&& اقتراح لتسديد الديون بدون تسديدها .. حل اللغز بالداخل &&

[خليفـة]

مساكم الله بالخير

في البداية .. يشهد الله انني من فئة الناس الغير مديونين لأي بنك باستثناء بنك التنمية
والذي يستقطع من راتبي جزء بسيط جداً لا يُذكر مقارنة بما كان سيستقطعه اي بنك تقليدي
آخر .. وحالتي المادية لله الحمد .. طيبة

اقترح على الجهات المسؤولة في الدولة بتسديد ديون المواطنين للبنوك التقليدية بشكل كامل
وتحويل تلك الديون على مرتباتهم كلٌ حسب جهة عمله .. بحيث يتم استقطاع مبلغ بسيط وبشكل
شهري وعلى مدى 15 سنة .. بدلاً من 7 سنوات كما هو معمول به في البنوك التقليدية

على سبيل المثال وبحسبة بسيطة :
الـ 7سنوات = 84 شهر
الـ 15 سنة = 180 شهر

المواطن / سين من الناس .. عليه مبلغ 100.000 ريال للبنك الفلاني وعلى سبع سنوات
وبقسط شهري : 1190 ريال شهريا ً

تقوم جهة عمل هذا المواطن بتسديد كامل المبلغ للبنك .. وتحويل السُلفة على مرتبه في
جهة عمله .. ليكون السداد على مدى 15 سنة وبقسط شهري : 555 ريال

كما انه بإمكان جهة العمل ان تستقطع ما تراه مناسباً من مكافأة نهاية الخدمة للموظف
وذلك عند تحويله للتقاعد .

بهذه الطريقة تكون الدولة قد ساهمت بشكل مباشر في تخفيف العبىء على المواطنين
المديونين للبنوك التقليدية من جهة .. وتكون قد انعشت البنوك بسيولة مادية كبيرة .

الاقتراح اعلاه .. عبارة عن وجهة نظر شخصية
ليس بالضرورة ان يتم تطبيقها .. ولكن لا مانع من التمعن فيها ودراستها
من الجهات المسؤولة

وفي كل الأحوال .. نقول اللهم لك الحمد على كل حال
احنا بحال أحسن من حال غيرنا بكثير

وسلامتكم

:)

خليفـــة

[نوار قطر]

مساء النور

اقتراحك حلووو وفي محله خاصة للي عليهم التزامات كثيره وممكن ان هالمبلغ الي بيردونه له بينفعه في اشياء ثانيه يمكن احنا نشوف المبلغ مايسووى وتافهه ومب مأثر على ميزانيتنا بس عنده بيسد جزء من الاعباء الي عليه

ان شالله الجهات المختصه تاخذ باقتراحك

[عاهد بن علي]

اقتراح جميل يا استاذي

[يوسف0]

اقتراح جميل :nice:

[خليفـة]

مساء النور

اقتراحك حلووو وفي محله خاصة للي عليهم التزامات كثيره وممكن ان هالمبلغ الي بيردونه له بينفعه في اشياء ثانيه يمكن احنا نشوف المبلغ مايسووى وتافهه ومب مأثر على ميزانيتنا بس عنده بيسد جزء من الاعباء الي عليه

ان شالله الجهات المختصه تاخذ باقتراحك


نورتي الموضوع بمرورج الجميل يا نوار
:)
بالضبط اختي .. هذا هو المقصد
ان تخف الاعباء على المتعسرين والي يعانون من تسديد ديونهم
وبأقساط مرتفعه

كل الشكر والتقدير لمرورج الطيب
:)

[خليفـة]

اقتراح جميل يا استاذي


اقتراح جميل :nice:


حياكم الله يالربع
ومروركم هو الأجمل
:)

[غير البشر]

اخوي خليفه الاقتراح حلوووو بس

في ناس مديونه بمبالغ كبيره

بسبب علاج او بناء منزل وفيهم منهم رفاهيه


انا اشوف لو الدوله على الاقل تشتري الفوائد فقط انا اشوفها افضل


الفوائد وطمع البنوك فيها هي الي ترهق المواطن


وشكرا

[نوار قطر]

نورتي الموضوع بمرورج الجميل يا نوار
:)
بالضبط اختي .. هذا هو المقصد
ان تخف الاعباء على المتعسرين والي يعانون من تسديد ديونهم
وبأقساط مرتفعه

كل الشكر والتقدير لمرورج الطيب
:)

منور بوجودك اخوي ويعطيك العافيه :)

[حسن]

المشكله هل تضمن الدوله ان الشخص مايتدين من بنوك اخري

البعض صار مدمن مايصبر ياخليفه وعندي امثله كثيره وتلقاه يتنقل من بنك الى بنك المهم
ينزلون له القرض في حسابه

[خليفـة]

اخوي خليفه الاقتراح حلوووو بس

في ناس مديونه بمبالغ كبيره

بسبب علاج او بناء منزل وفيهم منهم رفاهيه


انا اشوف لو الدوله على الاقل تشتري الفوائد فقط انا اشوفها افضل


الفوائد وطمع البنوك فيها هي الي ترهق المواطن


وشكرا

حياك الله اخوي
واقتراحك جميل تماماً مثل مرورك الطيب
اخوي .. انا متفق معاك ان كثير من الناس متسلفين لأسباب مختلفة
فيهم الي عنده سبب كافي للاقتراض من البنك
وفيهم الي حابب يكشخ ويلعوز عمره
اما بالنسبة لشراء الفائدة اخوي .. فهي فكرة طيبة
لو تم تطبيقها وبعد ذلك يتم تحويل اجمالي المبلغ المتبقي
على راتب الموظف ويخصم ما عليه من راتبه
شكرا لمرورك اخوي
:)


المشكله هل تضمن الدوله ان الشخص مايتدين من بنوك اخري

البعض صار مدمن مايصبر ياخليفه وعندي امثله كثيره وتلقاه يتنقل من بنك الى بنك المهم
ينزلون له القرض في حسابه

كلامك سليم يا بوعلي
وهنا كل شخص يتحمل نتيجة قراره
وليس لأحد الحق بعدها ان يشكوا ضيق حاله
وخصوصا الي يرجع يتسلف لاسباب تافهه

هناك مثل انجليزي قديم ومعروف اخوي بوعلي .. يقول :

you can guide the horse to the river easily
but you can not force him to drink


الترجمة :
تستطيع ان تقود الحصان للنهر بكل سهولة
ولكن لن تستطيع اجباره على الشرب

شكرا للمرور بوعلي
:)

[mubarak750]

الصراحة يا بو دعيي اقتراحك رائع,marvelous,غير طبيعي,out of world,مافي مثلهunique,هايل ومهضوم وبعد بووت آجا, بس آسف أني أحطمك وأقولك حقيقة قطرية تاريخية أن أي فكرة مثل فكرتك العظيمة أذا صار وتم النظر لها اليوم مثلا ولفتت الأنتباه , يبيلها أقل شيء 5 سنوات عشان يتم النظر لها بعين الأعتبار, وبعدين 5 سنوات بعد عشان يتم أعطاء أشارة البدء في الدراسة على أساس بعد 5 سنوات يتم البدء في الدراسة وعقب 5 سنوات من الدراسة المبدئية, تبداء الدراسة الأولية وبعد 5 سنوات يتم تشكيل لجنة لدراسة الدراسة وبعد 5 سنوات تعطي اللجنة رايها بالموافقة أو الرفض عشان لو في موافقة يتم البدء في التنفيذ بعد مجموع السنين اللي مرت يعني 30 سنة , يعني يا بودعيي حط في وصيتك هالفكرة عقب عمر طويل حق أعيالك عشان يقولون حق أحفادهم أن واحد من يدانا في القرن الماضي طرح فكرة عظيمة (هي صج واقعية جدا بس عندنا بتكون خيالية جدا) يعطيك العافية بودعيي ماقصرت وكثر الله من أمثالك اللي قلبهم على الديرة وأهلها وقلبهم يحترق على أقل شيء ويعصرون عقلهم حق كل شيء يخص البلاد ,لكن في النهاية يكفيهم ويكفيك شرف المحاوله يا بودعيي.

[خليفـة]

الصراحة يا بو دعيي اقتراحك رائع,marvelous,غير طبيعي,out of world,مافي مثلهunique,هايل ومهضوم وبعد بووت آجا, بس آسف أني أحطمك وأقولك حقيقة قطرية تاريخية أن أي فكرة مثل فكرتك العظيمة أذا صار وتم النظر لها اليوم مثلا ولفتت الأنتباه , يبيلها أقل شيء 5 سنوات عشان يتم النظر لها بعين الأعتبار, وبعدين 5 سنوات بعد عشان يتم أعطاء أشارة البدء في الدراسة على أساس بعد 5 سنوات يتم البدء في الدراسة وعقب 5 سنوات من الدراسة المبدئية, تبداء الدراسة الأولية وبعد 5 سنوات يتم تشكيل لجنة لدراسة الدراسة وبعد 5 سنوات تعطي اللجنة رايها بالموافقة أو الرفض عشان لو في موافقة يتم البدء في التنفيذ بعد مجموع السنين اللي مرت يعني 30 سنة , يعني يا بودعيي حط في وصيتك هالفكرة عقب عمر طويل حق أعيالك عشان يقولون حق أحفادهم أن واحد من يدانا في القرن الماضي طرح فكرة عظيمة (هي صج واقعية جدا بس عندنا بتكون خيالية جدا) يعطيك العافية بودعيي ماقصرت وكثر الله من أمثالك اللي قلبهم على الديرة وأهلها وقلبهم يحترق على أقل شيء ويعصرون عقلهم حق كل شيء يخص البلاد ,لكن في النهاية يكفيهم ويكفيك شرف المحاوله يا بودعيي.

هههههههه
والله ياخوي مبارك شقول لك
محد ينكر ان يوم الحكومة بسنة كما يُقال
ولكن .. خلنا نزرع في انفسنا الأمل هالمرة

شكرا لتواجدك ولمشاركتك
:nice:

[المسك1969]

خليفة خل هالاقتراح لبنك التنمية أفضل عشان يقللون القسط الاربعة آلاف الا كمن ريال

والأخوة المقترضين عن طريق البنوك الربوية ترى ما بيوقفون عليها... وعندنا زميلة مقترضه عشان تبني بيت العمر لا هي بنت ولا هي خلصت الدين اللي عليها لأنه كلما له ويزيد عليها والله المستعان
والحين تبي تأخذ قرض عشان تشتري لكزس

خل المقترح لبنك التنمية

جزاك الله خيرا



الله أكبر الله أكبر الله أكبر لا إله إلا الله، الله أكبر الله أكبر ولله الحمد

[حميداني]

الله ينور عليك يا خليفه

[حميداني]

الصراحة يا بو دعيي اقتراحك رائع,marvelous,غير طبيعي,out of world,مافي مثلهunique,هايل ومهضوم وبعد بووت آجا, بس آسف أني أحطمك وأقولك حقيقة قطرية تاريخية أن أي فكرة مثل فكرتك العظيمة أذا صار وتم النظر لها اليوم مثلا ولفتت الأنتباه , يبيلها أقل شيء 5 سنوات عشان يتم النظر لها بعين الأعتبار, وبعدين 5 سنوات بعد عشان يتم أعطاء أشارة البدء في الدراسة على أساس بعد 5 سنوات يتم البدء في الدراسة وعقب 5 سنوات من الدراسة المبدئية, تبداء الدراسة الأولية وبعد 5 سنوات يتم تشكيل لجنة لدراسة الدراسة وبعد 5 سنوات تعطي اللجنة رايها بالموافقة أو الرفض عشان لو في موافقة يتم البدء في التنفيذ بعد مجموع السنين اللي مرت يعني 30 سنة , يعني يا بودعيي حط في وصيتك هالفكرة عقب عمر طويل حق أعيالك عشان يقولون حق أحفادهم أن واحد من يدانا في القرن الماضي طرح فكرة عظيمة (هي صج واقعية جدا بس عندنا بتكون خيالية جدا) يعطيك العافية بودعيي ماقصرت وكثر الله من أمثالك اللي قلبهم على الديرة وأهلها وقلبهم يحترق على أقل شيء ويعصرون عقلهم حق كل شيء يخص البلاد ,لكن في النهاية يكفيهم ويكفيك شرف المحاوله يا بودعيي.

ههههههههه والله ردك ال ـ marvelous

[بوخالد911]

اقتراح جيد

ولكن بيزعلون عليك اعضاء مجالس ادارات البنوك
لأن نسبة أرباحهم بتقللللللللللللللللللللللللللللللللللللل

!!!!!!!!!!!!!

[متفائل وايد]

أقتراح طيب ... خاصه وان الارباح بتروح من على المتدين ... واتمنى يعمل بهذا الاقتراح على ان تاخذ الدولة كافه الضمانات لتسديد المبلغ المسدد عن المواطن لان البنوك مالها حل في االارباح ... والخير واجد .. والله الموفق

[خليفـة]

خليفة خل هالاقتراح لبنك التنمية أفضل عشان يقللون القسط الاربعة آلاف الا كمن ريال

والأخوة المقترضين عن طريق البنوك الربوية ترى ما بيوقفون عليها... وعندنا زميلة مقترضه عشان تبني بيت العمر لا هي بنت ولا هي خلصت الدين اللي عليها لأنه كلما له ويزيد عليها والله المستعان
والحين تبي تأخذ قرض عشان تشتري لكزس

خل المقترح لبنك التنمية

جزاك الله خيرا



الله أكبر الله أكبر الله أكبر لا إله إلا الله، الله أكبر الله أكبر ولله الحمد
حياج الله اختي المسك
اقساط بنك التنمية مناسبة للجميع مقارنة مع اقساط باقي البنوك التقليدية
الله المستعان




الله ينور عليك يا خليفه
وعليك ان شاء الله اخوي حميداني
شكرا لمرورك


اقتراح جيد

ولكن بيزعلون عليك اعضاء مجالس ادارات البنوك
لأن نسبة أرباحهم بتقللللللللللللللللللللللللللللللللللللل

!!!!!!!!!!!!!
كله ولا زعلهم
ههههه

[بوحمد111]

اقتراح في محله اخوي العزيز

ولكن عندنا مثل متعارف عليه بين شبابنا الله يحفظهم وهو

بوطبيع ما ييوز عن طبعه

ولو تم الاتفاق على اقتراحك صدقني المتعودين على الديون من اليوم الثاني تحصله يحوم حول البنوك يدور سلفه وهذا صدقني اللي حاصل

الله المستعان

[مضارب دوسري]

اقتراح حلو
ولكن انا ضده
انا من المديونين للمصرف بصراحه
ولكن اذا حصل مثل ماتفضلت ساعتها هناك ناس هوايتهم الديون
بكل بساطه لما يقل القسط عليه بيروح ياخذ سلفه ثانيه ويكشخ برنج ويقول العن ابو الفقر

[خليفـة]

اقتراح في محله اخوي العزيز

ولكن عندنا مثل متعارف عليه بين شبابنا الله يحفظهم وهو

بوطبيع ما ييوز عن طبعه

ولو تم الاتفاق على اقتراحك صدقني المتعودين على الديون من اليوم الثاني تحصله يحوم حول البنوك يدور سلفه وهذا صدقني اللي حاصل

الله المستعان

صادق اخوي
ؤلكن نتمنى ?ن يستفيد مـن الاقتراح النسبة الأكبر مـن الناس
إلي تأذوا وتضرروا مـن تلك الأقساط المرتفعة
وألي ?نْ شَّآّءَِ اللَّـ? حرموا يدخلون البنك للاقتراض بدون هدف
أو ضرورة

حياك الله اخوي

[7llo]

ياشيخ فكرتك حلوه بس للعلم كل قطري عليه اقل شي 500 الف هذا اقل شي والي عليه مليون والي عليه 2 مليون يعني ماراح توفي اقتراحك صعب على الي عليهم مبالغ كبيره نفس 500 الف وانت طالع فوق

[&بوشهد&]

هالموضوع اصعب موضوع

[بوحمد111]

ياشيخ فكرتك حلوه بس للعلم كل قطري عليه اقل شي 500 الف هذا اقل شي والي عليه مليون والي عليه 2 مليون يعني ماراح توفي اقتراحك صعب على الي عليهم مبالغ كبيره نفس 500 الف وانت طالع فوق

لا يا اخوي انت غلطان وارجوك لا تعمم على كل قطري انه مديون وانا كل الاشخاص اللي اعرفهم ما عليهم ديون ولله الحمد واذا كانو مديونين فهم مديونين من بنك التنميه وانت تعرف ان هذا الدين بدون فوائد وخدمة من حكومتنا الرشيده للشعب القطري

تحياتي

[همر]

اللي يضايقني ان في ناس تجيهم حساسيه وحكه في المخ مجرد ما احد يطري تسديد الديون.. وبأي بطريقه.. ليش فلان تسلف وانا ما تسلفت.. اعوذ بالله من الحسد..


بخصوص اللي تعود على السلفيات واذا سددوا دينه بيتدين مره ثانيه.. مادام الشغل هو اللي بيتحمل الدين وكل البنوك تطلب شهادة راتب حق السلفيات.. ذيك الساعه اللي فيه خير ومحمل شغله سلفياته خل يروح يطلب من شغله شهادة راتب.. ببساطه يعطونه على اذنه..

مايعطونه الشهاده او يعطونه الشهاده مكتوب عليها "غير مؤهل للاستقراض" (بالعربي مب كفو ياخذ قرض) هذا في حالة اذا كانت جهه ثانيه غير البنك هي اللي طالبه الشهاده..

واللي مب عاجبه هذا القيد على الشهاده لا يحول قرضه على شغله وكان الله غفورا رحيما.. انتوا بس صفوا النيه وحلول القروض كثيره ومابتخسركم شي ولا بتحط فلوسكم بمخابي غيركم..


ملاحظه... مديون واسدد ديوني بسهاله ولله الحمد.. ولو في ناس يجيهم اعفاء من قروضهم ((( حتى لو ماخذين قروض يشترون فيها فصفص ))) ماراح اعترض.. البلاد فيها خير ونعمه ولله الحمد وفي ناس سبحان الله همه ويش خذ فلان وليش عطوا علان .. شكلهم وايد في الدوحه.. عشان جيه المطر كله في الشحانيه :tease:...

[خليفـة]

ياشيخ فكرتك حلوه بس للعلم كل قطري عليه اقل شي 500 الف هذا اقل شي والي عليه مليون والي عليه 2 مليون يعني مl توفي اقتراحك صعب على الي عليهم مبالغ كبيره نفس 500 الف وانت طالع فوق
مب الكل بارك الله فيك
فيه ناس عليهم بالمية والميتين
وفيه ناس بالملايين
شكرا لمرورك اخوي

هالموضوع اصعب موضوع
الله المستعان




اللي يضايقني ان في ناس تجيهم حساسيه وحكه في المخ مجرد ما احد يطري تسديد الديون.. وبأي بطريقه.. ليش فلان تسلف وانا ما تسلفت.. اعوذ بالله من الحسد..


بخصوص اللي تعود على السلفيات واذا سددوا دينه بيتدين مره ثانيه.. مادام الشغل هو اللي بيتحمل الدين وكل البنوك تطلب شهادة راتب حق السلفيات.. ذيك الساعه اللي فيه خير ومحمل شغله سلفياته خل يروح يطلب من شغله شهادة راتب.. ببساطه يعطونه على اذنه..

مايعطونه الشهاده او يعطونه الشهاده مكتوب عليها "غير مؤهل للاستقراض" (بالعربي مب كفو ياخذ قرض) هذا في حالة اذا كانت جهه ثانيه غير البنك هي اللي طالبه الشهاده..

واللي مب عاجبه هذا القيد على الشهاده لا يحول قرضه على شغله وكان الله غفورا رحيما.. انتوا بس صفوا النيه وحلول القروض كثيره ومابتخسركم شي ولا بتحط فلوسكم بمخابي غيركم..


ملاحظه... مديون واسدد ديوني بسهاله ولله الحمد.. ولو في ناس يجيهم اعفاء من قروضهم ((( حتى لو ماخذين قروض يشترون فيها فصفص ))) ماراح اعترض.. البلاد فيها خير ونعمه ولله الحمد وفي ناس سبحان الله همه ويش خذ فلان وليش عطوا علان .. شكلهم وايد في الدوحه.. عشان جيه المطر كله في الشحانيه :tease:...




مشاركة طيبه اخوي
وان شاء الله المطر يجي قطر كلها
والخير يشمل ااجميع
شكرا لمرورك اخوي

[eXpert*]

أعتقد والله أهم الدولة مستحيل تدعم مثل هذا المقترح لأن خسارة البنوك خسارة للدولة والعكس صحيح .

[Abdulraman]

بارك الله فيك على الاقتراح
كمل جميلك وطرش اقتراحك للجهات المسؤله وفالك طيب:victory:

[خليفـة]

أعتقد والله أهم الدولة مستحيل تدعم مثل هذا المقترح لأن خسارة البنوك خسارة للدولة والعكس صحيح .

حياك الله اخوي
لو فكرت فيها يالغالي .. من صالح البنوك ان تجيها سيوله
قوية دفعه واحده وليس ضد مصلحتها
شكرا لمرورك اخوي

بارك الله فيك على الاقتراح
كمل جميلك وطرش اقتراحك للجهات المسؤله وفالك طيب:victory:

المنتدى يالغالي يتابعه الكبير والصغير في الديرة
شكرا لمرورك