ادش الحلاق بـ100ريال!!!

[CH Engineer]

السلام عليكم







الموضوع باختصار الحلاليق الاتراك في الاعياد ياخذون 100 ريال كمبلغ اضافي على كل شخص يحلق عندهم..
السؤال لحماية المستهلك اضافة المبلغ الاضافي او ضريبة العيد قانونية او مخالفة للقانون لان هالشي مب مكتوب على ورقة الاسعار (الدخول بـ100 ريال)

والشي الثاني يتعمد فالعيد يحلق للي يدفعون له ال100 ريال غير فلوس الحلاقه طبعا والباقي يتأسف ويتعذر لهم بالزحمه

بالنسبة لي يعاملني معامله خاصه وما اعطيه اي بخشيش من بداية السنه لين نهايتها الا فالعيد اعطيه 100 ريال شامله الحلاقه.

رايكم بالموضوع

[Charisma]

الله وحلاقتهم والله ان الحلاقه بصوب وهم بصوب ..

مالك الا الهنود والباكستانيين .. لايتفلسفون ولا ينصبون .. وشغلهم اخر حلاوة

[CH Engineer]

نسيت اقول ان فالعيد كل الحلاليق يدخلون راتب شهر بيوم واحد على نفس التسعيره
والحلاق التركي بالاضافه لسعره المرتفع يفرض ضريبه 100 ريال لكل شخص يحلق!!
يعني دبل دبل الراتب الشهري

[طبيب قطري]

لا تروحلهم وخلاص

[عاهد بن علي]

لا رقيب ولا حسيب

[يوسف0]

الله وحلاقتهم والله ان الحلاقه بصوب وهم بصوب ..

مالك الا الهنود والباكستانيين .. لايتفلسفون ولا ينصبون .. وشغلهم اخر حلاوة


:nice:

[يوسف0]

لا تروحلهم وخلاص

اي والله

[CH Engineer]

الله وحلاقتهم والله ان الحلاقه بصوب وهم بصوب ..

مالك الا الهنود والباكستانيين .. لايتفلسفون ولا ينصبون .. وشغلهم اخر حلاوة


اكثرهم حلاقتهم الله بالخير ويتأخر ويسولف لين تزهق منه
بالنسبه لي صايد واحد اتصله قبل لاروح له وثاني شي حلاقته ممتازه ويحلق لي بربع ساعه واذا كثر 20 دقيقه

شاكر لك مرورك

الى حماية المستهلك : ضريبة العيد قانونية او غير قانونية

[سعود العمادي]

السلام عليكم
الاتراك شغله مب لين هناك
عندك الهنود الصراحهـ شغله تمام وياخذون 50 اذا كثر (( لحية_شعر))

[ريتويت]

مكينه الحلاقه اتوقع بشي وتسعين ... الله اعلم

[الجوكر90]

السلام عليكم
انا احلق عند تركي ماياخذ مني ولا ريال
ولا احجز قبلها بيوم

[رجل الجزيرة]

السلام عليكم







الموضوع باختصار الحلاليق الاتراك في الاعياد ياخذون 100 ريال كمبلغ اضافي على كل شخص يحلق عندهم..
السؤال لحماية المستهلك اضافة المبلغ الاضافي او ضريبة العيد قانونية او مخالفة للقانون لان هالشي مب مكتوب على ورقة الاسعار (الدخول بـ100 ريال)

والشي الثاني يتعمد فالعيد يحلق للي يدفعون له ال100 ريال غير فلوس الحلاقه طبعا والباقي يتأسف ويتعذر لهم بالزحمه

بالنسبة لي يعاملني معامله خاصه وما اعطيه اي بخشيش من بداية السنه لين نهايتها الا فالعيد اعطيه 100 ريال شامله الحلاقه.

رايكم بالموضوع

قوله بكم عاجبك وإلا قله مع السلامة، وحماية المستهلك بيقول له عندك أكثر من حلاق، ويش معناتهم؟

[Mohammed2]

السلام عليكم
انا احلق عند تركي ماياخذ مني ولا ريال
ولا احجز قبلها بيوم

شلون يعني ؟!

يحلقك كل مرة مجانا !!!!


الا اذا كان رفيجك الروح بالروح يمكن

[راعي النيسان]

بصراحة انتوا اللي عودتهم على هالدلع والحين تتذمرون وتتحلطمون لي جو وارفعوا الاسعار .. امركم غريب بصراحة .. بالنسبة لي اذا جيت احلق ادفع له حق الحلاقة وبس ، ولا بخشيش ولا شي ،، هاي شغله وهاي سعره ليش ازيده ؟ يعني من قلة الزباين اللي عنده .. والا انا اللي مسوي نفسي مستر سبشل ؟


وبعدين ليش احلق ليلة العيد ؟ عندي اليوم اللي قبله واعتقد بأنه يوم اجازه واقدر اروح الصباح بدري عن الزحمة لو حبيت .. احلق واخلص اموري .. واللي بيقول لي الشعر عنده يطلع بسرعة بوجهه ،، ترى الدعوة كلها موس بريالين من اقرب بقاله والجل بعشرين ريال يتم عندك فوق الشهر وزيادة، والامور طيبة ولله الحمد

[الزعفراني]

موضوع مهم .. وياليت حد يتصل على حماية المستهلك ويجيب لنا الرد الرسمي منهم

[bonaser08]

لا تعاملهم بالمجامله وخذ حقك ولو بنص ريال
انت تجاملهم وهم يحسبونه اسخفاف في عقليتك
لازم يكون في فرق في المعاملات التجاريه مب على احساب الطيبه الزايده.

[حميداني]

صح لا تروح لهم ان كل ما كنت تبيه هو انك تبي تحلق
هم تراهم يدفعونك ثمن القعده والمكان واللي اونه تركي مادري مالديفي اللي يحلق لك
والبعض يستغل ان ماشي مع اللي يسمونها " الموضه" واخر الصيحات وهالكلام وهالاشياء لها روادها وناسها

حلق في المكان اللي يريحك واللي تشوفه نصاب وخر عنه خله يخسر واحد واللي هو انت
الله يوفقك

[khaldoon]

صراحة اول مرة اسمع بهالشي..... اروح لحلاقين اتراك اكثر من ربع قرن و لا عمرهم اخذوا بقشيش اكثر من 5 ريالات و لا يسوون اي تأخير

[mr.hamouda]

:eek5: حرام والله
ب15 حلاقه عند اي هندي
من عمري 7 سنين وانا عند نفس الهندي :victory::tease:

[فارس بلا جواد]

السلام عليكم مساكم الله بالخير

وكل عام وانتو بخير

انا واحد احب اهتم في شكلي والحلاق ما فارقه

اتعامل مع حلاق من عشر سنين والى الان انا معاه

وفي قمة الذوق والاخلاق

انا اعطيه بخشيش هو ما يطلب

وليسمح لي صاحب الموضوع

انا عندي سؤال غريب نوع ما

الخرفان على جم يحلقونهم ؟

و تفضلوا بقبول فائق الاحترام ،،،

[حميداني]

صراحة اول مرة اسمع بهالشي..... اروح لحلاقين اتراك اكثر من ربع قرن و لا عمرهم اخذوا بقشيش اكثر من 5 ريالات و لا يسوون اي تأخير

هو على حسب الموقع والمحل ووينه فيه وش التجهيزات اللي فيه وايش يخليه مميز
لاني انا بعد شفت اتراك حالهم من حال الحلاليق العاديه وشفت اللي تكلم عنه اخونا في الموضوع

هم راحو ولا جو كلهم تجار .. ذاك يحاول يستميل فئه والثاني يستميل فئه
والشاطر هو اللي يمشي

[المسك1969]

وايد مئة ريال... ليش تسوي تنظيف بشرة؟؟

عيالي الصغار احلق لهم شعورهم بعشرة ريالات عند الريال اللي يحلق لهم من هم صغار وان غيرنا مكان غير خذوا 15 ريال ... بس وااايد 100 حق دخووول والشغل حقه غير!!!

وما أعتقد أن الأمر قانوني فبلغ قسم الصالونات (بس مادري صالونات الرجال نفس صالونات الحريم يتبعون البلدية وإلا غير)


الله أكبر الله أكبر الله أكبر لا إله إلا الله، الله أكبر الله أكبر ولله الحمد

[بوخالد911]

مستحيل ادفع له 100

لو شيصير


بعض المغاربة ب 30 ريال
والهنود ب 25

ولا يقصووون عليكم

[H B A]

آخوي اول مره نسمع بهالشي
اذا شفت حلاق كذا انت مب مجبور تحلق عنده

الشباب يتجمعون فالمجلس ويجيهم الحلاق يخلصهم بالدور ياخذ على الشخص ١٠٠ ريال
وهالكلام ليلة العيد !! وتركي بعد هههههه

[فلتة زمانها]

معليه اخوي اعتبرها دفعة بلا والا عيدية
انتو 100 ريال ومضبطين اموركم احنا البنات الي مصاريفنا ماتخلص
اقل شيء ندفع للصالون 500 ريال واذا مع الحنا توصل 1000 ريال
الله كريم

[CH Engineer]

لا تروحلهم وخلاص
اخوي في السنه ادفع 100 ريال لكل عيد واريح مخي من الدواره والانتظار لساعات طويله
وباقي الايام ب20 ريال
غير اني ما اعطيه ال20 فالعيد اكتفي بال100 فقط
غيري يدفع قدامي اكثر من 100
شاكر لك مرورك



لا رقيب ولا حسيب
منور الموضوع اخوي عاهد بن علي


السلام عليكم
الاتراك شغله مب لين هناك
عندك الهنود الصراحهـ شغله تمام وياخذون 50 اذا كثر (( لحية_شعر))
نفس السعر التركي ياخذ
بالعكس ياخذ 20 على اللحيه واذا عدل الشعر بس تعديل يمكن ياخذ 10 ومرات 20 واذا طول وهو يحلق ياخذ 30 كامله
السؤال عن ضريبة العيد فقط


مكينه الحلاقه اتوقع بشي وتسعين ... الله اعلم

عندي المكينة بس من بيحلق لي :telephone:

[CH Engineer]

السلام عليكم
انا احلق عند تركي ماياخذ مني ولا ريال
ولا احجز قبلها بيوم
ما احجز قبلها بيوم اتصله واسأله اذا عندك حد بجيك بعد شوي واذا ماعندك انا جايك الحين
شكلك راعي الحلاق!


قوله بكم عاجبك وإلا قله مع السلامة، وحماية المستهلك بيقول له عندك أكثر من حلاق، ويش معناتهم؟
هذا رد حماية المستهلك :secret:



بصراحة انتوا اللي عودتهم على هالدلع والحين تتذمرون وتتحلطمون لي جو وارفعوا الاسعار .. امركم غريب بصراحة .. بالنسبة لي اذا جيت احلق ادفع له حق الحلاقة وبس ، ولا بخشيش ولا شي ،، هاي شغله وهاي سعره ليش ازيده ؟ يعني من قلة الزباين اللي عنده .. والا انا اللي مسوي نفسي مستر سبشل ؟


وبعدين ليش احلق ليلة العيد ؟ عندي اليوم اللي قبله واعتقد بأنه يوم اجازه واقدر اروح الصباح بدري عن الزحمة لو حبيت .. احلق واخلص اموري .. واللي بيقول لي الشعر عنده يطلع بسرعة بوجهه ،، ترى الدعوة كلها موس بريالين من اقرب بقاله والجل بعشرين ريال يتم عندك فوق الشهر وزيادة، والامور طيبة ولله الحمد
ماعودته ولا شي هو بالعيد يتعمد يحط 100 ريال عشان يدبل ربحيته دبل الدبل


موضوع مهم .. وياليت حد يتصل على حماية المستهلك ويجيب لنا الرد الرسمي منهم

شاكر لك مرورك اخوي وننتظر الرد من حماية المستهلك


لا تعاملهم بالمجامله وخذ حقك ولو بنص ريال
انت تجاملهم وهم يحسبونه اسخفاف في عقليتك
لازم يكون في فرق في المعاملات التجاريه مب على احساب الطيبه الزايده.

ال100 ريال للعيد فقط
شاكر لك مرورك


صح لا تروح لهم ان كل ما كنت تبيه هو انك تبي تحلق
هم تراهم يدفعونك ثمن القعده والمكان واللي اونه تركي مادري مالديفي اللي يحلق لك
والبعض يستغل ان ماشي مع اللي يسمونها " الموضه" واخر الصيحات وهالكلام وهالاشياء لها روادها وناسها

حلق في المكان اللي يريحك واللي تشوفه نصاب وخر عنه خله يخسر واحد واللي هو انت
الله يوفقك
اخوي ال100 ريال للعيد فقط
يعطيك العافيه


صراحة اول مرة اسمع بهالشي..... اروح لحلاقين اتراك اكثر من ربع قرن و لا عمرهم اخذوا بقشيش اكثر من 5 ريالات و لا يسوون اي تأخير
للعيد فقط
شاكر لك مرورك


:eek5: حرام والله
ب15 حلاقه عند اي هندي
من عمري 7 سنين وانا عند نفس الهندي :victory::tease:
شاكر لك مرورك


السلام عليكم مساكم الله بالخير

وكل عام وانتو بخير

انا واحد احب اهتم في شكلي والحلاق ما فارقه

اتعامل مع حلاق من عشر سنين والى الان انا معاه

وفي قمة الذوق والاخلاق

انا اعطيه بخشيش هو ما يطلب

وليسمح لي صاحب الموضوع

انا عندي سؤال غريب نوع ما

الخرفان على جم يحلقونهم ؟

و تفضلوا بقبول فائق الاحترام ،،،

اتصل على المقصب الالي واسألهم
ومره وحده اتصل على حماية المستهلك واسألهم ضريبة العيد قانونيه او غير قانونيه!!

[jeep-srt8]

اوف وشفيهم الهنود بعد حليلهم يحلقون لنا من وحنا بزران ليش هالتطفل من التركين والمبالغ فيه ب اسعارهم ؟؟؟؟؟؟

لبيه سوق العلي

[CH Engineer]

وايد مئة ريال... ليش تسوي تنظيف بشرة؟؟

عيالي الصغار احلق لهم شعورهم بعشرة ريالات عند الريال اللي يحلق لهم من هم صغار وان غيرنا مكان غير خذوا 15 ريال ... بس وااايد 100 حق دخووول والشغل حقه غير!!!

وما أعتقد أن الأمر قانوني فبلغ قسم الصالونات (بس مادري صالونات الرجال نفس صالونات الحريم يتبعون البلدية وإلا غير)


الله أكبر الله أكبر الله أكبر لا إله إلا الله، الله أكبر الله أكبر ولله الحمد

لا بدون التنظيف مع التنظيف بالراحه فوق ال 200 ريال
انا اتكلم عن مبلغ يندفع في كل عيد
شاكر لج مرورج



مستحيل ادفع له 100


بعض المغاربة ب 30 ريال
والهنود ب 25

ولا يقصووون عليكم
شاكر لك مرورك اخوي


آخوي اول مره نسمع بهالشي
اذا شفت حلاق كذا انت مب مجبور تحلق عنده

الشباب يتجمعون فالمجلس ويجيهم الحلاق يخلصهم بالدور ياخذ على الشخص ١٠٠ ريال
وهالكلام ليلة العيد !! وتركي بعد هههههه
ههههههههه خلاص بجيكم فالعيد



معليه اخوي اعتبرها دفعة بلا والا عيدية
انتو 100 ريال ومضبطين اموركم احنا البنات الي مصاريفنا ماتخلص
اقل شيء ندفع للصالون 500 ريال واذا مع الحنا توصل 1000 ريال
الله كريم

الله يعينكم على الاسعار وعلى عقليات اللبنانيات
اذا شافت بمجله قصه ب4000 ريال ثاني يوم ترفع سعر القصه بصالونها ل5000 ريال ( ما حدا احسن من حدا)
الموضوع كتبته بعد ماشفت موضوع الصالونات في قسم حماية المستهلك
شاكر لج مرورج

[السيف5]

ومازال حلاقنا الشعر ب 15ريال واللحية 10 ريال والسلام
وبالعيد بخشيش 10ريال ويقول مشكور بابا

[ولد الرياان]

والله هذا كلام فاضي

يعني العيد لي راح قاعد في المجلس والشباب يقولون حق بعض ها حجزت الساعه كم في الحلاق كلام غريب بنسبه لي اخبر الحلاق تعال واجلس على الكرسي وسلام يقولون لا الحين غير تحجز بـ 100 ويعطيك موعد

ماكثر في قطر الا الحلاليق وانا ماني مجبور على هذا الحلاق


بس ربعنا الله يهداهم يرفعون الواااحد فوووق

والله كلام فاضي

[حميداني]

اذا للعيد بس هذي فعلاً انتهازيه ونصب عيني عينك ولازم حماية المستهلك تشوف شغلها في هذا الموضوع

[admin qatar]

الى حماية المستهلك : ضريبة العيد قانونية او غير قانونية في جميع المحلات ؟

[تاجر كشخة]

واضح جدا انه سبب ارتفاع الاسعار هو هذي الفئات الي تحب المفوشرة عاد راعي المحل عرف شلون يستغلنا يا اخي انا مش مجبور على حلاق معين يا كثر الحلاقين في البلد روحوا سوق العلي هناك حلاق هندي شيبة حلاقتة ولا اروع شغال مدة طويلة لا طلب منا بقشيش ولا هم يحزنون يجي التركي يضحك عليكم
العقل نعمة

على فكرة حلاقين الاتراك ما اجي صوبهم كل شوي في نص الحلاقة يطلع لك غرشة ويبتدي شغل اعلانات

[khalid Qtr]

على شنو 100 !!

والله احلق احلى حلاقة مع ملحقاتها من تنظيف بشرة وغيره ما توصل 45 ريال ..

[7llo]

تصدق اول امس محلق في حلاق دوم احلق عنده يقولي تبي اسجلك موعد في العيد عشان تجي تحلق اقوله الموعد بكم ؟ يقولي الموعد ب 150 غير الحلاقه قلت له لا مابي باجي وبانطر دوري هههههه

[أسير الأحلام]

يا اخواني تعلموا تحلقوووون لحاكم بأنفسكم ... وبالنسبة للشعر روح قبل العيد بـ 3 ايام ما اعتقد بيطول شعركم ... هم يستغلون انك محلق محلق علشان بكره العيد ... خلهم يضطرون ينطرون الزبايين ولا يلاقووون ... انا عني صار لي 5 سنين احلق بالبيت انظف واحسن ولا حد يتشطر علي ولا انطر احد ...

[شبح الصمت]

يا كثر الحلاليق ما جآآآت على حلاق وآحد

إذا تبون الصدق لازم نحآآسب الشخص الي يدفع لهم آهو الي علمهم

عطه زيادة 5 ريآل عن طيب خآطر 100 ريآآل

وأن شفت هالشيء يصيــر آتصل في حماية المستهلك خلهم يطرشون شخص من عندهم على آنه يبـي يحلق ويسوي لهم كميـن ..

[بوالبيض]

والله مدلعينهم خلوهم يولون وروحوا حق البنغال والهنود احسن منهم ما في وقلوبهم نظيفه

[BUHASSEN]

والله بعض الناس هم الي مكبرين روس الحلاليق 100 عسي ماشر والله حمايه المستهلك يبيلها تتفاهم مع الناس الي يحجزون مب مع المحل صدق لي قالوا اخوانا المصريين رزق الهبل عالمجانين

[شبح الصمت]

تعليق ثآآني بعد آذنكم

آهم شي فالسآلفه

يضبط لك الزآآويه تكون كانه احد سآحبها من تحت

ويعطيك الصبغ الأسود

آشلون ما تبي بعض الناس يبخون وهو غير في شكله 180 درجه

عآدي تحصله يوم يدخل عند الشباب يقعد يلف يمين ويسار شوف الزاويه هآآ أش رايك

ههههههههههههههههههههههههههههههههههههههههههههههههها ي

:)

[الفا برافو]

حلاقي هندي في غزة... دوم احلق عنده اذا فل سرفس شعر ولحيه وتحديد اللحيه اعطيه 50 ريال منها الحلاقه ومنها الاكراميه وشغله ولا احسن ولا تفلسف الاتراك ولا غيره

[رذاذ]

احنا عودناهم

[q6ri_vip]

تعليق ثآآني بعد آذنكم

آهم شي فالسآلفه

يضبط لك الزآآويه تكون كانه احد سآحبها من تحت

ويعطيك الصبغ الأسود

آشلون ما تبي بعض الناس يبخون وهو غير في شكله 180 درجه

عآدي تحصله يوم يدخل عند الشباب يقعد يلف يمين ويسار شوف الزاويه هآآ أش رايك

ههههههههههههههههههههههههههههههههههههههههههههههههها ي

:)


هههههههه يبتها صح

[بومحمد المطاوعه]

والله ريال غير سعر التحليق مايشوفه

عاد الي يدفع 500 علشان يحجز

بعيد الشر خله يروح يغسل مخه في مستشفى حمد

وياليت يفتحون قسم لغسيل المخ

اللهم لا شماته

في ناس ماعندهم 500 ريال لأخر الشر علشان يأكل اهله

وفي ناس علشان كرسي يحجزه ب 500 ريال

والله الكرسي الصاحي بـ 500 باااااااااااال



لاحول ولاقوة الا بالله

[Abdullah_89]

انا الحمد لله مريح نفسي

شاري مكينه حلاقهمن باناسونيك ب 750 ريال من فرع الوكره

لو حسبتوها صح :

سعر الحلاقه على الأقل 25 ريال x 3 مرات بالأسبوع مثلاً في 4أسابيع بالشهر = 300 ريال بالشهر

خلونا نقول 250 ريال عشان محد يقولي مبالغ فالسعر ..

250 ريال كل شهر في السنه = 3000 ريال

وبعد بنقول خلونا ننزل السعر ونقول 2000 ريال بالسنه


زين الشاطر يشتري مكينته الخاصه ويحلق بروحه فالبيت انظف واضمن :)


استغرب من البعض شاري مكينته الخاصه وقاطها بالحلاق ؟؟ عيل ليش شاري المكينه دامك بتدفع فالحلاق ؟؟ شيضمنك ان الحلاق مابيستخدم مكينتك حق الزباين ال vip :) فكر فيها يالذيب ^_^

[شبح الصمت]

هههههههه يبتها صح



:shy:

[عبدالعزيز الهتمي]

ما يظبط العارض غير الحلاق البكستاني 15 ريال
بلا تركي و عوار رأس ونصب وملاغه وعقار
في خلق الله

[شبح الصمت]

انا الحمد لله مريح نفسي

شاري مكينه حلاقهمن باناسونيك ب 750 ريال من فرع الوكره

لو حسبتوها صح :

سعر الحلاقه على الأقل 25 ريال x 3 مرات بالأسبوع مثلاً في 4أسابيع بالشهر = 300 ريال بالشهر

خلونا نقول 250 ريال عشان محد يقولي مبالغ فالسعر ..

250 ريال كل شهر في السنه = 3000 ريال

وبعد بنقول خلونا ننزل السعر ونقول 2000 ريال بالسنه


زين الشاطر يشتري مكينته الخاصه ويحلق بروحه فالبيت انظف واضمن :)


استغرب من البعض شاري مكينته الخاصه وقاطها بالحلاق ؟؟ عيل ليش شاري المكينه دامك بتدفع فالحلاق ؟؟ شيضمنك ان الحلاق مابيستخدم مكينتك حق الزباين ال vip :) فكر فيها يالذيب ^_^




يآخوي انت تتكلم عن عارض وشنب شبك مع بعض يعني لي جيت تحلقهم بس دز الرقم على الي تبيه واحلق

أو اطير العارض والشنب ديرتي !!!


المشكلة لي جو نفس حالتنا تبي تضبط السكوسكه مره تصغرها مره تكبرها مره تسوي لها رجيم يعني حركات خبرك والشنب تبي تضبطه يآخي بتشدخ وجهك فالبيت من كثر ما تجرب


عآآد أنت ماشاء الله عليك تعودت


الدور والبآقي علينا مال قط وجهك عند الحلاق وعطها غفوه واستمتع بمساج الرآس

:shy:

[CH Engineer]

واضح جدا انه سبب ارتفاع الاسعار هو هذي الفئات الي تحب المفوشرة عاد راعي المحل عرف شلون يستغلنا يا اخي انا مش مجبور على حلاق معين يا كثر الحلاقين في البلد روحوا سوق العلي هناك حلاق هندي شيبة حلاقتة ولا اروع شغال مدة طويلة لا طلب منا بقشيش ولا هم يحزنون يجي التركي يضحك عليكم
العقل نعمة

على فكرة حلاقين الاتراك ما اجي صوبهم كل شوي في نص الحلاقة يطلع لك غرشة ويبتدي شغل اعلانات
اخوي لا مفوشر ولا شي
اعطيه 20 ريال للحلاقه (لحيه) وكل الحلاليق نفس السعر
وفوق هذا اتصله قبل لا اجيه عشان ما انتظر ويحلق لي بسرعه وفاهم علي..
الموضوع عن ضريبة العيد
شاكر لك مرورك


تصدق اول امس محلق في حلاق دوم احلق عنده يقولي تبي اسجلك موعد في العيد عشان تجي تحلق اقوله الموعد بكم ؟ يقولي الموعد ب 150 غير الحلاقه قلت له لا مابي باجي وبانطر دوري هههههه
150 سعر الاتراك في الخور :telephone:
المشكله وين نتنظر والحجز عنده فل لين الفجر
وبعدين ادفع 100 ولا انتظر 10 ساعات :secret:


ما يظبط العارض غير الحلاق البكستاني 15 ريال
بلا تركي و عوار رأس ونصب وملاغه وعقار
في خلق الله
وين حلاقك الباكستاني شكلي بجربه بعد العيد..


الى حماية المستهلك : ضريبة العيد قانونية او غير قانونية

[abdo222]

الحلاقه تكون "بالدور"

وما قد شفت حد طاف دور الثاني عشان دفع 100 ريال للحلاق !!!

[عبدالعزيز الهتمي]

اسمحلي الشيخ ما أعلمك أخاف عقب
يكبر رأسه ويقولي الحجز 100 ريال لكن عموما أغلب الحلاليق ألبكستانين لعبتهم العارض لو كنت من محبين العارض
الله يذكره بالخير الحلاق البكستاني الملقب ب (الجزار) الي كان فشارع الكهرباء يحلق لك
والزقاره فحلجه ههههههه راحوا الطيبين :shy:

[Dark_QTR]

عن نفسي
أحل عند التركي الي في الفريج اب 15 ريال حق الشعر و 10 حق العارض (نفس معضم الحلاليق)
التركي : أنظف ، أونس، يده خفيفة أكثر من الهندي وممكن تكون حلاقته أحسن على حسب خبرته
-----
ليلة العيد نتبع أسلوب الحجوزات عشان كل واحد يخلص أموره في الوقت الي يبيه، الحلاق ياخذ فايده
15 ريال، يعني لو تحسبها.. تبي تحدد عارض 10 ريال+ العموله 15 يطلع عليك 25 ريال آخر حلاوه
عمرها ما أوصلت 100 ياخوي إلا اذا تبي تحط قناع وهالأشياء الي ما منها فايده .. تعال حلاليق شارع المطار خلهم يضبطونك ليلة العيد بأسعار رمزية وفي الوقت الي تبيه ... سوينا لهم داعيه شيبون بعد

[معماري قطري]

مكينه الحلاقه اتوقع بشي وتسعين ... الله اعلم

صدقتي... معتمدها من زمان ولتخفيف الشنب الثانية الألمانية، وبراحتي في ربع ساعة في البيت لا حساسية ولا جروح ولا شيء.

[شموخ]

والله محد فسقهم الا هالشباب والا هذولا 10 ريالات وتخب عليهم

[معماري قطري]

يا اخواني تعلموا تحلقوووون لحاكم بأنفسكم ... وبالنسبة للشعر روح قبل العيد بـ 3 ايام ما اعتقد بيطول شعركم ... هم يستغلون انك محلق محلق علشان بكره العيد ... خلهم يضطرون ينطرون الزبايين ولا يلاقووون ... انا عني صار لي 5 سنين احلق بالبيت انظف واحسن ولا حد يتشطر علي ولا انطر احد ...

:victory:

[CH Engineer]

ضريبة العيد قانونيه او غير قانونيه!

[الزعفراني]

ضريبة العيد قانونيه او غير قانونيه!

أخوي بما إنك صاحب المشكلة ليش ما تتصل عليهم ؟ هذا رقمهم المجاني

8005000

كلمهم وعطنا الرد الرسمي ولا عليك أمر

[معماري قطري]

الله يسلمك يا اخوي الطيب

ما قصرت إنك طرحت هالموضوع اللي صادفك وصادف الكثيرين .. واحنا قلنا اللي عندنا وكثير تفاعل سلباً أو إيجاباً في النقاش.

وصدقني يا اخوي أمثال هالناس يسمعون ويشوفون وهم جايين من بيئة فقيرة، ولو حصلوا ثغرة استغلوها حتى من دون معرفة صاحب المحل.

انا احلق في حلاق تركي تجيه اتصالات كثيرة وسوالف مع المتصلين تقول ربع من زمان، دوم فيه حدود لهذي السوالف ولازم تكون بينك وبينهم حدود مب صداقة وضحك ويبدون في الإستغلال وفي النهاية يقولون القطري فيه وفيه بالذم بينهم وبين بعض، ومن ادخل المحل لو حلاق فاضي ما ينتظر يبدا معاي وأوقات يجي اللي حاجز يقول له اصبر شوي باخلص وبابدا معاك، لأن تعودوا مني كلام طيب وزبون دايم بس ما اذكر عطيتهم مجال ياخذون شيء فوق حقهم.

في بعض الدول ويمكن في بعض المدن اللي يخدم عليك في شيء يتلطف لك ويكون معاك بشوش، ويعطيك أكثر من حقك من خدمة وأحياناً حتى من صب قهوة أو بيبسي بالمجان، هذي المناطق فيها عُرف إن عجبتك الخدمة عطيت إكرامية في حدود معينة مثل 5% أو حولها لكن مسوي لي حلاقة ب 15 باعطيه فوقها 15 صج حرام، ويطلعون لك بسالفة الحجز وبمبلغ خيالي أضعاف السعر مال الخدمه فهذا استغلال.

صج شوي 100 ريال و200 و500 و1000 حتى لو تدفعها بنفس راضية لشخص محتاج بدون ما يضحك عليك، لكنها كثيره على من يأخذها مني بالحيلة وبغير وجه حق.

[المتألم]

احلق عند هندي نظيف جداً من حوالي عشرين سنه وما غيرته من يومها
وما أذكر إني حلقت عند تركي بحياتي .
هالهندي ممتاز بالحلاقة ولا تحس بالموس وفنان ، وادفعله ١٥ ريال التسعيره المتعارف
عليها شعر و ١٥ ريال لحيه .
وارفض اني ازيده مب عشاني ، لكن اذا أنا قادر غيري مب قادر ، وسبب الارتفاع هالانانيين
الي ما يفكرون الا بأنفسهم وتلقاه يقط لفلوس مفكره كرم ، وهالنوع من الكرم يؤذي الاخرين .
انا ما اترك لحد مجال يستهبل علي لو بنص ريال .
قبل كم اسبوع اروح عند مطعم هندي واطلب سندويتشين كيمه ع الخاطر ، يقولي الهندي
وهو يهز راسه ريالين ونص ، قلتله اريالين مثل الناس وما غيرهم ، هز راسه وقال حاضر بابا
السالفه مب سالفة نص ريال وما نص ريال السالفة سالفة مبدأ .
الي يحب الخير ويحب الكرم لا يتكرم عالى التجار لانهم بيزيدونها على الفقارى
الي فيه كرم يقدر يدور الناس الي تستاهل مب يتكرم ع كارفور و الويتريه الي بالمقاهي
واكثره كرم احراج هع
القهر موضوعي التافهون والتافهات تصكر قبل ما اذكر انواع وانواع .

انا لو يقولي الحلاق بميه اذا منوع علي اكفخه بروح اشتري مكينة حلاقه ولا احلق عنده
بعطيها لاي مسكين ولا احلق فيها .
الناس خلاص معاد تفكر بالغير واوضاعهم ودام عندهم خل يتمتعون بس في شيء
اسمه العقل ، تمتعوا بالعقل .

[Mohammad ALG]

بخصوص مش المفروض اللي يضحي ما يحلق ! ؟ ولا ما تضحون !؟

[المتألم]

ليس فرضا .

[مشاكل]

انا احلق شعر وعارض ب 35 ريال ،،، ويقولي شكراً بعد