هل مشروع اللؤلؤة قطر "ناجح" ؟

[observer]

هل مشروع اللؤلؤة قطر ناجح تجاريا ؟وهل تنصحون بالاستثمار فية؟

[يوسف0]

هل مشروع اللؤلؤة قطر ناجح تجاريا ؟وهل تنصحون بالاستثمار فية؟

استثمر فيه مشروع جيد

[observer]

انا سمعت العكس يايوسف ومشكور على اجتهادك

[مضاد]

هل مشروع اللؤلؤة قطر ناجح تجاريا ؟وهل تنصحون بالاستثمار فية؟


باختصار:

غير ناجح ولا تستثمر فيه . :stop:



إني لك ناصح امين .:)

[7llo]

واللله ناس يقولون اوكي وناس يقولون مب اوكي بس انا اشوف انه الشقق الي فيه تنفع حق ويك اند او تجمع الربع لتغير الجو والنقاهه وبعيد عن زحمه الشوارع

[monatee]

مب ناجح وديونهم قد شعر راسهم وعندهم عجز في التسديد

قريت مقاله عنه في الجريده قبل فتره ... بعض المستثمرين والملاك يتشكون

[بوعلي2]

عندنا محل ف الولوه ومشي عمره شوي اهم شي ماندفع من جيبنا

بالعربي شايل عمره وان شاء الله يدخل ربح لنا بالمستقبل

[الســـهم]

اللي أقدر أفيدك فيه ..

الملاك يدفعون رسوم خدمة سنوية مبالغ جدا فيها ..

[مضارب مستثمر]

مبالغ في الاسعار والرسوم الخدميه

واسترجاع رأس المال بيكون على فتره

طويله جدا,,,,,,,,,,,,

[بوالبيض]

عندي ولد عمي ماخذ فيه وغالي ولا استفاد ولا شي
انصحك تبتعد عنه استشمار فاشل

[همر]

مع احترامي الشديد للكل.. شخص واحد راح يمدح لك المشروع.. "مالك متوهق"..

[مخطط قطري]

ابتعد عن المشاريع لي يمسكه اكثر من مستثمر وشوفلك مشروع في اماكن ليس فيه شروط او قيود ولا والله تتحسف

[سطح القمر]

ايذا عندك فلوس زايده استثمر فيها اللولوة بس يعدلون الشوارع الي قدامها والمداخل ... صدقني راح تتضاعف اسعارها والصراحه هي منطقه راقيه والبلد عندنا الاسعار ما تنزل ترتفع تاكد اي ريال بتحطه في اي شي هني بالدوحه بعد فتره بيتضاعف وهذا من فضل ربي

[al_maystro]

مشروع لا يستفيد منه الشعب مشروع فاشل

[shadad]

وانا سامع نفس الشي فاشل. حتى في كل مرة اروح له ما اشوف ناس تتسوق( مو ذاك الزود ) مع ان المحلات موجوده من زمان.

[hamoor4ever]

عندك فلوس اشتر راح يرتفع طبعا مستقبلا بأذن الله

[كازانوفا]

للاسف انا سمعت كلام كثير عنه بانه فاشل
واكبر دليل ان الكثير من المباني عندهم توقف اكمالهاااا والاسباب كثيره

شوفلك مكان ثاني ...
انت مش خسران شي لما تستشير اللى حواليك

[يوسف0]

اخوي شراله هناك ستوديو من ايام كان سعره 700-800 على ما اظن

والحين مأجره

باحاول اسأله اذا اوكي او لا.

[معماري قطري]

فديت ميامي

خذ لك هناك شقة في الدور 30 ولا 40 تطل على البحر من جهة وعلى المدينة من جهة وعيش الجو .. مؤثثة تأثيث راقي ورسومها وخدماتها معقولة وبنص سعر شقق اللؤلؤة

[(بوطلال)]

فديت ميامي

خذ لك هناك شقة في الدور 30 ولا 40 تطل على البحر من جهة وعلى المدينة من جهة وعيش الجو .. مؤثثة تأثيث راقي ورسومها وخدماتها معقولة وبنص سعر شقق اللؤلؤة

لاتتفدى على بلاد الكفر .

[قطــ86ــر]

اشتري شقة في موناكو أرخص و أحلى :)
والله يرزقنا جميعا :)

[Abdullah_89]

غير ناجح

وخسران

وعليد ديون


الشقه اللي كانت ب 5 ملايين صارت ب مليونين

[معماري قطري]

لاتتفدى على بلاد الكفر .

صح كلامك

بس حبي لها اني عشت فيها فترة حلوه ولا شفت فيها الا الجو الزين والعمارات الراهية والأسعار المعقولة والتخطيط المبهر .. والتفدي مبالغة مني وفديت قطر مليون مره

[jassas]

الاحظ الكل يشتكي بس اشوف العكس على ارض الواقع هل هي تجربه
صار لي فتره ادور على شقه للشراء الغالب مؤجر والمعروض نادر جدا
هذا دليل على نجاح المشروع والاسعار بارتفاع

[وحش قطر]

فااااشل

[الخزرجي قطر]

اعتقد اللؤلؤه للأستثمار طويل الاجل
اذا فتحت مشاريع لوسيل راح تؤثر على
مشروع اللؤلؤه وغيرها من المشاريع والله اعلم

[بوخالد911]

لا تغامررررر

[khalid525]

الجواب يعتمد على هدفك من الشراء ، شنو هدفك ؟

[معماري قطري]

اعتقد اللؤلؤه للأستثمار طويل الاجل
اذا فتحت مشاريع لوسيل راح تؤثر على
مشروع اللؤلؤه وغيرها من المشاريع والله اعلم

انا مشيت فيها من فترة طويلة ولاحظت التشطيب أي كلام وخصوصاً الجي آر سي الزوايا اللي فوق متقشر وأُمور ثانية ما اذكرها بس انطباعي كان ان الشغل غير جيد.

كمشروع لا بد وبيكون بإذن الله ناجح .. لكن حد يشتري كاستثمار بيكون مثل استثمار البعض في المتحده

[بن غيث]

فاشل جداُ
وفي مشاكل مع الشركة المنفذة للمشروع

[bu_khalaf]

السلام عليكم

اذا كنت ناوي تستثمر لازم يكون استثمار طويل المدى يعني مب تشتري الحين وتبيع بكرة وتحصل ربح.
المشاريع في قطر بطيئة جدا وسوء التخطيط وعدم اعداد البنية التحتية وتأخيرها من اهم المشاكل.
منطقة اللؤلؤة والوسيل والخليج الغربي من ارقى المناطق في قطر ولكن سوء التسويق لهذي المناطق والبطىء الشديد تنفيذ مشروع الوسيل وعدم وجود الكثافة السكانية في قطر لعدم استقطاب الشركات الاجنبية لتأسيس مكاتب اقليمية نفس دبي من اسباب خسائر المشروع في الوقت الحالي.
اذكر في ناس شروا لهم شقة في دبي الجي بي ار من اكثر من 10 سنين على 800 الف والحين صار سعرها 4 مليون وفي وقت الطفرة سنة 2007 وصلت 6 مليون مع ان تشطيب الشقة مش ذاك الزود ولا تقدر تركب الارضيات والابواب على مزاجك وتدفع مبلغ صيانة سنوية كانت 60 الف سنويا وصارت 100 الف وقت الازمة المالية، والمحلات الموجودة معظمها خسرانة وسكرت.

المهم انا سمعت ان شركة ديار راح تستملك مشروع اللؤلؤة وممكن ينعمل لها تسويق افضل ويزيد عليها الطلب ويمكن وجود بعض الفنادق في المشروع ينشطها سياحيا.

وفي الاخير اتمنى لك التوفيق

[KSK Logistic]

الاحظ الكل يشتكي بس اشوف العكس على ارض الواقع هل هي تجربه
صار لي فتره ادور على شقه للشراء الغالب مؤجر والمعروض نادر جدا
هذا دليل على نجاح المشروع والاسعار بارتفاع

تدي ليش لانة مافية الا كم برج اجهزوا الباقي معضمة واقف ،اخوي الجزيرة تحولت مدينة اشباح ، انا اموقف الطراد عندهم ، في الدخلة والطلعه اتكس ذبان ، مافيها شي لا محلات شغالة ولا مطاعم الا قليل جدا ، جنك عايش في البر .