هل تؤيد عرب أيدل ..في قطر؟ Arab idol survey

[تصانيف]

معا لنتكاتف مع الحملة القطرية لمنع استضافة برنامج ارب ايدول في قطر الرجاء الإجابة على الاستبيان على الرابط التالي Arab idol survey

http://www.surveymonkey.com/s/R3PGB7Z

جواب لماذا؟ لأنه يخالف الآداب والعادات والتقاليد العامة في دولة قطر..

[pink pearl]

لأنه قبل كل شي حرام و يخالف تعاليم ديننا وهو في الأساس مسخرة وكلام فاضي

[ريتويت]

كلام فاضي وسخافه ... العالم مب ناقصين بلاوي وانفتاح اكثر من كذا

[المحبووووب]

برنامج تاااااااااااااااااااااااااافه

[khalid525]

ليش هالبرنامج يخالف ديننا ؟

[نوار قطر]

تم عمل اللازم :)

[حميداني]

أؤيد طبعاً
حلو نشوف قطر مناره للمواهب

[السكين]

تم التصويت بـ ( لا )

والسبب : مخالفته لتعاليم الدين الشريف والعادات والتقاليد وفساد للامة العربية والمسلمة .

[السكين]

أؤيد طبعاً
حلو نشوف قطر مناره للمواهب

لم ولن يكن الغناء والمعازف في يوم من الأيام منارة لأي أمة ,

[بنت مريخ]

تم التصويت لا
لان يخالف دينا وتافهه

[سليمانـ]

لا

...........

[fifa 2022]

لا اوافق


لانه مخالف لتعاليم الدين، وفساد للامة العربية والمسلمة، وبرنامج تافة لايخدم المجتمع والوطن في شئ
((( يربي جيل تافه ومنحط ، جيل الطبلة والدف ))) بعيد كل البعد عن الفكر


تم التصويت

[الصغيره]

يهبوووون

وش عرب ادل

ما دخلوا جحر ضب الا احنا وراهم وش قلة الدين والحياء

اسال الله لنا النجاه

[مايبخ]

لأنه قبل كل شي حرام و يخالف تعاليم ديننا وهو في الأساس مسخرة وكلام فاضي


شوي عليه كلمة مسخرة وكلام فاضي

[خيالة قطر]

أؤيد طبعاً
حلو نشوف قطر مناره للمواهب

مناره للمواهب الاغاني ؟ والمصخره ؟


لا والف لا

[(راشـد)]

يعطيك العافيه اخوي تصانيف

اليوم في احد المواقع شد انتباهي شخصين قطريين يتكلمون في هالموضوع والثاني يسأل الاخر عن مكان الكاستنغ وكلاهما يقترح المشاركه فيه :secret:

وتبين لي من حديثهم انهم "فري" ومحد له شغل فيهم وين يروحون :nice:
وين دور الاهل طيب!؟
ارجو ان يكون كلامهم مجرد حديث لا فعل بعده مع سبق الاصرار والترصد << حلوه :nice:

واسف ع الاطاله :shy:

[مبارك سعد]

طبعا لا... يخالف دين الرسول عليه السلام فرضا لوكان الرسول موجود بيرضه بهذه المهزله؟؟؟؟

[قطرية مثقفة]

ألحين ماناقصنه إلا هالبرنامج :anger1: علشان نطلع متطورين

[آل فيصل]

تم التصويت بكلمة لا والسبب بكل بساطه لاننا مسلمييييييييين

[networker]

ليست مجرد سخافه بل تفاهه

[شموخ]

لا هلا ولا مرحبا فيهم في بلادنا البرنامج بكبره سخيف والأسخف منه اللي يقدمون البرنامج اهل الشيطان

[بوخالد911]

تم اللازم

[CH Engineer]

في شي غلط بالتصويت
العدد ثابت
6 مؤيدين
و 93 غير مؤيدين

[تصانيف]

لم ولن يكون الغناء علامه على التطور او التقدم ابدا..

[حسن]

هل البرنامج اسمع عنه والمشكله له متابعين شكثر شي ماتتخيلون

[نوار قطر]

عقب ما صوتنا وارتفع المعدل بشكل ملحوظ بعدم الموافقه على استضافة طاقم البرنامج في قطر السؤال هل ستقوم جهة الاختصاص بالعمل بما جاء في التصويت ؟؟؟

[خزامئ]

مليون لا
مانبيه ولا نبيهم يجون عندنا

[حفيد الأنصار]

ياكرهيييي لهالبرنامج يمين بالله لما أشوف الناس طايحه عليه تجيني الضيقه
ياليتهم يفكون المسلمين من شرهم

[حفيد الأنصار]

تم التصويت بـ لا
وعساها تجيب نتيجة

[حبتور]

لا طبعا لأمور كثر تراب قطر

[ام ناصر1]

عقب ما صوتنا وارتفع المعدل بشكل ملحوظ بعدم الموافقه على استضافة طاقم البرنامج في قطر السؤال هل ستقوم جهة الاختصاص بالعمل بما جاء في التصويت ؟؟؟

سؤال مهم ..وجا ع بالي وانا اصوت

[حميداني]

اييه على بالي arab got talent
ان جذي عيل فعلاً هي تفاهه ان ننشغل باللهو ونشجع له

تم اعادة التصويت بلاء

[ام ناصر1]

اييه على بالي arab got talent
ان جذي عيل فعلاً هي تفاهه ان ننشغل باللهو ونشجع له

تم اعادة التصويت بلاء

:nice:
أنا قلت أنه الحميداني طيب وأصيل وبيراجع نفسه

[يونيك ^ قطر]

بصراحه برنامج ماله معنى صج تافه والكل يتمسخر على الثاني فيه واتمنى ان مايكون له مجال في قطر ....

[نوار قطر]

سؤال مهم ..وجا ع بالي وانا اصوت

والله يا ام ناصر جني بهم بيسوون لنا مثل ماسووو في التصويت الي كان ضد حفلات سوق واقف الناس انبح صوتها وهي تعيد وتزيد ان مايبون الحفلات واخرتها سووها ولا كأن شي صاير

[أعمار]

أرفض بشدة لأنه 1) مخالف لديننا مخالفة كبيرة 2) لأنه مخالف لعاداتنا القطرية الأصيلة 3) مخالف للذوق الإنساني السليم
وأشكر الأخ/الأخت اللي طرح الموضوع
وأسال المولى القدير أن يهدي المسؤولين عن إحضار هذا العمل إلى بلادنا أسال الله أن يهديهم ويكفي شرهم

[@الأدعم@]

طيب وش الجديد اذا سوق واقف كل ويكند حفلات ورقص

[النهار]

كلام فاضي وسخافه

[لولو2022]

طبعا نؤيد

[الخزرجي قطر]

تم التصويت لا لا لا لعدة اسباب

[ضوى]

لا

لانه سينتج جيل فاسد همه الرقص والغناء وهذا مايسعى اليه الفاسقون ، يريدون شباب قليل الهمه تفكيره محصور في اللهو والغناء والرقص ويبتعدون عن الذكر والتفكير بنا يجري لاخواننا المسلمين في كل العالم من قتل وذبح واغتصاب وتشريد


اللهم اشغلهم بانفسهم واجعل باسهم بينهم اللهم اميييين

[jaf111]

اللهم لاتؤاخذنا بما فعل السفهاء منا

هذي سفاهه

[طبيب قطري]

أرفض وجود هالبرنامج وبشده

[Abdullah_89]

سخاااااااااااافه وتفاااااااااهه وقله حياء

[مرحوم قطر]

لا ,,, لان برنامج تافه

[النجلا]

تم التصويت ب لا والنسبة وصلت 93%

[qatari911]

تم التصويت بـ لا
بس احلام في الدوحه وهي الجايبه المسخره على قطر
اذا تبون توقفون هالشي
روحو لتويتر احلام واهجمو عليها
بس بااحترام >>>>>>>>>>> هي ماتحترم احد من الي يرد عليها او ينصحها

[شبح الصمت]

أتمنى أنه ما يصير وإلا يتم

ودي أعرف هالبشر ما يجيهم تآنيب ضمير بالخطأ !!!

كله فلوس وشهره فلوس وشهره

ما يدرون أنه الموت ان اختارهم لا مفر

ما يدرون انه كلنا رآح نرجع لتحت الترآب ولكن يبقى العمل الصالح ..

وين العمل الصالح يا لجنة تحكيم عرب آيدل

هل هذا عمل صالح تقابلون به وجه الله

كلنا نخطي كلنا نخطي كلنا نخطي ولكن خطأ عن خطأ يتفاوت ..

الله يرحمنا برحمته فوق الارض وتحت الارض ويوم العرض

وآآيد كلام آخوي qatari911 أتمنى تدخلون عليها في التويتر وتقولون لها كلام من دون تجريح وتذكير بالآخرة لعلى وعسى يلين قلبها

[همر]

طبعاً أؤيد..




ابي اضحك..


المشكله البرنامج ماجابوه لكم ليش زعلانين؟!! يعني تتوقعون بتشوفون حصه و منيره و جواهر و مها ؟!! مابيروح غير نيكول و فيرونيكا و مونيكا و حبيبه !!!

خايفين على الجيل لا يضيع ؟!! اخاف المدارس يسوون رحلات حق البرنامج بس خلونا ساكتين... واللي ضايع ضايع في الدوحه ولا برع مب عيزان يسافر البحرين ولا دبي..


اصلا من اللي بايعها يروح يتمصخر؟!! على رأي نكتة البيبي.. مسكين اللي ينشهر في قطر .. 1٪ معجبين و 99٪ يتطنزون..

[ghanim911]

المجتمع ايش بيجني وبيستفيد من مواهب البعض في النهيق او التعري او الدياثة ...

[الدمعه]

تم التصويت بلا

عسى بس ينفذون رغباتنا

الله يهدينا ويهدي جميع المسلمين

[alfaisaly]

لا الله لايحييهم ماحنا بناقصينهم

الله المستعان اذا بقو يجيبونه ماهمهم تصويتنا

[علي رشيد]

أؤيد طبعاً
حلو نشوف قطر مناره للمواهب




معاك 100%

ترى البرنامج للمواهب الغريبه و الفذه !!

يعني مب شرط رقص و غنا !!

ممكن واحد يسوي كنترول بكورتين يشارك
و ممكن وحده ترسم بالرمل تشارك ..

مواهب موااااااااااااااااهب
مب بس غناء و رقص !!!!!!!!!

[غموضي محيرهم]

اؤيد عشان احضر : ) خخخخخ

[Mohammed2]

اللي ردو اخر شي
ترى ارب ابدل للغناء فقط

انتوا تقصدون ارب غوت تالنت

لاتوافقون اقروا عدل

[سيناتورنايف]

معاك 100%

ترى البرنامج للمواهب الغريبه و الفذه !!

يعني مب شرط رقص و غنا !!

ممكن واحد يسوي كنترول بكورتين يشارك
و ممكن وحده ترسم بالرمل تشارك ..

مواهب موااااااااااااااااهب
مب بس غناء و رقص !!!!!!!!!

تبي تطلع المواهب روح لهم وطلع مواهبك في بلادهم انت والاخ اللي قبلك

[QtrGate]

لا
والسبب
اذا كنت مسلم بتعرف

[غموضي محيرهم]

اللي ردو اخر شي
ترى ارب ابدل للغناء فقط

انتوا تقصدون ارب غوت تالنت

لاتوافقون اقروا عدل

,,,

وي ع بالي ارب قوت تالينت !

[جينير]

يجب منعه من باب الامر بالمعروف والنهي عن المنكر

اللهم اهدني واهدي الجميع للصراط المستقيم

[المتألم]

جاوبت على الاستبيان
بالرفض
رفض البرنامج وجلبه وليس رفض فكرته

أعتفد أن الدولة قادرة على تقديم برنامج أكثر قوة وروعة ويراعي التقاليد لجلب المواهب وإخراجها من
كمونها وسباتها الناتج عن عدم الإهتمام .
لا داعي لجلب كل شيء من الغرب بكل ما فيه من أختلاف يناسب بيئتهم ولا يناسب بيئتنا .

[Miss.m]

لا لا لا لا ااؤيد

ياريت لو تسوين مواهب حق القراء والمنشدين والمخترعين شي فالعلم
موب مصخره واغاني وساحر وحركات اسغفرالله العظيم

[BuFaisal]

الله لا يحيهم

[pure]

أكيد لاء

بروحها الدنيا ما تمطر علينا بعد ايبونهم !

[لاجل QT]

ياكرهي حق هالبرامج

كلة طنازة في خلق الله

[pure]

معاك 100%

ترى البرنامج للمواهب الغريبه و الفذه !!

يعني مب شرط رقص و غنا !!

ممكن واحد يسوي كنترول بكورتين يشارك
و ممكن وحده ترسم بالرمل تشارك ..

مواهب موااااااااااااااااهب
مب بس غناء و رقص !!!!!!!!!

أنت متأكد انك تتكلم عن اهل قطر !

ماخبر بطول حياتي جفت مواهب غريبه وفذه الا اللي تقلب عيونها ولا تحرك اذونها :(

جان انت تتبرع وتوريهم المواهب الفذه هذا شي ثاني :nice:

[AHMED A]

التصويت لا


الشي الغريب ان برنامج نجوم العلوم اللي اظهر مواهب العرب وخاصة الشباب ما شفنا له الدعايات الكافية مثل برامجهم المنحطة واللي تخالف ديننا وعاداتنا

الله وهديهم ويصلح حالهم

[متروس]

المشكلة مش في استضافة او لا

المشكلة في معنى كلمة "عرب ايدول" الناس ماشين على الموجة ومش فاهمين اصل ومعنى كلمة "ايدول"

هذي الكلمة ترمز الى مايعبد من دون الله جل في علاه

وتطلق على الأصنام او الأشخاص الذين يعبدونهم اقوامهم من دون الله ورفع درجات هؤلاء المعبودين الى درجات الربوبية

[Galbi]

أكيد لا

العالم ثورة وذبح وظلم

وهذيل جايين يغنون يهزون مع طقاقتهم اللي صارت فجأة فنانة الخليج الأولى

[Dark_QTR]

لا تقل كلمة تويت بل قل كلمة تغريدة

لأن تويت بالغة العبرية تعني " لا للمسلمين"

لا أمزح بس أقلد بعض الناس .....

[Qatarina]

لا اؤيد شي اكسب منه سيئات ..

[حميداني]

لا تقل كلمة تويت بل قل كلمة تغريدة

لأن تويت بالغة العبرية تعني " لا للمسلمين"

لا أمزح بس أقلد بعض الناس .....

ههههههه كنت بتجيب لي جلطه

[قطررية كشخه]

لا اؤيد

[غايه الطواش]

كلن عقله براسه

[penguin]

ياريت اجوف قطرين و قطريات يشاركون :weeping:

بصوت لهم :nice:

[حسن]

لايكون اللي ييبنون لهم خيام عقب الريس

[علي رشيد]

تبي تطلع المواهب روح لهم وطلع مواهبك في بلادهم انت والاخ اللي قبلك




والله هذا رأيي وانا حر فيــه ..

ثاني شي هذي بلادي و كيفي أطلَع مواهبي فيها مب لازم اروح بلادهم ..


و بالنسبه لك ....
ممكن تسكَر التلفزيون حظرتك ..

[ريتويت]

لا تقل كلمة تويت بل قل كلمة تغريدة

لأن تويت بالغة العبرية تعني " لا للمسلمين"

لا أمزح بس أقلد بعض الناس .....

الله يهديك .. اتمنى نشوفك تقلد ال ...... بس تمزح

[ريتويت]

والله هذا رأيي وانا حر فيــه ..

ثاني شي هذي بلادي و كيفي أطلَع مواهبي فيها مب لازم اروح بلادهم ..


و بالنسبه لك ....
ممكن تسكَر التلفزيون حظرتك ..

لا ليش يسكرون التلفزيون .. عادي الساحه عندك بكبرها غن وارقص وتنكس وقول انت حر ... انفتاح شعليك من الناس

[tradesman]

هههههههههههههههه

واخرتهم نص المعارضين يشوفون ويتابعون البرنامج

[عين قطر]

لا طبعااااااا