السياحيه فل والاسعار ثلاث ادبال وانت طالع

[مضارب دوسري]

السلام عليكم
اول امس رحت ابي احجز لدبي
القطريه تاريخ 26 فللللل
والسعر نقز من 850 تقريبا الى 2500 للسياحيه
تاريخ 27 كان متوفر ولكن بالسعر المذكور

الاماراتيه طبعا نفس الشي والسعر من 850 الى 1800
والمتوفر تاريخ 28 فقط

فلاي دبي ون وي يعني روحه بلا رده والسعر مة 500 الى 1400 ون وي
وكانوا يقولون لي روح عالبزنس فكرت فيها قلت اشدعوه بسافر فالطياره 50 دقيقه وعن كل شخص بدفع 5400 ريال مش معقوله



طاح الاختيار على ذا يونايتد روحه 27 والرجعه 1 وتخيلوووووا التذكره ب 750 ريال

اوكي ما قلنا شي بخصوص الارتفاع ولكن ليش الارتفاع يكون ادبال ليش مايكون نسبه معينه



الشي الثاني اللي مستغرب منه ايضا البزنس الى تايلند 7 ساعات ب 7500 انا اشوفه سعر معقول
ولكن الى دبي والسفر ساعه ب 5400 ليش ؟
ليش مايكون احتساب سعر التذكره حسب مدة السفر؟
مش معقول بدفع 5400 عشان اقل من ساعه
بس مستعد ادفع 7500 عشان 7 ساعات

[أسير الأحلام]

اخوي اشكرك على هذا الموضوع ... ياريتك مخطط لرحلتك من زمان ... على فكرة السبب ليس خطوط الطيران .. السبب منظمة الطيران العالمية " اياتا " هم الي قسموا كل درجة فئات وعلى المثل الي يقول "" من سبق لبق "" طبعا هالفترة الخاصة بالعيد الطيارات فل لأن اغلب الحجوزات محجوزة ومباعة للسفريات والي بدورها تبيعه على الناس بزيادة السعر