تكفون يا أخواني انصحوني :(

[الجــازي]

السلام عليكم ورحمة الله وبركاته

أخواني جزاكم الله كل خير يارب ابي بنكم النصيحة .

والله احترت وحتار دليلي :( مع الدفان الي قبل البرسلان مباشرة .

كل ماجبت لي احد يقول لي شي ، احد يقول لي افضل لك تحطين رمل بلاستر واحد يقول الرمل المغسول واحد يقول لي البودرة افضل :( تعبت وحترت اعرف وين الافضل لي .

الله يرحم والديكم يارب انصحوني ودلوني على الافضل .

ماهو الافضل :

رمل البلاستر
او
الرمل المغسول
او
البودرة

علما بان بيتي على البحر .

وجزاكم الله عني كل خير يارب

أختكم في الله

[khaldoon]

رمل مغسول و بس و لو تبي الخلطه الزينة 3 رمل و 1 اسمنت

رمل البلاستر ممكن تدفين فيه البايبات اللي بالحوش

البودره بتلاقيها صلبه مثل الحجر لما تحطيها بس لو صادتها ماي بتنتفخ و بيرتفع البلاط للاعلى و بيخترب

[الجــازي]

جزاك الله كل خير وبيض الله وجهك اخوي ماقصرت

[MAZEN37]

رمل مغسول و بس و لو تبي الخلطه الزينة 3 رمل و 1 اسمنت

رمل البلاستر ممكن تدفين فيه البايبات اللي بالحوش

البودره بتلاقيها صلبه مثل الحجر لما تحطيها بس لو صادتها ماي بتنتفخ و بيرتفع البلاط للاعلى و بيخترب
وبالنسبه لدفن القواعد بودره مخلوطه مع حجار صغيره ايش رايك يا مهندسنا

[khaldoon]

وبالنسبه لدفن القواعد بودره مخلوطه مع حجار صغيره ايش رايك يا مهندسنا

بكره يا الغالي لما تدفنها و تصيدها ماي سواء من الارض نفسها او تسريب من خط ماي او مجاري اجلكم الله و انتفخت و رفعت البلاط اللي في الحوش و خربته ايش راح تسوي


كثير من المقاولين بيحاولون يضحكون على الملاك انه البودره افضل من الرمل المغسول و انها مثل الحجر و صلبة جدا لانها رخيصه و يوفرون بالرمل المغسول لانه اغلى شي

لو تبي تخلط برمل بلاستر افضل

افضل رمل لدفان القواعد هو الرمل الطبيعي اللي كان بالبيت بعد ازالة الاحجار الكبيرة منه

[الجــازي]

أخوي khaldoon

ممكن تفيدني على كم تريب الرمل المغسول ؟

وسؤال ثاني الله يسلمك .. هل الرمل المغسول هو نفسه رمل الحكومه ؟

جننوني هالبكستانيين :( اقول له رمل مغسول يقول ايه رمل حكومي :(

[معماري قطري]

أخوي khaldoon

ممكن تفيدني على كم تريب الرمل المغسول ؟

وسؤال ثاني الله يسلمك .. هل الرمل المغسول هو نفسه رمل الحكومه ؟

جننوني هالبكستانيين :( اقول له رمل مغسول يقول ايه رمل حكومي :(


صح كلامهم إختي الرمل المغسول هو الرمل الحكومي الخشن، وهذا غالي شوي بسبب غسيله وانتاجه من مناطق محددة في قطر .. ما اذكر سعره كم قبل كان 300 ريال للتريب .. وبالنسبة للدفان خلينا نقول من القواعد إلى حدود 20 سم أو 15 سم من مستوى البلاط يكون دفان ناتج الحفر ومغربل من الحجارة الكبيرة ومدكوك جيداً.. ينحط فوقه بلاستيك سميك وتنصب فوقه خرسانة أما بشبك حديد 8مم أو مقواه بالفايبر، ويستحسن تمديد بايبات الكهرباء بعد الخرسانة ومن ثم عمل سكريد خفيف من خليط الإسمنت والرمل المغسول ويركب فوقها البورسلان باللزقة الخاصة.

وما قصر الأخ خلدون في شرحه الوافي وليسمح لي على المداخلة.

[كازانوفا]

موفقه اختنا الكريمه
ومهندسنا الفاضل خلدون ما قصر بالشرح والنصيحه

بالتوفيق ان شالله

[ضوى]

انا شفتهم يحطون رمل بس مب الناعم لا شوي جاي على بيج مدري سكري ، وبعدين خلطوا رمل لباستر ببودرة بيضا

اشرايك اخوي خلدون صح هالشي ؟

[ضوى]

صح كلامهم إختي الرمل المغسول هو الرمل الحكومي الخشن، وهذا غالي شوي بسبب غسيله وانتاجه من مناطق محددة في قطر .. ما اذكر سعره كم قبل كان 300 ريال للتريب .. وبالنسبة للدفان خلينا نقول من القواعد إلى حدود 20 سم أو 15 سم من مستوى البلاط يكون دفان ناتج الحفر ومغربل من الحجارة الكبيرة ومدكوك جيداً.. ينحط فوقه بلاستيك سميك وتنصب فوقه خرسانة أما بشبك حديد 8مم أو مقواه بالفايبر، ويستحسن تمديد بايبات الكهرباء بعد الخرسانة ومن ثم عمل سكريد خفيف من خليط الإسمنت والرمل المغسول ويركب فوقها البورسلان باللزقة الخاصة.

وما قصر الأخ خلدون في شرحه الوافي وليسمح لي على المداخلة.

ماشفتهم حطوا هالشي تعتقد هالشي مصيبة كبيرة اخوي معماري ؟؟

[الجــازي]

أخوي معماري قطري

جزاك الله كل خير

انا الحين خلاص مدده الكهرباء والارضيه حاليا خرسانه .. وسؤالي هو الدفان تبع البرسلان الي هو 10 سم فقط ؟!!!!!!!!!!!!!

وجزاكم الله عني خير الجزاء

[khaldoon]

أخوي khaldoon

ممكن تفيدني على كم تريب الرمل المغسول ؟

وسؤال ثاني الله يسلمك .. هل الرمل المغسول هو نفسه رمل الحكومه ؟

جننوني هالبكستانيين :( اقول له رمل مغسول يقول ايه رمل حكومي :(

الحين سألت المقاول اللي معاي بناء على سؤالك و وراني فاتورة شراء كما يلي:

1 طن رمل مغسول= 37 ريال
التريب فيه 22 طن
يعني التريب-= 22*37=814 ريال قطري و هو من زمان غالي جدا جدا

الرمل الناعم (dune sand) او مثل ما يسمى خطأ رمل بلاستر:

التريب 22 طن يساوي 500 ريال كامل

الرمل المغسول هو رمل الحكومة لانه لا يغسل الا عن طريق الحكومة

بالتوفيق ان شاء الله

[khaldoon]

أخوي معماري قطري

جزاك الله كل خير

انا الحين خلاص مدده الكهرباء والارضيه حاليا خرسانه .. وسؤالي هو الدفان تبع البرسلان الي هو 10 سم فقط ؟!!!!!!!!!!!!!

وجزاكم الله عني خير الجزاء

انا فاهم عليكي من اول انك تقصدين الرمل تحت البلاط و لهالسبب قلت لك من اول الرمل المغسول و بس و هذا معنى كلمة الرمل في المواصفات (الرمل= رمل مغسول)

(ما في شي اسمه رمل ناعم و بودره.... هالشي افتعلوه بعض المقاولين للتوفير)

[khaldoon]

ماشفتهم حطوا هالشي تعتقد هالشي مصيبة كبيرة اخوي معماري ؟؟


المقصود هو النايلون (رولات نايلون شفاف)و بيكون سميك يعني 1000 gauge يعني 250 ميكرون و طبعا ما راح تفهمي ايش قصدي بس ممكن تتأكدي بسهوله.... الالف لا يمكن قطع النايلون باليلد المجرده... بس بالسكين

ما عدا ذلك (يعني 500 او 700 gauge)يمكن قطعه باليد المجردة مثل اكياس النايلون

الهدف منه انه عزل للمياه و الرطوبه و لما يوضع تحت صبية الارضيه بيمنع هروب الماي اللي فيها (الصبيه) للارض و ايضا بيعزل الماء من تحت الارض عن المبنى و هو مهم و ممكن تلاقي الدهان للحوائط يقشر من تحت لو صاده ماي لو ما تم وضع النايلون

[khaldoon]

انا شفتهم يحطون رمل بس مب الناعم لا شوي جاي على بيج مدري سكري ، وبعدين خلطوا رمل لباستر ببودرة بيضا

اشرايك اخوي خلدون صح هالشي ؟

الهدف هو التوفير من اللي سووه و انهم يحاولون يقربون بين خصائص الرمل الناعم و البودره مع الرمل الطبيعي و الرمل المغسول

اكيد اللي سووه مب صح ... كل ما زادت كمية البودره و الرمل المغسول اللي وضعوها كل ما كان الوضع اسوأ ....هم بيكونوا معتمدين انه سماكة اقل من 10 سم ما راح تهبط .....اما لو السماكة بخصوص الدفان للقواعد فالله يستر ....:(

[ضوى]

المقصود هو النايلون (رولات نايلون شفاف)و بيكون سميك يعني 1000 gauge يعني 250 ميكرون و طبعا ما راح تفهمي ايش قصدي بس ممكن تتأكدي بسهوله.... الالف لا يمكن قطع النايلون باليلد المجرده... بس بالسكين

ما عدا ذلك (يعني 500 او 700 gauge)يمكن قطعه باليد المجردة مثل اكياس النايلون

الهدف منه انه عزل للمياه و الرطوبه و لما يوضع تحت صبية الارضيه بيمنع هروب الماي اللي فيها (الصبيه) للارض و ايضا بيعزل الماء من تحت الارض عن المبنى و هو مهم و ممكن تلاقي الدهان للحوائط يقشر من تحت لو صاده ماي لو ما تم وضع النايلون

يتركب عالحوايط ايضا؟؟؟

ولو فيه عازل بالارضية بعد لازم يتركب هالنايلون اخوي خلدون ؟

[khaldoon]

موفقه اختنا الكريمه
ومهندسنا الفاضل خلدون ما قصر بالشرح والنصيحه

بالتوفيق ان شالله

بارك الله فيكي اختي كازانوفا... هذا من لطفك و ذوقك والله

[ضوى]

الهدف هو التوفير من اللي سووه و انهم يحاولون يقربون بين خصائص الرمل الناعم و البودره مع الرمل الطبيعي و الرمل المغسول

اكيد اللي سووه مب صح ... كل ما زادت كمية البودره و الرمل المغسول اللي وضعوها كل ما كان الوضع اسوأ ....هم بيكونوا معتمدين انه سماكة اقل من 10 سم ما راح تهبط .....اما لو السماكة بخصوص الدفان للقواعد فالله يستر ....:(

لا مب للقواعد الحمد لله طمنتني

بس اللي شفته رمل مغسول متاكدة منه والبودرة شي قليل جدا

[khaldoon]

يتركب عالحوايط ايضا؟؟؟

ولو فيه عازل بالارضية بعد لازم يتركب هالنايلون اخوي خلدون ؟

لا ما يتركب على الحوائط... بس تحت الصبيه للارضيه و بيمنع الرطوبه انها تصعد للحوائط مثل ما قلنا من قبل

[khaldoon]

لا مب للقواعد الحمد لله طمنتني

بس اللي شفته رمل مغسول متاكدة منه والبودرة شي قليل جدا

ان شاء الله ما يأثر و ان شاء الله اموركم طيبه .. هي كلها محاولات توفير من المقاولين و انه اكيد ما راح يهبط البلاط خلال 400 يوم من تسليم المشروع بس الخوف على المدى الطويل فقط

[khaldoon]

صح كلامهم إختي الرمل المغسول هو الرمل الحكومي الخشن، وهذا غالي شوي بسبب غسيله وانتاجه من مناطق محددة في قطر .. ما اذكر سعره كم قبل كان 300 ريال للتريب .. وبالنسبة للدفان خلينا نقول من القواعد إلى حدود 20 سم أو 15 سم من مستوى البلاط يكون دفان ناتج الحفر ومغربل من الحجارة الكبيرة ومدكوك جيداً.. ينحط فوقه بلاستيك سميك وتنصب فوقه خرسانة أما بشبك حديد 8مم أو مقواه بالفايبر، ويستحسن تمديد بايبات الكهرباء بعد الخرسانة ومن ثم عمل سكريد خفيف من خليط الإسمنت والرمل المغسول ويركب فوقها البورسلان باللزقة الخاصة.

وما قصر الأخ خلدون في شرحه الوافي وليسمح لي على المداخلة.

بارك الله فيك يا الغالي و متفق معاك بالشرح الوافي .... مع انه ما في مقاولين يسوون سكريد.... بس طبقة نظافة و طبقة خرسانة مسلحة للارضيه (مسلحة يعني اللي بالشبك مثل a393 او a252 او a193.....)

[الجــازي]

موفقه اختنا الكريمه
ومهندسنا الفاضل خلدون ما قصر بالشرح والنصيحه

بالتوفيق ان شالله

جزاك الله كل خير أختي :)

[الجــازي]

أخواني جزاكم الله عني كل الخير

وبيض الله وجهكم جميعااااااااا وبارك الله فيكم ماقصرتوا :)

و إن شاء الله بتوكل على الله وباخذ نصيحتكم وباحط رمل مغسول :)

أختكم في الله

[بن غيث]

يمكن ردي متأخر ..

واظن معماري وخلدون أعطوكم التفاصيل كاملة ..


لكل انواع السيراميك والبورسلان الداخلي يجب ان ينفذ بطريقة اللصق للجدران والارضيات ويجب عمل صبة للأرضيات (سكريد ) بدل الدفان مكونة من إسمنت ورمل حكومي تفرش بالأرضية ويتم سقيها بالماء لمدة لا تقل عن ثلاثة أيام ومن ثم يلصق السيرميك أو البورسلان ما عدا الرخام والجرانيت حيث يستخدم دفان من الرمل الحكومي فقط ويتم تثبيته بإسمنت أبيض أما البلاط العادي فيلصق بالطريقة العادية وبدفان خاص ويعتمد من المهندس المشرف على أن يرش ضد النمل الأبيض قبل البدء بتركيب البلاط .

[معماري قطري]

يمكن ردي متأخر ..

واظن معماري وخلدون أعطوكم التفاصيل كاملة ..


لكل انواع السيراميك والبورسلان الداخلي يجب ان ينفذ بطريقة اللصق للجدران والارضيات ويجب عمل صبة للأرضيات (سكريد ) بدل الدفان مكونة من إسمنت ورمل حكومي تفرش بالأرضية ويتم سقيها بالماء لمدة لا تقل عن ثلاثة أيام ومن ثم يلصق السيرميك أو البورسلان ما عدا الرخام والجرانيت حيث يستخدم دفان من الرمل الحكومي فقط ويتم تثبيته بإسمنت أبيض أما البلاط العادي فيلصق بالطريقة العادية وبدفان خاص ويعتمد من المهندس المشرف على أن يرش ضد النمل الأبيض قبل البدء بتركيب البلاط .

ما شاء الله عليك جبت تفاصيل التفاصيل

المفروض هذي المواصفات تُعَد كاملة وتوضع في موضوع خاص يكون مثبت للرجوع إليه طول الوقت .. لأن تكلمنا في هذا الموضوع كذا مرة ومستعدين نتكلم فيه بعد مرات ومرات .. حتى الإستشاريين والمهندسين لهم طرق ومواصفات تتطور وتتغير مع الوقت، والمفروض هذي التفاصيل متضمنتها المواصفات القطرية للبناء، والمفروض أكثر إذا فيه استشاري متابع ما يخلي المالك ضايع مع المقاول .. وصدقوني أحياناً يكون كل شيء موجود في العقد والمواصفات والرسومات والمقاول يتفرط منه سواءً بالتفاهم مع الإستشاري أو بروحه وأوقات يحصل المالك نفسه دافع قيمة شيء جيد في شيء تحت المستوى .. والرابح المقاول.