 20% أحسن من قبل وراحوا بعد ما خلوا الدكتات تسمع لها أزيز والسقف كان معدني وما ركبوه عدل تشوف فتحات فيه.

والمشكلة في البيوت .. والسابق كان في مقر العمل .. تحصل الجبس مستوي أسود من أيديهم ويمكن مكسر في أماكن يعني صيانة بتسوي لك وجع راس وتشطيب ثاني .. و300 الف على فيلا بمساحة 1000 متر مربع خل نفترض كعمر افتراضي بدون صيانة كُبرى 10 سنين .. بتكون عندنا التكلفة السنوية 30 ألف غير عن الصيانة البسيطة خلال هالفترة اللي بتكون مكلفة .. وبعد 20 سنة ما اظن التكييف بيكون شغال يعني لازم يستبدل وبتكون عندك تكلفة التكييف السنوية كمعدل للفيلا هذي في حدود 20 ألف سنوياً، وهو سعر كبير أشوفه.

الواحد يوزن السلبيات والإيجابيات وتعلمنا في قطر وقت قبل البيع وقبل العقد يحطون لك الشمس في يد والقمر في يد، وبعد العقد دورهم.

[معماري قطري]

نسيت أضيف إن حليمه رجعت لعادتها القديمه والمكيفات رجعت حارة

وجات الشركة قالت لا ذي فات عليها الفوت واستبدلوها .. هذا غير عن ضبط الحرارة كانت كل الحساسات الداخلية خربانه ومن زمان. يازين السبلت شفيه شكله شزينه .. باركوا لي ركبت فوجي تكييف وتدفئة لمكتبي وشحلو شكله وصوته همس وتبريده على حسب المزاج.

وهذي صورة له.

http://im27.gulfup.com/HQpV1.jpg (http://www.gulfup.com/?Iutplx)

طنين ونص ب 4600 وتم تركيبه في حدود الساعتين والحمد لله وجاري تغيير التعيس ال جي كل ما اخترب مكيف وتصليحة فوق 500 ريال.

.

[بن غيث]

كان في مبنى تابع للدولة .. المكيف المركزي اخترب عندهم واستعدعوا الشركة المسئولة عن صيانته
قالوا ما ينفع يتصلح لازم يتغير بالكامل .. !!
وفعلا الجهة الحكومية سولهم lpo
وبالصدفة كنت موجود في نفس المكان .. وفهمت الموضوع
كلمت فني تكييف اعرفه يشوف المشكلة .. وخلال ساعتين صلح النظام كامل وخذ منهم الف ريال ..
وكانوا مش مصدقين انا هذا الفني عرف المشكلة ووفر عليهم فوق المليون ريال ..

[معماري قطري]

يعني إحنا نحط نفسنا تحت رحمة شركات ما ترحم .. وتوفيق من الله اللي يلقى حد يعرف وفاهم .. أوقات انا اطلب حد يشوف المكيف مثلاً شركة ال جي زيارتهم وفحصهم للمكيف السبلت يكلف 50 ريال بس ويقولون لك شالمشكلة وشتحتاج وكم يكلف .. وإذا المكيف له 7 سنين والكمبريسر مخترب فتضطر تبدله أحسن ما تدفع 1500 ويكون شيء جديد فيه وشيء متهالك .. والصيانة متوفره من كذا جهة وبسهولة.

في معرض شفت مره نوع من التكييف ألماني عن طريق تثليج أنابيب صغيرة تنحط فوق الجبس أو داخل البلاستر، وهذي تخلي الهواء الملامس للسقف بارد وينزل بهدوء على باقي الغرفة بخاصية الهواء البارد أثقل من الحار وينزل لتحت، وبدون أي صوت داخل البيت نهائياً ولا هواء يندفع على الواحد، وبس دورت عن هالنظام في النت ما حصلت شيء مع انه كان منتج ومستخدم من حوالي 10 سنين.

[بن غيث]

عندك نظام شركة قطر كول ... التبريد بالماي البارد
بس اسعار خدماتهم مبالغ فيها ..

[خالد32]

خير الامور الوسط
سبلت مع بكج = دكت سبلت

[N203]

السلام عليكم

انا على خطة بناء في الوقت الحالي ، وفكرت كثير وخاصة في موضوع التكييف. بس انا من وجهت نظري الخاصه اذا الواحد ماعنده ميزانية يحط سبلت عادي ، اوفر وصيانه اسهل وغير مكلف ، اما اذا عندك ميزانية والبيت كبير يعني 1200+ حط الباكج يونت. في رايي المتواضع ان تبعدوا عن الدكت سبليت لان مشاكله كثيره من حيث الصوت والازعاج ، والتسريب ويدمرلك الجبس.. هذا من خلال تجارب الكثير من الاصدقاء داخل وخارج قطر.

انا من ناحيتي وبكل صراحه ، اقتنعت بعد لف ودواره وبما ان منزلي ليس بالكبير ، اقتنعت اني ارقب السبلت يونتس.

فحبيت مشورتكم واستشارتكم من حيث افضل انواع السبيليت يونت وخاصة خدمة مابعد الشراء..

انا فكرت في 3 شركات : جنيرال ، متسوبيشي او دايكن .

فياليت المساعده من حيث خبرتكم ، واذا في شركات اخرى مجربة ياليت الافادة

وألف شكر

[الريم]

تم الاتفاق مع شركة غري و سووا توزيع فتحات التكييف على خريطة البيت والغرف اللي بيشملهم .. بصراحة عرضهم كان زين بس مانعرف عن الشركة وخدمتها مابعد البيع التركيب. *

[Thamer_Qat]

تم الاتفاق مع شركة غري و سووا توزيع فتحات التكييف على خريطة البيت والغرف اللي بيشملهم .. بصراحة عرضهم كان زين بس مانعرف عن الشركة وخدمتها مابعد البيع التركيب. *

مبروك والله يوفقكم

ممكن تعلمين اخوانج الاعضاء عن التكلفه وعن بعض التفاصيل لتعم الفائده

وبالتوفيج:nice:

[khaldoon]

اخواني شوفوا هذا الموضوع ممكن يفيدكم بخصوص التكييف المركزي ... لو سمحتوا اقرأوا مشاركاتي على الاقل

http://qatarshares.com/vb/showthread.php?t=500982

[معماري قطري]

أرفع لإطلاعكم كتابين باللغة العربية مع مصطلحات إنجليزية للتكييف المركزي، وهي مخصصة للمختصين لكن مفيدة للمطلع العادي.

http://www.gulfup.com/G.png (http://www.gulfup.com/?DS67PF)

http://www.gulfup.com/G.png (http://www.gulfup.com/?fcdUAj)